رواية اختفاء امي كامله جميع الفصول بقلم جمانه السعيدي
قصه حقيقيه وبيه جريمة قتل
حصريااا وغير موجوده على الواتباد
اني ماسه مواليد ٩٨
احنا بلبيت امي وابوي واني واخوي ازغر مني
عايشين بيت جدي احنا وبيت عمي
بيت العائله بيبي وجدي ميتين
عمي صلاح ازغر من ابوي شرطي عندا ولد ثنيين وبنيه
يوميه يخلص دوامه ويرجع للبيت
لان دوامه مو بعيد علينا وعندا ليلتين خفر مايرجع للبيت
عمي حباب وكلبه طيب وحنيين بس المشكله
زوجته كلش نحسه وصاحبت مشاكل
ودوم تتعارك وياا امي علمود الشغل
هاي المشاكل ماتخلص
يعني تخلق المشكله كانت تغار من امي حيل
امي هواي احلى منه واشطر منه
احنا نسكن بمحافظه من محافظات الجنوب
ابوي كان شغله مو تمام مرينا بضروف كلش صعبه
حسره علينا الفلس وكان عمي دائما يساعد بابا بس بدون ماتعرف زوجته
الحد مآ لكه شغل زين بغداد وستقر هناك كام يدزلنا مصرف ومرات يجمع يوميه ومن ينزل ينطيه الامي
امي حيل حريصه على تعب ابوي
كانت تطبخلنا اي شي حتى لا اضيع تعبه احنا ناكل وحدنا وبيت عمو وحدهم
كلمن يتسوك وحدا بس نطبخ بنفس المطبخ
اي شي تطبخه امي ناكل ونسكت لان هي علمتنا على القناعه
ونقبل بلقليل
احنا ازغار تعلمنا على هاي الحياة
زوجت عمي جانت ماتقبل عمي يساعدنا
حتلو يترس قنينة الغاز تحاسبه عليه
لو جاب شي النا تكلب الدنيا علي
مرات يشتريلنا بسكوت
جمانه السعيدي
عمي كان دائما يكوول خطيه ازغار وابوهم مو يمهم
من يجي يذكرنا وياا مرات حلويات يجبلنا
كنا نسمع المشاكل دائما بين عمي وزوجته
حنان. زوجة عمووو...انت ليش تشتريلهم عدهم فلوس جاي يجمعون
عدهم فلوس احسن منا
صلاح...ولج خافي الله اني هسه شجايب الهم
حلويات بالف دينار لا تصير عينج ضيكه عليهم
حنان...حتلو الف احنا أولى ابي جاي يجمعون يردون يشترون بيت واحنا راح نبقى بهاي الخرابه مانطلع منه ابد
بسببك شكد تشتري وطشر
صلاح...لا انتي مو صاحيه ابد شلون ادخل وجايب الجهالي حلويات وهم يباوعون عليه
حتى حرام رب العالمين مايقبل ذوله جهال اخوي
حنان...امهم تشتريلهم من الفلوس الي ضامه على كلبه
صلاح...لو تسكتين لو حتى جهالج بعد مااشتريلهم اي شي
حنان...لا ولله عوزي ماتشتريلنا
كانت تتعمد تعلي صوته حتى نسمعهم
والصبح تتعارك وياا امي وتكوول انتي سبب المشاكل بينا
بس امي ماترد عليه لان تعلمت على طريقته واسلوبه
الحد ماصار عمري ١٣ سنه
اني بيضه وجسمي حلو لا مليان ولا ضعيفه
شعري سرح واصل النص ضهري
هواي اشبه امي بشكله
جمانه السعيدي
ابوي صار تسع سنوات يشتغل بغداد
كل شهر ينزل مره مرات اذا اكو شغل قوي ينزل كل شهرين مره وامي متحمله كلشي وحدها
المدارس والقراءه والمسواك والمسوليه
كلشي متحمله وتنتضر ابوي يشتريله بيت وتطلع
وتستقر وتخلص من كل هاي المشاكل
طبعا ابوي تعلم على حياة بغداد
ويفكر يشتري قطعة ارض ويبنيه على ذوقه ونروح نعيش بغداد
الفلوس الي جنعهن يكفن نشتري بيهن قطعة ارض
بس بأطراف بغداد بلمناطق الشعبيه
بقه يدور فتره يله لكه الشي الي يريده
وتفق وياا صاحب الارض الصراحه الارض ورثه بيها اخوان ثنيين واختهم
هلمره من نزل بابا كان فرحان لان راح يشتري كاع ويكون حقق شي من تعبه
جمانه السعيدي
امي كانت فرحانه اكثر منه لان تحس تعبه ماضاع ابد
نزل بابا وبقه يومين وقرر ياخذ الفلوس ويتكاتب على الكاع
اكيد لازم يحجي العمي لان همه كلش واحد يحب الثاني
متعلقينن بعض
بابا...اني لكيت قطعه وراح اشتري وسعرها حيل مناسب للفلوس الي عندي
عمي...بيه الخير ولو اني مايهون عليه تشتري بعيد عني
انت اخوي الوحيد ومااريد نفترك ابد
بابا...بعد اني شغلي بغداد زين ومااريد اخسره ابد
شفت اني هنا شكد تعبت وشبعت ضيم ومالكيت شغل مناسب اني عيشتي هناك
عمو...الله يوفقك انشاء الله إذا فلوسك مايكفن اني عندي كم فلس اساعدك بيهن
زوجت عموو كانت تسمع كلامهم لان الفضول يقرأ الف
تريد تعرف هذا الاجتماع علمود شنووو
هي سمعت بابا يريد يشتري كاع وعمو عرض على يساعده
هي تخبلت
بيذيج اليله دعت علينا لمن ملت وعمي تعارك وياها وبسطه
عمي كان خجلان من كلامه لان بابا جاي يسمع
حنان...اي هم يشترون ويطلعون واني بمكاني مااتحرك
لا وتريد تنطيهم كم فلس الي مجمعيهن
خوب حرك نفسك وأنت استري
بله يساعدونك لو بس انت ابو كلب الطيب يضحكون عليك
ولله ماتنطيهم فلس احمر
اخذ جهالي وارفع عليك قضيه وابهذلك بلمحاكم
عمي راده تسكت بس ماسكتت كام وضربه
اخذت جهاله ورادت تطلع بس بابا ماقبل
بابا...ارجعي لا اطلعين الدنيا ليل عيب طالعه هيج وقت
حنان...مخليه هاي الخرابه الكم اشبعو بيه
ساحرين الزلمه يركض وراكم واني مو بحالي
