رواية الفصلية الفصل الثالث والعشرون بقلم زينب نور
ميار: صحيت فازة من الحلم والحلم جان عبارة عن انه انه بغابه كلش جبيرة وضلمه بشكل كولش مخيف واسمع اصوات مخيفه واريدن اركض ماكدر شي مقيدني مثل السﻻسل حاولت اركض ومافاد شوي شوي كام يتقرب مني صوت مشبهه علي اجاني صوته وهو يكلي عايني صوبي بس شنهي الصوت خشن ويخوف بشكل جبير انه جنت خايفه ماعاينت صوب الصوت رجع مرة ثانيه وكال داكلج عاينييي صوبي بخوف ودموع نداريت صوب الصوت وانه مغمضه عيوني تقرب يمي بسرعه جان بعيد واقل الثانيه صار مقابل وجهي بس شكله مغوش ومكدرت اميز شكله او مني هو تقرب حط ايده عله راسي وكالي ..ﻻ تخافين انه راح احميج من الي راح يصير عن قريب خلي ايمانج قوي ولتتخلين عن ممتلكاتج عاينت علي بستغراب طلع وردة وحطهه بيدي وختفه الوردة جان لونهه احمر دمم قربتهه شميتهه وعاينت الغابه تحولت لمرجان وانه نفكت قيودي واعاين منا ومنا الشخص الجان يمي اختفه شويه وضهرت وحدة شكلهه يخوف مثل الساحرة وشعرهه منكوش وسنونهه مكسرة واضافيرهه طوال ووصخات وهدومهه تلعب النفس اجت يمي وسحبت الوردة جان بيهه شوك فنجرحت ايديني بيهه وكالت ﻻ عبالج راح اخليكم مرتاحين والله راح ادمركم وبتعدت عني انه اريدن الحكهه واخذ الورده منهه بس رجعت القيود الي ورجعت بلغابه وهيه كل ما تبتعد المرجان يختفي والغتبه تبدي تضهر بسوادهه وراها صار ضوه كلش قوي وفزيت من الحلم مرعوبه اعاين منا ومنا وريكي ناشف اريدن مي عطشانه جثير شوية ودخل الشيخ جان مبدل الظاهر يريدن يطلع اول ما شافني اجاني ركض
يوسف:ها بوية بيج شي يوجعج شي
ميار:مجاوبت بس ابجي بخوف ومن كثر متحركت ايدي ورجلي كامت تصل عليه من الوجع
يوسف:كعدت العصر ماعندي كلت اطلع افتر شوي واجيب جم شغله للبيت كمت غسلت وغيرت مﻻبسي ونزلت رحت لغرفه ميار اشوفنهه كبل ﻻ اطلع دخلت وشفتهه بحاله يرثى لها الدموع مغركه وجهه وترجف وتعاين منا ومنا انه كلبي رجف عليهه رحت ركض احاجيهه مترد بس تبجي فهمت من تصرفهه انه شايفه كابوس سحبتهه لحضني اقرة ايات وادعيه فوك راسهه وامسح عله راسهه وعله ضهرهه وخرتهه عني وكمت جبتلهه مي ورجعت كعدت يمهه شربتهه المي و مسحت دموعهه..كافي بجي بوية هذه مجرد كابوس ﻻ اكثر يله بوية كافي بجي دموعج تحركنه الكلبي كافي باباتي
ميار:من قرة عله راسي رتاحيت شوية وهدئت راح جابلي مي شربني ومسح دموعي وانه الشهكه لساعهه بصدري بلكوة جاي تطلع
يوسف:تعالي بوية خل اغسلج وجهج واكعدج
ميار:هزيت راسي بﻻ واشرت علمخدة
يوسف:جانت الساعه 6ونص بوية مايصير تنامين هس وكت مغربيه مايصلح انه راح اطلع واندهلج أمل تكعدن معاج لبين ماروحن وارجع ماطول شغله ربع نص ساعه وانه هني
ميار:هزيت راسي اي ودرت وجهي انه مجبورة اتصرف هيج ويا والله لو ما مجبورة عل كعده يفﻻ اضل هني ثانيه بعد بس شسوي الج الله يميار ﻻزم تتحملين ..بس اريدن اعرف هوة عندة انفصام بشخصيه ساعه حباب وساعه وحش ساعه يحبني وساعه يكرهني معقوله جاي يلعب علي ااووو شهلتفكير يلعب علي شنهي انه بكد اخته وهو زلمه شيخ وواعي وجبير كال يلعب علي كال ..احسن شي اسوي ابتعد عنه عبن كربي منه راح يئذيني وجثير همين
يوسف:طلعت صحت عله امل تجي تكعدن يم ميار لبين ماروحن واجي هيه راحت عدهه وانه خذيت سيارتي وطلعت فتريت واشتريت النواقص ورجعت للبيت دخلت جانت الساعه 7وربع دخلت الغراض للمطبخ وانه هم دخلت رحت لغرفه ميار عاينت كاعده وحدهه ..جا بويه أمل وين؟؟؟
