اسكريبت الشيطان امرأة كامل جميع الفصول بقلم رشا منصور

أنا محسن عندى 17 سنه يتيم الأم والاب وعايش مع جدتى 

امى ماتت بعد ما اتولدت ب سنه واحدة اما بابا عرفت إنه مقدرش يتحمل موت امى بدرجه أنه رفض دفنها فى المقابر ودفنها فى جنينه البيت وبعد فترة دخل فى اكتئاب واتجنن وكان عامل شهادة استثمار بأسمى بمبلغ كبير وخلي جدتك الوصيه عليا لحد ما اكبروهى دى اللى عايشين ع فوايدها أنا وجدتى

جدتى بتخاف عليا أكتر من اللازم بدرجه منعتني من دخول المدراس والخروج من البيت وكانت بتجيب ليا مدرسين فى البيت وكانت دائما معلقه دلايات وأشكال غريبه ع كل باب 

وتقولى دى اللى تحميك من الجن والأرواح الشريرة'

مكنتش فاهم يعني إيه بس لما كبرت وبقيت اتخانق' مع جدتى نفسي أخرج زهقت من القاعدة فى البيت واتفاجأت بها قالت 

جدتي…..

محسن أسمع يا حبيبي أنا ماليش غيرك وخبيت عليك الحقيقه 

علشان خو'فت عليك أبوك يابني كان بيحب أمك أوى ولما تعبت والدكاترة مش عارفين لها علاج راح للدجالين وحضروا عفاريت. 

قال يعني دى اللى هتعالج بنتي لكن امك مستحملتش وماتت أبوك شال ذنبها وراح الدجال. ضر'به 

راح سلط عليه جنيه تجننه وأبوك مستحملش واتجنن. والجنيه خطفته. ولولا إنى جبت شيخ وحصن البيت والجنينه كان زمانها خطفتك' علشان كدا يابني أنا منعتك من الخروج خايفه' عليك منها 

أخرج يا حبيبي الجنينه لحد الخط الأبيض واوعى تعدى الخط مهما حصل وأى حاجه محتاجها قولى وأنا اجبهالك وأول ما تكمل سن التمنتاشرهنسحب الشهادة ع طول ونسافر ونعيش بعيد عن هنا يا حبيبي ده انت الغالي إبن الغاليه يا ضنايا

محسن…. 

معقول فى حب بالشكل ده معقول واحد يضيع نفسه ويمشي فى سكه الدجل علشان الست اللى بيحبها 

اكيد أمي كانت ست جميلة وحنينه وإلا مكنش بابا حبها كل الحب ده الغريب ان مكنش فى ولا صورة لامي في البيت ع الرغم ان جدتى كانت بتحبها اوى وصممت انها تتجوز وتعيش معاها هنا فى بيتها بالرغم ان بابا كان غني وكان يقدر يشتري لهم بيت لوحدهم 

بس أنا كنت مخبي صورة ل بابا وأنا صغير وفاكر آخر مرة شوفته فيها كان عندى حوالى ستة سنين وقالي أنه هيسافر يشتغل وكل سنه هينزل ويجيبلي معاه لعب كتير وبعدها مشفتوش تانى الجنيه هى السبب حرمتني من امى وخطفت. أبويا عيشت طول عمري يتيم بسببها ولولا جدتى كان زمانى ميت.  أنا كمان جدتى دى اتحملت كتير علشانى أنا لازم أول ما افك الشهادة اخدها ونسافر بعيد عن بيت جدى ونعمل مشروع ونعيش بقي بعيد عن الجن والاشباح اللى بحلم بهم كل يوم 

كنت عايش زى التائه معرفشي حتى عنوان البيت إلا من إيصالات فاتورة الميه والبيت بإسم جدي محسن 

اظاهر جدتى كانت بتحبه أوى علشان كدا صممت اتسمي ع اسم جدي ….مش حرام اعيش فى بيت كل اللى فيه كانوا بيحبوا بعض وأنا اتحرم من حنانهم وكنت بفضل قاعد فى أوضتي وابص من الشباك ع مكان قبر أمي وابكي ع حياتي اللى بقي ليلي زى نهاري بدرجه مبقتش عارف الأيام 

لحد ما جه ميعاد كل شهر وجدتى خارجه تقبض الفوائد من البنك أصلها مكنتش بتعرف تستعمل الفيزا 

وكالعادة كنت قاعد عند الشباك وفجأة لقيت بنت شابه جميله واقفه عند قبر ماما ومعاها ورد وتقريبا بتبكي 

نزلت بسرعه معقول يكون ليا قرايب وروحت لها بس وقفت ع بعد مسافه منها جوه دايرة الخط الابيض وقولت لها إنتي مين وبصتلي 👀ايه الجمال ده دى زى الستات اللى بشوفهم فى التليفزيون ولقيتها ابتسمت ليا وقالت 

