رواية الفصلية الفصل الثامن عشر بقلم زينب نور
الشيخ يوسف:راحت أمل للحمامات وانه ضليت اول شي كاعد كدام باب الغرفه بعدين متحملت كمت ودخلت جوة اشوفنهه عبنهه كلبي مجمر عليهه اخخخ يبنيتي خربت جمالج بيديني دخلت وشفتهه نايمه ..يابه وحك اسم ربي جل جﻻله راح انسيج الصار وراح نبدي حياتنه من جديد بس اريدنج تعاونيني دنكت بستهه بوسه طويله من شفتهه وبعدين حسيت عله صوت أمل برة وخرت عنهه وانه الود ودي ماكومن عنه وﻻ ابعد عبن روحي نخلطت ويه روحهه اخخخخ اخخخ
أمل:ها شيخ انته هين
يوسف:اي بوية ...شعدج تئخرتي انتي كلتي 10دقايق وهاي صارت ربع ساعه وين جنتي
أمل:ااا ااا مو الحمامات جانت ازدحام فلهذه تئخرت ليش اكو شي شيخ
يوسف:ﻻ سلامتج بوية ...انه رايح ادخن انتي ضلي هين ﻻ تتحركين من مجانج ماتئخر انه
أمل:ماشي شيخ
......................
أمل:هفففف زين الشيخ ما لكفني واﻻ جا صارت كارثه طبيعيه وبشريه وكلشيه ههههخخخ استغفر الله وﻻ الي مزاج واحشش عابتلي اي والله
...لتحجين عله رويحتج ﻻ اجي افركلج حلكج فرك بس انه مسموحلي احجي عليج
أمل:صخام الصخمني انته شسوي هين روح كبل ﻻ يجي الشيخ لو تكعدن ميار
... الشيخ طلع يدخن وحرمته نايمه من التعب بكينه بس راسي وراسج ..عطيني تليفونج
أمل:شسوي بي
...انتي ما عليج عطيني الصخام الي بيدج
أمل:هفففف هاك هاك
...دمغهه ﻻ تتئفئفين مرتي المستقبليه
أمل:نننن بحﻻمك
...اي والأحلام تتحول حكيكه مو حبيبي (وهوة يتقرب عليهه)
أمل:ااا انته شجاي تسوي ارجع مجانك
...ﻻ حبيبي انه جاي احول الحلم حكيكه (لزكهه بلحايط)
أمل:فدواتك روحن الحين والله بعد ما طولن الساني واكصه بس روح ﻻ يلكفنه الشيخ ويصير جتلي عمل شعبي
...ماشي انه رايح الحين بس صدكي وثقي بالله العلي العظيم اكسر راسج اذا ادكن عليج ومتشيلي ورجليج اكسرهن الج اذا تطلعين بدون ما تعلميني...وها صكد تذكرت جنتي طالعه تحففه بلحفله الوردي كاعدلج كعود ...
