 |
رواية هل لنا لقاء الفصل الرابع بقلم احمد محمود
قفلت انا وهي وكنا مبسوطين وف قمه السعاده بس كان ف قلق قلبي مش مطمن ، حبيت اخش اشوف بعنيا ، هل لسه سايبه الايميل ولا اتمسح ، عشان هي قالت ليا ، أنها ممكن تمسحه ، حتي لو كنا بنحب بعض لكن اتفاجت أنها ممسحتهوش ف دخلت نمت وانا مطمن ، صحيت ع الساعه 5 قرب المغرب عشان كان عندي ساعه كوره اليوم ده ، مسكت الفون وقبل ما افتح الشات حسيت انها مسحته ، واللي حسبته لقيته ، ف اضطريت اخشلها ماسنجر مقدميش حل تاني
ــــــــــــــــــــــــــــــــــــــــــــــــــــــــــــــــــــــــــــــ
- شيماء
- شيماء افتحي طمنيني عليكي بس
شيماء بذهول -احمد
- شكرا ع مسح حساب شكرا اووي متقدريش زعلي عمتا ربنا يوفقك ف طريقك وتلاقي ابن الحلال اللي يستاهلك ويكون قد وعده معاكي شكرا ع عدم تقدير زعلي كنت فاكر انك هتقدري زعلي بس طلعت اهبل انا بس مكنتش عايز حاجه اكتر من انك تسيبي الأكونت مش مستني ترجعي بس سبيه
-وانا قولتلك مش هينفع انا مش هضحك ع ربنا
-هو انا بقولك اضحكي ومتضحكيش انا بقول انك تسيبي ليا الاكونت فين اللي قولته غلط ، احنا قافلين ع اساس انك هتمسحي الشات والتطبيق لكن مفيش مسح حساب وسكتي وقولتي سلام
-وانا رجعت قولتلك مش نافع ، الفجر كان بياذن ف قفلت
-يا شيماء افهمي بقي ، انا عايز اتقبل البعد ف انك حتي لو الشات موجود قدامي معدش رجوع بردو ، انا عايز الحته دي ، لكن مش هبعت ولا هكلمك والله افهمي المفروض مقولش ليكي بس انا عايز كده وعايز حاجه كمان المفروض تقدري
-كنت عارفه كده ع فكره بس شايفاها مؤذيه اكتر سواء ليك أو ليا واعتقد قولتلك كده
-لا مقولتيش كده انتي كنتي ساكته
-انا بعمل كده عشان ده الصح من ناحيه ومن ناحيه تانيه عشان اللى انت بتتكلم عنه ده
شيماء ردا ع لا مقولتيش كده انتي كنتي ساكته -بس فكرت ف كده وانا بكلمك
احمد بلوم -وهان عليكي زعلي !
-منا حاولت افهمك بس انت كنت بتعاند ومش عايز تفهمني
-لا مش كده انتي لو فاهمه مكنتيش مسحتي
-وانا عرفتك واستاذنتك قبل ما امسح بس انت اللى موافقتش
-ايوه لان انا مش بادأ بالبعد
-كل الحكايه انى بحاول اعمل الصح حتى لو ع حساب نفسى ، مش عشان ارضيك وارضى نفسى اكمل ف الطريق الغلط ده
-تمام بتقولي حتي لو ع حساب نفسي ف انتي المفروض تقدري زعلي
-انت عارف انى بقدر زعلك كويس لكن الحاجه دى منتهيه ومفيهاش كلام يا احمد ولا من حقك انك تزعل منى
-لا حقي ازعل
-يعنى المفروض اعمل ايه دلوقت
-المفروض ترجعي تعملي اللي قولتلك عليه ، وانا مش هكلمك والله
-مش نافع انت ليه مش عايز تفهمني
- ايه اللي مش نافع ، كل حاجه مش نافع مش نافع
- الوضع هيبقى مؤذى اكتر ع فكره
- لا مش مؤذي هي هي
- بيتهيقلك ع فكره
-يعنى لما نقفل الباب خالص ولا نسيبه موارب
- فين فين اللي هتسبيه موارب
- يااربى
- انتي بردو كده قافله
- افرض رجعت فتحت
- مهو انا مش هيبقي موجود قدامك شاتي وصورتي مش هتبقي عندك انتي هتبعتي مسدج ليا وتمسحي الشات من عندك وتمسحي التطبيق وبس ، فين بقي اللي هكون قدامك
- يعنى اعمل ايه دلوقتي
-قدري زعلي بعد اذنك وارجعي اعملي ايميل جديد وابعتي مسدج وانا مش هرد عليها وامسحي الشات من عندك بس مش من عندي وعندك من عندك بس وبعد كده امسحي التطبيق لكن مفيييييييييييش مسح حساب ،لان الحاجه التانيه مش هعرف اقولهالك مهما وصفتلك ،وانا والله ما هتشوفي وشي ولا اسمي ولا هتسمعي صوتي
- اللى بتقوله ده مش هينفع يحصل يا احمد
-ليه ليه
-مكنتش مسحته بقي وخلاص
-مهو انا قولتلك ، لكن بكل سهوله هان عليكي ، يبنتي افهمي بقي
-افهم ايه هاا افهم ايه
-افهمي اني عايز اعمل حاجه بيني وبين نفسي عايز اتقبل حاجات
-تتقبل حاجات ايه
-لا دي حاجات بيني وبين نفسي
-انت عايز تكرهنى ؟!
