رواية شيخه عراقيه كويتية الفصل الثالث عشر بقلم جمانه السعيدي
وسام...من رجعت من الشغل بعد المغرب بساعه طلعت
كبل البيت جدي
لكيت شيخه منتضرتني
وسام.. بس دخلت صحت وين شيخه
شيخه...هله
وسام..هله بيج يله نروح
جدي...وسام تعال اريدك بحجايه
وسام...اي جدي تفضل
جدي..تعال تكعد هنا
وسلم...كعدت
جدي...شبيه خالتك ويا شيخه
وسام... اضوج منه لان عمو رحيم ازوج امه
جدي...وهي شعليه رحيم مات وزوجته ماتت
وسام...تعال انت احجي وياها لان اني اطلع للشغل واجي تعبان ومن اجي الكاهن وحده دايره وجها عن الثانيه
جدي...باجر اني امر عليه
وسام...ولله تسوي فضل
جدي...اتعشى وروح
وسام...لا تعبان اريد اسبح واغير ملابسي وبعدين اكل
يله شيخه وين صرتي
شيخه...كأني ايت
وسام...يله نرجع للبيت
جدي....مو تكطعين بينه كل يومين تعاي اشوفج
شيخه...صار يدي
طلعنا اني وشيخه واكف اريد سياره ترجعنا للبيت
شيخه..فيني اسئل سوال
وسام...اي فيج اذا تبقين بعد فتره عدنا راح اتعلم احجي مثلج
شيخه...وانا شفيني مثلا
وسام...مافيج شي اسم اله عليج
شيخه...هااا اتطنز
وسام...لا اتكشمر
شيخه...بزعل ومابكلمك
وسام...يله اسئلي اضحك وياج
شيخه...انت نهارك كله فلشغل
وسام...اي
شيخه... بس انت بتتعب ليش جذي
وسام...وراي زواج واريد اكون نفسي
( صعدنا بالتكسي )
شيخه...يعني اذا بتزوج بتذبح روحك بلشغل
وسام...الحياة صعبه وكلشي غالي لازم اشتغل واكون نفسي
شيخه..جذي بتهلك صحتك
وسام...اشتغل هاي الفتره وبعدين ارتاح
شيخه...انت الحين بروحك وتشتغل جذي عيل لو تزوجت ويبت عيال شبتسوي بحالك
وسام... بلكت اتوضف الدوله ببن فتره وفتره تفتح تعيينات
شيخه...يعني بيعطونك راتب محترم
وسام..انشاء الله
وصلنا للبيت ولكينا خاله حكمت تكح بصوت عالي
هاي الحاله ليليه تجيه
بسبب الجكاير غير كون تبطل
دخلنا للبيت وهي صوته طالع للشارع
وسام...خاله سلامتج
حكمت...راح اموت اختنكت
وسام...اخذج للمستشفى يخليلك اوكسجين
حكمت..مااريد هسه اصير زينه
وسام... شلون تصيرين زينه وانتي وجهج صار ازرك ومختنكه
شيخه... مافينا نسكت جذي بنروح للمستوصف
وسام...كومي خاله الله يهديج
شيخه...كومي الله يهداج حالتج ماينكست عنه
حكمت...اسكتي كل مرضي بسببج انتي وامج
شيخه...الحين مو وكت هالكلام
بنروح للمستوصف ومن نرد اتكلمي عني براحتج
وسام.. كوه قنعناها واخذناها اني وشيخه للمستشفى
بس وصلنا خلولها اوكسجين على خشمه وحلكه
شويه صارت احسن
الطريق كله تكح وماسكتت ابد
شيخه واكفه على راسه وتراقب نفسه
ساعه صارت احسن والدكتور حذرها من الجكاير
لان رئته منتهيه من الجكاير
رجعنا للبيت
حكمت...يله عوفوني صرت احسن اريد انام
طلعنا من الغرفه
شيخه...بزهبلك الاكل
وسام..مااريد اتعبج
شيخه..ماكو تعب بنكلي بطاط
وسام...شكرا بس ادخل اسبح واطلع
سبحت وطلعت شميت ريحة جكاير
فتحت باب الغرفه على كيف لكيت خالتي ادخن
وسام...هااا شكلنا مو راح تموتين من الجكاير اخذت
الجكاره منه وشمرته
حكمت...مااكدر انام اريد ادخن
وسام...اخذت باكيت الجكاير منه وكتله يله نامي بعد ماكو جكاير عليمن تحركين النهار كله السفن احتركت
حكمت...بعد اني المن باقيه اموت احسن
وسام...عمرج طويل حبيبتي
حكمت...بس اريد ازوجك واشوف اطفالك قبل لا اموت
وسام...لا تكولين هيج عمرج طويل
حكمت... اهل خطيبتك سووها بلا ملح ليش مايفضونه
قابل الغراض والفلوس راح اطير
اول وتالي تجي
يزوجوكم وعلى كيفكم تكملون كلشي بعدين
وسام...ولله ياريت يقبلون هسه اني شمفتهم من حياتي
من الصبح لليل شغل
اجي بليل تعبان انام على وجهي وثاني يوم نفس الشي
حكمت....جيب الجكايرحباب بس وحده
وسام...بعد ماكو جكاير انسي
حكمت...زين ماتعوفه هاي خطيبتك قابل ماكو بنات
الف وحده تتمناك
وسام...صار ٣ سنوات منتضرتني وهسه اعوفه شلون
حكمت..يايمه العمر يمشي اريد اشوف جهالك
وسام..هانت مابقه شي اروح اتعشى متت جوع
حكمت...سوده عليه اكوم احضرلك العشى
وسام...لا شيخه حضرته
حكمت...اوي هاي العوبه وين تعرف تطبخ
وسام...خاله شبيه ولله حبابه ليش ضايجه منه بلمستشفى
بقت واكفه وتراقب النفس بصدرج
حكمت...اي تريدني اموت ويبقى البيت اله وحدها
وسام...استغفر الله كلشي ماعاجبج اروح اكل
وسام...دخلت للمطبخ لكيت شيخه مكليه بتيته
ومسويه معكرونه وزلاطه
شيخه...انا هذا حدي بلطبخ اكل وانت ساكت
وسام...شكرا مبين طيب
تعاي اكلي وياي
شيخه...انا اكلت بيت يدي فاتك شلون يدي كاعد يوكلني
اذا ضليت عندهم بعد يوم بصير دبه
وسام...لا لا تصيرين دبه جذي انتي حلوه
شيخه...ردينا عاد ليش اتطنز علي
وسام...لا مو اطنز احاول احجي مثلج
شيخه...انا بعلمك كويتي وانت تعلمني عراكي
وسام...لو تموتين ماتحجين مثلنا
شيخه...ليش يعيوني شلونك شنو اخبارك شفت كيف اتحجا مثلكم
وسام...بس ذني الكلمتين شني ذني نمونه
شيخه...ان زين اختبرني
وسام...جربايه
شيخه.. سرير
وسام.. جفجير
شيخه...ملاس
وسام...شنو ملاس
شيخه..حنا نسمي ملاس انا اعرف كلام عراكي من ابوي الله يرحمه
وسام...الله يرحمه
