رواية شيخ البصره كامله جميع الفصول بقلم مجهول
<<شيخ البصره>>
_______________
مرحبا اني بلسم عمري٢٢ سنه طالبة مرحلة ٤ كلية طب
اني من عائلة معروفه ساكنة ابغداد
بنية حلوة شعري طويل اشقر طولي متوسط جسمي مرتب
بيضه و عيوني خضر ..
عائلتي متكونه من والدي نزار جواد مواليد ٤٥
رجل اعمال معروف
والدتي هدى عبد الكريم مواليد ٦٣ خريجة تربية اتوظفت مديرة مدرسة وبعدها تقاعدت.
كانت امرأة جداً جميلة والدي شافها بالصدفة وحبها وكتل نفسه عليها مع العلم كانت اصغر منه
وهي هم حبته وانعجبت بشخصيته القوية وما همها العمر
كانت شخصية والدي القوية و الرجولية هي الي وكعت والدتي بحبه
واتزوجو و صار عدهم ٤ اطفال
اول مولود كان اخوية الجبير
اسامة عمرة ٢٩ سنه وبعدها اختي ياسمين٢٧ سنه و بعدها اجيت اني و بعدي اجه اخوية الصغير محمد عمره ١٦ سنه
بيوم من الايام كعدت الصبح جانت اشعة الشمس تتسلل من ورة ستارة غرفتي
جان الجو خريفي حلو ويفتح النفس
صحيت و باوعت بساعة تلفوني لكيتها بل٦ ونص كمت غسلت و بدلت ملابسي وحطيت مكياج خفيف ونازك ونزلت
شفت ماما وبابا كاعدين عالريوك
بست بابا
بلسم:- صباح الخير باباتي
والدها:- صباح الخيرات يا بلسم روحي
بلسم :- صباح الخير ماماتي
الام:- صباح الخير حبيبتي يلا اتريكي تره السايق على جيه لا تخليه يوكف بالباب ويسطرنا بالهورنات مالته.
بلسم:- مااشتهي اكل راح اشرب بس جاي ومن اوصل للكلية عود اتريك وية مريم و سنا.
شربت الجاي و اجه يعرب السايق دك هورن وطلعت عالسريع قبل مايدك الثاني
بلسم :-صباح الخير يعرب.
يعرب:-صباح الخير عيوني شلونج؟
بلسم:-الحمدلله.
صعدت ومرينا على سنا جان بيتهم بنفس منطقتنا
بستها وكعدنا نسولف لحد مايخلص الطريق للكلية
وصلنا و دكينا تلفون لمريم دنشوفها وين
بلسم :- ها مريوم صباحو وين انتي؟
مريم:-صباحو حياتي تعالو اني كاعده بالكافتيريا .
رحنا اني وسنا لمريم وكعدنا سوه وتريكنا قبل ماتبدي المحاضرات ونلتهي ومانلحك ناكل شي.
خلصنا محاضراتنا وطلعنا نتمشى شوية بسنتر الكلية
جان اكو واحد صارله اسبوع بس يمشي ورانا
كلش ازعجنا
حيدر:- مرحبا
البنات:- اهلاً
حيدر :- ممكن احجي وياج؟
بلسم:-اني؟؟؟
حيدر :- اي انتي اذا ماكو احراج.
بلسم:- اتفضل احجي هنا ماعندي شي خاص وياك وهذني صديقاتي .
حيدر :- الموضوع خاص بالنسبة الي.
بلسم:-اسفه اخوية مااكدر تريد تحجي احجي هنا غير هالكلام ماعندي.
حيدر بتنهيده:-امري لألله ماعندي حل ثاني.
اني اسمي حيدر مرحله اخيره و بعد كم شهر راح اتخرج
اني مراقبج صار٤ سنين ،جذبتي نظري وكلش عجبتيني بنية اخلاق و جمال و اناقه والف واحد يتمناها
جنت اريد احجي وياج من زمان بس متردد خايف من ردة فعلج، بس بعد مابيها مجال .
بلسم:- اي والمطلوب مني هسه شنو؟
حيدر :- اني جايج من الباب واعرف عنوانكم واريد ادز اهلي و اتقدملج بس اريد اعرف اذا اتقدمتلج تقبلين بيه او لا؟ .
بلسم بخجل وماتعرف شتحجي :- منين عرفت العنوان؟ و اني ممفكرة بالزواج هسه اريد اتخرج و اتخصص وبعدين اتزوج.
حيدر:-واني ماعندي مشكله انتظرج سنه سنتين بس المهم اخطبج .
بلسم:- اسفه لازم اروح للخط السايق دينتظرني ، سنا يله.
راحت بلسم و خدودها حمره و ماتعرف شتسوي وسنا تركض وراها بسبب سرعة بلسم كأنه تريد تهرب من خجلها.
مريم بقت واكفه وصافنه عالموقف ومبتسمه :)
سنا:- شبيج يولي انهزمتي اوكفي وانطي جوابج للولد ليش عفتيه تره عيب.
