رواية ظلم القدر ( كامله جميع الفصول) بقلم داليا منصور

رواية ظلم القدر الفصل الاول بقلم داليا منصور 

ست كبيرة كانت واقفة قدام باسل وهو بيقولها : 

-مرتي فين ياما انا مش لاقيها في الدار كلياته، اخر مرة كانت اهنيه وسيبتها قبل ما أمشي وأروح القاهرة ارجع مالقهاش في ايه عاد.. 

امه جليلة بحزن: 

-مرتك مش اهنيه يا ولدي بيقولوا انها عشقانة واحد وهربت وياه يا ولدي وأني مخبراش الفاجرة دي راحت فين.. 

باسل بص على أمه وقلبه واجعه وبيقول: 

- انا متأكد انها معملتش اكده واصل مرتي تسنيم كيف البدر وبتحبني قوي ياما ليه تعمل اكده وتوهرب مع واحد وهي بتحبني .. 

جليلة بعوجت بقها: 

- روح دور عليها يا دلدول مرتك جايز تقولك هربت منيك ليه عاد ولم تعرف ابقى تعال قولي ماشي يا ولدي.. 

سابته ومشيت وهو قعد على الأرض وهو بيقول: 

- ليه سبتيني يا تسنيم يا حبيبتي روحتي فين ياقلب باسل ياريتني مجيبتك اهنية وكُنت سيبتك عند خيتك، قلبي بيقولي انك عترجعيلي وانك مخونتنيش واصل... 

«باااك» 

رجع باسل بذكرياته وهو واقف بعربيته قدام المصنع بتاعه وبيمسح دموعه وبيقول:

- عدى على فراقنا اربع سنين يا حبيبت قلبي مش خابر روحتي فين عاد...

  وقتها الجو كان حر والشمس قوية وبنت كانت لابسة عباية سودة ونقاب وماشية وهي بتقول: 

- ايه الجو ده عاد الحرارة ذادت على 50 درجة عندينا والمزيع قال محدش يخرج من بيته واصل بس ابوي ليه حديت تاني قال ايه روحي جيبي حاجه ساقعة من الدكانة، حرام عليك يابوي والله.

وفجأة شافت عربية سودة كبيرة واقفة قدام مصنع الملابس الصغير ومي اول مشافتها قالت بصدمة.. 

- وه ايه الجمال ده عاد دي ولا الف ليلة وليلة يا حلاوة يا ولاد شكل الظهر هيلعب معاكي يابت يامي وعتتجوزي صاحب شركة كيف الروايات معتقول... 

خرج باسل من العربية وهو لابس نظارة وببدلته السودة وهو متكبر من معاكستها ليه بس قال بعصبية قال: 

- وه اتحشمي يامرة بتعاكسيني كده في عز النهار وكومان قدام الخلج كلياته.. 

مي بغرور: 

- وه اعاكس مين عاد ملقيتش غيرك انت عاد وعاكسك ليه خلصت الرجالة كلياتهم من البلد والا ايه عاد.. 

كانت حاطة اديها في جنبها وباسل بصلها بصدمة وقال: 

- مش انتي اللي عتقولي على عربيتي جميلة قوي والا عتبلى عليكي عاد.. 

-وه دي تبعك انت متقولي يا جميل مش رايد حد يشتغل معاك يا قمر انت حتى لو سواق موافقة.. 

.... في بيت مي كان ابوها رايح جاي وهو بيقول: 

- انتي يا مقصوفة الرقبة التانية روحتي فين عاد يابت مش كفاية خيتك عليا تيجي انتي كومان.. 

جت بنت جميلة ولابسة حجاب وهي بتاكل مكرونة وبتقول: 

- وه في ايه يا بوي عاد صوتك عالي كده ليه باكل ايه الواحد مبيقدرش ياكل في البيت ده كيف العالم والخلج والا ايه... 

ابوها ضرب كف على كف وهو بيقول: 

- عليه العوض ومنيه العوض في خلفتي كلياتهم واحدة دماغها طارت من الروايات اللي عتقريهم ليل ونهار والتانية مش نافعة غير في الوكل كيف البهيم.. 

هنية بزهق: 

- يوه يابوي مش عاجبك جوزني قولتلك قبل سابق جوزني انت اللي مش رايد وبتقولي اكمل علام يبقى استحمل بقى اللي يجرالك ها... 

امشي يابت من اهنيه مش قادر اشوف خلقتك واصل... 

جريت هنية من قدامه بخوف وغانم استنى بنته تاني... 

.... عند باسل كان واقف وهو بيقول: 

-انتي مخبولة يابت انتي والا ايه.. 

-الله يسامحك هعديهالك المرة دي علشان العربية القمر دي وبس .. 