أمل:صخااام وانته وين شفتني
...شفتج وخلص يله انه رايح الباب هذه متعتبي وﻻ تطلعين بدون اذني مفهههوم
أمل:مفهوووم حاضر استاذ بعد تريدن اطكلك تحيه
...تستهزئين حظرتج
أمل:ﻻااا والله مجاي استهزء بس يعني جاي اكلك
...يله بالج عله نفسج وكعدي هين بدون حركه
أمل:حاظر
...(طلع)
أمل:عود شنهي معناها يتحكم فيني وانه ﻻ هوة حﻻل وانه حرام والله مايصير هيج ...بس فديته للعصبي انه والله اله اطلعلك كرون حته تووب من سواياتك هاي
ميار:امممم
أمل:ها ميار حبيبي كعدتي تريدين شي؟؟
ميار:هزيت راسي اي واشرت بعيوني عله شفتي معنى اريد مي
أمل:عطشانه تريدين مي
ميار:هزيت راسي معناه اي
أمل:ماشي (جبتلهه مي وعدلت كعدتهه عله كيفي وشربتهه مي)
ميار:وخرت راسي بمعنى هاهيه وبتسمتله بمعنى شكراً
أمل:عفواً يكلبي
ميار:اشرتله وين الشيخ
أمل:راح يدخن ويرجع
ميار:مممم
أمل:حبيبتي شني صار وهيج سوة بيج معقولة تعاركتو
ميار:هزيت راسي نافيه لهشي ونزلت دمعه من عيني ولحكتهه دمعه ثانيه
أمل:خلص خلص اسفه عبني سئلتج خلص ارتاحي وبعدين نحجي...جوعانه اجيبلج اجل
ميار:هزيت براسي ﻻ ماشتهي
أمل:خلص براحتج..ارجع امددج تنامين
ميار:هزيت راسي اي
ميار:من جنت نايمه حسيت عله الشيخ يمي وجاي يحجي وياي وراها باسني صراحه نصدمت ومادري حسيت بشعور غريب اول مرة احس بي وممجربته كبل مادري شنو الخلاني اسوي نفسي نايمه احتمال مردتهه يبعد عني واحتمال ﻻ بس الي جنت اعرفه انو ماريده يوخر وراها اجت امل سولفو طبعاً من تلكهه بلحجي عرفت ضامه شي وراها الشيخ راح يدخن وبعد دقايق قليله دخل..... انصدمت بيي وصدمتي الاكبر بأمل مني هذه وشجاي يسوي هين وشني مرتي شني احﻻم شني اكسر راسج والله ضليت حايرة وﻻ هاي الغبيه ورة ما طلع تحجي عاد انه كعدت و(صار الي فوك) ورجعتني للمخده ...هففف هسه شني تاليتي انه صرت خرسه وبعد ماكدرن امشي منا لمدري شكد وايدي ماكدرن احركهه ووجهي اتشوهه اثر الكزاز واحتمال مخيطي لين ديوجعني والاهم من هذه كلهه يوسف شراح اسوي وياا ومني هاي صابرين الي جان يحجي عنهه من طكني هففففف عابتلج يميار دومج فكر والدنيه مستكثرة عليه الفرحه ماعول افرح شوي اله ويجي يحظي يكلي هاا فرحانه دصبري عليه ويلطشني بمصيبه اله اول ماله اخر ادري جاا شوكت ارتاحن انه مو والله تعبت
.........................في مكان اخر........................
..شيخي عندي اخبار
...وشني اخبارك اطربني بالله
..شيخي زوجه الشيخ اكصد فصليته خسرت صوته ومكسره تكسر
...هممم ويوسف شخبارة
..الشيخ يوسف مكدر الخاطر مبين عليه
...ممم وبعد
..بس هذه يلشيخ تامرني بشي ثاني اسوي غير مراقبه الشيخ
...ﻻ ماريدن شي بس روحن عله الدكتور وستفسر عن حاله حرمه الشيخ وضل مراقبه عدل ﻻ اكلع عويناتك
..حاظر شيخ
....شبيك حوبي
...مابيه شي حبيبي بس حرمه الشيخ يوسف الموقر فقدت صوته
....هههههههاي هيه هذه الي تستاهله
...ههههه اي والله تتوقعين راح تضل ويا بعد هاي سوايته
....ﻻ مادري بس اكدر اتوقعلك غير اشياء راح تصير بيناتنه بعد دقايق
...هههه يا ملعونه دمشي امشي كبلي للغرفه وانه ﻻحكج
....حاظر شيخي
...............................عودة للمستشفى.....................