بلسم:- لج استحيت مااعرف شحجي ما بقه كدامي غير انهزم.
سنا:- زين انتي شنو رأيج؟
بلسم:- ماادري الولد مبين شخصية وكلش حباب بس اني اريد اكمل دراستي واتخصص وافتح عياده و اثبت نفسي وبعدين اتزوج. مااريد اتزوج و بعدين انربط ابيت و رجال و اطفال .
سنا:- خليها على الله و الي كاتبه ربج يصير.
بلسم:- ونعم بالله.
رجعت للبيت و اني افكر بحيدر و كلامه
حيدر:- مرحبا اني حيدر عمري ٢٤ سنه ولد اسمراني وضخم
جذاب و مهتم بأناقتي
هواية بنات جانو يتحارشون ويتمنون اصارحهم
وما اكلكم اني ملاك وماعندي علاقات بالعكس جانت عندي علاقات هواية بس بالي جان يم بنية وحده شفتها واني مرحله ثانية واخذت عقلي وكلبي وياها
جانت تمشي و كأنه نسمه دتمشي عالكاع
جمال وجهها جان القمر يخجل منه
بيضه و وجهها مدور
الشعر الاشكر الناعم يطير وراها و العيون الخضر الواسعة توكع اكبر واحد.جانت عباره عن حورية من الجنه و نازله للأرض. الكل جان يصارحها وهي ترفض ،
مبينه بنية تعبانه على نفسها و اهلها تعبانين عليها.
حجيت وياها بعد ٤ سنين حب من طرف واحد، حجيت وياها واحس كلبي راح يوكف ماادري من الفرح لو الخوف والقلق.
بلسم :- ها ماما اساعدج بالغدا؟
امها:- اي سوي زلاطة وحضري الميز حتى اصب الغدا.
حضرت الميز و صحت بابا و محمد و نهى مرت اسامه
اتغدينا و غسلنا مواعين اني ونهى
نهى جانت بنت عمي و حبها اسامه و تزوجو
وعدهم بنية وحده اسمها اية.
نهى كلش حبابه واحسها اختي مو مرت اخوية وكلشي اسولف الها.
بلسم:- اكلج من نكمل تعالي لغرفتي اريد اسولفلج على شي .
واتلفت وراية اخاف احد موجود .
نهى:- اوكي روحي اصعدي قبلي راح اصب شاي الي والج واجيج.
بلسم:- اوكي .
اجتي نهى و سولفتلها كلشي
نهى:- لا بلسم لاتقبلين انتظري كملي دراستج و اتخصصي و بعدين اذا الله راد عود اتزوجي
هاج اني كدامج تخرجت من السادس و تزوجت و اخوج كلي اخليج تكملين وره الزواج بس صرت حامل رأساً و جبت ايو
وهاج مثل مادتشوفين ماعندي مجال لشي خاصة هسه اني حامل بالطفل الثاني واكيد ماراح الحك اسوي شي لنفسي.
بلسم:- نهى انتي متندمة لأن تزوجتي اسامه؟
نهى:- لا لأن احبه لأسامه و هو و اولادي كلشي بحياتي بس جنت اتمنى لو مخلصة و ماخذه شهادتي
لأن الشهادة سلاح للمرأة حتى لو زوجها ممقصر وياها.
بس كيانها وين؟
نهى بتنهيده:- هاهية الحمدلله والشكر ان شاء الله احقق حلمي بأولادي من اشوفهم خريجين وشهادتهم بطولهم.
بلسم :- امين يارب.
نهى:- وهسه شنو راح تسوين؟
بلسم :- ماادري راح اخليها يم الله اذا هالشي بي خير وصالح الي ان شاء الله يصير و اذا لا ان شاء الله يبعده عني.
نهى:- ان شاء الله حبيبتي ونعم بالله.
مر اليوم عادي ...
اليوم التالي
كعدت الصبح وكلي لهفه
شنو السبب؟ مااعرف
يمكن لأن حشوف حيدر؟
لا لا شبسرعه هيج حبيته وافرح من افكر بي لو اشوفه. لا اكيد لا
بدلت و نزلت لأهلي شفت اسامه ومحمد كاعدين
بلسم:- هاااا صباح الخير شعجب صايرين نشيطين وتكعدون من الصبح؟؟؟
اسامه:- صباح النور
عندي شغل ولازم اطلع من الصبح.
محمد :- اهوووو هو غير يكعد راحه ابو الشركات .
اسامه:- انجب لك احسن منك كاعد٢٤ ساعه على البلاي ستيشن وتلعب
ماكو لا طموح لا صخام بوجهك.
محمد :- اني طموحي بمعدتي و البلاي اشوف شنو نازله لعبه جديده اجيبها واسوي لايفات حتى اطش.
اريد اطوووووشششششش
اسامه:- كبر
محمد:-يوم لعد ابوية وين اشو ماكو ؟
الام :-راح ديستلم التقاعد مالتي ويجي.
محمد:- (جانه الخير جانه والفكر خلانه ) يطك اصبعتين ويهز جتف.
اسامه:- طاح حظك شكد زعطوط.
