رواية حب مابعد عداوه كامله جميع الفصول بقلم نورينا
" لي كل الي احنا عيزينه مش بيحصل طيب طلاما هوا مش خير لينا لي بنتعلق بيه من البدايه هوا العيب فينا ولا في الي حوالينا ؟"
قفلت النوته وبصيت قدامي البحر كان شكله جميل مع غروب الشمس اكتر وقت مفضل بالنسبه ليا هنا بلاقي راحتي وبفصل فيه عن الهموم والحزن قطع تفكيري صوت رنه تلفوني وكانت ماما
: الو.. ايوا ي ماما ... طيب طيب جايه اهو ... لا مش هتأخر
لميت حاجتي وروحت البيت ... وصلت البيت وطلعت استغربت لما لقيت في حذاء رجالي اتهندت لما عرفت مين الي موجود عندنا فتحت الباب ودخلت
: السلام عليكم
| وعليكم السلام ورحمه الله اسيل انا عايز اتكلم معاكي شويه
وقفت بجمود وبصيت عليه وقولت
: مفيش بينا كلام يتقال ي احمد
بصلي برجاء وقال
| ارجوكي ي اسيل اسمعيني مره واحده وبعدين احكمي عليا
: تمم خير عايز اي اتكلم
بصلي وهوا بيحاول يجمع كلامه وقال
| ا اسيل انا ضعفت انا انسان وطبيعي اغلط انا انا والله عملتها بلوك وقولتلها متكلمنيش تاني ي اسيل دي كانت نزوه وراحت لحالها متنهيش الي بينا ارجوكي
بصتله بسخريه وقولت
: انت الي نهيت الي بينا لما خونتني لا ومع مين مع صحبه عمري انتو الاتنين خدعتوني وانا معنديش فرص تانيه لحد الخيانه ملهاش مبرر انتو الاتنين زي بعض وليقين ع بعض الصراحه
اتكلم بتوتر وهوا بيفرك ف أيده
| طب طب بصي انا هكلمها قدامك دلوقتي وهتشوفي بنفسك أن انا نهيت معاها كل حاجه والله بحبك يا اسيل ارجوكي متسيبينيش
بصيت بوجع وكتمت الغصه جوايا وقولت بجمود
: حتا لو كلمتها انا معتش هرجع تاني وسيبني ف حالي بقا
قلعت الدبله وحطتها قدامه وسبته ودخلت الاوضه وشويه وسمعت صوت الباب بيتقفل عرفت أنه مشي
اتهندت ووقفت قدام المرايا وبصيت لنفسي وقولت
: انا تعبت تعبت من كل الي بيحصلي دا والله تعبت لي كل حاجه ماشيه عكس م انا عايزه كدا لي أنا عملت اي لكل دا ياربي
سكتت شويه وجتلها فكره تخلص من كل الي بيحصل
ثواني وأقتحمت فوزيه الاوضه بغضب ولسه هتزعق اتصدمت لما لقت اسيل مغمي عليها وايدها بتنزف!!
