 |
رواية هل لنا لقاء الفصل الثالث بقلم احمد محمود
جميله أوي شيماء بنت محترمه ، مختمره ، سنها صغير بس سابقه سنها وهي قمر اووي مش بتحط ميك اب ولا الكلام ده بنت بسيطه عايشه سنها صح ، كنت نفسي ف بنت تكون كده محترمه حافظه ع نفسها ، مش بتلبس زي بنات اليومين دول ، طبعا بقينا بنتكلم كتير الفتره دي قربنا من بعض اكتر بقينا بنتشارك حياتنا اليوميه شىء جميل لما يكون ليك حد يسمعلك وتسمعله تكونوا ونس لبعض ، انا وشيماء بقينا كده فعلا ، كل يوم طبعا ف مشاكل واصالحها لحد ما جه اليوم اللي مكنش ف السحبان خالص
ــــــــــــــــــــــــــــــــــــــــــــــــــــــــــــــــــــــــ
(مساء يوم الخميس الساعه 8 مساءاً)
-احمد عايزاك ف موضوع
- ايه هو ؟!
- احمد انا هقفل وهمسح الاكونت كمان
- ليه يا شيماء تاني
- احمد احنا اللي بنعمله حرام ، لازم نبعد عن بعض احنا ممكن نحب بعض ونرتبط من غير ما نحس
حسيت بضيق اول مره أحسه من ناحيتها ، ومعرفش سببه ايه، اول ما لقيتها بعتت كده، وتقولي أنها هتمسح الاكونت، الصراحه انا اتعلقت بيها خلاص حسيت انها بقت جزء من حياتي ، مينفعش أننا نبعد عن بعض هي كمان اتعلقت بيا انا حاسس وعارف شيماء مجرد ماتقول كده يبقي هي بدأت تحس بحاجه من ناحيتي ف عشان تقطع الطريق ف بتقرر أنها تبعد ، استسلمت طبعا لان قالت كلمه خلتني أعجز عن الكلام
- تمام يا شيماء ربنا يوفقك
- تمام سلام عليكم ورحمه الله وبركاته
- وعليكم السلام ورحمه الله وبركاته
ـــــــــ_ـــــــــــــــــــــــــــــــــــــــــــــــــــــــــــــــــــــــ
قررت ابعد ، لاني مش حمل ذنب ، تعبانه انا حبيته معرفش هو فهم كده ولا لا بس احمد مش عبيط ، اكيد فهم ده ، وتفهم ده ، بس هو ليه سابني امشي هو اه تمسك بيا بس سابني امشي ، هل يكون محبنيش ، ولا انا بوهم نفسي وخلاص ، حتي لو كان كده ، ف انا قررت ابعد ، بس انا ليه مش قادره ليه بحس بيه بناديني ، ليه تعبانه اووي كده قربه مكسب وبعده خساره الحقيقه ، تعبانه اووي ف بعده اهو بقالنا ساعتين مفيش كلام ، بس تعبت مش عارفه أطلعه من دماغي ، هو الوحيد اللي معايا ، هو الوحيد اللي عارف التزامي وهو كمان كده ، ملتزم مفيش بينا تعديت حدود ، انا هبعت اطمن عليه ميهونش عليا زعله ولا بعده وفراقه
ـــــــــــــــــــــــــــــــــــــــــــــــــــــــــــــــــــــــــــــــــــ
ـ احمد
ـ احمد
- يارخم
ـ ايه ياشيماء
- الخصام ممنوع
- والزعل مرفوع
- ده انت اللي يخاصمك يبقي حكم ع روحه بالموت ، حقك ع عيني
- ماشي ياللي مطلعه عيني
- يعني خلاص صف يالبن
- حليب يا اشطا
- قولي بقي كنت بتعمل ايه كده
- مفيش كنت قاعد
- اممم طب ايه هنفضل بنتكلم شات كده كتير
- رني يلا
رنيت عليه وكنا بنضحك ونهزر واعتذرتله اني عاملته بطريقه وحشه ، وهو ميستاهلش مني كده ، احمد طيب اووي ، وجميل مشوفتش منه حاجه وحشه، ولا هو شاف مني حاجه بس منكرش اني بنكد عليه دايما ، بس هو انا ليا مين غيروا ، يسمعني ويتقبل تقلب مزاجي ده
ـ احمد
- يانعم
- هقولك ع حاجه بما أن خلاص هنقفل بس هقولها ونقفل
