رواية خيط الدم الفصل الثامن والعشرون بقلم زينب طالب
صوتك حنان الماي
وأحنه إشگد عَطش بينه الفرح
صُوتك سَمار الگاع
وأحنه گلوبنه جفوف الفلح
صوتك خمر
وأحنه سكارى أبلا خمر
صوتك شِعر وأحنه قصايدنه الصَبّر
..........
جوري...
:: تعالي هاي وحدة تريدچ
حچتها وعافتني وراحت غسلت ادية ورحت دخلت للصالة وگعت عيني عليها گاعدة يم عمتي رجف گلبي من جيتهاا وحچيت برجفةة بخفووت
::لاياالله شجابها هاااي
تقدمت منها اخفي توتري باوعت للصالة اكرام يهزز رجلة بتوتر ابوه بصفة يمهم كراار وحسن ورود وحنين هم گاعدات عمتي گاعدة بصفهاا تقدمت شافتني گامتت تقربت اخذتني لحضنهاا بوستني
علساس فرحانةة الية
سهام :: جورري حبيبتي الف مبرووك يعمري صحيح زعلانة عليچ بسس ماگدرت الا اجي وأباركلچ تبقين بنيتي الصغيرة والأم متزعل من بتهاا
حچيت بصووت ناصي بأذنهاا
::شجابچ هنااا انتِ
ردت علية بصوت عالي متقصدة تسمعهم
سهام :: يااا غير اجيت اشوفچ وأباركلچ حتى لو ماعزمتيني على عرسچ ماازعل عليچ
حچة اكرام مقاطعهاا
اكرام :: يلة يابة يمة گوموا خليهم ياخذون راحتهم
صاحت معترضةة
سهام :: لالا وين ابقوا عيوني اريد اتعرف على عيال بنتي شعدنة قابل وناخذ راحتنةة
اكرام :: لاميصير للزم تبقوون وحدكم
سهام :: ابدد والله حجي اگعد مو اريد احچي موضوع ويااكم
ردت عمتي عليها
ام اكرام :: شنو ياموضوع وانتِ ليش مشفناچ بعرس بنتچ ؟
عافتني وراحت گعدت يمهاا وتحچي بتمسكن
سهام :: اوووف شنو احچي دادة ام اكرام بس بنااتي ماعزمني حتى مااعرف بيهاا تزووجت
شايفة هيچ وين اكو بنت متگل لأمها راح تتزوج
ام اكرام :: ليش معزمتي امچ جووري شنوو صاير بينكم؟
:: ماكو شي عمةة سووء فهم بسس
سهام ::لاعيوني الله وكيلچ كل الموضوع لأن تزوجت ورة موت ابوهن عاقبني وطلعن من بيتي شنو مو من حقي بعدني بعز شبابي يردن ادفن روحي وراه
حچت ورود مقاطعهاا
ورود :: هاي المشاكل بينكم ماالهاا داعي نعرفهاا
سهام :: اي هم صحيح كلامچ ، بس اني مقهورة على رجلها متأمل بيهاا ترجع وترضى عليه بين يووم وليلة تزوجت وعافتة خطية حيل حباهاا بس هيةة تددل عليه وماقبلت ترجع الةة
حچتها صارت هدوء واحد يباوع للثاني عيني بأكرام وعيوني تلمع اريدة ينقذ الموقف لگيتة خازرهاا بعصبية وهية تباوعلة بتحدي گاام رااح بأتجاهاا صااح بصووت خلسهاا
اكرام :: امشششي طلعي مناا وأيااچ توصلين هذا البيت مرة ثانيةةة احذررچ
ام اكرام :: أووگف وين تطلع خلي نفتهمم شنوو قصدهاا يارجل لتحچي عليه
اكرام :: يمة معليچ بيهاا كلامهاا فاارغ لاتاخذين بيه گوومي طلعيي گتلچ
سهام :: اي طالعة لا تضل تصيح
قبل لاتطلع دارت وجها وگالت لعمتي
شنوو عيني متدرين بچنتچ چانت مزووجة قبل ابنچ لولا وطلكهاا من رجلها بالغصب استغل الرتبة مالتة وجبرة يطلگهاا حتى يتزوجهاا الله اعلم يمكن چاانت علاقة بيهاا وهية بذمة رجلهاا
بعد كلامها صاارت ضجةة كلهم يباووعن اليةة بأستحقار كرهت روحي ونزلت دمعتي شافني اكرام سحلهاا من ايدهااا واخذهاا برة وهية تراد وتصيح بصووت عالي وهو يطرد بيهاا
سهام :: عوووفني لكك طالعة لاادفع شنوو ضام سوالفك انتَ وياهة على اهلك الله يحرگ کلبكم ان شاء الله مثل متحرگوون گلبي
اكرام :: اذا ماادفعچ ثمن لسويته غاليي بعيني
سهام :: شتسوووي سووي ميهمني لمهم بردت گلبي بيك وبيهاا
حچتها ودفعها برة سد الباب رجع عليه گاامت امةة وگفت بوجه
ام اكرام :: لك اكرامم صددگ هذا الحچي هااي جاانت مزووجة وانتَ اخذتهاا من رجلهاا وجبتهاا لبيتيييي
اكرام :: شنو اخذتهاا من رجلهاا يمةة تعرفين ابنچ هيييچ شنوو صدگتي كلامهاا بسرررعة
ام اكرام :: لعدد فهمنيي مو راحح اتخبللل صددگ چانت مزووجة قبللك
اكرام :: امها زوجتها لرجاال اكبر من ابووها وحاولت زوجتة تقتلهاا وشمروهاا بخرابةة لگيتها اني ولزمت قضيتهاا اطلگت من زوجهاا واني اخذتهاا لأن حبيتهاا شنوو حراام يعني لو المطلقة لازم تندفن مامن حقهاا تتزووج
ام اكرام ::اي اي حرااام يعنني انتَ فضللت هاااي على بنت خاالكك صددگ تحچي عنددك عقل انتَ
اكرام :: كاافي يمةة سدي المووضوع اني ضميت عليكم لأن اعرررف ردة فعلچ انتِ بالذااات هيچ مو من حق اي احدد يدخل بحياتتي كاافي
ام اكرام :: ادخللل ونصص شنوو تريد تخبلني انتَ اسمممع اكررام من الاخيررر تطلگهااا وتذبها على امهاا مااريدهاا بيتي
ابو اكرام :: بسسس سكتي يامررة
ام اكرام :: تسكتني اني شوووف ابنكك شنوو مسووي
ابو اكرام :: ماسووة شي هذاا الذي خااص بينهمم مدام هوو مقتنع ماالچ حق تدخليين
ام اكرام :: همم يگلي ماالچ حق لكمم اني اممم واريد الزززين لأبني شنووو هاي وتصيررر مرتةةة وتصيرر چنتتتي
حچيت بكسرة وغصةة
::ليشش شبيه أني ومأصير مرت ابنچ مو من مستوااچ عمة!