يوسف:خلصت باكيت كامل مال جكاير وانه افكر شراح اسوي ههه انه الشيخ يوسف ال.....الي مابحياتي شغلت بالي شغله اكثر من عشر دقايق تجي هلطفله تشغلي بالي طول الوكت ووين ماروحن افكر بيهه واشوفهه كدامي والله وكت سبحان الي خﻻني احبج كل هل حب وصار اسمج نبض كليبي
كملت وصعدت فوك كرب الغرفه وصلت ودخلت لكيت أمل تلعب بتليفونهه وميار نايمه
أمل:ها شيخ اجيت
يوسف:اي بوية ليش تريدين شي جا
أمل:ﻻ شيخ ماريدن شي سﻻمتك
يوسف:الله يسلمج..كومي بويه ناميلج شوي بعد كومة للصبح كومي ريحي عويناتج من هذه البيدج(يقصد التليفون)
أمل:حاظر شيخ...تصبح عله خير اذا احتاجيت شي كعدني
يوسف:وانتي من اهله بوية ان شاء الله ماحتاج شي نامي يله
أمل:صار
يوسف:راحت امل نامت عل قنفه الي بلغرفه وانه كعدت عل كرسي القريب من سرير ميار وكعدت اتفحص مﻻمحهه الحلوة الي شوهتهه بيدي اخخخ يمن كسر بيدي كون مديت ايدي لزمت خدهه السليم ومسحت عليه ملمسه ناعم مع هذه عليه اثار طك وجروح قليله والخد الثاني ﻻفينه بشاش انزعجت هيه من حركت ايدي عله وجهه وحركت راسهه وكعدت
يوسف: ها بوية اسف كعدتج محتاجه شي عطشانه جوعانه اجيبلج شي تريدين ترحين للحمام
ميار:ضليت صافنه عليه وعله كلامه كميه الحنيه بصوته ذوبتني ..هزيت راسي اي واشرت عل مي بيدي السليمه
يوسف:تريدين مي
ميار:هممم
يوسف:جبت المي وسندتهه وحطيت ايد وره راسهه وايدي الثانه لازم بيهه الكﻻص واشربهه مي صرت كريب عليهه وكربهه خربط احوالي عيونهه الذبﻻنه دوهنني وله شفايفهه الصغار ادكول حبه كرز رفعت عينهه باوعت بعيني وعله كيف دفعت الكﻻص حسيت عله رويحتي...ها بوية بعد تريدين لو خلص
ميار:هزيت راسي نافيه ماريد
يوسف:تريدين اجل
ميار:هزيت راسي ﻻ
يوسف:بس بوية موزين جا شلون تصيرين زينه اذا متاكلين
ميار:ﻻرد بس تباوع عليه
يوسف:انه نازل اجيبلج حاجه تاجلينهه احسن ما تضلين عله لحم بطنج صارلج خمس ايام بله اجل
ميار:هزيت راسي بكيفك وذبيت تنهيدة
يوسف:تنهدت وطلعت للكفتيريا جبت جاي الي وشوربه وعصير برتقال ولفات الهه ودفعت وصعدت فوك لكيتهه عله كعدتهه
يوسف:ها بوية خوما تئخرت عليج
ميار:هزيت راسي ﻻ
يوسف:هاي جبتلج شوربه وعصير ولفات حته تسندين فادج
يله خل اوكلج
ميار:اشرتله انه اكل
يوسف:ﻻ انه اريدن اوكلج بيديني
ميار:ماعترضت عبني تعبانه ومالي خلك كولش
يوسف:بديت اوكلهه عله كيفي وانه طاير من الفرح انهه ما عاندتني بس اعرفن انو ورهه هلبرود مالتهه نار راح تحركني اول ما تصير زينه ونطلع من المستشفى يعني مو معناها سمعت كﻻمي يعني سامحتني اصﻻ هلشي مبين من عيونهه نظرة الانكسار والضياع والحزن والزعل والقهر كلهه مبينه اااخخخ بس لو اكدرن ارجع الزمن والله يفلا امد ايدي عليج
ميار:ضل يوكلني عله كيف عبني ماكدرن اجل عادي بﻻعيمي توجعني وشفتي او حلجي(حلكي)كله يوجعني هوة يوجلني وبعيونه اكو نظرة اسف علسواة مرات اصفن واكولن انه انه فصليه وطبيعي انو انطك وانظرب وهوة حكه ومرات ﻻ افكر انه ما من حكه يضربني بس الواقع مر ابقه انه فصليه ويبكه هوة شيخ علينه انه من ما عاندته هيسه مو بمعنى سامحته وانمى ماريدن اجيب الحجايه لنفسي من يوم الي طكني عرفت انه مالي اي مجان بكلبه او بحياتهه كلهه وفضلت انو يبقه تعاملنه سطحي تعامل فصليه وسيدهه.......
يوسف:.........................................
