رواية صدفة عشاق الفصل الرابع عشر
فاروق طلع لـ ريماس . و ابتسم بهدوء ./ ايه يا حبيبتي ..مبتنزليش بقالك كام يوم .
ريماس اتنهدت بضيق ./عادي مش عايزه انزل .
فاروق قعد جمبها و ابتسم بخبث ./ايه مش عايزه تكلمي حد في التليفون كمان .
ريماس اتنهدت بضيق و استغراب ./هو في ايه يا بابا .
فاروق ابتسم بهدوء ./جالك عريس و انا الصراحه موافق .
ريماس اتنهدت باستغراب ./عريس ايه . و مين .
فاروق ابتسم بخبث ./ ايهم محمد العاصم .
ريماس ابتسمت بتوتر و صدمه ./ايهم .طب و جده. انا مش فاهمه حاجه .
فاروق ابتسم بهدوء و باس راسها بحب ./مش مهم تفهمي . المهم جهزي نفسك يا عروسه . عشان جايين بكره يطلبوا ايدك . نقرأ الفاتحه .
و سابها و مشي . ريماس ابتسمت بتوتر و فرحه و هي مش عارفه تحدد مشاعرها . و سحبت تليفونها و رنت علي ايهم بسرعه .
ايهم اتنهد بهدوء ./يعني كان لازم ده يحصل . عشان اسمع صوتك .
ريماس اتنهدت بهدوء ./كان غصب عني والله يا ايهم . و كنت عارفه أن ليلي هتعرفك . بس انا مكنتش اقدر اكسر كلمة جده .
ايهم ابتسم بهدوء ./ وحشتيني .
ريماس اتنهدت بهدوء ./ ليه يا ايهم .
ايهم ابتسم بهدوء ./مش عايز اي أسأله . هتعرفي كل حاجه بعدين . دلوقتي عايزك تروقي و تجهزي يا احلي عروسه . و احنا كلنا جايين بكره . و متخفيش جدك معترضش علي اي حاجه . بس خلي اي كلام بعدين يا ريماس .
ريماس اتنهدت بهدوء ./حاضر .
__________________________________________
تاني يوم . حازم صمم يروح و ياخد ليلي . عشان متبقاش هناك من غيره . و مقدرش ينكر أنه مضايق من زين . و مش قادر يمنع وجودها مع ريماس .
حازم ابتسم بحب و هو راكن علي عربيته . و شافها جايه ناحيته . بـ فستانها الاحمر الهادي . و شعرها اللي راجع علي ضهرها . مقدرش ينكر أنه في كل مره فيه حاجه بتسحره فيها . ليلي قربت منهم بهدوء ./اتاخرت عليك .
حازم مسك ايديها و ابتسم بحب ./ ايه ده .
ليلي سحبت ايديها بتوتر ./في حاجه وحشه .
حازم مسك ايديها و ضغط عليهم برفض . و هو بيبص علي كل تفصيله فيها ./ انا عايز اخبيكي عن كل عين ممكن تشوفك . انا مش عايز حد يشوفك غيري يا ليلي .
ليلي ابتسمت بضيق مصتنع ./ليه هتنقبني .
حازم ضغط علي سنانه بضيق . و مسك شعرها و فرده علي كتافها . ليلي اتنهدت بضيق ./يا حازم الفستان شكله هيبوظ كده .
حازم اتنهد بضيق ./ما أنا مش هسيب كتافك كده . يا اما تطلعي تغيري الفستان ده .
ليلي اتنهدت بضيق و سكتت . حازم ابتسم بهدوء ./ اهو كده احسن شويه .
ليلي ربعت ايديها بضيق . /طب هنفضل كده كتير .
حازم ابتسم بهدوء ./ اضحكي .
ليلي ضحكت . و هزت راسها بهدوء ./طيب يلا بقي عشان منتاخرش عليهم.
حازم فتحلها باب العربيه ./انا كلمت علي و لسه كانوا هيتحركوا من هناك . علي بال ما نوصل .
و رجع ركب من الناحيه التانيه .
__________________________________________
و بعد شويه كانوا وصلوا كلهم هناك . حازم دخل و هو ماسك ايد ليلي . ليلي اتنهدت بهدوء ./حازم انا عايزه اطلع لـ ريماس .
حازم اتنهد بهدوء . و بص علي اللي موجودين لما اتاكد أن زين موجود معاهم . و اتنهد بهدوء ./اطلعي و تعالي جمبي هنا ماشي .
ليلي هزت راسها بهدوء و مشت .
كلهم سلموا على بعض . و قعدوا بهدوء .
عاصم بص لـ محمد بهدوء . انه يتكلم هو . محمد ابتسم بهدوء لـ ايهم . و اتكلم ./احنا جايين نطلب ايد ريماس لـ ايهم .
عبدالله اتنهد بهدوء ./ ملهاش لازمه الشكليات يا جماعه . احنا عارفين أن الولاد عايزين بعض . و محدش يقدر يعترض علي ده .
