رواية الفصلية الفصل التاسع عشر بقلم زينب نور
الشيخ يوسف:طر الفجر وانه ما غمضتلي عين افكر شراح يصير وبنفس الوكت قلقان عليهه وخايف من التحاليل والفحوصات مال يوم ﻻ يطلع بيهه شي خطير حته خوش تكمل السبحه ...عاينت الساعه ب6ونص والفحوصات ساعه 9 اوووووف شيخلص الوكت تعبت والمتعبني محبوبتي
...........................
ميار:انه ودافكر بوضعي وبالايام الجايه غفيت عله روحي ومحسيت اله الصبح مادري ساعبيش بس حسيت عطشانه كلش ومحتاجه الحمام فتحت عيني شفت الشيخ واكف يم الشباج وديعاين عل شارع ورجعت عاينت عله أمل نايمه ورايحه بسابع حلم خطيه تعبت ويايه ..تحركت شوية وطلع السرير صوت مسموع عاد رأساً اندار الشيخ واجه يمي ركض
يوسف:ها بويه محتاجه شي
ميار:هزيت راسي اي واشرت بيدي السليمه عله أمل
يوسف:أشرت عله أمل .. شنهي بوية محتاجه شي كولي انه اساعدنج خطي أمل عوفينهه نايمه (فهمت تريد تروحن للحمام بس انه اريدن اساعدهه اريدن اتكرب منهه واعوف أمل والباكين عله صفحه هوة مادري شجرالي وقبلت أمل تبكه هين)
ميار:هزيت راسي نافيه ورجعت اشرت عله أمل
يوسف:تنهدت تنهيده طويله وكتلهه صار بويه هساع اصحيهه
..أمل ...بوية أمل
أمل:ﻻ رد بس تشخر خخخخخ
يوسف:زمخت بحس ناصي..أمل كعدي داكول
أمل:فزيت من نومتي ووكعت بلكاع ..والله ممسوية شي والله راح اجاوب علتيليفون وماطلع بله اذن بس عوفني وروح وعود كسر راسي ورجلي وموتني اذا عاندت
يوسف:هاي شجاي تخبص...أمل بوية شبيج انه الشيخ شجاج بسم الله عليج كومي كومي
أمل:صحصحت وشفت روحي بلكاع والشيخ فوك راسي مستغرب مني ..ااا اسفه شيخ منتبهت
يوسف:شجنتي تخبصين شني اكسر راسج ورجلج شني تجاوبين علتليفون شجاج بوية
أمل:صفر وجهي عزة بعينج أمل صخام الصخمج شدعي عليك يلبالي شدهتني... ااا ﻻ شيخ ماكو شي بس جنت احلم
يوسف:هاا جنتي تحلمين ديله تعاي ميار تريدنج ماقبلت اساعدهه وانه رايح اجيبن ريوك
أمل:صار شيخ ...طلع الشيخ وتنفست براحه اباوع عله ميار رغم مريضه ورايحه منتهيه الا هيه خربانه ضحك عليه ..اي اي ضحكي علي شكو عليج ..لج كافي ضحك طايحة الحظ ..هههه ﻻ جد كافي كولي شتردين
ميار:الشيخ كعد أمل وهاي كعدت مخروعه وخرطت الاكو والماكو عن الصار البارحه والشيخ مصدوم هاي شجاي تحجي ويعاين عليه ضامه ضحكتي بلكوة مصدكت طلع ونفجرت وهاي تحجي ويايه وانه فجي (عضم الفك)كام يوجعني من الضحك وعيوني دمعن اخر شي تنفست بلكوة واخذت نفس وزفرته عاد بتسمت واشرتلهه صباح الخير
أمل:صباح النور يكلبي شني هلضحكه الترد الروح هاي يله حبيبه كولي شتردين
ميار:ابتسمت واشرتلهه عل حمام
أمل:ها تريدين الحمام
ميار:هزيت راسي ايي عاد ساعدتني عله كفيهه اكوم ومشيت عله كيف اكو حمام بلغرفه طبعاً دخلت وهيه ساعدتني خطيه ..انقرت عله روحي من تالي وكت احد يساعدني حته اكظي حاجتي(تكرمون)دمعت عيوني
أمل:اووو ميار لتصعبيهه هيه فترة وتعدي وترجعين مثل اول واحسن بعدين هسه احنه مو خوات يعني ميصير الاخت تساعد اخته اله اذا انتي متعتبريني اختج
ميار:هزيت راسي ﻻ مو هيج