ف المستشفي بعد م تم نقل اسيل ل العنايه المركزه
بيخرج الدكتور وبيقول
| الظاهر أن المريضه اتعرضت ل ازمه نفسيه المفروض أن تهتمو بصحتها النفسيه وتبعدوها عن اي حاجه تزعلها عشان متحاولش تعمل كدا تاني ومن الأفضل أن تتعرض ع دكتور نفساني
اتكلمت فوزيه بغضب
/ لا هيا مش محتاجه دكاتره هيا كويسه بنعملها اي يعني احنا بنموتها وانا حسابي معاها عشان تفكر تعمل كدا تاني
اتكلم الدكتور بتعجب
| ي مدام بنت حضرتك محتاجه رعايه نفسيه كويسه لأن الظاهر انها متعرضه لصدمه أدت أن هيا تعمل كدا ف نفسها
لونت فوزيه بقها بغيظ
/ لا يخويا هيا كويسه انا عارفه بنتي بتدلع شويه بس انا هدخل اتكلم معاها
بصلهم الدكتوره ب استغراب ومشي
عند اسيل وهيا باصه للسقف بتوهان بتدخل فوزيه عليها بغضب وبتقول
/ اي الي انتي هببتيه دا هوا دا الي عارفه ربنا يختي امال بتصلي وعملانا فيها شيخه وف الاخر بتحاولي تموتي نفسك .. انا بكلمك بصيلي
اماني بضيق
| ي ماما سبيها حرام عليكي كفايه الي فيها سبيها هتكلم معاها انا
فوزيه بغضب
/ اسكتي انتي خالص وانا حسابي معاكي ي اسيل لما نروح
غمضت اسيل عيونها ودموع بتنزل ف صمت وقالت باختصار
: انا عايزه اروح
اماني قالت وهيا بتتوجه اتجاه السرير
| لا مينفعش دلوقتي استني لما المحلول يخلص وبعدين هنخرج
اوامت ليها اسيل منغير كلام
ــــــــــــــــــــــــــــــــــــــــــــــــــــــــــــــــــــــــ
في مكان ما في القاهره ف اكبر شركه ف الشرق الأوسط الإنتاج والتصدير
/ يلا يبني انتا وهوا خلصو صاحب الشركه قرب يوصل لازم كل حاجه تبقي مظبوطه ي ميااار انتي ي ميااار
ميار وهيا بتنهد من أثر الجري
" ايوا ي معتز بيه كل حاجه بقت تمم الموظفين كلهم جاهزين
معتز بعمليه
/ والمشكلة بتاعت السيستم اتحلت ؟
ميار بعمليه
" ايوا يا معتز بيه قدرنا بفضل الله نحلها وأستاذ اكرم بيمر ع موظفين الحسابات وتابع كل حاجه ومفيش ولا غلطه
معتز
/ تمم الحمدلله قربنا نخلص لسه الموظفين الي مسؤولين عن الكهرباء عايزك تمري عليهم وتشيكي ع كل حاجه مفهوم
ميار بعمليه
" مفهوم
وبعد وقت
وقفت عربيه ظاهر عليها الثراء تقف أمام الشركه وينزل منها شاب ف بدايه الثلاثينات بجسد رياضي وطويل القامه وملامح حاده ووسيم يدخل الي الشركه
معتز بجديه
/ اهلا بيك يا فندم الشركه نورت بحضرتك
: شكرا يمعتز وكمل بجديه اعرفكم بنفسي انا أسر السيوفي صاحب اكبر شركات الانتاج والتصدير وقررت انزل اتابع كل حاجه بنفسي عشان شايف أن بقا في استهتار وانا الغلطه عندي برفد مفهوم اهم حاجه الاخلاص ف العمل وكل واحد هياخد ع قد مجهوده ومش عايز اي غلطه ف الشغل مفهوم
كلهم بصوت واحد
مفهوم يفندم
واتجه الي الطابق العلوي والذي يوجد به المكتب الخاص به
مسك التلفون وبيرن ع رقم معين
اي الاخبار وصلت لأي... ظهر ع ملامحه القلق ... ازاي الكلام دا وأمتا حصل ... تمم خليك متابع كل حاجه وعرفني كل حاجه اول ب اول مفهوم ... تمم سلام.
