رواية الفصلية ( كاملة جميع الفصول ) بقلم زينب نور

                                             

لكل حب هناك طريق و هذا طريق الحب يكون صعباً بعض الشيء وﻻ يكون عادلاً دائماَ ويكون اما((حب او حرب))

مرحبا اني اسمي ميار عمري 16سنه احنه عايشين بالعمارة اني واهلي عندي اخين واخت أخويه الجبير اسمه لؤي عمرة 25 سنه يشتغل شراكه ويه صديقه بشركه غذائيه ومامتزوج اما الثاني اسمه قصي عمرة 20 سنه يدرس كليه قانون وراها اني وراها اختي ميس اصغر مني عمره 14سنه ووالدي والدتي الله يحفظهم عايشين

مواصفاتي طولي 153 و عيوني كبار لونهن عسلي عله خضار و لون بشرتي حنطيه و شعري طويل اسود فحم وباقي مﻻمحي عاديه 

انتهينه من وصف عائله البطله ميار نروح لعائلة الشيخ يوسف

                                

سلام عليكم انه اسمي الشيخ يوسف استلمت المشيخه بعد وفاة والدي الشيخ عامر جان بكته عمري 19سنه تركت الدراسه واهتميت بأمور العشيرة و الاهل عمري حالياً 30سنه عندي اخين واخت وحدة اخوي علي عمرة 28 سنه والثاني اسمه رامي عمرة 26 سنه هوة الوحيد مزوج لين جان يريد يسافر للخارج فتزوج وراح عاش بكندا زوجته اسمه افنان اما اختي فاسمه مﻻك عمره16سنه طالبه رابع أدبي والوالدة الله يحفظه موجودة 

مواصفاتي :عيوني لونهن رصاصي بشرتي حنطيه اني ضخم وطولي 175 عصبي بشكل بس كلبي رهيف(حنين) ماحب الكﻻم الزايد كلمتي اذا نكالت ماتصير ثنين عندي نضرة ثاقبه اذا اباوع عله شخص اخلي يرجف بمكانه .

انتهينه من تعريف عائله الشيخ يوسف 

ميار :صباح الخير 

الكل:صباح النور

ام ميار:يله يمه تعاي تريكي 

ميار:صار يمه 

رحت تريكت و كملنه شلنه المواعين اني وميس وامي راحت تخبز و ابوي راح للبستان مال الشيخ عامر الله يرحمه لين هوة يشتغل

 هناك هوة وقصي ولؤي راح للشركه بقينه اني وميس نضف البيت ورة مكملنه رحنه اني وميس نساعد امي بشغل وراها طبينه نستراح ونكوم نطبخ الغدة طبعاً اني ثالث متوسط وبطلت مكملت دوام لين عدنه البنيه حدهه سادس ابتدائي ويبطلوهه بس علمود انه جنت شاطرة بالمدرسه ابوي خﻻني اكمل دراسه لحد الثالث وكعدت اما ميس فهي ثاني متوسط بس باعتبار عطله صيفيه كاعده هيه كلش شاطرة وتحب الدراسه بشكل المهم نرجع للواقع

.....

الساعه 10الصبح

سمعنه صياح بالبستان لين احنه بيتنه قريب عل بستان وطلعت امي تشوف شنو صاير جان بعد ربع ساعه رجعت ووياها وابوي بس شني رجع ابوي وجهه اصفر وما يتفسر

ميار وميس :كوة بويه

امي:يمه جيبي مي لبوج خل يشرب حته يحجيلنه الي صاير بالبستان ماحجالي شي 

ميار:صار يمه ثواني

ميس:ميار شنو تتوقعين صاير وهيج وجهه ابوي ما يتفسر؟؟

ميار:والله مادري علمي علمج امشينه خل نشوف 

ميس :امشينه يله

ميار:تفضل بويه المي

ابوي :تسلمين بويه

امي:احجي يله يرجال شني صاير ليش وجهك مايتفسر شني الوليدات صايرلهم شي احجي كول

ابوي :انطيني فكه يامرة 

امي :انطيتك فكه يله تحجه كول شني صاير

ابوي:اوووووف مصيبه وطاحت عله روسنه ياحرمه

امي :تحجي لو شني هسه وشني المصيبة الي طاحت عله روسنه تكلم كول؟؟

ابوي :ابنج قصي خله روسنه بالطين

امي:يمه اسمالله كول شني صاير لولدي 

ابوي : ابنج اليوم من جنه بالبستان مال شيخ عامر الله يرحمه واخت الشيخ الصغيرة طلعت ويه ام محمد الخدامه بيت الشيخ وابنج شافهم وابتسم لاخت الشيخ واخوهه علي شايفهه وصاعد الدم لراسه وجان يتعارك ويه ابنج وابنج شايل المنجل وضاربه عله صدره حيل ومملحكين عليه راسن ميت وابنج شرد ومادري وين هوة والشيخ يوسف يريد فصل وانطانه عطوة لحد ماتخلص ايام الفاتحه يصير الفصل

امي:تلطم وتبجي الله لا ينطيك يقصي هوة احنه منين عدنه فليسات 

ابوي :اهدي يا حرمه خل تخلص العطوة ونشوف شيصير.

                                

ننطي هسه القلم لميار خل تحجي

ميار:((طبعاً اخوي جان يحب بنت الشيخ بس بحكم انو همه شيوخ واحنه ناس فقرة وفلاليح فماعتقد انو جانو يرضون ينطونه مرة وناسبهم بس حسب كلام اخوي قصي قبل لا تصير الحادثه مرة حجالي انو هيه هم تحبه وبينهم سﻻم))

نرجع للواقع

ميار :ورة الي صار معرفنه شني نسوي بس ننتظر تخلص الفاتحه ونشوف شني طلبهم اما قصي فماندري هوة وين شرد