ام اكرام :: اي مو من مستواااية ومطلگةة وجاهلةة وهمجيةةة ترحين تلمينن ملابسچ وتطلعين من البييت
اكرام :: يمةةة مااسمحلچ كااافي جوووزي منييي
ام اكرام :: تصيحح علية اكرام هاااي تاالي تعبي هيچ تعلي صووتك عليةة اسممع من الأخيررر لو اني لوو هيةة باليبت
بعدد بكيفك
حچتها وراحت لغرفتهاا دموعي تنزل اكرام گعد لازم راسة اخوو گعد يمةة يصبر علية واني اجت ورود تتعذر بمكان امهاا
ورود :: جووري حسبيها علية لاتاخذين بكلام امي لانها نصدمت من الموضوع انتِ نشرفين اكبر نااس حبيبتي محضوضين بيچ احنة والله
باوعتلهة عيوني مدمعة جسمي يرجف مااگدر ارد
اباوع بالوجوه حسن وكرار وعمي يباوعون الية بشفقة حنين نضرتها استحقار ورود كلامها يطيب خاطري صارت عينة بعيني يباوعلي بأسف شاف حالتي هيچ نهض من مكانة اخذني من ايدي وصعدني فوگ امشي وياه بدون شعور دخلنة للغرفة گعدني على السرير وگعد مقابيلي ادية بين اديه حچى بأسف
اكرام :: أسف جوري اسف اني خليتچ بهيچ موقف مچان المفروض اضم هيچ موضوع حتى أمچ ماتستغلة لصالحها بس ماعرفتها بهذا اللئم هيةة
حچيت بهضم
::وأكثر اكثر من هيچ ماخلت شي ماسوتة بيه وبشفق ليش تتسأف اكرام اني لمفروض اعتذر منكم على تصرفها مو أنتَ
اكرام :: وانتِ شعليچ بيها جوري انتِ مامسؤولة على تصرفتها من قبل لانزوج اني اعرفهاا واعرف علاقتها بيچن ماهمتني ابد ماچنت اشوفهاا غير انسانة منحطة بلا أخلاق ولاضمير متجردة من الرحمةة
::حتى على بناتها اكرام حتى علينة ليش شنوو سوينة الهاا شگد سألتها هالسؤوال ماقنعتني بجوابة عد نفسها هية المظلومة واحنة لظالميها وين اكوو ام تجي تخرب على بنتهاا وهية عرووس شفت امي ليامرحلة واصلة من النذالة
اكرام :: كافي جوري لاتبقين تقهرين بنفسچ على شي ميسووة
::شلوون ميسووة اكرام شنو موقفك هسة گدام اهلك من طلعتك كذاب بنضرهم وطلعتني اني بلااخلاق ومسوية علاقة ويااك واني على ذمة ذاك شنو تبريرك الهمم بعد كلامهاا بحقنةة
اكرام :: ماابرر لأحد حچيت الصار ليصدگ يصدگ ولمايقتنع هو حرر لمهم اني وانتِ لباقي مو مهم
::وإمك امك اكرام من قبل هية متطيقني شلوون هسةو
اكرام :: معليچ بيهاا تجنبيهاا اني اعرف شلوون اسكتهاا بس مسحي دمووعچ مو کتلچ مااريد عيوونچ تبچي ولچ دموعچ تحرگ گلبي
::الصار مو شوية ليشش مهمامك انتَ
اكرام :: محد يهمني غيررچ
ابتسمت لكلامة ضحك ومد ايدة مسح دموعي وگال بضحكة
اكرام :: ام دميعة يراد اشدلچ طوافة حتى نسيطر على دموعچ
::هههههههههه
اكرام :: اروح فدوة لضحكتچ
::اسم الله عليك
اكرام :: يلة جعت اني اخليهم يصعدون الغدة ؟
::بكيفك بس اني مااشتهي
اكرام :: ماكو مااشتهي تاكلين غصب عنچ
حچاها وباسني بشفتي وگاام فتح الباب صااح على المساعدة تصعد الغدة ورجع دخل شوية وجابوا الغدة سحبني من ايدي وگعدني غصب عني يوكلني
الى ان انتخمت بيومها بقينة بالغرفة مانزلنة ابد ثاني يوم هو داوم سويتلة ريوگ وحضرت هدومة وطلع
ورجعت نمت مااعرف شگد مر وقت حسيت الباب نفتح وعمتي فووگ رااسي تگعدنيي فتحت عيوني صافنة عليها حچت من غير سلام
ام اكرام :: گومي غسلي وجهج وتعاالي اريد احچي ويااچ
::اي هسة
گمت من الفراش باوعت الساعة ب11 دخلت للحمام غسلت وطلعت لگيتها گاعدة على التخم غيرت هدومي بالحمام ورجعت يمهةة گعدت گبالها باوعتلي بأستصغار وحچت بلامقدمات
ام اكرام :: جوري من الأخير شگد تردين وتطلعين مناا وتعوفين اكرام
::شنو قصدچ مافهمت وضحي اكثرر
ام اكرام :: لافهمتي اگلچ شگد اطيچ فلووس وتعوفين اكرام وتطلبين بنفسچ الطلاق
::شتحچين انتِ ترة عيب هذا كلامچ بحقي
ام اكرام :: لا عيب و لاشي اني أگدر ادبرر شغلة اخليه يكرهچ ويطلگچ وتطلعين مناا بطرگ ملابسچ بس گلت اخليچ تستفادين هم خطية تطلعين من الزواجة بدون فايدة
::عمةةة كافي ترةة زودتيها اني مرتت أبنچ شلون تحچين وياي هيچ تبيعين وتشترين بيةةة جااي تساومني حتى اتررك زوجي مقابل فلوووس كلل عقلچ!
