رواية الفصلية الفصل الثاني والعشرون بقلم زينب نور
◇◇◇◇◇◇◇◇◇◇◇◇◇◇◇◇◇◇
يوسف:دكيت الباب عله غرفه ميار كلت خاف اكو احد يمهه ماجاني صوت فتحت الباب وشفتهه نايمه عله كعدتهه انكسر كليبي عليهه رحت يمهه..(بهدوء)..ميار..بوية ميار
ميار:ورة مطلعت أمل جنت تعبانه فرد مرة عاد كلت اغمض عيني شوي اشو انه غفيت عله نفسي بدون ماحس ..محسيت غير الشيخ جاي يكعدني ...هممم
يوسف:شو بوية داعدلج نومتج
ميار:مابيه حيل حته افتح عيوني حركني عله كيف وعدل نومتي وغطاني وظل يمسح عله راسي شوي بعدين باسني من كصتي وكام طلع وسد الباب عله كيف
يوسف:عدلت نومت ميارتي وكعدت يمهه شويه ضليت اتبحر بمعاني وجهه او بالاحرى بلوحه الي خربتهه بيدي بس ان شالله ترجع مثل قبل واحسن ..شفتهه غافيه ومحاسه ابتسمت وكلت خلني اكوم اروح اصلي تقربت بستهه من كصتهه وكمت طلعت رحت لغرفتي اغير هدمي واصلي وانزل للديوان ..كملت صﻻة ودعيت الله يشفيلي ميار باسرع وكت ولو هلشي يجلفني عمري ماراح اتراجع اهم شي هيه ..سبحان الله مني جان متوقع انو تجي فصليه اصغر مني بكوم تقريبا ب14او15سنه راح تاخذ عكلي وكليبي سوة وﻻاا راح اعشكنهه كل هل عشك فرد مرة اخخخ الله يسهلي ويفتحهه بوجهي من جانبج ميارتي
.......................................
أمل:عفت ميار وطلعت اساعد البنوات بلمطبخ الحار جاعدين يطبخون ويحضرون الاجل هتز مبايلي جان بجيب الصايه وانه حاطته علهزاز طلعته اعاين منهي الداز هلوكت (الرساله تطلع عل شاشه بدون مينفتح البرنامج*تعرفون هلشي ) عاينت الرساله من حبيب كلبي عرفته هوة(من خذا تليفوني بلمستشفى مسجل ركمه ومسمي حبيب كلبي) كاتب((أمل حبيبي وصلتو للبيت لو بعد))والثانيه((أمل كلبي ليش مجاي تجاوبين))والثالثه((اعرفن بيج زعﻻنه مني بس انطيني فرصه اوضحلج الي صار))والباقي سمايﻻت فد اربعه مال كلوب لزمت حطيت التليفون علصامت عبني ماعندي مجال احك راسي ومني انه كلبي موجر من الراشدي الي خذيته منهه وهس يريدني اتكلم معا ههه انتظر يخوي انتظر والله لوريك انجوم الليل بعز النهار عباله لعبه سهله بيده شوكت ما عجبه يحاجيني وشوكت ما عجبهه يعوفني انته بس اصبرلي وعاين شراح اسوي
حمزة:طلعو من المستشفى رحت وكفت بالباب مال الدخوع واعاين صوبهه وانه كلبي موجر عليهه وهيه عاينت صوبي وصدت وجهه عني ودارتهه للاتجاهه الثاني ..هين أمل هين..حركو وانه خلصت الجكارة ودخلت اكمل شغلي صارلهم ساعه ونص من راحو خلني ادزلهه رساله اعرفن انه الغلطلن مجان ﻻزم اطكهه بس بعد صارت وانه ما معصوم حته ما اطكهه بس هي استفزتني....اكيد كلكم تريدون تعرفون سبب العركه الي بيني وبين أمل(انتظرو من احاجيهه عود تعرفون ههههه) .. ضليت ادز بلرسايل بس ماكو ﻻ رد وﻻ حته شافتهن كلت اكيدنهه مشغولة عبن حرمه الشيخ توهه طالعه من المستشفى اكيد يكون عدهم اوادم جثير خير من الله
.....................