باسل بزهق: 

- اني مش رايد موظفين اهنيه ولو انتي من بتوع الكاميرة الخفية خلينا وقت تاني الجو حر قوي مش مستحمل اقف اكده. 

- كاميرة ايه عاد بقولك ايه مش رايد تتجوز انا موافقة بس مش تعزبني كيف الأبطال الغنية مبتعمل في البطلات كده.. 

-والله الروايات كلت عقلكم كلياتكم ايه الحديت ده يا بت الناس، انا مش رايد اتجوز ها وكمان دي مش شركتي وانا معنديش اي عربية واصل دي عشتغل عليها.. 

بصتله بغرور وهي بتقول: 

- كنت بفكر في الجو ده هلاقي صاحب الشركة اللي بحلم بيه وهوب نخبط في بعضينا ونتجوز أوام، لكن قليل البخت بقى يا ميلة بختك يا ميوية ياقمر يالله ملوش في الحلو نصيب.. 

باسل كان فاتح بقه بصدمة وهو بيقول: 

- شكل مخك ضرب ايه اللي عتقوليه ده مين اللي عيخبط فيكي ويحبك في الجو ده مخبولة انتي .. 

مي بعصبية: 

-امشي يا راجل انت من قدامي مريداش اقف معاك واصل راسي اتحرقت من النقاب والحر كومان العواف يا صاحب العربية الجنان.. 

باسل واقف ومصدوم وهو بيقول: 

- مش خابر كيف وقفت مع المخبولة دي بس شهادة حق كلامها زين قوي بس انا ليه حاسس عيونها شله حد اعرفه... 

.. في بيت مي غانم ابوها كان لسة واقف وهو متعصب وبيقول: 

- كل ده تأخير أمال لو مكنتش قلتلك قدامك دقيقتين بس كنتي عتقعدي يومين والا ايه عاد، بت يا هنية يا منيلة انتي فين لحقتي تختفي يا بت.. 

هنية جاية تجري وهي بتقول: 

- انا اهنيه يابوي ايه عاد الواحد مش قادر يرتاحله هبابه في البيت ده والا ايه عاد، مش لسه ممشيني من اهنيه بتنادي ليه عليا دلوقيت، امال مقصوفة الرقبة خيتي فينها لساتها مجاتش لحد دلوكيت. 

غانم بصلها وهو بيقول: 

- وه عليا الحديت ده يابت والا ايه عاد دأنا خابر مصايبكم كلياتها خيتك اتأخرت قوي فينها امال.. 

سمع صوت الباب بيتفتح وهي جاية تقول: 

- واد يا اسمر يا اسمراني عيونك شبه الطلق الناري وه يابوي.. 

لقت غانم واقف ومربع اديه الأتنين وهنية ميتة على نفسها ضحك وبتقول: 

- وه ايه اللي عتقوليه ده يا مخبولة ومين اللي عتغنيلة كده.. 

غانم قرب من مي وهو بيمسكها من قفاها وبيقول: 

- انطقي يا مقصوفة الرقبة غيبتي كده ليه مش، قولتلك متعوقيش والا مخك جراله ايه عاد.. 

- صدقني يابوي الجو حر قوي والشمس كانت عتخرم نفوخي اداريت في مكان عبال ما الجو هدي هبابه.. 

غانم بصلها وهو بيقول: 

- وه عليا الحديت ده ادخلي انجري جهزي نفسك والبسي خلقات زينة جايلك عريس. 

مي بحزن: 

- يوه يابوي مريداش اتجوز بالطريقة دي مريداش اتجوز يا عالم اغنهالك امال.. 

هنية: 

- اني رايدة اتجوز يا بوي ايه رأيك عاد تجوزني اني وسيبك من البت مي دي وش فقر متعرفش النعمة اللي بيدها.. 

مي جريت ورى هنية.... 

غانم بعصبية: 

- انتوا تعرفوا لو مقومتوش قوام وخليتوا البيت يبرق قولوا على نفسكم يا رحمن يا رحيم انا رايح اقعد مع عمك ممدوح عبال ميجوا العالم اللي عيشوفوا مي.. 

مشى غانم ومي وهنية بصوا لبعض وهما ماسكين المقشات وهنية بتقول: 

- ياه يابت يا مي لو العريس اللي عيجي باليل يكون بطل كيف الروايات وغني وانتي متتجوزهوش بس انا اللي البس فيه ويحبني بعديها ساعتها مش هعبرك واصل.. 

مي بهزار: 

- وه امال عتقولي عني اني عايشة في عالم الأحلام ليه اكده وانتي كومان عتقري روايات كيف ما انا بعمل.. 

-انا بقراء روايات كيف مأنتي بتعملي بس انا مش ببين ده قدام ابوي لأنه لو عرف ده مهيسبنيش واصل وبالذات انه رايدني اتعلم وابقى دكتورة.. 