ام اكرام :: صووتچ ميعلةة علية لاتخليني اگووم ادوس على راسچ وگتلچ گعدة هناا ماالچ اذا متطلعين اني اطلع وينهدم البيت مو ورااچ
::وليشش تطلعينن شنوو مسوية اني وگاعدة تعاقبنيني كل هااي لأن ابنچ حبني وتزووجني شنوو الجريمة لسويناهاا وياه
ام اكرام :: أبني كسررر كلمتي وعااف بنت خالةة واخذچ لافاد زعل ولاتوسل ولاأي شي وياه ركب راسة واخذچ غصب عني وفووگ كل هذا طلعتي صاحبةة ماضيي يفششل
::يا ماضي لتحجين عنةة قصدچ لأن تطلگت متعرفين شنوو مريت بزواجي ذاكك ونفصلت وأعتقدد اكرام حچاهاا البارحةة شنوو يعني التطلق ماالها حق تتزوج بعدد خلي نفسچ او بنتچ بمكاني تقبليهاا انتِ
ام اكرام :: لاتقارنين نفسچ بيةة لو بنتي انتِ وين وااحنة وين لزمي حددچ جوري وأي لمطلگةة عيب ومااخذها لأبني لو اعرف بيها مووتي
:: ترة خبصتني شنو انتِ وين واني وين ترة كل احنةة متساوين ليش تحسسني عدكم شي يميزكم على العاام واذا على الفلووس على اي لحظة كل شي يتبخرر لاتطغين عمةةة ترة ضرربة الله قووية
ام اكرام :: عمت عين الوقت لخلاه وحدة مثلچ توگف و تحچي وياي هيچ سمععييي لچ اانتِ مبين عليچ لزگةة وماتسمعين الكلام بس اني گلت اسوي بأصلي وانصحچ تطلعين من غير مشاكل وانتِ ماسمعتي مني اتحملي الجااي لعدد
حچتها وگامت طلعت من الغرفة ورگعت الباب وراها بس طلعت انهاريت وراهاا شكد چنت احچي بقوة وامثل اني مامهتمة گدامهاا بس انهاريت من طلعت كلامها سچاچين وبالگلب تطعن اخخخ شگد سهلة عدهم كسررة الخاطرر بدون ميحسوون بالمقابل بشرر مثلهم وعندة احساس وكرامةة
على گعدتي وابچي دخل اكرام شافني تقررب عليةة خايف گعدد گدامي يحجي بخووف ويسألني
اكرام :: جوري حبيبتي شبيچ جووري ليش تبچين شصايرر وياچ ردددي بطلي بچي
::تعبت اكرام تعبت
اكرام :: شكوو شنو صايررر غيررر اعرف احچي
::عوفني مصار شي
اكرام :: لاتضمين علية جووري احجي لخاطر محمددد ترةة مو وضعيةة هااي احچييي
::شبيك عصبتت هااي بعددني محاچيةة
اكرام :: تدرين من اشووف دموعچ افقد اعصابي
وانتِ متحجين اعررف ترة شجااي يصير وانتِ تضمين عليةة منتضررچ شووكت تنفجررين
::شحچي هاا شحچي اكلك امكك مسممتني بعيشتي من يووم الاخذتك لليوم كلما تشووفني تغثني وتعيريني وتستنقصص مني والله كلامها يدگ بالععظم وابلع واسكت مااريد اضووجك ووورد تتعذر مكانهاا واگوول خطية يجي واتلكاه بمشاكلي شيريد يسسوي امةة امةة بس للصبرر حدودد والله وصلت بيهاا الحاال تساومني بفلووس حتى اعووفك واطلع مناا واذا ماقبلت
تسوووي شغلة تخليك تكررني اللله اعلم شنوو تسووي هانتني حيل اكرام امكك مسحت بيةة الگااع بكلامهة
كااافي تعبت شوكت ارتااح كل عمرري15شفتت اشياء شيبت راسييي من ماات ابووية لليوم واني ماشفت الراحة من معاملة امي لزواجي لمرضي وحالتي النفسيةة ومن دخلت انت لحياتي گلت خلااص اجاني الفرج وراحح ارتااح اجيي الگةةة امك ممتقبلتني وتقلل مني واليووم امي زيدت الطين بلةة گلي شوووكت ارتااح شوووكت من اموووت يلةةة؟
بدون ميرد علية گام طلع من الغرفة وعيوونة تنفث شرار مامنعتة ولارحت وراه خلي يضع الهم حد يمكن صرت انانية لو حقيرة بس اني تعبت كافي اريد اعيش اريد ارتااح
اسمع صووت صياحة من جووة وين واصل وصووت صريخ امة ومراددهاا وياه وصلني وراها اسمع صووت تكسيررر خفت عليه شوية وصارت هدووء يمكن طلع من البيت گمت غسلت وجهي وتوضيت حلگي يابس لبست احرام الصلاة أريد اصلي انفتح الباب بقووة علية باوعت حنين بنت ورود تقدمت يممي متهجمةة تصيح
حنين :: انتِ وحدةة حيةةة حقيرة خاالي هسة واصل شحنتي وخليتيه ينزل يتعارك ويةة بيبي متخاافين الله ليشووفيچ يگوول ملاااك برئ وانت حيةةة
::امشي نزلي مناا لاتخليني انزلچ سحل امشييي مابقى علية بسسس انتِ
حنين :: هااا الخرسة طلع عندچ لسااان وتحچينن لو ثبتي نفسسچ وشفتي خااالي كاتل رووحة عليچ تفرعنتي
::لچ انتِ غيرر صلفةة شكوو تدخلين بأموور الكبار بعدچ جاهلة متعرفين شييي امشي وليي
حنين :: منوو انتِ وتطرديني من غرفة خاالي هاا منوو
::خاالچ رجلي والغرفة غرفتي وهسة وليي مناا شگدد بلاكرامة اطرد بيچ وباقيةة
من حچيت هيچ تخبليت تقدمت علية تريد تضربني مااعرف مني اجتني القووة لويت ايدهاا تعجبت من تصرفي مامتوقعتة خليتهاا تصيح
