رواية روح أيوب كامله جميع الفصول بقلم رحبة
-أنا مش مرتاحة!
قولتها لنفسي قدام المراية وأنا بدعي يا رب أعرف أكلمه النهارده
-يلا يا روح كدا هنتأخر
-حاضر
طلعت لأيوب زوجي العزيز -من٨ شهور-المفروض خارجين، كل شهر لينا خروجة ثابتة غير أى نزولة تانيه مش مترتب لها كنت متخيلة اننا هنجرب أماكن جديدة سوا ،حاجات بحبها أو هو بيحبها بس ولا مرة خد رأيي !
-اي رأيك في المكان ؟ حلو صح ؟ أنا قولت أكيد هيعجبك
دي الجملة اللي بيقولها كل مرة ! منين عرف انه هيعجبني مش هنكر إن المكان حلو وهادي وهعرف أتصور صور حلوة بس شبه اللي قبله واللي قبله واللي قبله ! حتى بطلت أتصور كتير وهو مخدش باله من كتر م الاماكن شبه بعضها
-سرحتي في ايه؟
-ولا حاجه ،يلا ندخل؟
مسك ايدي ودخلنا ،أيوب حنين وبيحاول يبسطني لكن أنا اللي لسه متعودتش أعبَّر ، لسه متعودتش أجادله قبل الزواج كنت بعرف عادي -حتى علي طول كان يقولي يا لمضة-مش عارفه اي اللي اتغير يمكن بقيت أقلق يفهمني غلط بس هحاول .
-مالك؟حاسك مش مبسوطة
-مش كنت قولتلي المرة اللي فاتت إني هختار المكان؟
-هو معجبكيش ؟! أنا قولت هيعجبك
-هو حلو بس مش شبهي ،أنا عايزة مكان فيه من روحي!
-يعني اي؟
-يعني عايزاك تسألني وتاخد رأيي أحب أروح فين معنديش مانع نروح مكان عاجبك بس مش كل مرة مكان شبه التاني فرق الاسم! أنا كنت متخيلة هنجرب حاجات كتير سوا ،وقولتلك مش شرط مكان غالي او خروجة مكلفة ان شاء الله ننزل نتمشي ونشرب قصب هتبسط! يعني مرة عليك ومرة عليا مش عايزة أحس إني مليش رأي
اتصدم!
قولت كلامي كله مرة واحدة ومش عارفه قولته ازاي أنا بحب أيوب ومش عايزة أشيل منه تبان بسيطة لكن تفرق معايا خصوصا إني لفت انتباهه قبل كدا
-ليه مقولتيش قبل كدا ؟انا مكنتش أعرف انه الموضوع مضايقك للدرجادي كنت فاكر قصدك علي المرة اللي اتكلمتي فيه وخلاص
-أنا...وسكت
-هو انت خايفة تتناقشي معايا؟! انت خايفة مني ؟!
-مش كدا ، أنا مكنتش عايزة تفتكر أني مش حابه ذوقك أو بقلل من مجهودك انك تبسطني
بصلي بحنية وقال: وانت دلوقت مش مبسوطة يبقى كإني معملتش حاجه المهم عندي راحتك وتاني مرة اتكلمي معايا على طول في اللي مضايقك عشان ..
أخاف روحي تدبل بسببي
روحنا وأنا الابتسامة مش مفارقة وشي مش مصدقة انه نكدت على نفسي والموضوع طلع بسيط وأيوب مفهمنيش غلط واتعلمت إنه مشيلش جوايا من حبيب طالما مش عارفه أتقبل حاجه مضايقاني والمهم أعاتب بحنية وعقل .