أمل:جا بطلي التنعوص وكومي خلني اغسلج وجهج عله كيفي ﻻ يليح الجروح مي
ميار:هزيت راسي اي ..غسلتلي وطلعتني عله كيف والله لو شما سوي ماجازيهه فد بنيه كلبهه ابيض وﻻ تشيل حقد وحبابه ﻻبعد حد مرات الله يدزلنه مﻻك عله هيئه بشر يساعدنه واحنه بئشد الحاجه للمساعدة ومن تكون بنص ناس ميحبوك او يطيقوك راح تلكه شخص يساعدك او يحبك وانه لكيت هلشي بأمل مع انو ماكو احد ميحبني بس مو معناها انهم يعاملوني بلحسنى يعني يحبوني ﻻاا احتمال مراعين الله بيه ﻻ اكثر ...كعدتني أمل عل سرير وغطتني
أمل:تريدين شي ثاني
ميار:اشرتلهه عل مي
أمل:تدللين وهذه اطيب مي لاطيب ميورة
ميار:بتسمت وشربت مي عله كيفي عبن شفايفي مجرحه اثر الطك وبﻻعيمي توجعني ...شوية ونفتحت الباب دخل الشيخ وبعدة الدكتور...أمل وجهه صوفر وهيه تعاينهم والدكتور يعاين علينه بﻻ مبالاة
الدكتور:صباح الخير شلونج اليوم ان شاء الله زينه
ميار:اشرت براسي صباح النور وبتسمت بمعنى زينه ..شوية ونفتحت الباب دخل غيث ورامي
غيث ورامي:صبحك الله بلخير شيخ
الشيخ:صبحكم بلنور
غيث:شلونكم بنات شلونج خوية ميار ان شاء الله احسن
ميار:ابتسمت بتعب وهزيت راسي الحمد لله
غيث:شلونج بكرة(بقرة )
أمل:مني هاي البكرة انه
غيث:جا امي اكو غيرج اصيحنله بكرة
أمل:باوعت كدامي الحاجب معكود والوجهه احمر الله اليستر..ها اا زينه الحمدلله
غيث:شعجب هلمرة مردتي بس ﻻ الله هاديج ﻻ يربي رجعلنه أمل لمخبله
أمل:هسه غير يسكت هلمفلوك والله بس خل نطلع ان ماراويتك البكرة عدل ماطلع بكرة بت عمك يا ثور
..خزرته ونداريت اعاين عله ميار الدكتور جاي يحاجيهه
الدكتور:شوفي خوية بعد ربع ساعه تجي الممرضه تاخذج وتجيبنج حته نسويلج فحوصات منا لذاك الوكت لتاكلين شي
أمل:احم بس دكتور هيه شربت مي كبل شويه
الدكتور: هممم عادي مابيهه شي ..يله اشوفكم بعد ربع ساعه معافايه ان شالله
أمل:طلع الدكتور وتليفوني هتز عبني حاطته عل اهتزاز اجتني راسله (احسابج بعدين انسه أمل)يابه متت بدمي شدعي عليك ياغيث
رامي:يله خوية مابيج غير العافيه انه طالع اكعد برة بردهه
غيث:جا انه اجي وياك اخذني
رامي:تعال
يوسف:هاج بوية أمل هذه ريوكج ومن تخلص ميار الفحوصات عود تتريك هساع ميصير
أمل:حاضر شيخ
يوسف:انه طالع يم الشباب انتو اخذ راحتكم
أمل:ماشي شيخ...طلع الشيخ ونداريت عله ميار شفتهه تعاين علي بنظرات شك...ها شكو هلنظرات صاير شي
ميار:طول ما غيث و أمل يتعاركون انه نظراتي عليهم مادري شني شافت ووجهه صوفر اكيد شافت نفس الشخص الي البارحه جان يتكلم معاها بسرعه نهت الحديث مع غيث عاد كمل الدكتور وطلع والشباب هم طلعو بكه بس الشيخ وأمل وياي بلغرفه والشيخ نطه الريوك اﻷمل وطلع يمهم اندارت علي عاينت عليهه بنظرات شك من خوفهه ماعرفن شبيهه ومني هذه الزلمه المهم هيه كعدت تتريك وانه نفسي مسدودة غمضت عيني وره ربع ساعة اجت الممرضه جهزتني واخذوني لغرفه الاشعه الشيخ وياي بس أمل ضلت يم الشباب ...سولي فحوصات وتحاليل واشعه ورجعنه شفت أمل عيونهه حمر مبين مقهورة وتريد تبجي وبنفس الوكت وجهه احمر من العصبيه ....