ميار:اشرتله راحت تصلي
يوسف:خوش انه هم راح اتوضه واجي اصلي..رحت توضيت بلحمام الجوة وطلعت خذيت سجاده وتربه من الاستقبال ورحت اصاي بغرفه ميار من دخلت تفاجئت انه راح اصلي بغرفتهه ..خو ماعندج مانع اصلي هين
نيار:هزيت راسي ﻻ عادي ..وكف يكبر وبده يصلي بصوت خاشع وعالي صوته يخبل وهوة يقرة الايات انه من سمعت صوت التكبيرة دمعت عيني وغمضت انتضر يكمل ضليت مغمضه عيني وانه استمع اله بتركيز خلص صﻻة المغرب وكعد يسبح عل سجادة وراها كام صله العشه ومن خلص سبح ودعه وكام لم السجاده وهوة يحرك شفايفه يتمتم ويعاين صوبي اجه بتجاهي وكعد يمي واخذ ايدي السليمه كام يحسب بيهه عاينت علي مستغربه هوة عاين وافتهم سبب استغرابي ابتسم بوجهيي وكال
يوسف:انه كاعد اسبح بيدج حته الاجر ينكتب الي والج ومادري اذا هلشي صح او خطأ بس الي اريده انج تشاركيني الاجر ..ورجع يكمل تسبيح بيدي
ميار:كﻻمه صدمني الصراحه وشلون يحجي بهدوء فضيع ومبتسم والله يا يوسف انته وراك شغيله جايده وايد وربي اليستر بس
▪▪▪▪▪▪▪▪▪▪▪▪▪▪▪▪▪▪▪▪
أمل:كعدت متكسره من التعب عاينت ميار نايمه وشكله جاي تحلم عفتهه نايمه هيه هم خطي تعبانه ومتعذبه سحبت التليفون من جوة المخدة اعاين الساعه شكد شفتهه ب6وربع وعاينت اكو رسايل من حمزة ومكالمات كومة مدخلت عليهه وﻻ فتحته اصﻻ غلقت التليفون كله احسن الي واله كمت لميت الفراش وطلعت غسلت وجهي ورحت سويت جاي بلمطبخ واجت ام محمد و افنان دنتفق شنهي نسوي عشه اليوم شويه والشيخ ندهه علي كال اكعد يم ميار لبين ما يجي انه هم رحت يمهه بلغرفه شفت عيونهه حمر ورموشهه مبلهه مثل الي باجيه سئلتهه شبيج اشرت ﻻ ماكو شي انه هم عفتهه ورحت تمددت يمهه وكعدت اسولف عن رسايل حمزة وهيه تمسح عله راسي بيدهه السليمه لحد ما سمعت صوت الاذان كتله تحناجين شي لو اروحن اصلي اشرتلي ﻻ روحي عاد انه هم رحت توضيت وصعدت داصلي بطريقي صارت مﻻك نازله من الدرج وتتمعلج وﻻبسه لبس يخزي اقل ما يقال عنه برمودة حصر حصر بمعنى الكلمه لون اسود وبيهه كلب بنهايه والتيشيرت مالته هم حصر والدلعه جبيرة نص صدرهه مبين منه والضهر لنص طالع يعني مفاتنهه كلهه طالعه بمعنى الكلمه وفاتحه شعرهه وكالبته عله الجهه اليسرة والمكياج صارخ وﻻبسه ذهب مدندشه دندش والحمرة حمرة طووخ عاينتني بنص عين وضحكت بستهزاء ونزلت طلعت للحديقه كل هذه وانه واكفه عل درج اتفرج علمهزله هاي رامي طالع والشيخ هم وهيه ملخذه راحتهه فرد مرة شوية وسمعت صوت زلمه بلستقبال وهيه طلعت راحت للمطبخ تحظر صينيه اخذتهه وراحت طبت للاستقبال وسدت الباب انه هم رحت داصلي صليت وكملت ونزلت جوة شفت فارس كاعد بصاله يم الشيخه ومﻻك شبهه كاعده بحظنهه هس فتهمنه هي قليله ادب وادبسز بس شوي تنطي احترام ﻻمهه مو زاعتهه فرد مرة سلمت عله فارس وعرفت راح يبقه عل عشه عفتهم ورحت وعفت ذيج الصخله تتموع يمهه صكد لعبت نفسي منهه بمعنى الكلمه رحت للمطبخ اساعد ام محمد شوي واجت افنان
افنان:اكول أمل صاحبتج اتصلت عليج من تليفوني دكول دا دك عليج وماكو كتلهه بدلتي ركمج وانطيتهه الجديد
أمل:بﻻ مبالاة اي عادي ...شوي وطلع الشيخ من غرفه ميار واجه سلم ..شيخ فارس كاعد بلستقبال
يوسف:ها شوكت اجه