يوسف:جملت صﻻة وبدلت مﻻبسي وعدلت اليشماغ والعكﻻل ولبست ساعه ذهبي ومحبس لون الشذرة مالته سودة وبيهه حمار كلش حلوة واخذت العصى مالي ونزلت جوة ..عاينت أمل كاعد تشتغل صحت عليهه
يوسف:بوية أمل بالج عله ميار
أمل:حاظر شيخ
يوسف:اكول الاجل حاضر يو ﻻ جا ؟؟
أمل:كامل شيخ والشباب جاي ينقلون بي هس خل يخلصون وننكل للنسوان واروحن اوجل ميار
يوسف:عاشت ايدج يبوي
أمل:ويدينك شيخ هذه واجبي
يوسف:طلعت للديوان وكعدنه ناس تحجي وناس تضحك وانه بالي مشغول بميار ودافكر شنهي الي راح يصير المشكله الوحيدة الي ستعصت علي هي هاي وﻻ مرة واجهت مشكله او مصيبه اذا ما حليتهه وهسه جاي اريدن الكي حل لمشكلتي وي الطفله هاي ماكو ..جابو الشباب الاجل وكتلهم (يالله سمو بسم الله ) ..سمو وبدو ياجلون انه ماكدرت اجل نفسي مسدودة ماعرفن ان ميار اجلت وﻻ ﻻ اجلت شوي وكمت غسلت ورجعت جعدت يمهم همه هم خلصو ونكلو الشباب الماعين للمطبخ ..بهمس .رامي جوم كوللهم خل يحضرون الجاي
رامي:تمام شيخ
رامي:دخلت للمطبخ عاينت المطبخ مابي احد شوي ودخلت افنان تنكل المواعين اجت حذاي (يمي)
افنان:ها حبيبي شو واكف هين
رامي:هله بعد جلبي وعكلي وجﻻي وايامي و سنيني وكل هلي
افنان:بخجل.هههه حبيبي ﻻ احد يسمعك ..هس كول شتريد
رامي:اريد تحلايه ما بعد الاجل
افنان:(فهمت قصده وطكيته عله صدرة)ابليس يتوب وانته متوب ﻻ والله ..هس كول شتريد
رامي:تمام حسابج بعدين يبت جلبي انه اريدن تجهزون الجاي عبن العظامه الي بلديوان خلصو اجل
أمل:قصدك انته ضمن هذول العظامه مو
رامي:هه هه هه متضحج وكملي شغلج ﻻ اجي افرج وجهج بلكاشي
أمل:يمهه يممه لزموني خفت روح بابه روح العظامه الي بلستقبال ينتظروك
رامي:دصتبريلي ان ما طيحت حظج بعد ما يروحو مايطلع اسمي رامي
أمل:جا شيطلع اسمك جبار ابو الطرشي لو ابو المولد هههههه
افنان:كافي يله وانته حبيبي روح انه من يجهز الجاي ارمش عليك
رامي:ماشي عصفورتي
أمل:هه عصفورتك دير بالك لا تطيرهه من القفص
افنان:بس أمل وانته يله باي
رامي:بس...
غيث:انته بعدك هين والشيخ صارله ساعه يتانيك
رامي: ﻻ بشرفك
غيث:والله شبيك
رامي:طاح حضك غيث عله هل خبر ..وجعلنا من بين ايديهم سدا ومن خلفهم سدا فاغشيناهم فهم ﻻ يبصرون ..ربي رحمت استر يا ساتر(ههه)
يوسف:وديت رامي عل جاي وصارله ربع ساعه ماكو سئلت غيث كال ماجة عاد وديت غيث يدور علي راح واجه رامي ورة عشر دكايك
يوسف:ادري وين صرت ادري رايح للجبهه لو شنهي؟؟
رامي:احمم حكك علي شيخ بس صارت شغيله صغيرونه واخرتني
يوسف:تمام زين كتلهم يجهزن الجاي
رامي:اي كلت لافنان
يوسف:ههه خلص وصلت شغيلتك الصغيرونه ...
