رواية وجه محروق كامله جميع الفصول بقلم جمانه السعيدي
أصيل مواليد ٩٩ طولي ١٨٥ جسمي مرتب
لا سمين ولا ضعيف
اني وجهي محروق من الجهه اليسرا
الحرك من جوه العين الحد بداية ركبتي وايدي هم بيها حرك بسيط
هذا الحرك مشوه وجهي
الحرك فقط على الطبقه الخارجيه يعني وجهي
مامتداخل بسبب الحرك
عشت واني اشوف نفسي مشوه بعيون الناس
اشوف نضرات الاشمئزاز بعيون الناس الي تلاوة عليه
كنت اكدر اغطي ايدي بس وجهي شلون اغطي
ابوي نجار قديم بلمنطقه وامي ربت بيت بيسطه
احتركت من جان عمري ٣ سنوات
اني الابن الاول والوحيد الامي وابوي
ابوي ماخذ نص بيتنا ومسوي ورشة نجاره
يشتغل بيها
جدي جان نجار قديم ولكل تمدح بشغله
ابوي توارث هاي الشغله من ابو وجده
بيوم الحريق امي كانت مشغوله وصار حريق بيتنا اني كنت نايم
وابوي ما موجود رايح يجيب خشب والورشه مقفوله
الغرفه الي اني كنت نايم بيها احتركت
بسب تماس كهربائي
امي لمن انتبهت للحريق شافت النار اكثر شي مشتغله بلغرفه الي اني جنت نايم بيها
ضحت بنفسها ودخلت للغرفه حتى تنقذني
وسط الدخان والنار والضلام الي صار بسبب انقطاع التيار الكهربائي
امي ضحت بنفسها ودخلت طلعتني وهي ضامتني
حيل على صدرها
بهاي الاثناء الجوارين اجمعو وبدت الناس اطفي النار
ونقلوني اني وامي للمستشفى
الحمد لله الحريق ما وصل الورشة النجاره
جان خسرنا كلشي
احتركت الغرفه الي اني جنت نايم بيها
والمطبخ لان صاير بصفها
اهل الخير فزعو علينا وطفو النار
شي تشمر ماي شي راحت طفت ااكهرباء من الخط الرئيس
شي اطفي برمل بتراب
بااي شي بس يردون النار تطفى
الحرك الي على وجهي وايدي ماكان قوي يعني ما محتركه كل طبقات الجسم
اما امي اختنكت من الدخان واحترك جسمها بالكامل
من رجع ابوي وسمع احترك البيت
ابوي وعمامي والناس كلها انجمعت
واجت ورانا للمستشفى
اني كنت طول الوقت ابجي ابجي من وجع الحرك
اما امي كانت فاقده للوعي
الحروك الي على جسمها كانت صعبه
جمانه السعيدي
بقت امي أسبوع بلمستشفى وماتت دمها اتسمم بسبب
الحرك
ضحت بنفسها حتى تنقذني
خسرت حياتها علمودي
انخبصو اهل امي بالخبر المفجع والفاتحه كانت
منصوبه بيت اهل امي لان بيتنا موجبير ورشة النجاره ماخذه المساحه الاكبر
وأثر الدخان والحرك بعده موجود بلبيت
صعب تنصب بي الفاتحه ونستقبل المعزين
ابوي تخبل على امي كانت السند الحقيقي بلحياة
هي الي ساعدته
يطور شغله ويكبر اسمه اكثر ماهو جبير
باعت ذهبها ونطته اله حتى معدات حديثه حتى يطور شغله
امي كانت نعمه الزوجه حنيينه وطيبه ومتسامحه
جمانه السعيدي
ابوي بعد وفاة امي حس بلضياع
البيت احترك وزوجته ماتت وابنه تغير شكله من الحرك
أسبوع بعد الفاتحه واني وابوي انام بيت عمي
كل يوم ياخذني ابوي حتى يداوي جسمي
جان خايف يفقدني مثل ما فقد امي
اجمعو الاهل والجوارين بعد الفاتحه وطلعو كل الشغلات الي احتركت برا
وصبغو البيت وجابولنا كم حاجه بمكان الي احتركت
رجعنا البيتنا بس البيت وحش
وكانما يطردنا امي ماموجود
اول مره ندخل للبيت وامي ماكووو
سبحان الله اني الي كنت داخل النار اطلع واعيش
وامي الي دخلت حتى تنقذني ماتحملت وماتت
هذا الشي حيل ااثر على نفسيت ابوي
رجعنا البيتنا بيت جدي تمسكو بيه لان زغير وبعدني
ماتعافيت بشكل كامل
بعدين ابوي راح يرجع الشغله واني شلون منو يهتم بيه
بس ابوي ماقبل يتخلى عني
صمم هو الي يعتني بيه
كان يكول مااكدر استغني عن اصيل شلون اعوفه
يعني هو وأمه يعوفوني
بدا ابوي يهتم بيه اهتمام مضاعف حتى لا احس
بليتم
كان يكعدني الصبح اتريك واغسل وابدل وياخذني وياا للورشه الورشه بيها باب على بيتنا
بعدين نجرلي جربايه وخلاها بلورشه
حتى إذا انام بلنهار يكون عينه عليه
يشتريلي حلويات وملابس
اما الاكل ابوي يطبخ ومرات من المطعم
وبيت عمي هم يدزولنا اكل وخبر بلاسبوع مره
اكثر طبخه يطبخها ابوي وطعمها يجنن
احجي صدك طعم خرافي
فاصوليا شكد طيبه شلون يطبخها
يخلي اللحم والثوم والفاصوليات والمعجون
بكدر ويخلي على نار هادئه من الصبح للضهر
من نجي تتغده نلكاها صايره مركه عالميه كلشي بيها ذايب
نملحها ونسوي تشريب وناكل
اعرف راح تكولون مايصير هيج
بس ابوي كان على نفس بلطبخ ماصاير
اذا يطك بيضه تطلع تخبل لو تاكل عشره تكول اريد بعد
مرات يجيب سمج يشوي وناكل اني وياااا
بعد سنتين كمت افتهم اكثر
من اكعد من النوم اني اروح للورشه
من يشوفني ابوي يضحك ضحكته مرسومه ابالي
الحد هاي اللحظه
يبقى يكول هله هله هله هله الحد مااوصل
يفتح ادي ويحضني حيل
يجيبلي ريوك اتريك وبعدين اكعد على صفحه اخذ بسامير وجاكوج وابقى ادك لو منشار زغير واكعد انشر
بس ممنوع أقرب على اي شغله كهربائيه داخل الورشه
من يصير وقت الغده نتغده اني ويااا
وابقى اللعب بلورشه اجي منا واروح منا
الحد ماصار عمري ست سنوات
بدا عمي وعمتي وكل الي يجي ويروح يعرض على ابوي يزوج
يعني ماكو اي حديث غير زواج ابوي
حتى الي يفوت بلشارع يوكف ويسئل ابوي ليش مايزوج
اكثر واحد كان يلح بهذا الموضوع
عمي كل يوم يجي للورشه ويعرض على ابوي يزوج
عبالك العالم كله واكف على زواج ابوي