حنين :: ايدددي لچ عووفيني ادبسسرززز
::والله ماغيرج الادبسسززز
سحبتها وفتحت الباب ودفعتهاا برةة الغرفة حچيت بتهديد
::اذا توصلين بعدد لو حتى تصعدين فووگ اشمررچ من الدررج
حجيتها وطبگت الباب بوجها عالمم مو مال واحدد يسكت الهم ياكلوونة حسووني جايتهم من الشاررع
استغفر الله خليني اصلي والله دمي احترگ تعوذت من الشيطان وصليت كملت ودگيت على اكرامم ميرد ضل بالي عليه طلع من البيت معصبب خفت يصير بيه شي
للعصر اني فوگ محد صعد متت من الجووع همزين عندي بالثلاجة حلويات اكلت سديت جوعتي بيهاا
لليل كلش دخل اكرام باوعتلة چانت اعصابة واضحة بعيونة بس سلم دخل للحمام ركضت حضرت الةة ملابس سبح وبدل وصلة حچى وياي بس عيونة مايخليها بعيني
اكرام :: جوري اني هاي الفترة عندي شغل احتمال ابات برة البيت اريد منچ تتحمليني الموضوع احلة بس اخلص الشغلة البيدي
::شغل شنوو وين تبات اكرام وتعوفني هناا ترة من الصبح لهسة اني منازلة جوة واكل ممكالة ولااحد عبرني
اكرام :: بالدوام صارت عندي شغلة من تخلص اخبرچ عليها وموضوعي وية اهلي احلة بس اخلص جوري حبيبتي اريد منچ كم شغلى ومااريد تعانديني
::شنوو غير اعرف وشبيك متباوعلي صاير شي ويااك ؟
اكرام :: لامصاير لاتشغلين باالچ اريد منچ تبقين بغرقتج والأكل يوصلچ هناا متنزلين جووة بروح ابووچ بس عديلي هالأيام على خير وخليني اروح واني مرتااح
::يعني شنوو مااشوفك بعدد
حچيتها عيوني مدمعة گعد يمي سحب ادية لحضنة وحچة يهديني
اكرام :: ليش متشوفيني شنو راح امووت
::اسم اللله لاتحچييي هيچ شبيك اكرااام
اكرام :: غير انتِ گتلچ حبيبتي بس تخلص الشغلة احل الموضوع واجي اشوفچ لاتخافين بس ماابات
ابات بالدوام
::شوكت تروح؟
اكرام :: هسةة بس حضريلي الجنطة لأن مستعجل
::زين اكل شي
اكرام :: لامااريد اكل هنااك
گمت حضرت الجنطة مالتة مشط شعرة ورجع لبس لبس الدوام تقرب مني باوعتلة عيوني مدمعة
سحبني لحضنة حيل رفعت راسي علية
::راح اشتاقلك
اكرام :: اجيج كل يوم واذا ماگدرت اخابرچ خلي تليفونچ يمچ
::اي ميخالف
اكرام :: يلة حبيبتي رايح اني
::الله وياك
باسني وطلع مستعجل رحت قفلت الباب وراه خفت ماامن وهو مويمي كلشي يسوون ذني اخذت تليفوني اتصلت بشفق اريد اقضي وقت وياها بعدني منعسانة ماكو ادگ ومتشيلة گلت اكيد شامرتة هية ماتهتم للتليفوون بقيت اتصفح شوية الى ان نعست ونمت بس مامرتاحة نومتي تعلعلت اتعودت عليه
الصبح گعدت على دكة الباب صحت منو اجاني صوت المساعدة
::ريووگ مدام
باوعت الساعة ب12 يو شگد نايمة اني گمت اخذتة منها وسديت الباب ورحت غسلت وطلعت ترگيت
وراها لملت الغرفة وذبيت هدومي بالغسالة همزين عندي بالحمام خاصة بينة الى ان صارت الصلاة صليت للعصر صعد الية ورود فتحت الباب باوعتلي زعلانة حچت
ورود :: ولو اني زعلانة عليچ بس ماگدرت الا اصعد واطمأن عليچ امانة اكرام انتِ
::تفضلي ام حسن بس ليش زعلانة شنوو سويت؟
ورود :: كل هذا وماسويتي شي بلة عوفي موضوع زواجج السابق هذا صوچ اكرام مو منچ بس شلوون البارحة مااعرف شنو حچيتي وياه نزل متخبل علينة كسرر البيت وعيط على امي ليش جوري ماتوقعت تطلع منچ
::وانتِ عرفتي امچ شنو سوت لو شنو گاالت
ورود :: مهما كان ملازم اكرام يعرف
::لا ضروري يعرف لعد اني المن اشتكي ووين اروح امچ تساومني اترك البيت مقابل فلووس تريد مني اعووف رجلي لو تذبني بمصيبة تخلي اكرام يطلقني وتريدين مني اسكت؟
وردو :: چان گتيلي واني اتصرف
::شتسووين يعني امچ متسمع من احدد كارهتني من قبل لاتشوفني نووب عرفت اني مطلقة زادت علية ضعفين مو ذنبي تطلقت ولاذني اخوج حبني وتزوجني اني وياه سعيدين ليشش تدخلوون بينة وتريدوون تخربوون اريد افهمم
ورود :: جوري امي يمكن متعرفيها تحب المضاهر شيماء بنت خالي مهندسة وتحب اكرام وحيدة اهلها وامي تحبها رادتهاا الة شگد توسلت بيه بس هوو ميريدهاا تخبلت من كسرر كلامها واخذچ بدوون متعرف اي شي عنچ رفضت رفض قاطع بس ابوية وگفها عند حدهاا
شگد رات تخرب العرس وزعلت يووو كومة سوت اشياء في سبيل اكرام يتراجع بس ماطلع بأيدهاا شي عذريها جوري هيةة ام وتريد ابنهاا يمشي برأيها