سالي ابتسمت بهدوء . لـ فرحة ايهم . أما جيهان كانت نظراتها كلها علي حازم . اللي كانت عينه بتلف و تدور بانتظار .
عند ريماس . كانت واقفه بتوتر و ضيق . ليلي ابتسمت بهدوء ./يا بنتي ما قولتلك أن كل حاجه تمام تحت . سلموا على بعض عادي قدامي .
ريماس اتنهدت بهدوء ./انا مش عارفه ازاي كل حاجه حصلت بسرعه كده . انا مش مصدقه ان جده وافق اصلا .
ليلي اتنهدت بهدوء و ضحكت ./طب تعالي نطلع من اوضتك و نقف علي السلم . عشان تسمعي بنفسك .
ريماس اتنهدت بتوتر و مشت معاها .
سالي ابتسمت بهدوء ./انا معنديش غير ايهم . اكيد مش هبقي عايزاه يعيش بعيد عني . بس لو ده اختيارهم يبقي هما براحتهم .
فيروز ابتسمت بهدوء ./عندك حق خلينا نسيب اختيار الموضوع ده ليهم .
فاروق ابتسم بهدوء ./ زين روح نادي اختك .
حازم اتنهد بضيق و هو متأكد أن ليلي معاها . زين هز رأسه بهدوء و طلع . ريماس وقفت قدام ليلي بتوتر ./انا خايفه و قلقانه و حاسه اني مش هعرف اتكلم معاهم كلمتين .
ليلي ابتسمت بهدوء ./ طب اهدي بس اهدي . و مجرد ما تبقي معاهم الموضوع هتشيلي التوتر ده من دماغك .
قاطعهم دخول زين عليهم . و اتنهد بهدوء ./ريماس بابا عايزك تحت .
ريماس هزت راسها بهدوء . و نزلت . و ليلي ابتسمت عليها بهدوء نزلت من غير ما تبص علي زين . اللي كانت عينه عليها .
ايهم وقف و ابتسم بهدوء لما لقي ريماس قربت منهم . سالي ابتسمت بهدوء و قامت حضنتها بحب ./تعالي اقعدي جمبي .
كأنها كانت قاصده تشيل توترها . ايهم ابتسم بهدوء و مسك ايد ريماس . و قعدها جمبه ..
حازم اتنهد بهدوء لما لقي ليلي مقربه منه . ليلي ابتسمت بهدوء ./اهو جيت زي ما قولتلي .
حازم ابتسم بهدوء و سحبها من وسطها لحضنه . و وقفها قدامه بحب . و هو محاوط وسطها بايده ./خليكي هنا .
ليلي ابتسمت بهدوء و سكتت . عاصم اتنهد بهدوء ./طب يلا نقرأ الفاتحه .
كلهم قرأوا الفاتحه بحب . و عيونهم مبسوطة من قلبهم فعلا .
ماعدا جيهان اللي كانت عينيها علي حازم و ليلي . اللي مبطلش ضحك معاها . و زين كان بيبص عليهم من بعيد و علي انسجامهم بضيق منه .
احمد ابتسم بهدوء ./ايه رايكم لو عملنا خطوبة ايهم و ريماس مع حازم و ليلي .
حازم ابتسم بهدوء ./هي فكره حلوه . بس انا و ليلي هنعمل كتب كتاب مع خطوبه .
ايهم ابتسم بهدوء و بص لـ ريماس./و انا شايف أن انا و ريماس هنعمل خطوبتنا هنا . عشان نمنع كلام الصحافه و الناس .
عبدالله ابتسم بهدوء ./ايهم عنده حق . انا شايف أن كل واحد يبقي ليه يومه الخاص بيه احسن .
ايهم ابتسم بهدوء ./طب بعد اذنكم انا هاخد ريماس . و نطلع نتكلم بره .
فاروق ابتسم بهدوء . /اتفضل عادي .
ايهم سحب ريماس من ايديها و طلعوا .. عبدالله اتنهد بهدوء و هو بيبص علي حازم و ليلي . و نظرات زين ليهم . و اتاكد انها نفس البنت اللي ريماس حكتله عليها .
حازم ميل علي ودن ليلي بهدوء ./تعالي .
ليلي ابتسمت باستغراب ./علي فين .
حازم سحبها من ايديها./تعالي بس ..
____________________________
ايهم ابتسم بهدوء ./ايه رايك .
ريماس اتنهدت باستغراب./في ايه .
ايهم ابتسم بخبث ./في جاكيت البدله بتاعي مثلا . الاوتفيت . الجزمه .الس..
ريماس قاطعته بهدوء ./ليه يا ايهم ..ليه اتسرعت .
ايهم مسك ايديها و ابتسم بحب ./ده اجمل تسرع اتسرعته في حياتي . و بعدين عايزه تفهميني أن الاحساس اللي كان عندي كان من طرف واحد مثلا .
ريماس اتنهدت بتوتر ./ يا ايهم بس ..
ايهم اتنهد بحب . /احنا كنا خايفين . بس مبقاش في حاجه نخاف منها دلوقتي صح .