-لو عايز كده مكنتش كلمتك ، بكل سهوله كنت كرهتك من عدم التقدير ف الحته دي
-اللى بيحب مبيعرفش يكره
-لا بيكره ، بيكره لما يلاقي الشخص اللي قدامه مش مديلوا تقدير ف حاجه حتي لو قدره ف حاجات
- يبقى انت عايز تكرهنى فعلا
- لا مش كده افهمي الكلام ، لما تعملي كده وتلاقيني سبتك ومشيت هتعرفي اني كرهتك ، لكن انا مكرهتكيش وعمري ما هكرهك
- انا اسفه ليك ولنفسى بس انا مستاهلش انك تكرهنى ف يوم من الايام
- انا مش هكرهك ابدا عشان يكون ف علمك ، بس ياريت تقدري ياشيماء الحته دي مني ، وترجعي تعملي اكونت جديد ، ومع الوقت هتفهمي حاجات كتير لوحدك لو جيت ف بالك ، وحقك عليا لو سببتلك اي ضرر أو اني زعلتك ف يوم من الأيام حقك عليا لو ضايقتك بقصد او من غير قصد بس تأكدي اني مقدرش ع زعلك ولا بزعل منك خالص
- انا مش زعلانه منك ع فكره بس مضايقه انك مش عايز تفهم اللى اقصده ، وانت عايزنى ارجع اعمل اكونت ع التلجرام ،طب ما هنا زى هناك
-تفرق هنا انا مبخشش خالص انا اصلا محمله عشانك لما قولتي ابقي حمله وانك هتحمليه انتي كمان ، وعشان لما بعتلك كده فوق مش اكتر لكن انا هناك تفرق معايا شويه ممكن بعد اذنك ارجعي اعملي ، ف حاجه كمان دلوقتي انتي مسحتي الشات والحساب وكله وبعد كده بعدها بيومين وعملتي حساب جديد مش هاجي ف بالك ، مش هتخشي تشوفيني استحاله تقولي لا
- عارفه انى هدخل وكنت بعملها قبل كده ، بس كنت بمنع نفسى بردو انى ابعتلك
- انا عارف ياشيماء انك كنتي عامله حساب بعد ما ممسحتي الاولني
- طيب ما انت عارف اهو
- منا عارف ، انا قولتلك يا شيماء انا حافظك وعرفك ، ياشيماء انتي هتقفلي دلوقتي وبكره هتعملي حساب جديد وتشوفيني ، يعني عايزه تفهميني خلال الأسبوع اللي مكنش ف تواصل مكنتيش بتخشي تشوفي اخر ظهور ليا ؟!
-ضعفت وعملت كده لكن مبعتش ، حاولت امنع نفسي
- تقدري تعملي بردو كده
- منا هعمل كده ، لحد ما اتعود انك مش موجود تانى زى الاول
- عوديني زيك كده ، بعد اذنك اديني الفرصه ف كده
- ما انت هتتعود اومال انا بعمل كده ليه
- كده انتي بتخليني افكر اكتر بزياده عن اللزوم بتخليني افكر ف حاجات كتير اوووي ، بتخليني افضل اندفع ف حاجات مش عايز اوصل ليها ، بعد كده اذنك ارجعي اعملي
- تمام خلاص ، بعت سلام يا احمد
ــــــــــــــــــــــــــــــــــــــــــــــــــــــــــــــــــــــــــــــــــــــــ
قفلت معاها وحاسس بيها بردو حاسس أنه هتبعت مسدج وحاسس أنها بتعيط شيماء مش واخداني ، حبيب وبس شيماء واخداني ابوها ، اللي متعلقه بيه ، وانا واخدها أنها بنتي لاني فعلا بعتبرها كده ، مكنتش حابب أننا نوصل لحيطه سد ، وأننا نبعد عن بعض ، هحاول اتاقلم ع البعد ، وأننا منكنش ف حياه بعض ، بعد تفكير كتير وعميق لقيت أنه فاضل ساعه الا ربع وانزل ، اروح ساعه الكوره مع صحابي ، لكن اتفاجت بمسدج من الماسنجر ، ايه ده شيماء ؟!
ـــــــــــــــــــــــــــــــــــــــــــــــــــــــــــــــــــــــــــــــــــــــ
- احمد
- احماااااد
