رواية شيخه عراقيه كويتية كامله جميع الفصول بقلم جمانه السعيدي
انا شيخه جنسيتي كويتيه عشان جذي راح اتحجا كويتي
انا مواليد ٨٧ امي كويتيه وابوي عراكي
انا سمره واشبه امي بملامحي وتطليعت ويهي
امي حلوه جنه هنديه
اني عشت اربع سنيين بلكويت والباجي عشتهم بين دول الخليج بسبت الحرب الي صارت على الكويت
اكصد غزو العراك للكويت
حتى سافرنا للخارج وردينا للاردن سكنا فيه خمس سنيين
ابوي عراكي ايا للكويت عشان يشتغل
كان يشتغل بيت يدي ابو امي
وتعرف على امي وزوجه وانا نولت بعد ست اشهر من زواجهم
امي بلولاده صار عندها نزيف كل الدكاتره ماكدرو ينقذون
الموقف
عشان جذي اضطرو يشيلون الرحم
انا وحيده عد اهلي
ابوي كان طاير فيني ويموت عليه
انا اعرف احجي عراكي بس احجي كويتي مثل امي
ابوي كان يغيب عن البيت عشان الشغل
وانا اكعد مجابله امي طول النهار اتحجا انا وياها
عشان جذي كلامي كله كويتي
جمانه السعيدي
خوالي ساعدو ابوي يحصل الجنسيه الكويتيه
حتى يشتغل بلكويت ويعيش مع امي
بسبت الغزو العراكي للكويت تغير كل شي
امي كانت بتسافر مع ابوي كل مكان يروحه
لان الحكومه الكويتيه بعد الغزو حاربو كل العراكيين ورحلوهم من الكويت
بس ابوي مارد للعراك عشان الحكومه هناك كانت تحارب اي واحد كان عايش بلكويت
ضنهم انهم جواسيس
عشان جذي ابوي مارد للعراك كان يسافر كل شويه بلد
عشان يشتغل ويعيش
كانت الرده هذا الوكت للعراك مثل الي يجرب ينتحر
العراقيين نفسهم بعد هاي الحرب ماسلمو على روحهم
كانت الدوله تحاربهم
الشي الي انا للحين ما خبرتكم عنه
ابوي كان مزوج بت عمه بلعراك سبع سنوات وماصار عدهم يهال
بعدها عزم يطلع للخليج عشان يشتغل وهناك تعرف على امي وزوجها ومن بعد زواجه من امي مارد للعراك ابد
زوجته الأولى ضلت على ذمته كل هذا الوكت
بين فتره وفتره يحاول يعرف اخباره واخبار الاهل بلعراك
حنا اليوم بسنة ٢٠١٠ واني ابي ارد للعراق بعد ما ماتت امي وابوي بحادث سير
ومابكالي احد هني ابي ارد للعراك بيت ابوي موجود
وتسكن فيه زوجت ابوي ابي اعيش بلعراك
انا السنه الي طافت خلصت الجامعه
معاي هندسة حاسوب
اهم سبب الي عشانه ابي ارد للعراك هو بيت ابوي
بيت جبير وخوش موقع ابي ارد وافتح مشروع
اعيش منه
اذا شفت روحي اكدر اعيش بلعراك افتح مشروعي
هني ونكان الوضع صعب علي ابيع البيت
وارد على الكويت اعيش فيه وافتح مشروعي فيه
جمانه السعيدي
هسه نشوف القصه من رائي زوجت ابو شيخه العراقيه
اني حكمت زوجت رحيم رحيم ابن عمي فتحت عيني للدنيا واني اسمع اهلي يكولون حكمت الرحيم
ورحيم الحكمت
كان حب تعود من الطفوله
يعني فتحت عيني على هاي الدنيا واني مسجله بااسم
رحيم
طفله وتسمع الكل يكووول انت زوجت فلان
انتي محجوزه لفلان
كبرت هاي السالفه بعقلي خصوصا قبل البنات مو مثل هسه ماكو حرية رائي
الي يكولون على الاهل هو الي يصير
بدون نقاش رحيم وحيد اهله ماعندا لا اخت ولا اخ
واني عندي اتلث خوات واخوان ثنيين اني ترتيبي ماقبل الاخير
يعني ولد وبنيه وبعدين ولد واني وبعدي بنيه
وابوي ماعندا بس اخ واحد الي هو أبو رحيم وعندي عمات ثنيين
بعد ابن عمي ووحيد وابوي وعمي خوتهم حلوه
ومارادو يفترقون رادو يقوون العلاقه بزواجنا اني ورحيم
اني كنت طايره من الفرح بزواجي
لان ببت عمي زينيبن ورحيم حلو وشاب مرتب
كلش فرحت
كنت انتضر اليوم الي ازوج بي ونكعد اني ورحيم بيت واحد
المهم ازوجنا سنة ٧٩ قبل حرب ايران