رامي:وانكبس عليك يرامي رحت في داهيه (طبعاً شخصيه رامي فرهه ويضحك ويتشاقه بس بلبيت وي اهل بيته او اصدقائه المقربين فقققط مو وية الغربه اما اذا انكلب اعصاب اقرة عله نفسك السﻻم )
............................في مكان اخر............................
..شيخ ..شيخ
...نعم تحجه وش في عندك من اخبار
..شيخ حرمه الشيخ اليوم طلعوهه من المستشفى والشيخ مجهز عزيمه جبيرة جثير عله سﻻمتهه
...هممم خوش ..اكلك جبتو اللوليد
..اي شيخ جبنا ومثل ما تريده
...خوش خوش هههه ..عاين صوبي عدل تروحن الحين وترجع تنزرع يم بيت الشيخ وتراكبلي الصغيرة والجبيرة ولو حته لو شغله تافهه تبلغني فيهه
..حاضر شيخ
...والله وكربت نهايتك عله ايدي ييوسف افندي هههههههه
............................عودة لبيت الشيخ........................
ميار:بعد مطلع الشيخ نمت وما حسيت غير عله أمل جاي تندهني فتحت عيوني
أمل:يله حبيبه جومي دا اوجلج حته تشربين الدوة انتي عله لحم بطنج من الصبح ومايصير
ميار:هزيت راسي اي واشرتلهه تساعدني حته اكومن للحمام
أمل:كومتهه اللحمام و ساعدتهه وغسلتله وطلعنه راجعين للغرفه دخلتهه وكعدتهه عل سرير وغطيتهه وكربت الصينيه صوبهه وبديت اوجلهه واجل..عايني انه هم جاي اجل وياج حته ﻻ دكولين مالي نفس اجل
ميار:رغم البنيه كلبهه موجر ومولع نار اله انه روحهه طيبهه وتضحك وتشاقه وتخفف عن هم الواحد..ابتسمت الهه وكملت اجل من خلصت غسلتي حلكي وشالت الصينيه وكالت
أمل:عايني ميمي انه شوي وارجعلج انطيج الدوة ماشي
ميار:هزيت راسي اي
............
الشيخ:طشو الوادم وعمامي هم جذي كلمن اخذ حريمو وطلع لبيته وانه هم دخلت للبيت هذه الحجي ساعه 4ونص الضهر
اول ما دخلت رحت لغرفه ميار فتحتهه عله كيفي شفتهه نايمه ويمهه أمل فارشه فراش بلكاع ونايمه ..عاينت ما متغطين زين والجو بدة يبرد رحت غطيت أمل وعدلت نومتهه عل مخدة مادري شلون نايمه المخدة بصفحه وراسهه بصفحه خو ايدينهه خلوهه سكتهه مشمرتهه مني ومني ضحجت عليهه عدلتهه ورحت لميار عدلت الغطه مالتهه وبتسمت نايمه بهدوء عكس هذيج ﻻعبه جقلمبه (هاي العبه الي يلعبوهه بالالمبيات اعتقد شايفيهه) بنومتهه دنكت بست راسهه ودنت نفسي عله شفايفهه كربت شوي من وصلت اريدن ابوسهه تحركت أمل عاد انه وخرت ﻻ تروحن تجعد وتشوفني وانه بهذه الوضع شنهي راح يكون موقفي جدامهه خلني اطلع احسن ...طلعت وصعدت فوك لحجرتي سمعت صوت ضحك رامي وحرمت ابتسمت ومريت عله غرفت الشيخه دكيت الباب كالت منهي
يوسف:انه يمه
الشيخه:فوت وليدي فوت شيخي
يوسف:حدرت يم الشيخه بست راسهه ..اشلونج يمه خو ما معوزة شي محتاجه شي
الشيخه:ﻻ يمه ماريدن غير سﻻمتكم ..روح ريح عاين وجهك شلون تعبان
يوسف:هوة انه جنت رايح اريح بس كلت امر اسير عليج شوي اشوفج واروحن
الشيخه:تسلم شيخنه يله حبيبي روح ارتاح عبن مرتك تريدنك مرتاح وبقمه نشاطك حته تساعدهه
يوسف:اوف اووف تمام شيخه يله مرخوص انه
الشيخه:الله وياك
...........................