غيث:ها خوية خلصتو
يوسف:اي خلصنه تعاي بوية أمل ساعدي ميار بين ماسوي خروجيه المستشفى
أمل:حاضر
ميار:دخلتني للغرفه وكعدتني عله السرير بدون كﻻم راحت جابت هدمي وعله كيف غيرتهن ولبستني نظيفات وعدلت الشال مالتي واجه الشيخ كعدتني عل كرسي عبني ماكدر امشي منا ليهنا وطلعنه وصلنه للسيارة سيارة الشيخ عاليه يعني ماكدرن اصعد عاد ماحس غير نرفعت من الكرسي باوعت الشيخ حاملني وكعدني ليورة وصعدت أمل يمي وسد الباب وراح رجع الكرسي واجه والشباب لحكونه بلسيارة مالتهم عاد حرك الشيخ السيارة بس يمشي عله كيف يخاف ﻻ يلجمني وصلنه للبيت ووكف السيارة ..اعاين الدنيه مكلوبة وعمامه وولدهم وكرابتهم كلهم موجودة عاد اجه نزلني وحملني مرة ثانيه هني انه غصت بهدومي من الخجل كدام الكل وفوك كل هذه ذبحو طلي يله دخلنه يعني مدخلنه مباشرةً دخلني وكعدني بصاله يم النسوان سلم وطلع وهوة طلع وتعالو شوفو شصار هاي التحجي عله شوفي فصليه وكلبتهم فرد كلبه واشكال الحجي اليقهر وﻻ طلعولي بقوانه جديدة عود شلون وكعتي ومن عرفو فقدت صوتي كامو يكولون يا خطيه هم فصليه وهم صارت خرسه وانوب ندارو عل شيخه عله شيخه وهاي فصليه الشيخ وخرست ومو بعيد تصير معاقه جا ليش ما تزوجين الشيخ
وحدة منهن نطت:اي شيخه انه عندي بنت اختي تخبل ايه من الجمال تبرج برج(تبرك برك معناها ناصعه البياض ) وماكو شغله اذا متعرف تسويهه ووووو كومه لغن وكومة نطن عروض زواج للشيخ هههه والله يالله حته يعوقهه مثل ما عوقني ...ماصدكت شفت أمل كدامي اشرتله واجتني
أمل:ها ميمي شكو
ميار:اشرتله عله راسي معنى كام يوجعني اخذيني منا
أمل:ماشي كومي وياي ...كومتني عله كيف بس مادري شبيهه احس مو عله بعضهه دخلتني لغرفتي قبل متطلع سحبت ايدهه واشرتلهه تكعد هيه تنهدت وكعدت يمي اشرتلهه شبيج اشر هاي بس كتله شبيج نفجرت بلبجي خطيه اتوب شلون تبجي وتناشغ من كل كلبهه قهرتني جريته عله كيف وحظنتهه
أمل:......................................
...............................................................
شبيهه أمل شتتوقعون؟
ومنو هذه الرجال الطلع ؟؟؟
........................................................................