بعد الزواج حبيت رحيم اكثر واكثر
لان هو يعاملني احسن معامله بلدنيا وعمي وخالتي
كلش يحبوني
حتى خواتي كانت حاسداتني على عيشتي هاي
ماناقصني غير يصير عندي اطفال يملون علينا الدنيا
خصوصا رحيم وحيد اهله
خالتي كانت تحسب يوم يوم
وكل يوم تسئلني هاا ماكو شي
هذا السوال دمرني دمر نفسيتي حيل وتعبني بلزابد
بديت اراجع بغداد وبعد عدت محاولات اكتشفت اني
مايصير عندي اطفال نهائيا
لو شما احاول مستحيل يصير عندي اطفال
كانت هاي اكبر صدمه تعرضت اله بحياتي
ادمرت حرفيا صعب على البنيه بعد الزواج تعرف هي مراح تصير ام ابد
المصيبه بيت عمي كانو عاقدين الآمال على هذا الزواج
ابنهم وحيد ويردون البيت يكون بي اطفال
زاد حزني وتعبي ورحيم كان ضايج اكثر مني
خالتي كامت تبجي هي وعمي على رحيم
وصارو بين نارين
اني بتهم ويحبوني وخادمتهم وعلى هواهم وبين همه يردون اطفال
عمي صمم نرجع نحاول ونحاول بلكت يصير طفل
مايريد يخسرني ولا يريد بخسر اخو
ومايربد يدخل وحده غريبه للبيت
بقينا نراجع لمدت ٣ سنوات
بس بدون فايده
جمانه السعيدي
كانت الأوضاع بهاي الفتره مخربطه بسبب الحرب وياا ايران
بهاي الاثناء اختي الجبيره كان عدها وولد اربعه وطلعت حامل زوجها عسكري ووضعهم المادي تعبان
حيل
ساكنه وياا عياله
كامت تبجي ماتريد هذا الطفل وحاولت تسقطه بس بدون فايده
اجتنا وكامت تبجي خصوصا جهاله ماكو فرق بينهم هواي
اختي سناء...ياربي مااريد مااريد اطفال
ناس محرومه وناس ماملحكه على العيشه ويجيب ويكوم عليهم
حكمت..احمدي ربج
سناء.. حامدته وشاكرته الف مره مااريده ماخليت شي ماسويته ماينزل شلون
حكمت...زين جيبي واني اساعدج علي حتى هم يونسني
ياربي فدوه اريد بس طفل حتى افرح عمي وخالتي ورحيم
ابدال سناء خلي بطني انت قادر على كل شي
سناء...ياربي فدوه الك اني مااريد بعد اطفال مني الحمكت
المهم جابت سناء واحنا كنا بلسنه الرابعه الزواجنا
وماكو اطفال
سناء كانت تعوفه يمي يوميه ارضعه حليب ممه اني اشتريله حليب
ومن تاخذه ترضعه على صدره
الولد عبالك انزرع بكلبي اموت علي ودي اخلي عندي ماتاخذه مني
الصبح ابقه اباوع للباب يمته تجي وجيب وسام اشوفه
حتى خالتي وعمي يحبونه حيل
على فكره ابو مو غريب ابن عمتي الجبيره
حتى رحيم كان يحبه ويلعب علي ومن يدخل اول شي يسئل عنه
وكانما عوضنا عن الفراغ الي عايشن بي
سنة ٨٣ استشهد زوج سناء بلحرب اكثر خبر مفجع
تعرضنا اله بهذا الوقنت
كان ساب زغير عمرا ٢٤ سنه بقمة شبابه
حتى ماشبعان من زوجته واطفاله
سناء انهارت فد مره علي كانت طول الوقت تلطم وتبجي
حمله تكيل
عدها اربعه والخامس وسام شلون راح تعيشهم مااردري
كانت الرواتب مو قويه بهيج الفتره
كل ايام الفاتحه وسام عندي اني اغسل وابدل وارضع
وواوكل
عمر وسام من استشهد ابو كان سنه وحدا
اني تعودت علي حيل مااكدر افاركه ابد
شكد اخاف علي وسناء ولا اله علاقه بي ابد
من تاخذه مني اكوم ابجي علي
كامت تعوفه عندي يومين اتلاثه وتجي تاخذه
شويه وترجعه تكول صدع راسي خلي عندج
شويه شويه منا لمن كامت ماتاخذه مني ابد
عايش وياي بيتنا
طبعا هي متأكده اني مددلته ومعتنيه بي واحبه واشتريله
هاي الأسباب خلهن مامنه على وسام عندي
بهاي الفتره عمي وخالتي بدو يحاول يقنعوني يزوجون
رحيم
اني كنت رافضه رفض قطعي لان احبه واموت علي
شلون يزوج غيري بعدين الاطفال رزق رب العالمين
اني شبيدي
للحكايه بقيه تفاعل حلو مثلكم
