رواية شيخه عراقيه كويتية الفصل العاشر بقلم جمانه السعيدي
رحيم..بهاي الفتره بديت اهيئ نفسي وعائلتي حتى نرجع للعراق
كنت دائما احجي الشيخه عن اهلي وبيتنا بغداد
وعن حكمت وعن اهلي وبيت عمي كلهم
كنت ناوي اخذ شيخه وبدريه ونرجع للعراق نعيش ببتنا
كلنا سوا
بس اربد اجمع فلوس اكثر حتى من ارجع للعراق ارتاح
وبعد مااشتغل
اني هم عمري بعد مايسمح بالشغل
تعبت اذا عندي مبلغ زين اكدر افتح مشروعي الخاص
ونعيش اني وعائلتي احسن عيشه
كل يوم اكعد احجي الشيخه عن ذكرباتي وياا اهلي
اذا رجعنا للعراق راح اخذكم الاحلى الأماكن هناك
واخليكم تشوفون كل الأماكن الحلوه بلعراق
صار اكثر من عشرين سنه واني طالع من العراق
صحيح اني سافرت الأكثر من دوله بس حنيني للعراق مايخلص اتمنى ارجع واعيش بلعراق
كافي غربه وسفر
خصوصا عرفت المنطقه الي كنت ساكن بيه بغداد صارت غير صارت منطقه تجاريه
والبيوت هناك أسعارها نار
حكمت طلعت محلات من البيت واجرتهن حتى تعيش
هي ووسام
يعني اني من ارجع ووضعي كله راح يتغير للاحسن
بلنسبه الشيخه وبدريه اني بلنسبه الهن كل ناسهن واهلنهن
لان من بعد وفاة ابو صكر وام صكر انكطعت العلاقه بينا
بشكل نهائي
لا نعرف اخبارهم ولا يعرفون اخبارنا
لهذا السبب اني كنت مقرر ارجع للعراق اريد شيخه
تتعرف على اهلي واهله
اريد يكون عدها عزوه واهل تستند عليهم بلمستقبل
مهمه يكون هي بنيه واخاف عليه من بعدي
لازم نرجع ونعيش وسط اهلنا
كنت اجمع كل فلس احصله وانتضر اللحظه الي ارجع بيه للعراق
حتى شيخه كانت متحمسه حتى تشوف العراق وتعيش بي
وهم شيخه خلصت كليه
يعني بعد ماعدهم اي التزام هناك
خلاص بعد ماعدنا شي بلكويت راح نرجع للعراق
بديت اصفي كلشي هناك
لان بعد ماعندي نيه ارجع للكويت شعندي باقي هناك
حتى الجوازات كملن
هلمره راح نسافر ونستقر بلعراق
بيوم الحادث كانت عندي كم شغله اربد اخلصه قبل لا نسافر صممت بدريه تروح وياي للعاصمه
تريد تشتري كم شغله وتريد تشتري هديه الحكمت
لان هذا اول لقاء راح يجمعهن
ماحبت تروح وايدها فارغه وخصوصا تعتبر نفسه ماخذه شي عزيز عليه ماخذه زوجها
كانت طول الطريق تسئلني عن اطباع حكمت وشنو تحب وشنو تكره
رحيم...يمعوده وين اذكر اطباعه صار فتره كلش طويله واني بعيد عنه
الإنسان يوميه يتغير ويصير بحال جديد
ترديه تبقى كل هذا الوقت على طبعه وماتتغير
خليج طبيعيه
احسن الإنسان يكون على طبيعته شويه وراح تتعود عليج
حكمت كلبه طيب حتى من تزعل بسرعه ترضا
وماتشيل حقد بكلبه ابد
بس هي اله حقوق عليه مو تغارين اني لازم بس اوصل اصالحه
لان من طلعت من العراق واعدتها ارجع أخذها وياي
بس الضروف ماساعدتني ارجع للعراق
بدريه...الله يساعدها شلون صبرت عليك كل هذا الوكت
رحيم...حكمت قويه
بدريه....بتسكن بيتكم الحاله
رحيم...لا ابن اخته مربيته من زغير وعمي يروح ويرجع عليه
بدريه...تمام بكو على طبيعتي بس انا خايفه منه
رحيم...ليش تخافين منه هي انسانه مثلج
بدريه...انا لو وحده تأخذك مني بموته خلاص اكيد اهي
أكوى مني واحسن لان صبرت علي
كانت هاي اخر الكلمات ببنهم قبل لا يتعرضون الحادث
ونقلوهم للمستشفى وهمه بااخر أنفاسهم
بدريه بس وصلت للمستشفى ماتت مالحكو يسعفونه
اما رحيم...بقه ٢٤ ساعه بس وضعه تعبان
وكانو الدكاتره شبه فاقدين الامل تتحسن حالته