:: بس هاي حياتة وهو راح يعيشها موهية حتى تريدهاا على مزاجهاا امچ متملكة ورود لاتزعلين مني تريد كلشي الهاا وتباووع للعالم بالعين الصغيرة تشووف الناس عبيد عدهاا ترة عمرها لفلووس والمناصب ماكبرت بشرر مو صح واني ماجاية من الشارع ترة عندي اهل ابوية المنطقة تحلف براسة لو بيبتي من ماتت الصغير والچبير زعل عليهاا واختي شفق تسووة عشرر زلم مو ذنبنا الدنيا مانصفتنة وحاربتنةة
ورود :: اوووف جوري والله اني محتارة هية جووة الضغط صاعد وحتى دوام مترووح شلون اكرام عيط عليها واكرام منايخابرني يوصيني بيچ وبيها وانتِ هناا زعلانة متنزلين امشي وياي مامليتي من الغرفة صارلچ يومين حابسة روحچ بيهاا
::خليني هناا ورود اكرام وصاني مااريد اسمع حجي يغثني فدوة لعينچ عوفيني
ورود :: براحتچ حبيبتي من تردين شي بس دگي عليه
::ان شاء الله
عافتني ونزلت ، مرت الايام اني حابسة روحي بالغرفة اكرام بالشغل اجاني مرتين بس ميطول ساعة ويروح چان يتصل علية كل يوم شفق تليفونة عطل اخابر على صارم وهم تحچي شوية وترووح گلت لاكرام اروح يمهاا ماقبل اختنگت من الوضعية وضجت گمت خليت الشال على راسي وطلعت من الغرفة مانزلت خفت اسمع كلام يكآبني واني معايزة
بقيت افتر فووگ چان الفوگ حلو وچبير بيه هواي غرف بس غرفتنة چانت معزولة ويمه غرفةثانية مادخلت للغرفة صعدت فووگ للسطح لگيت بيه قفص حمام اكيد مال حسن لان دائما اشوفة ينزل من السطح رحت للقفص اخذت وحدة باوعتلها شگد حلوة بيضة بستهاا وطيرتهاا طاارت بعيدد
::روحي وصلي البوسة لاكرام وكليلة يجي لأن راح امووت من الشوگ
ضحكت على نفسي والله ياجوري چنچ تخبلتي بقيت گاعدة شوية الهواء حلو صافنة على الطيوور مر وقت هواي ظلمت الدنيا يلة نزلت قفلت باب السطح ونزلت لگيت كرار بوجهي حچه
كرار :: ها مرت اخووي اليووم فووگ عاش من شافچ يمعودة
::هلا كرار ضجت وصعدت فووگ شفت الطيور شگد حلوات
كرار :: هاي سوالف حسن يموت عليهن گليلي شلوونچ محتاجة شي عليچ الله عديني اخوچ ولاتستحين
::لاشنو احتااج مشكور ماتقصر
كرار :: بلة اخذي راحتچ
سلم ودخل للغرفة واني هم رحت لغرفتي غيبة اكرام طولت حيل مليت وبزعت من روحي بس اكل ونووم باقية كم مرة اسمع عمتي تصيح علية ورود تسكتها چنت ماافتح الباب ولاارد عليهة كفاً للمشاكل
گمت للمراية باوت لروحي وجهي ذابل واصفر شعري هوسة عيوني حمر من البجي يارب هسةة هاي شكل عرووس شفت من عرسي اوووف اكرام وينك والله اشتاقيتلك وية حجايتي سمعت الباب اندگ صحت منو اجاني صوتة يمةة كلبي ركضت فتحت الباب لگيتة واگف بطولة گدامي شمرت نفسي عليه رفعني من الگااع يشمني شمم ويصيح
اكرام :: أويلي ياابة ميت بيك ابو غمازة
::اشتاقيتلك يمةة گلبي اكرام ووين عفتني
اكرام :: التووبة وداعة عيونچ جوريتي
دخلني للغرفة شايلني سد الباب برجلة گعد على الچرباية واني بحضنة شابگتة مااگدر اعووفةة
يحجي وياي ويشم برگبتي
اكرام :: جوريتي هيچ مشتاقة الية
:: متت متت شوگ عليك لاتعوفني بعد
اكرام :: التوبة وداعة عيونچ
::اوووف شگدد احبك
اكرام :: يهنيالي والله
بعدني باسني من شفتي بادلتة اللهفة عبر عن اشتياقة بأفعلة الية
نايمة بحضنة هو منتجي على تاج الچرباية سحب الجگاير يدخن باوعتلة
شبيك اكرام عيونك بيهن حچي گلي
اكرام :: اسولفلچ وتفهمين لو تگلبيها مناحةة
::شنو گلي شصايرر
اكرام :: شفق
::يمة اختي شبيهاا
اكرام :: هاابعدني محچيت شيي سكتي وسمعي للأخير بلا بچي
::سكتت احجيرفدووة والله گلبي وجعني
باوعلي وحچالي يمة گلبي رجف وعيوني مااسيطر عليها من الدمووع يمة اختي هيچ صاير ويااها واني گاعدة هناا يمة سودة علية
::اكرام اختي اختي هيچ صاير وياهاا وتضم علية ليشش اكرام ليشش مگتلييي
اكرام :: شگلچ شسووين يعني بس تبقين بقلق ردت تخلصص للأخيررر يلة اخبرچ
::اكرام اختي خااف تنحبسس فدووة اكرام والله هية متأذي نملة بسس هوي يستااهل اي يستاعلل قتل بيبي وهم راد يعتدي عليها دافعت عن نفسهاا اكرام شلوون خاااف تنحبسسس
اكرام :: اهدي جوري اهدددي اني لو مامتأكد من القضية مااگلچ والله بس 99بالمية القضية لصالحنة تدرين شگد تعبت اني ورجلها ماقصرر وكل الها احسن محاي في سبيل تطلع برائة ونقدم المحكمة منخليها تتأخر
::وشلوون هسةة اخذني
اكرام :: بااچر اخذچ اذبچ على تلبيت تنضفيه وتسوين غدة واجيبها واجي
::اكرام عليك الله اختي تطلع بااچر
اكرام :: وداعة عيوونچ لدوخنني تطلع برائة وتتغدى وياچ بااچر