ـــــــــــــــــــــــــــــــــــــــــــــــــــــــــــــــــــــ
عند اسيل بعد أما روحت البيت ووصلتها اسيل لاوضتها
اماني بعتاب
| انا مرضتش اتكلم معاكي عشان كنتي تعبانه كنتي عايزه تسيبيني ي اسيل
اتكلمت اسيل بتعب وخنقه
: تعبت ي اماني تعبت من كل حاجه من خيانه خطيبي ليا ومن امل امل ي اماني الي صحبه عمري معايا من طفولتي تعمل فيا كدا انا مستغربه هيا لي عملت فيا كدا انا مصدومه فيها بجد
اماني ب استغراب
| طب وانتي مكلمتيهاش
اسيل بدموع
: بعتلها ومش بترد عليا نفسي افهم هما لي عملو فيا كدا طب وأحمد قصرت معاه ف اي عشان يخوني فيا اي وحش لدرجه دي حتا ماما بتعاملني اسوء معامله ولا كأني مش بنتها
اتوترت اماني وقالت
| ماما بتحبنا ي اسيل انتي بنتها في ام متحبش بنتها وبعدين احمد وأمل دول متحطيهومش ف بالك ميستهالوش اصلا انك تضيعي نفسك وحاولي تنتحري عشانهم اسيل انتي واحده مسلمه وعارفه ربنا ازاي تفكري تعملي كدا هيا دي اسيل القويه الي ديما بحلف بيها
اسيل بعياط
: لو كانت بتحبني زي م بتقولي كنت هلاقي نظره الخوف ف عينيها عليا عمرها م حسستني أن انا بنتها ديما بتعاملني وكأني غريبه عنها انا خلاص اتأكدت أن مفيش حد بيحبني ايوا عارفه أن الي عملته غلط بس غصب عني
قالت اماني بتوتر
| لا مش صح هيا بس مش بتعرف تعبر اوي عن الي جواها لاكن هيا بتحبك واوعديني انك متعمليش كدا تاني فاهمه
اتهندت اسيل بتعب
: طيب بوعدك
اماني بحنان
| ماشي يحبيبتي هسيبك تستريحي
بعد أما اماني مشيت حاولت اسيل كذا مره ترن علا امل بس مكنتش بترد واخر رنه ردت اخيرا
اتكلمت اسيل بدموع
: لي ي أمل عملت اي عشان استاهل منك الخيانه والغدر
اتكلمت امل بغل
| اه تستاهلي عشان من واحنا صغيرين وانتي الي بتاخدي كل حاجه عيزاها لما كنا صغيرين كل حاجه بتكون عندك حتا المدرسين كانو ديما بيفضلوكي عني وحتا لما دخلنا الكليه كل شويه اسيل شاطره اسيل مفيش زيها اسيل جميله اسيل اسيل اسيل كل شويه اسيل لما كرهتك ومش عارفه بيحبوكي ع اي وكأن مفيش حد غيرك ف الكليه حتا الشخص الي انا حبيته اختارك انتي وخطبك
اسيل بصدمه
: الشخص الي حبتيه قصدك احمد
امل بغل
| اه أنا حبيته قبلك وف اليوم الي جيت اقولك فيه لقيتك بتقولي أنه متقدملك ف سكت وقولت أن لازم ادمرك زي م دمرتيني
اسيل بدموع
: بس انا مكنتش اعرف انك بتحبيه لو كنت اعرف كنت رفضت فوراً
امل بغل وكره
| لا مكنتيش هتسيبيه ي اسيل عارفه لي عشان اهلك مصدقو يخلصوا منك ومش هيوافقو ومش هسيبك الا أما ادمرك وهاخد منك كل حاجه وهكسر منخيرك الي رفعاها ف السما دي وأحمد خلاص بقا ملكي
اسيل بدموع
: تمم ي أمل انتو كدا كدا زي بعض وليقين ع بعض انا ندمانه أن عرفتك بجد ومش عايزه اعرفك تاني يخساره بجد يا امل
قفلت التلفون وغمضت عيني بألم وحزن وقررت انام واهرب
تاني يوم صحيت وقررت انزل لقيت ماما واقفه وبصالي بمكر وقالت
/ كتب كتابك ع احمد الاسبوع الجاي
وقفت اسيل بصدمه
: نعم انتي ازاي تقرري حاجه زي كدا
فوزيه بغيظ
/ وابوكي موافق كمان وكلمتنا الي هتمشي
اتصدمت اسيل للمره التانيه
: بابا ! بابا موافق ازاي
/ اه موافق وجهزي نفسك بقا لأن نازل بعد بكرا
اتكلمت اسيل بدموع
: بابا مستحيل يوافق ع الكلام دا مستحيل ا انا مستحيل اتجوز احمد
فوزيه بزعيق
/ بت انتي انا صبرت عليكي كتير وانا تعبت منك هتتجوزي احمد ورجلك فوق رقبتك انتي فاهمه ولا لاء
اسيل بعياط
: لا ي ماما مش موافقه انا مستحيل اتجوزو مستحيل
سبتها ونزلت ومشيت ف الشارع والصدمه متملكه مني روحت لمكاني المفضل قدام البحر قعدت بتوهان ومحستش غير ب شخص بيقعد جنبي عشان الف واتفاجيئ ب احمد وف أيده صور صدمتني !!