أمل:نايمه وحسيت اكو احد بلغرفه انكلبت عاينت الشيخ جاي يريدن يبوسن ميار راسا رجعت نفس نومتي..يالله شكد فشله ..بس الحق يقال شكلهم حلو سوة ﻻيكين لبعض..طلع الشيخ وانه ردت ارجع انام بعدين تذكر تليفوني هاااا خلي بعدين اشوفه النوم اهم حته مابيه حيل احرك اصبع مو عاد ايد..والله تغطيت عدل لفيت روحي لف ورجعت نمت من التعب
حمزة:كملت دوام ورجعت للبيت سلمت وغيرت هدمي وسبحت وصليت ونزلت اتغده عاينت يامن كاعد يئذي برواء وهاي مالهه اي خلك ترده بس باوعت عليه صفح ودارت وجهه وهوة يريد يضحكهه بس ماكو فايدة..كعدت بصفهه وحضنتهه ..شبيهه حبيبه اخوهه كالبه وجهه
يامن:وانه شمدريني صار ساعه اضحك بيهه لحد ما نكلبت قرقوز وهيه ماكو
حمزة:انته انجب واجل وين الأهل
يامن:تغدو من وكت وطلعو لبيت عمي يرجعون باليل
حمزة:وانته شعجب ما رحت وياهم
يامن:مو بكيت علمود البكرة الي مكعدهه بحضنك
حمزة:نجب وكوم صبلنه غده
يامن: ﻻ والله خاف ماترضه ما تخلي هاي الهايشه دكوم
حمزة:صكد يا يامن ان ما كمت هسه ﻻ افلش وجهك تفلش ومعليك انته ببنيتي يله كوم صب اجل اريدن اتغده وانام
يامن:هوة كدرت ابوي بس عله امي الك الله يلماعندك حظ كايم كايم
حمزة:كام يامن وهوة يدردم علي عاينت صوب رواء ساكته وبس تعاين للفراغ
حمزة:شبيج بوية مريضه شي يوجعج احد مزعلج
رواء:ﻻ مابيه شي
حمزة:شلون مابيج شي وانتي يوميه تتلكيني من الباب وتشبكيني والضحكه تارسه وجهج اليوم يابسه كلشي ماكو
رواء:باوع صار فترة اتصل عله أمل مترد يطلع الرقم مغلق اخاف زعﻻنه مني او شو شبيهه
حمزة :مابيهه شي صكدي اليوم شفتهه
رواء:بتفاجئ وين شفتهه
حمزة:حرمه الشيخ جانت مسوية حادث وجايبهه للمستشفى الي اداوم بيهه واليوم يالله خرجوهه الصبح ليضل بالج احتمال خطهه محترك او مابي شحن او شو شصاير بتليفونهه
رواء:ياا خطيه متستاهل ..حمزة حبيبي(بطفوله)
حمزة :ها بويه
رواء:وديني العصر اللهم هم اشوف حرمه الشيخ وهم اشوف أمل
حمزة:ﻻ بوية عدهم كومة عالم بس انتظري جم يوم تخف الوادم وانه اوديج
رواء:ماشي حبيبي شكراً
يامن:ها شو وي حميزة تضحكين وتتكلمين اله انه نكلبت قرقوز وﻻ هتميتي
رواء:حمززززة صيح بي
حمزة:نجب ولك عوفهه وين الغدة
يامن:هذه هذه جبته وهاي اطيب دولمه من نبع الحنان
رواء:يم يم جيب خل اكل بطني كامت تزقزق
حمزة:ههه هاج بويه اجلي عافيات
رواء:علكلبك حبيبي
............
ميار:صحيت من النوم فازة من الحلم الي جنت داحلمه
الحلم عبارة عن............................
..................................................................
شنو حلم ميار؟؟
شنو راح يصير وية أمل وحمزة؟؟
شراح يصير وية الشيخ؟؟؟
...........................................................
