رواية كسر القلب الفصل السابع 7 بقلم داليا منصور الفرجانى

 رواية كسر القلب الفصل السابع بقلم داليا منصور الفرجانى

نور بتنهيدة: 

- عاوز اتجوزك على سنة الله ورسوله ايه موافقة والا لاء.. 

فرح بحزن: 

- انت رايد تتجوزني شفقة يا حضرت الظابط مش اكده لكن انا مقبلش واصل أني اتجوزك انت زينة الرجالة كلياته واي بنت مدخلتش دنيا واصل تتمناك ليه رايد تضحي بمستقبل علشان تتجوز حرمة زي مطلقة وكل العالمةعيتكلموا عليا اني خطافة الرجالة... 

نور بهدوء: 

- اول حاجه انا عاوز اتجوزك علشان انتي ست بمليون راجل وكمان علشان يكون ليكي سند في الدنيا دي بدل طليقك الندل ده ومتقلقيش انا لو عاوز اتجوز هتجوز الشرع محللي اربعة والا هتبقي زوجة متشددة وتمنعيني اتجوز التانية... 

فرح كانت بتفكر وتقول في بالها: 

- ياترى اللي عتعمليه ده صوح والا لع اصل الحديت بقى واعر قوي وانا مريداش ادخل في متاهات قلبي معيتحملش حزن ناني.. 

نور: 

- انتي يابنتي بكلمك روحتي فين متقلقيش لو عوزاني اتجوزك جواز عادي انا موافق بس ياريت بلاش تقولي لاء.. 

فرح وهي بتفكر: 

- اني ممعياش بطاقة والا قسيمة طلاق واصل... 

نور بهدوء: 

- كل ده ساهل اهم حاجه موافقتك انتي والباقي هيتحل... 

فرح بتفكير : 

- لكن والدتك معتحبنيش واصل ولو وافقت هيحصل مشكلة واعرة قوي.. 

نور بابتسامة: 

- ملكيش دعوة بـ ماما خالص انا هقولها انتي بس جهزي نفسك.. 

هذت فرح دماغها ونزلت من العربية وراحت شقتها ونور ركن عربيته ودخل شقته وهو داخل.. 

ماجدة بحب: 

- انت جيت يا حبيبي كنت فين كل ده المفروض معاد شغلك كان خلص من بدري.. 

نور بزهق: 

- ياماما انا مش صغير علشان تسأليه السؤال ده وعلى العموم كان عندي قضية مهمة لازم اخلصها.. 

ماجدة باستغراب: 

- وانت مالك مش المفروض صاحبك يمسكها مكانك.. 

مكملتش ماحدة الكلمة لقت سهى خارجة وكانت بتكلم خطيبها كريم في التليفون اول مشافت نور قالت: 

- سلام بقى يا كريم نور جيه وشكل في حاجه هكلمك بعدين... 

وقفلت الخط وراحت لنور وهي بتقول: 

- نور كنت فين كل ده اتاخرت.. 

نور بصلهم هما الأتنين وهو بيقول: 

- لاء بجد انا مصدوم انا مش صغير يا عالم انا راجل وظابط وعارف بعمل ايه في ايه اللي حصلكم بقيتوا تسألوا كتير جداً انا زهقت.. 

ماجدة بحزن: 

- زعلان على خوفي علبك يا نور.. 

نور: 

- انا لو عارف ان اللي في عيونكم ده خوف عليا كنت قولت انهما اللي في عيونكم خوف اتجوز اللي في دماغكم واسيبكم ليه معتقدين اني لم اتجوز اللي في دماغكم هتاخدني منكم ليه فهموني اشمعنا هي طب مـ سهى بتزقني على سهر صحبتها وانا كذا مرة اقول البنت دي لاء الاقيكم مفاتحني في الموضوع.. 

ماجدة قعدت وهي بتبكي بحرقة وتقول: 

- مكنتش عايزة الماضي يتكرر ابوك السكرتيرة المطلقة اتجوزها وسابنى مرمية في الشارع تقولي كان هيحصل ايه فيكم لو انا مشتغلتش وصرفت عليكم... 

نور: 

- انا مش الراجل ده انا نور بس يمكن مش ملاحظة اني مبقولش لحد اسم ابويا رغم اني ظابط انا بكره سيرة الراجل ده ياريت بلاش تجبيلي سيرته انا اه عاوز اتجوز فرح بس اكيد مش هسيبكم.. 

سهى بصدمة: 

- تتجوز مين ملقتش غير خطافة الرجالة دي وتتجوزها دي مطلقة وانت لسه شاب مجنون علشان تتجوز واحدة مطلقة فيك ايه معيوب علشان توافق على بنت مطلقة.. 