حچاها ومسح دموعي واخذني لحضنة طول الليل افكر بيها لانمت وعيوني ما غمضت للفجر گمت سبحت اكرام نايم طلعت صليت گعدد گال نامي ساعة واگعدچ چنت تعبانة غفيت مااعرف شگد وگعدني باوعت الساعة بسبعة بس بدلت وطلعنة طول الطريق يهدي بيه ويطمني بس وين اني گلبي ناار وصلني للبيت دخلني چانت المفاتيح عندة دخلت وقفل الباب علية باوعت المطبخ كلة دم البيت وسخ عبارة عن تراب انضف وابچي كرهت هذا البيت ماشفنة منة بس الأذيةة اغسل بالدم وجسمي يررجف
يمة شلون گدرت تسوويها وتكتلة مااگدر اتخيل الموقف جسمي يرجف كملت البيت صار يلمع وسويت الغدة عيوني على الساعة مااعرف شوكت يجوون ادگ على اكرام ينطيني رفض خفت اي خفت تنظلم وماتطلع خفت يحبسووها ركضت مديت سجادتي وبقيت اناجي ربي يفررج عليهاا سجدت ودموعي تنزل للگاع وادعي تطلع من هاي السالفة
بقيت هواي ع حالتي الى ان سمعت الباب نفتح
مسحت دموعي وگمت اركض اسمع صوتهم بالطرمة هية ورجلها استحيت اروح بقيت واگفة يم الغرفة الى ان دخلووا اني شفتها ورحت اركض عليهاا
چانت تعبانة وحالها يكسر باب الگلب سلمت عليهاا وراحت للغرفة صارم دخل وراهاا بعد ماسلم علية
رحت للمطبخ جهزت الغدة وگعدت انتضرهم صافنة بالفراغ وأيدي على خدي افكر بيهاا فزيت على صوت صارم يحچي وياي
صارم :: جوري شبيچ وين صافنة صار شگد اصيح عليچ
::شنوو والله ماانتبهت
صارم :: صاير ويااچ شي
::لا بس خايفة على شفق
صارم :: لاتخافين عليهاا مابيهاا شي فترة وترجع احسن من قبل
::يا رب الله يسمع منك
صارم :: يلة شنو سويتي النة اكل ترة صار كومة مماكل مثل البشرر
::سويت برياني دجاج هذا صبيت روح هسة اجيب الصينة وراك
صارم :: يلة استعجلي
طلع من المطبخ اخذت الصينة ورحنة طلعت شفق من الحمام الخاولي على راسهاا گعدت يمي باوعتلي
سألتني
شفق :: شبيچ جوري شو شكلچ تعبان
::مابية بس مقهورة من على الصار ويااچ
شفق :: ههه عليمن تنقهرين اختچ صارت مجرمة وايدها كلها دم
صارم :: شفق عوفي هالكلام حبيبتي انتِ مو مجرمة انتِ بطلة
شفق :: اممم صحيح
حچتها ولزمت الخاشوگة تاكل بدون نفس صارم يباوع الهاا مقهور على حالتها اكلت شوية وگامت
شفق :: اروح انام تعبانة لحد يگعدني
دخلت للغرفة صارم ذب الخاشوگة وگالي
صارم :: چااي رحمة لأبووچ راسي يوجعني
::اي ادلل ثواني
شلت الصينة وگمت خليت القوري على النار بين ما كملت المواعين صار الچاي صبيتلة شررب وراح وراها واني دخلت لغرفة بيبي باوعت متغيرة الغرفة بس فراشي على حطتة ابتسمت تخاف على زعلي
تمددت وسحبت تليفوني دگيت على اكرام مارد اكيد
نايم تعباان
شفق حالتها تعبانة دائماً حابسة روحهاا بالغرفة اجتها
هدوء كم مرة عليهاا وهية نفس الشي اني شلت البيت عنهاا وابن صارم چان يروح يشوفها ويجي مقهور يگول شبيها ماما چنت اصبر عليه واگلة تعبانة فترة وتصير زينة تعجبت ماعبالي لهدرجة متعلق بشفق كلما ادخل عليها اريد منها تسولف الية متقبل تحچي اعرف بيها متريد تشيلني همها او عبالها بعدني ضغيرة چانت تغير الموضوع وتسألني على حالي ماحچيت الها اي شي حالتها متسمح كافي لهية بيه
اكرام مااجاني ابد اكثر من سبوعين اني هناا شفق تحسنت وصارت تسألني شعجب باقية مااعرف شرد عليها لأن اصلا اني مااعرف كلما اخابرة واگلة تعال اخذني يطلع عذر ويأجل صرت استحي منة واگلة خفت يعوفني لو يغيروا اهلة عليه الافكار السودة صارت تخربط عقلي بس چنت واثقة بيه وبحبة الية ميغدرني
اليوم العصر گاعدة ضايجة شفق گدامي تقري ابنها
واني صافنة بالفراغ تليفوني دگ ركضت شفتة اكرام جاوبتة حچة مستعجل
اكرام :: جوري غيري ملابسچ وطلعي منتضرچ
بالسيارة
::شنو وين نرووح؟
اكرام :: من تجين اگلچ استعجلي حبيبتي
سديتة منة وگمت بسرعة لبست عباتي وشالي وطلعت اركض گامت شفق سألتني
شفق :: وين رايحة جوري
::اكرام اجة علية
شفق :: شنو راح ترجعين ؟
::اي يمكن يلةة حبيبتي من تردين شي خابريني اجيج
شفق :: الله ويااچ خابريني عود
::ان شاء الله
طلعت لگيتة بالسيارة صعدت سحبني بسرعة باسني
اكرام :: مشتاقلچ جوريتي
::اي مبين صار شگد عايفني هناا ولاتجي تشوفني وانتَ وعدتني متعوفني بعد
اكرام :: غصب عني وداعة عيونچ بس كلة علمودچ
::شلون علمودي وانتَ رحت وگلت عدولي يادوب تخابر شوية وتسدة ومن اسألك لو اكلك تعال تتهرب