- ايه ياشيمو يارب خير
- خير خير متقلقش
- ايه بقي عشان أنا كده فضولي زاد
- بحبك
- انتي قولتي ايه ؟! الو
ـــــــــــــــــــــــــــــــــــــــــــــــــــــــــــــــــــــــــــــــــــ
قالت بحبك ولا أنا بسمع غلط ؟! ، شيماء اعترفت اخيرا شيماء قالتلي بحبك ، شيماء مش معقول طب ، انا بضحك ليه دلوقتي ، يمكن عشان أنا كمان كده الحقيقه اه انا كمان بحبها ، بس الهبله قفلت السكه ف وشي ماشي يا بنت عم حمدي أما وريتك
ـ يلا تصبح ع خير يا حبيبي
- وانتي من اهلي
ـــــــــــــــــــــــــــــــــــــــــــــــــــــــــــــــــــــــــــــــــــــ
معرفش ازاي لساني خاني كده قولت اني بحبه ، ازاي جتلي الجراه اني اقولها ، انا حبيته من غير ما اخد بالي، ازاي وادي اللي خايفه منه حصل انا حبيته ، احمد وانا بقينا مرتبطين ، انا وهو بنحب بعض ، طب ازاي ، انا مكنتش بشوف أحمد غير أنه صاحبي ، ازاي حبيته ، ازاي اتعلقت بيه بسرعه كده ، يارب اجعله من نصيبي ، يارب وفقنا ف حياتنا ويارب نكون من نصيب بعض
قررت اني لما اخلص صلاه الفجر ابعتله مسدج اعترفله بكل اللي ف قلبي احمد يستاهل ، احمد يستاهل كل اللي ف قلبي ليه ، احمد جدع وابن ناس وحنين عليا ، هلاقي مين يبقي احن عليا من نفسي ، احمد هيكون اب شاطر اووي وحنين جدا ، والله تسلم تربيه ست الحاجه أمه حقيقي شكرا يا حماتي ان شاء الله هقولها ف الواقع ليها
فتحت تاني عشان ابعتله المسدج
- احمد انا بحبك اووي ، انا اكتشفت اني كنت بضيعك من ايدي ، ازاي أفرط فيك كده ، اب حنين عليا واخ بيسمعني ، وصاحب بيحل ، وف ضهري يابختي الحلو بيك ، حقك عليا لو ف يوم زعلتك وانت متستاهلش مني كده ، انت شخص جميل اووي ، انا لما كنت بكلمك كنت بقعد اقول مين المحظوظه اللي هتكون من نصيبها ، اتضح اني انا يارب يا احمد نكون من نصيب بعض ونكون تحت سقف بيت واحد ، بحبك يا نور عيني
ـــــــــــــــــــــــــــــــــــ_ـــــــــــــــــــــــــــــــــــــــــ
قفلنا انا وهي وكنا مبسوطين ، انا وشيماء اعترفنا اخيرا بحبنا ومحدش بقي يخبي ع التاني حاجه خلاص ، خلصت صلاه وفتحت نت ، عشان اتفاجى بمسدج طويله منها وكان مضمونها -احمد انا بحبك اووي ، انا اكتشفت اني كنت بضيعك من ايدي ، ازاي أفرط فيك كده ، اب حنين عليا واخ بيسمعني ، وصاحب بيحل ، وف ضهري يابختي الحلو بيك ، حقك عليا لو ف يوم زعلتك وانت متستاهلش مني كده ، انت شخص جميل اووي ، انا لما كنت بكلمك كنت بقعد اقول مين المحظوظه اللي هتكون من نصيبها ، اتضح اني انا يارب يا احمد نكون من نصيب بعض ونكون تحت سقف بيت واحد ، بحبك يا نور عيني
رديت انا وقررت اني اصارحها باللي ف قلبي - وانا كمان بحبك وبموت فيكي تعرفي يا شيماء لما كنتي بتسمحي الاكونت وترجعي كنت بزعل اووي ، بس مكنتش فاهم ايه سبب الزعل كنت فاكر أنه عادي عشان صديقتي اتضح عكس كده واني وقعت من الدور الميه وسلمت كمان انا سبت نفسي تحبك هي وقلبي عشان كنت واثق أننا هنرجع تاني ، عايز اقولك انك بنتي ، واختي ، وحبيبتي ، ربنا يحفظك ليا ومتحرمش منك ولا من رخامتك دي ، بحبك