ريماس هزت راسها بهدوء ./مقولتليش بقي ليه عايزنا نعمل الخطوبه هنا .
ايهم ابتسم بهدوء ./عشان احنا بنسبه كبيره قدرنا نصلح جزء كبير . و هما سعدونا بالتصالح النفسي اللي بينهم . حاسس اننا لازم نكمل اللي بداناه مش كده .
ريماس هزت راسها بهدوء . و هي بتبصله بفرحه .
عند حازم و ليلي ...
حازم حاصر ليلي بين أيديه . و ابتسم بخبث ./ و بعدين .
ليلي ابتسمت بكسوف ./حازم الناس .
حازم اتنهد بحب ./ناس ايه بس . ده انا مش عارف انتي عملتي فيا ايه . ده انا كان ليا هيبه و مكنتش حاجه تقدر تهزني .
ليلي ابتسمت بضيق ./و بعدين .
حازم ابتسم بحب ./و بعدين انتي ظهرتي . و بقيتي نقطه ضعفي الوحيده . و بقيت عايز طول الوقت اخليكي في حضني . عشان اثبت لـ الناس كلها انك حبيبتي انا و بس .
ليلي ابتسمت بكسوف . و اتنهدت بحب ./انا اول مره اعترف لنفسي اني بحبك اوي يا حازم . كنت خايفه اكون حبيت حبك ليا . بس انا دلوقتي بقيت متاكده اني بحبك اوي .
حازم ابتسم بحب من فرحته . و سحبها لحضنه بهدوء ./انتي اغلي حاجه عندي يا ليلي .
ليلي ابتسمت بهدوء و هي بتدخل في حضنه اكتر . قاطعهم دخول زين . اللي ضحك بسخرية ./مبروك عليك يا حازم .
حازم خرج ليلي من حضنه بهدوء و مسك ايد ليلي . و وقف بجمود . /الله يبارك فيك .
زين ابتسم بسخرية ./مش عارفه مين فيكم اللي كسبان الصراحه . انت عشان قدرت تقنعها بـ حبك ليها . و لا هي اللي عرفت تختار الأنسب و الاعلي و الاغني .
حازم ابتسم بسخرية ./خليك دايما فاكر كل الناس زيك . مش هلومك لان ده طبيعي منك .
زين اتنهد بهدوء./و ايه العكس . اللي يخلي واحده تقرب من واحد . و لما تلاقي الأنسب منه تبعده في ثانيه . و تختار الأنسب .
حازم بص لـ ليلي و ابتسم بحب ./بس انا و انت عارفين أن ده رايك انت بس .
جيهان دخلت عليهم و ابتسمت بسخرية ./يبقي هي الحكايه كده . و هي طلعت اشطر مما اتخيل . اختارت الأنسب و الاعلي و الاحسن فعلا . انا مكنتش متخيله أنك ذكيه أوي كده . و مطلعش ابني اول لعبتك .
حازم بص لـ جيهان بصدمه . ليلي سحبت ايديها من حازم و بصتله بدموع . و سبته و مشت بسرعه .
حازم اتنهد بضيق ./ليلي يا ليلي استني .
حازم قرب من جيهان بغضب ./ ايه اللي يخليكي تاذي بنت بالشكل ده . افهمي بقي انا بحبها و مش هبعد عنها يا ماما مهما حصل . و لو وصلت هتجوزها و ابعد عنك .
و سبها و مشي . جيهان اتنهدت بضيق و مشت . زين وقف يبص عليهم بخبث . و هو مبسوط أن كل اللي قاصده حصل .
حازم وقف ليلي و سحبها من ايديها بضيق ./يا ليلي استني .
ليلي رفعت عينيها و وقفت بدموع ./مامتك مش عايزاني يا حازم . انا مش هقدر استحمل نظرتها ليا . و أنها شيفاني كده .
حازم اتنهد بهدوء و مسك وشها بين ايديه ./ انا عارف كل ده والله . بس انا بحبك و عارف ان ماما كلامها صعب . و انا هتصرف معاها . بس انتي تشيلي كل حاجه من دماغك . خلي في دماغك حاجه واحده بس . اني بحبك و عمري ما هسمح لحد يأذيكي .
ليلي اتنهدت بدموع ./بس دي مامتك انا مش عايزه ابوظ حياتك .
حازم ابتسم بحب و هو بيمسح دموعها بين أيديه ./انا حياتي ممكن تبوظ فعلا . لو انتي بعدتي عني . انا بحبك اكتر من اي حاجه في الدنيا . و عندي استعداد اعمل عشانك اي حاجه . فاهمه ده يا ليلي .
ليلي هزت راسها و دخلت في حضنه بدموع ./انا بحبك اوي يا حازم .
حازم حرك ايده علي شعرها بحب . /عشان خاطر الكلمتين الحلوين دول . انا هاخدك و نخرج لوحدنا .
ليلي هزت راسها بهدوء و مشيوا .
ووووو....