اكرام ::مو ماردت اخرب المفاجئة عليچ ردت تتشوقين اكثرر
::يا مفاجئة؟
اكرام :: هسة نوصل وتشوفيهاا
::يووو اكرام احچي
اكرام :: انتضري الصبر حلو
::شگد خلگك طويل
ابتسم وحرك السيارة بدون ميرد بقيت الطريق كلة اعاتب بيه لأن عافني وهو بس يضحك علية نووب حرگ گلبي بالزايد درت وجهي منة ساكتة الى ان وصلنة للبيت سحب ايدي خلة بيها مفتاح باوعتلة متسألة
::شنوو هذا؟
اكرام :: مفتاح بيتچ
::بيتي؟
اكرام :: اي يلة نزلي
نزلت من السيارة وعيوني للباب بيت عيالي على حطتة بس باب الشارع متغير معزول منة باب صغير
ومسگف باوعتلة متعجبة ابتسم سحب ايدي اخذ المفتاح مااگدر افتح الباب ايدي ترجف فتح الباب صعدنة درج حديد مسگف خلصنة الدرج فتح الباب الثاني
ماخذ نصف الصالة الفوگ مسويها گعدة تخبل تخم وطبلة وشاشة كاملة من كلشي والغرفة الثانية قريبة من غرفتنة تصير مسويها مطبخ يجن كاونتر على طولة وطباخ غسالة صحون اجهزة كهربائية اشكال
مجهز من كلشي امشي واتفرج متعجبة وغرفتة على حطتها بيها حمام صاير مشتمل معزول عن البيت الچبير لأن قاطعينة بحايط باوعتلة ودموعي مغرگة عيوني فتح اديه الية ركضت بحضنة ابچي بقووتي
اكرام :: لا لا ليش البچي ردت افرحچ مو تبچين
::اكرام صدگ هذا بيتي وحدي الية بس اني ويااك
اكرام :: صحيح مو گد مقامچ بس ماگدرت اروح بعيد عن اهلي اخاف عليچ بعدچ صغيرة وهم اهلي مااريد يتأذون اكثرر اذا بعدت عنهم
::لالا كافي لو بس غرفة اني ويااك اكون اسعد انسانة بالدنيا يعني شنوو هسة راح ارتاح محد يأذيني بعد محد يسمعني حچي؟
اكرام :: اي جوريتي بيتچ شنو تريدن تسووين سوي براحتچ محد يزعجج بس مااريد دموعچ تنزل
::لاماابچي بعد اكرام اوعدك ماابچي حبيبي
بس گلي شلوون صار هيچ
سحبني من ايدي گعد وگعدني بصفة ذب حسرة وحچة
اكرام :: من قبل لانتزوج ردت اعزل من شفت رفض امي الچ ماردت تتأذين بسسبي كافي لعشتي قبل بس ماقبلت لاهية ولاابوي لأن اني چبيرهم
صعبة اطلع واعوفهم استسلمت وبقيت وگلت امي بس تشوفچ تغير نضرتها وراح تحبچ وتتقبلچ
بس من بعد جية امچ النة والمشاكل الصار وشفت شلون تعبتي خفت اي خفت عليچ ترجعين تنتكسين وتتازم نفسيتچ لأن من يوم لدخلتي گلبي عاهدت نفسي اسعدچ ومااخلي دمعة من عيونچ تووگع
من عاتبتيني وحچيتي ماگدرت اتحمل دموعچ
وكلامچ نزلت وصيحت وكسررت وعاتبت بس امي عنيدة وتمللني وماتمل من المشاكل والنگ
قررت اطلع من البيت بس صارت شغلة شفق وعطلت كلشي من طلعت شفق حجيت لأهلي امي رفضت بس ابوية ساندني گلي اعزل فوك لاتروح بعيد عني اريد اشوفك كل يووم اقترح كرار علية افصل ذني الغرف ونص الصالة كافية علينة
وكل هاي المدة اشتغل بيهن ردت منچ ترتاحين وتجين تشوفين بعينچ
جوري اني احبچ ومااريد اشوف عيونچ زعلانة
دموعچ تحرگني وزعلچ يأذيني سويت هيچ اريدچ ترتاحين كافي لشفتي بحياتچ قبل مااريد اكون احدد اساب زعلچ اني
هو يحچي واني دموعي تنزل حسدت نفسي على هالرجال لعوضني بيه الله عن كل تعبي كمل كلامة شبگتة ابووس بيه وهو يضحك احس گلبي يريد يطلع من صدري من كثر السعادة الأني بيهاا
::احبك احبببك احببككك
اكرام :: ههههههه لو ادري من زمان عازل الچ حتى اسمع هيچ كلام
::اكرام شكرا شكرا هواية لأن حليت مشكلة شفق
اكرام :: مااريد شكر بهالموضوع شفق اختي وماسويت الا واجبي
:: يلة هسة شتحب اسويلك عشةة بمطبخي الجديد
اكرام :: كلشي من ايدچ عسل
::خووش اليوم اعشيك على ذوقي اروح ابدل
عفتة وگمت دخلت لغرفتي مثل ماعفتها ونظيفة تلمع غيرت هدومي وصليت المغرب لان اذن وراها دخلت للمطبخ فتحت الثلاجة مامخليه شي ماجايبة طلعت المواد وبديت اسوي سويت بيتزا ومقبلات وعصير بارد رتبت صينة تخبل واخذتها للصالة چان مخلص صلاة صحتة اجة يمي گعد وهو يمدح اكلي
اكرام :: الله الله شنو هالأبداع هذا عبالك جاهز
::اصلاً اطيب من الجاهز مد ايدك وشووف مرتك شلون معدلة
اكرام :: يلة نجرب
مد ايدة ياكل واني اراقب ردة فعلة اكل تعجب
اكرام :: عاشت ايدچ حبيبتي
ابتسمت بوجهة وكملت اكلي من خلصنة اكل اني نضفت المطبخ وهو عفتة يسوي نرگيلة يحب يشررب دخلت للغرفة بسرعة اخذت ملابس وسبحت بسرعة وطلعت مشطت شعري عفتة مفتوح مكيجت ولبست شي خفيف وطلعت لگيتة مظلم الصالة والسبلت مشتغل ويباوع للشاشة ويدخل فتت للمطبخ حضرت صينة رتبت فواكة وحلوويات واخذتها خليتها گبالة فتحلي ايد وحدة حشرت روحي بحضنة عصرني حيل وباسني برگبتي بشوغة