بلسم:- خربانه ضحك على اخوتها.
ماما اليوم تجي ياسمين و زوجها؟
الام:- اي ماما راح تكمل شغل بالمستشفى و يمر عليها زوجها و يجون يتغدون يمنا.
بلسم:- اي زين لأن كلش مشتاقة لرامي الفصعون.
الام:- حبيبي فدوه لعينه اني هم مشتاقتله صار هوايه مشايفته لحفيدي .
بلسم :- سلمت على امي وطلعت .
وصلنا للكلية و ادور بين الوجوه
شنو قضيتي شكو داادور عليه ؟؟
كملنا محاضرات و طلعت واني ابد ماشفت حيدر وماادري ليش ضجت وانزعجت.
رجعت للبيت وشفت اختي ياسمين و زوجها وابنها موجودين سلمت عليهم جنت كلش مشتاقتلهم.
ياسمين اكبر مني ب٥ سنوات وهي الي حببتني بالطب
هي دكتورة نسائية وتوليد انسانه كلش ناجحه بشغلها و زوجها مثنى هم دكتور جراح اشتغلو بنفس المستشفى و حبو بعض وتزوجو وصار عدهم طفل واحد سموه رامي
طبعاً رامي وايه بنت اسامه نفس العمر فرق شهر بيناتهم
اتغدينا وسولفنا وجان يوم حلو وهادئ
صار العصر اندكت الباب
طلع اسامه فتحها وجان يكول لأبوية
اسامة:- يابه هذولة ناس جايين خطار.
الاب:- منو؟
اسامة:- مااعرفهم بس ولد شاب و رجال و مره.
بلسم :- حطيت ايدي على كلبي لأن شكيت انو هو حيدر واهله.
طلعنا من الصالة وبقه ابوية و اسامة و رجل اختي استقبلوهم و بعدها امي طلعتلهم لأن عيب مريه جايه وياهم.
قمنا بضيافتهم و وجبناهم و طلعو
وراها امي اجتي فاتت علينا للمطبخ
الام:- ها شدتسوون يم الشباك عليمن دتباوعون؟
واحنا كمنا مانعرف شنحجي من الخجل لأن جنا لاطشين عالشباك اني ونهى و ياسمين ونباوع عليهم من ديطلعون.
ياسمين:- ماما منو هذوله ؟
الام :- خطابة على اختج.
وامي تباوع عليه ومبتسمه
اني استحيت عفتهم وصعدت فوك
ورايه صعدت ياسمين ونهى
ياسمين:- ها ولج من ورانا؟؟؟؟؟ بأبتسامة خبث وتغمز لنهى.
بلسم:- هااا شنو من وراكم لا اعرفه ولا يعرفني.
ياسمين:- متأكده؟؟؟ يعني ماتحبيه ويحبج؟ هههههه
بلسم:- لا طبعاً ياسمين شدتحجين .
ياسمين :- ليش ضجتي حبيبتي دااتشاقه وياج.ادري بيج ماعندج شي .
وره ساعة ابوية صاحني
الاب :- تعالي باباتي .
دخلت واني منزله راسي من الخجل .
الاب:- بابا اجوي ناس يريدون يخطبوج لأبنهم
هو وياج بالكلية.
بلسم:-اني ساكته لاحس و لا نفس واحس كلبي حيوكف.
الاب:- باباتي انتي تعرفيه للولد يعني اكو شي بيناتكم ؟
بلسم:- فتحت عيني وكتله لابابا و الله ماكو شي بيناتنا بس الولد اجه صارحني وكلي اريد اخطبج واني مانطيته جواب وعفته و رحت.
الاب:- وشنو رأيج بالموضوع؟ اني شفتهم خوش ناس والولد مبين متربي وحباب.
بلسم:- بابا اني اريد اكمل دراستي وافتح عياده .
الاب :- اكيد تكملين وتفتحين عياده لعد اني شكو تعبت عليج و على دراستج غير حتى اشوف بنتي احسن البنات.
بلسم :- بست ايد بابا وكتله الله يحفظك الي ويطول بعمرك يااحن اب.
الاب:- ويحفظكم الي يااعز من روحي. ها بابا شكلتي؟
بلسم :- بكيفك بابا اني ماعندي اعتراض عالفكره بس اهم شي عندي دراستي.
الاب :- يله خير ان شاء الله. كومي حضريلي شاي من ايدج الحلوات.
بلسم:- من عيني ياروح الروح.
بعد كم يوم راح بابا وسأل على بيت حيدر بمنطقتهم والناس مدحو بيهم
و بعد اسبوعين ردينا خبر لأهله بالموافقة
صار يوم الخطبة مالتنا وجانت الحفلة ولا احلى
تونسنا وفرحنا ولبسنا الحلقات بس بدون عقد
كلنا نأجل العقد بعد مااكمل الرابع .
خلال هاي الفتره عشت احلى ايام ويه حيدر جان يحسسني دائماً بحبه وخوفه عليه
بس بيوم من الايام تغيرت حياتي كلها...