شيخه اجاها الخبر مثل الصاعقه لحكت على رحيم قبل لا يفارق الحياة
رحيم...اهلي شيخه ارجعي الاهلي وعيشي هناك
لا تبقين هنا وحدج
شيخه...يبه لا تكول جذي لا تخوفني عليك تكفه يبى
لا تتركني الحالي
انت وامي بيوم واحد
يبه تكفه كلمني انا بنتك حبيبتك لا تتركني
كيف بتترك ني الحالي بهاي الدنيا
انا ماشبعت منكم يبى كلمني
الدكتور أكد الكلام موزين علي لان وضعه تعبان
كانت وصيته الاخيره شيخه ترجع للعراق وتعيش وسط اهله لان مابقاله احد بلكويت
وهي بنيه شابه ويخاف عليه
انهارت شيخه وكامت تلطم على راسه مسكينه امه وابوها بنفس اليوم مابقاله احد
اصدقاء رحيم والجوارين اخذوهم دفنوهم
وواكفو وياا شيخه وهي تستلم العزاء
شيخه من كد الحزن جسمه نحل وضعف على طول نايمه
وماتريد تحجي ويااا اي احد
ماتعرف مصيره شنووو
تسافر للعراق وحدها وتعيش هناك
لو تبقى بلكويت لان هي متعوده هنا
اذا بقت هنا منو اله شلون راح تعيش
منو يحميه من الزمن
تكدر تعيش وحدها وتشيل المسوليه لو لا
ووصيه ابوها شلون اخر شي وصاها ترجع للعراق وتعيش هناك
اما اهل رحيم بلعراق بعد ماعرفو مات حاولو يجيبو للعراق يدفنو بس التكلفه كلش هواي
وزوجته شلون يجيبوها لو تندفن هناك
قررو عم رحيم ووسام يسافرون للكويت
حتى يتعرفون على شيخه ويسئلونه تقبل ينقلون الجثه للعراق حتى يدفنوها
وصلو للكويت ثالث يوم بعد وفاة رحيم
اكو ولد من العراق استقبلهم ودزهم على بيت رحيم
بس وصلو استقبلتهم شيخه
عم.رحيم...البقيه بحياتج الله يخلف عليج
وسام...اباوع البنيه كوه واكفه شكله تعبان ووجها اصفر
كوه تحجي
شيخه...البكه بحياتكم
عم رحيم... احنا وصلنا الخبر امس والطريق طويل
نتعذر منج لان اجينا متاخرين
شيخه...معذورين
وسام كانت تحجي وصوته مبحوح ومبين عليه الحزن والانهيار
عم رحيم...احنا جايين نترخص منج ناخذ رحيم ندفنه بلعراق
شيخه...لا لا نزلن دموعي لا اترجاكم لا ابوي اندفن
اترجاكم تتركونه هو وامي
ارض الله وحده بااي مكان
عم رحيم بكيفج احنا ماجايين نزود وجعج
بلعراق كانت حكمت ناصبه عزا رحيم وتلطم
مسكينه كانت تنتضر يرجع البيته بس القدر أقوى منه ومنه
كل هاي السنيين ومات
مارجع ولا شافته رغم زعله علي بس بعدها تحبه
وكانت تنتضر يرجع اله
وسام..بقينا لليل بيت عمو رحيم
شيخه دخلت جوا تستقبل النسوان واحنا كنا كاعدين
بلاستقبال
لليل الناس كله راحت
عم رحيم....جدو حبيبتي انت مابقالج احد هنا
ترجعين ويانه للعراق واني اخليج فوك راسي اذا ماتشيلج الكاع اشيلج جوا عيوني
شيخه...كنت حاسه روحي بحلم وانتضر اهلي يردون
بس كلام جدي نبهني يعني صج امي وابوي ماتو
وانا بقيت وحدي بهاي الدنيا
وسام...ترحين ويانه شكلتي
شيخه...بعدني ماني مصدكه الي بيصير معي
انا فكدت امي وابوي بوكت واحد
انا للحين ماشبعت منهم
ابي اعيش هني حتى احس فيهم معي
عم رحيم...الله يساعدج ويصبر كلبج اني ووسام راح نبقى هنا الباجر اذا تغيرين رائيج ناخذج ويانه للعراق
شيخه..مسحت دموعي هاي كانت وصيت ابوي الله يرحمه
وسام...اذا عمي وصاج ارجعي ويانه لان احنا مانكدر نبقى هنا ولا نكدر نروح ونرجع عليج لان الطريق طويل
يومين يله نوصل
تعاي ويانه الخاطر ابوج
شيخه...الحين اروح ارتاح وتكدرون تاخذون راحتكم
اعتبرو البيت بيتكم