اكرام :: أفيششش بوستچ ترد الروح
ضحت وختلت بحضنة بردانة من السبلت حضني حيل وبقينة نتفررج بدون ماادري غفيت على نفسي
حسيت بيه يشيلني ماگدرت افتح عيوني من النعاس اخذني لفراشي حضني ونام بصفي يمكن احلى نومة انام بحياتي
ايامي مرت يوم احلى من يوم چنت انام باليل واني مرتاحة لاافكر بفلان حچة ولاعلان گال چانت اكبرة حيرة عندي شنو اسويلة اكل وشنو البس الة بيتي من افتر بيه احسة جنة كل يوم اجيب حاجة الة اوصي وخطية كرار مبتلي يستلم ويصعدة الية بس هو مأيد الباقي معارضين حتى ورود ماشفتها غير من اجت باركت وبعد مااجت عذرتها يمكن امها تزعل عليها
عمتي بعد ماشفتها عمي خطية كل كم يوم يصعد يمي من اكرام هناا احير شنو اسوي الة وهو يمدح بية كرار وحسن يجون كل فترة يسهرون وية اكرام واني ابقى اسويلهم اكلات ويتشرطون علية اخر شي اكرام يطردهم لان يلزگوون هههه
صحيح هو غرفتين بس احسة بنضري قصر واني الاميرة بية اخابر شفق اسولف الها چانت فرحانة لفرحتي خلصت العطلة واجتي المدرسة نقلني اكرام بمدرسة قريبة علينة خوش مدرسة بس چانت بيها حنين بنت ورود
نفس المرحلة وياي بس غير شعبة چنت اتجنبهاا ابد مااختلط بيهاا اكرام يوديني الصبح ومخلي الية خط بس يرجعني من ارجع اني مسوية الغدة بس احمي
وابدل واصلي اكمل كلشي ويجي اكرام نتغدة ونام
وباقي اليوم لو اخلصها اقرة واذا ماعندي شي اروح لشفق ومرات اكرام يطلعني اذا ماعندة شي
اليوم گاعدة بالساحة اراجع مرت من يمي حنين وياها صديقتها تقربت مني وحچت بعنتكة
حنين :: ها بنت الفگر اخذتي خالي وصار عندچ بيت وصرتي ام بيت وانتِ مطلقة
::حنين احترمي نفسچ ولاتتجاوزين لاتخليني اگل لخالچ عليج
حنين :: اي موغريبة عليچ مو رحتي وگتيلة وخليته يعزل بيچ هم ترحين تگليلة
::اي اگلة ومااضم عليه شي عندچ شي وياي
حنين :: عبالچ ترتاحين والله بيبي كل يوم تدعي عليچ وشوفي حوبتهاا شلوون تطلع بيچ
::خليها تدعي شگد متگدر ربچ يعرف منو الظالم ومنو المظلوم واذا اني ظالمتها تطلع حوبتها بيةة
عفتها وگمت من المكان كلة رجعت للبيت بقيت طول اليوم ضايجة من كلامهاا اعرفها ماراح تفوت حالي ماردت اخبر اكرام استحيت من ورود خاف يصير عصبي على بنتها اتصلت بيها وحچيت الهاا تعذرت وگالت اني اتصرف وياها بس لاتوصلين لأكرام
اني هم سكتت ماحچيت بالموضوع وصدگ بعدها ماتعرضت الية ابددد
اليوم مامدوامة ماادري شنو بيه تعبانة وروحي لعبانة دخل اكرام راجع من الدوام باوعت لطولة بدلتة العسكرية وشخصيتة الهيبة مالتة تاخذ روحي گمت تلگيتة كالعادة بستة بشفتة وحجيت
::شنوو هالجمال لخااطر الله ترة مااتحمل هيچ متگلي امك شمتنسية بيك
اكرام ::: ههههههه شنوو اليوم الغزل قوووي جوريتي حسيتج مستهترةة
:: هاي هدوء گالت تغزلي بيه بحرگة گلب راح يذووب
اكرام :: صحيح كلامها اني هسة نصهرت مو بس ذبت
::طلعوا صدگ الضباط يطگوون باالگاع عميي
اكرام :: ههههههه يروحولچ فدوة الضباط ام غمازة
حچاها وشالني للچربااية شمرني يبووس بيةة واني اضحك
::هههههه عزة اكرام عووفني ههه يا والله تعبانة يووو عوفني فدوة
اكرام :: شبيچ جوريتي وجهج اصفرر
::تعبانة مااعرف شبية
اكرام :: العصر اخذچ دكتورة وضعج معاجبني
::مااگول لاا لأن اريد ادوام مااگدر اغيب بعد عندي امتحانات
العصر اخذني للدكتورة كتبت الية تحاليل سويت وديتهن الها قرتها وباوعت علية گالت
_مبرووك حبيبتي حامل
::چانت هاي كلمتها كفيلة تخليني اسعدد انسانية بالدنيا اخذت التحليل منها وطلعت اركض لأكرام منتضرني برة شافني تقرب علية مديت التحليل الة وحجيت بلهفةة
::اكرام اني حاامل راح يجينة طفل
صفن بوجهي مامستوعب وراها سحبني بسررعة وحضني سااكت
::عزززة اكرام العالم مناا
اخذني بسررعة وداني للسيارة صعدنة اخذ ايدي وباسها
اكرام :: صدگ جورري حامل والله مامصدگ
::اي اي والله راح يجينة طفل حلوو مثلك
اكرام :: اخخخ جوريتي مااعرف شگلچ انتِ احلى شي صار بحياتي
جوري :: انتَ الأحلى شي صار بحياتي
اكرام :: احبچ جوريتي
جوري :: اكرام
اكرام :: عيونة
جوري :: أنتَ عوض ربي الية واحلى عوض ...