البنت…. انت محسن أبن ناديه وممدوح صح 

محسن…. أيوة حضرتك تعرفيني منين إنتي قريبتنا 

البنت … أنا اعرف مامتك كويس وأعرف كمان مين اللى قتلها/ وكان السبب أنك تتحرم منها 

محسن… الجنيه هى السبب حرمتني منها ومن ابويا 

البنت… 

محصلش الجن ملوش علاقه للي حصل لها ولو عاوز تتأكد من كلامي أدخل اوضة مامتك وارفع المرتبه وشيل ألواح الخشب اللى فى النص هتلاقي صندوق ع الأرض خده وافتحه بس أوعى جدتك تعرف حاجه 

ووقت ما تحتاجنى تعالى هنا وقول يا هيدان معلشي اسمي غريب شويه أصلي مش من هنا يلا بسرعه قبل ما جدتك ما ترجع وتبقي خبي الصندوق كويس 

محسن…. 

جريت ع البيت ودخلت اوضة امى كانت متربه اوى وعملت زى ما قالتلي وفعلا لقيت صندوق خشب خدته بس لحظت وجود خطوط وحروف وارقام مكتوبه بخط احمر

وبسرعه رجعت كل حاجه زى ما كانت وروحت أوضتي وقعدت عند الشباك وأول ما فتحته لقيت صورتين وكل صورة فيها بنتين تؤام 

بس صورة منهم تقريبا جدتى وواحدة شبها معاها واضح أنها اختها 

والصورة التانيه شبه البنت اللى شوفتها انهاردة وببص لقيت جدتى بتقرب ع البيت خدت الصندوق وخبيته. تحت السرير عندى ونزلت جري شغلت التليفزيون 

جدتى …. 

تعالى خد منى الشنط يا محسن جبتلك كل اللى بتحبه هرتاح شويه وهقوم أعمل الأكل  

محسن… كنتى خدينى معاكي ع الأقل اشيل عنك الأكياس دى كلها تقيله عليكي يا جدتى 

جدتى… 

هانت كلها شهرين وتاخد فلوسك ووقتها كلنا هنرتاح يا محسن أنا طلعه أوضتي شويه 

محسن… 

لأول مرة مرتحش لكلام جدتى لأول مرة أحس ان وراها سر مخبياه عني معقوله تكون كدبت. عليا 

معقوله يكون بابا هو اللى قتل.. امى علشان كدا هى قالت موضوع الجن ده علشان مزعلش منه 

فضلت قاعد ع نا'ر عاوز ادخل أوضتي وافتح الصندوق وخا'يف احسن جدتى تفتح الباب وتشوفه معايا وواضح ان الصندوق فى حاجات عنها مدام فيه صورتها وهى صغيرة 

قومت فضيت الأكياس فى المطبخ  وعملت شاى وساندوتشات وطلعت لجدتى قولت لها افطري وارتاحي وأنا هروح أنام وأيه رأيك لما نصحي تطلبي لنا بيتزا ووافقت 

ودخلت أوضتي وقفلت عليا الباب وطلعت الصندوق براحه وقعدت وراء باب الاوضه وفتحت الصندوق وطلعت كل الأوراق وهنا كانت أول الصدمات. 

قسيمة جواز جدى محسن لكن الإسم المكتوب فى القسيمه مش اسم جدتى سعاد  ده مكتوب سماح محمد الششتاوى يعني أختها 😲

ودى شهادة ميلاد أمي ومكتوب فى خانة الام سماح 

يعني ايه جدتى تبقي خالة أمي طب ليه مقالتش ليا وليه دايما تقولى أنا مخلفتش غير امك وبعدها جوزى ما'ت 

وفضلت اقلب لحد ما لقيت مذكرة صغيرة كدا ومكتوب فيها أنا قررت اواجه خالتي بأنها سر'قت ميراث أبويا بحجه أنها الوصيه علينا بعد مو'ت امي وابويا فى حاد'ثة العربية جه الوقت اللى نستلم فيه ميراثنا ونطردها.  من حياتنا إنسانه حقو'دة دايما تقول امكم سر'قت ابوكم منى وهى السبب أنه يمو'ت عندى إحساس ان هى كانت تتمني مو'ت أمي 

آن الاوان وأنا رشا منصور واختى ناديه نستلم ميراثنا نتجوز ونعيش حياتنا اللى اتحرمنا منها 

لقيت ورقه تانيه مكتوب فيها خالتي اجبر'تني أتجوز خطيب أختى  وامثل عليه الحب وإلا تبلغ البو'ليس وتقول إنى أنا اللى اقتلت' أختى مها ودفنتها' فى الجنينه 

إيه قتل' يعني جدتى متبقاش إم أمي والبيت ده مش بتاع جوز جدتى وأنا أمي وأبويا مكنوش بيحبوا بعض وخالتي هى اللى مدفو'نه فى الجنيه مش أمي  

أنا دماغي اتنفجر'' إيه كل ده طب أنا إبن مين ولا …. 

لازم اشوف اللي أسمها هيدان أكيد عندها تفسير لكل ده وشيلت الصندوق تحت السرير بتاعي وفجأة لقيت…..