نور بعصبية: 

- مطلقة مشكلتكم انها مطلقة مش انها بنت كويسة محترمة اتظلمت وبتكافح علشان تعيش كل ده لاء يغور فى داهية بمجرد انها مطلقة تعرفي انا اتعرفت عليها ازاي كانت غرقانة في الترعة وتعرفي مين كان السبب جوزها اللي بتلموميها انه طلقها هو اللي رماها ذنبها ايه رتيك بقى ها قولي ذنبها انها كانت وفية لراجل ميستاهلش انتي حسيتي بده.. 

وبص لسهى بزعل وهو بيقول: 

- وانتي لو اتجوزتي استاذ كريم بتاعك ده تقدري تقوليلي لو رماكي بعد متتجوزيه ابه هيحصل هتبقي مطلقة يعني المجتمع كله هينظرلك بنفس النظرة بلاش نحكم على الناس من المظهر الخارجي القلوب دي بتاعت ربنا بلاش تقولوا انكم مثالين... 

وسابهم ودخل اوضته وماجدة قاعدة تبكي وسهى بكره وبتملي في دماغ امها اكتر: 

- مش قلتلك البنت دي مش جيباها لبر كلامي ونظرتي ليها كانوا صح هي عاوزة راجل تتجوزه وابنك كان الضحية ليها ولو احنا كترنا هيسيب البيت زي بابا انا مش متخيلة انها قدرت تعملها.. 

ماجدة بكره: 

- صدقيني حتى لو اتجوزها مش هرحمها أبداً لازم اكرها في نفسها للأبد.. 

... عند عابد كان واقف مصدوم وهو بيقول: 

- قصدك ايه بالكلام ده.. 

الواد بتوتر: 

- ها لاع مفيش قصدي شوفت راجل رمى مرته كنت بشوف الفديوا على النت ففكرت ممكن تكون عامل كيف ما هو عمل بس اكيد حضرتك مستحيل تعمل اكده واصل سمعتك سبقاك يا عابد بيه.. 

عابد بشك: 

- اه وانت عتقولي ايه اسم المستوصف اللي خدها عليه الغريب ده.. 

الواد بنوتر وهو بيقول: 

- والله يا عابد بيه مخبرش كل اللي اعرفه انه خرجها كانت مغمى عليها وانا استنتجت انه وداها مستوصف روح اسأل جايز تلاقيها والا حاجة.. 

هز عابد راسه وهو بيبص للولد بغموض والولد كان باين عليه انه متوتر وقال: 

- بخاطرك يا عابد بيه لأن حدانا الجموسة رايد اسرحه بخاطرك لعوق على بوي.. 

وكان ماشي بس عابد ندالة وهو بيقول: 

- اقف عندك..... 

... عند مربوحة كانت قاعدة هي وبنتها وصابرين داخلة من باب البيت بصينية الأكل قالتلها بعصبية: 

- همي يا مخبولة رايداكي تلمعي المطبخ تلميع والبيت كومان لان جايلنا ضيف كبير قوي.. 

صابرين باستغراب: 

- مين ده يا عمة اللي جلي اهنيه انا مستغربة قوي مبيجلناش ضيوف واصل من يوم ما اتجوزت خيتي معيجيش عرسان... 

مربوحة بكره وهي بتقول: 

- لاع مفكرك اياك خيتك هي اللي بتتجوز الغني انا بنتي عتتجوز اكبر شخص في البلد كلياته وهتبقى غنية قوي اغنى من خيتك اللي ملهاش حاكم دي.. 

صابرين ببكاء: 

- انا خيتي كيف القمر وان كان على غيابها انا متأكده انها حصلها حاجة واعرة قوي تجبرها انها تتأخر اكده... 

مربوحة: 

- بكره نقعد جنب الحيطة ونسمع الظيطة امال ويا خبر بفلوس بكره يبقى ببلاش والكل عيتحدت عليه.. 

صابرين سابتها ودخلت بزعل سناء من وراها: 

- كيف هنوقع عابد يا ماه انا رايده اتجوز عابد وبس لكيد الحرباية دي والتانية.. 

مربوحة بخبث: 

- هو هيجي اهنيه اليوم ليتكلم على الورث بتاع مرته نستغل الموضوع ده والا انتي ايه رايك عاد.. 

سناء بصت لأمها وهي مبسوطة وبتقول: 

- مخك ده جيباه منين ياما انا رايدة اتعلم منك وبس ياما... 

مربوحة بضحك: 

- امشي يابت موركيش حاجة غيري انا هكلم عابد بيه وانتي اتجري غيري خلقاتك بخلقات زينة وحطي شوية زينة على وشك ده انجري... 

جريت سناء تجهز ومربوحة كلمت عابد اما عند فرح كانت قاعدة في الشقة فجأة سمعت صوت خبط على الباب قالت باستغراب: 

- مين اللي عيخبط ده.. 

الباب رجع يخبط راحت وهي بتقول: 

- انا بقول مين معتسمعش اياك.. 

وقبل متفتح الباب افتكرت طرحتها رجعت لبستها وجت عند الباب وفتحته وشافت الصدمة.. 

- انتي بتعملي ايه هنا وعاوزة مني ايه... 

الفصل الثامن من هنا