رواية ايهم أقرب ياغصن الزيتون الفصل السادس بقلم فاتن جمال
تميم بهدوء بعدما أصر حمزه علي فهم ما بها تلك الساحره التي خطفت قلبه من نظرت عين ،ولكنه أراد أن يعرف بمفرده ما بها فقام بترك اخواته والذهاب الي كورنيش النيل والساعه تقارب علي الثانيه بعد منتصف الليل ،ولكنه لا يفرق سو معرفت ما بها
تميم :
الحكايه بدأت يوم ما عمي محمد مات عمي
في يوم كان عمي عامل عزومه للعائله كلها بمناسبه عيد ميلاد غصون كانت تمت ال١٥ سنه وكان نفس الوقت كان فيه مناسبه قضيه كبيره كسبها المهم في حد فتح الانبوبه بتاعت البوتجاز ونسيها المهم أن الحظ كان ضده ،هو اه نصيبهم بس غريبه أن النور يقطع في مكان زي بيت عمي بالنسبه أن مكان راقي
المهم عمي للاسف كان بيدور علي شمعه علشان يشوف اي حاجه قدامه ،لكن فجأة البيت ولع وعمي ومراته وابنه ماتوا وكمل حزن ولوله أن عمي ايمن وصل اول واحد لحق غصون وخدها علي المستشفي فضلت شهور في غيبوبه لحد ما جروحها خفت ولما فاقت افتكرت أنها كانت بتحلم وللاسف لما عرفت دخلت في حالة اكتئاب شديده ،وفضلت تتعالج لمدة تلات سنين كان ساعتها سنها تم ال١٨ سنه بدأت تكره عيد ميلادها ،وتكره حتي نفسها وحملت نفسها ذنب أنها هي السبب في كل دا ،ولما بدأت تتعالج وتعيش دخلت كلية الحقوق علشان تبقي زي عمي محاميه شاطره ،ساعتها كانت عايشه معا عمي ايمن ومراته اعتبرتها بنتها من يوم الحدثه وهي بتعاملها زي بناتها واكتر كمان ولما تمت السن القانوني عمي وابويا عرفوها أن كل حاجه كانت ملك لابوها بقت باسمها هي ،ساعتها عمي الاء اللي كانت دائما تقولها انتي السبب في موت اخويا كانت أول واحده تعمل نفسها بتحبها علشان الورث بس ،بس عارف غصون عمها ما كرهت حد ولا حتي استخسرت فلوسها في حد ،ولما عرفت بموضوع الفلوس قرارت توضب البيت بتاع عمي وتخلينا كلنا نقعد فيه ،حتي انا خلت ليا شقه في البيت بعد ما اتجوزت ...غصون مفيش زيها ...اقولك موقف كان في مره عمر اخويا الصغير محتاج مبلغ كبير علشان كان شغال مندوب وللاسف الفلوس اتسرقت منه ،جه يعيط ليا وانا مكنتش عارف اعمل اي اجيب منين مبلغ كبير زي اللي كان عايزه مني ،المهم غصون كانت بالصدفه جايه عندنا سمعت الموضوع ،وبدون نقاش خدت عمر وراحت دفعت الفلوس وجبتنا انا وهو واقسمنا بالله ما هنقول لأحد عن الموضوع دا وان الفلوس دي ملهاش لازمه عندها قدام ضفر حد مننا ،انا مش عارف انا لي قولت ليك بس يمكن علشان نفسي بجد افرحها بحاجه ،وبصراحه يا حمزه حاسس انك هتكون العوض ليها
حمزه بهدوء وابتسامه:
اقولك حاجه! انت خلتني احبها من غير حتي ما اسمع منها هي ،ما بالك بقي لما تكون ليا ...ياه علي الفكره يا تميم حاسس اني ساعتها هكون مالك الدنيا بما فيها تليفون حمزه رن في اللحظه دي فرد لما لقي هويه المتصل خالد
خالد بسرعه :
حمزه انت فين
حمزه بسرعه : في اي يا خالد
خالد : البوليس كان هنا وبيدور عليك
حمزه : طب اعمل اي
خالد بعصبية:
رن عليها اعرف منها تعمل اي ،هي مش المحاميه
حمزه بعصبية طفيفه:
طب سلام
تميم بقلق :
في اي يا حمزه
حمزه بحزن :
البوليس بيدور عليا
تميم :
طب استني ارن علي غصون
حمزه بهدوء:
لا زمانها نايمه
تميم :
هرن مره لو نايمه خلاص
تميم رن مره واثنين لكن مفيش رد
تميم بياس :
مفيش فايده ،بص مفيش غير انك تيجي معايا البيت
حمزه بعدم فهم:
مش فاهم اجي معاك لي ؟
تميم :
تيجي معايا لحد بكرا ،ونشوف ساعتها هنعمل اي ؟
بعد مده من الإصرار علي أن حمزه يروح معا تميم البيت وبعد ما اخواته طلبه منه الذهاب معا ،وافق علي طلبهم
ـــــــــ
قدام بيت النجار
دلف تميم من مدخل العماره الخاص بالجلوس ،لكنه اتفاج بجلوس غصون وهي في تغوص في بحر من الاحلام ابتسم تميم عليها بينما كان يقف حمزه خارج المنزل حتي لا يشعر أحد بالخجل إن كان يجلس بالداخل ،لكنه تفاج من صوت تميم وهو ينطق باسمها
غصون بنوم :
عايز اي تميم ،هو انت وابن عمتك حشريه ورايا ورايا
تميم بابتسامه:
يابنتي بطلي ام النوم في المدخل ،ليكي شقه يا ختي ،وبعدين افرضي حد دخل وانتي نايمه كدا
غصون بسخرية:
مين يا خويا اللي هيدخل غيركم انت او عمر ،وبعدين انت عبيط اني اختك في الرضاعه انت وعمر وسعيد سافر دمياط علشان يجيب حلويات للمحل ،يعني مفيش حد غريب ،فامشي بقي من قدامي
تميم بسخرية:
طب قومي يا ختي ،علشان معاي الغريب بذاته بره
غصون باستغراب :
مين دا ؟
حمزه بحمحمه وهو لازال بالخارج :
انا حمزه الرباط يا انسه غصون
شكرا لزيارتكم عالم روايات سكيرهوم