مي راحت لعندها وحضنتها وهي بتقول: 

- اكيد هتبقي اجمل دكتورة.. 

هنية بتقول: 

- طب همي قبل ابوي ميجي ويلاقينا واقفين ومعملناش حاجة واصل... 

باليل كانت مي قاعدة بتقراء رواية على السرير فجأة لقت ابوها داخل وبيقول: 

- وه ايه اللي عتعمليه ده مريداش تشوفي العريس وكومان عتقري المدعوج ده يابتي سيبي ام الروايات دي وهمي البسي خلقاتك وتعالي شوفي العريس قومي قوام.. 

قامت مي ولبست فستان والنقاب ومسكت صينية العصير وهي خارجة تنفخ ومش شايفة قدامها من العصبية وكان قاعد العريس هو وأبوه وأول مـ مي وصلت قدامة اتكعبلت في السجادة بالعصير ووقعت وفي اخر لحظة مسكها باسل بس العصير كله وقع عليه وقالت بخوف وبصوت واطي: 

- انت ايه اللي عتنيلة اهنيه احب على يدك متقولش لحد واصل انك تعرفني.. 

ضحك باسل بشماتة وهو بيقول: 

- كل مشوفك بيحصلي مصيبة خلقاتي كلياتها باظت يا وش الفقر امشي كده كيف .. 

غانم بحرج: 

- معلش ياولدي مي بتي متوترة شوية متواخذهاش يا ولدي..

-وانا هعمل ايه بالأعتزار خلقاتي كلياتها باظت.. 

غانم بحرج: 

- معلش ياولدي هجبلك خلجات من عندي بس متزعلش امال.. 

ابوا باسل: 

- خلاص بقى يا ولدي البنية مقصدهاش حاجه امال.. 

هنية بمحاولة تخفيف الجو: 

- متقلقش دي اكيد علامة انكم من نصيب بعض صدقوني... 

-خلاص يا هنية يابتي وانت يا باسل يا ولدي خد مي خليها توريك الحمام وتجبلك خلجاتي تلبس منيها حاجة يا ولدي.. 

بعد محاولات مع باسل انه يلبس حاجة من عند غانم ووافق قال: 

- بت يا هنية روحي مع خيتك.. 

بعد فترة غير باسل هدومه ولبس قفطان صعيدي وكان قاعد مع مي وهو بيقول: 

- ها مش ناوية ترفعي اللي مغطية بيه وشك ده عاد والا مش ناوية.. 

-بص يا بشمهندس كدا كدا الجوازة الشوم دي معتمش واصل وكومان كيف عرفتني وانا لابسة نقاب اكده.. 

-انتي مخبولة عاد عيونك الخضر دول كشفوكي قوام وكومان انتي اكدتيلي لم افتكرتي ساعة موقع عليا العصير.. 

-اه علشان اكده بس يا سيدي انا مريداش اتجوز وانت هتخرج من اهنيه وعتقول لبوي ان كل شيء قسمة ونصيب اتفقنا يا ولد الناس.. 

باسل بصلها وهو بيقول: 

- اول حاجه عترفعي الدعوج ده من على خلقتك علشان اشوفك زين، تاني حاجه انا مش هقولهم اني مش موافق لاني رايد اتجوزك مش ده كان امنيتك ساعة مطلبتي مني اتجوزك.. 

مي بتوتر: 

- كنت طايشة وقتيها وبقراء رواية وفجأة لقيتك قدامي غصب عني هعمل اكده بس حرمت معتش هعملها واصل بس متقولش لبوي.. 

- يبقى كلامي يتسمع وترفعي النقاب ده رايد اشوف وشك مش جايز تطلعي مشوهة والا حاجة.. 

مي اتوترت اكتر وكانت بتفرك اديها جامد وقلبها بيدق وباسل قرب عليها وبيقول: 

- هعفيكي المرة دي جايز المرة الجاية ترفعي واشوف وشك كلياته.. 

وضحك بصوت واطي وخرج وسلم على غانم وخرج مع ابوه وبعد موصل بيته كان متعصب وبيقول: 

- مش قولتلك يا بوي مش رايد اتجوز انا بحب مرتي ومش رايد ادخل واحدة مظلومة حياتي وانت خابر اللي فيها زين.. 

ابوه بحزن: 

- انا قولت ان الجواز هيخرجك من حزنك يا ولدي وكلمت غانم اللي اتعرفت عليه من قيمة سنة تقريباً وعرفت ان بنته مي زينة الصعيد كلياته قولت يمكن تخرجك من حزنك ده يا ولدي.. 

باسل كان هيتكلم بس جليلة جت من وراه وهي بتقول: 

- ولدي مش هيتجوز غير بنت اخوي وبس... 

الفصل الثاني من هنا