أمل:قبل شي نص ساعه هيج شي
يوسف:ها انه رايح اشوفنه وانتي حضري العشه لميار شوربه وجبت معلاك اشوي الهه
أمل:حاضر بوية
يوسف:عفت ميار بعد ما شفتهه غفت عدلت نومتهه وغطيتهه ودنكت بستهه من حلكهه هلمرة ماكو احد هني كمت طفيت الضوة وطلعت عرفت من أمل فارس خطيب مﻻك جاي ..دخلت للصاله واجت عيني عله مﻻك هانم ﻻبسه لبس حته الكح...متلبسه وفوك كل هذه تتمعلج وكاعدة بصف فاﻻس لزك افتهم مرته بس موش هيج هس الولد شيحجي يكول ما صدكت لكت عريس حته ازكت بي هيج استغفر الله سلمت عله فارس وانه خازر مﻻك اشرتلهه دكوم وانه بلكو ﻻزم روحي ﻻ اجرم بيهه كامت راحت لغرفتهه وانه كعدت يم الزلمه لحد ما حضرو العشه وأمل راحت تعشي ميار شوي واجت صاحتني
يوسف:ها بوية شكو
أمل:شيخ ميار متقبل تاحل صار ساعه اتكلم وياها وماكو فايده
يوسف:هسه ثواني واجي ..ترخصت منهم ورحت لبلوتي دخلت عاينت أمل تريدن توجلهه بس هيه تعاند ومتريد...بوية أمل روحي انه راح اوجلهه
أمل:حاضر شيخنه هههه وكعتي بيدين الشيخ اجليهه هس
يوسف:طلعت أمل وانه كلت بعصبيه مصطنعه :ليش ما تاجلين شنهي عاجبج وضعج هذه بابه انه اريدنج تتحسنين موش تموتين نفسج يله هاج هاي اجليهه
ميار:بخضوع فتحت حلكي وبديت اجل حته ما اترزل عبني مالي خلك ونفسي جاي تلعب
يوسف:ضليت اوجل بيهه بس بلكوة تاجل لحد ما خلصت الاكل وشربتهه عصير وكتله
يوسف:عافيات عله كلبج حبيبي يله انتي رتاحي وانه رايح اتعشه وبعد ربع ساعه اجيبلج الدوة تشربي
ميار:هزيت راسي اي وانه مطنكرة ومبرطمه
يوسف:عضيت شفتي لج لا تبرطمين ﻻ اخذ حيفي من هل شفايف والله
ميار:عاندت وزدت بلبرطومه
يوسف:ماشي انتي جبتيهه لنفسج اجليهه جا ..تقربت بست شفايفهه حيلل بحيث حته نفس مخليتهه تتنفس والبوسه تحولت من العقوبه لبوسه حب وعشك وشوك لحد ما حسيت اكو طعم زنجار بحلكي باوعت شفتهه طكت دم وهي عيونهه مدمعه بستهه من حلكهه بوسه سطحيه ومسحت شفايفهه من الدم وكتله ..كتلج ﻻ تبرطمين وانتي عاندتي بعد كل ما تعاندين تتعاقبين نفس العقوبة واحتمال اكثر فهمتي
ميار:بدموع هزيت راسي اي
يوسف:شفت دموعهه وكلبي وجعني اوووف كل دموعج جاي تنزل بسببي بس صدكي راح اعوضج ...مسحت دموعهه وبست راسهه وجريتهه لحظني حضنتهه حيلل اريدن ادخلهه بضلوعي ورة شوي وخرت عنه وبست خدودهه وكمت طلعت شفتهم فارشين السفرة ودا ينتظروني عاينت مﻻك كاعده بصف فارس وﻻبسه بجامه بس هم حصر كلش استغفرت ربي وكعدت حسابهه بعدين موش هس ...كملنه عشه وشربنه جاي اترخص فارس وطلع وانه نداريت وصحت عله مﻻك رزلتهه عله لبسهه الي يحزي وعله استهتارهه هذه
وعفتهه ورحت فوك اغير مﻻبسي واخذ فراش ومخدة وغطوة وانزل انام يم ميار بلغرفه نزلت شفت أمل كتله روحي نامي انه راح انام يم ميار بعد وانتي صعدي لغرفتج يكفيج دتعبين وياها هلفترة بلبدايه عترضت بعدين قبلت وراحت انه هم رحت لغرفه ميار عاينتهه رحت فرشت الفراش وحطيت المخدة وضليت اعاين لحد ما نمت
▪▪▪▪▪▪▪▪▪▪▪▪▪▪▪▪▪▪بعد مرور شهرين ونص▪▪▪▪▪▪▪▪▪▪▪▪▪
ميار:بهل فترة تغيرت كومه امور عدايه انه والشيخ الشي الاول أمل بعد ما نهت عﻻقتهه ويه حمزة ثاني اليوم اجه جايب اهله وخطبهه ....قبل فترة بعد الحادث بسبوع جاب اخته دشوفني وتشوف أمل فأمل طلعت تطفي الماطور مال مي هوة شايفهه وجرهه ومتعاركين ولغت علاقتهه بي بعد ماطلعو دخلت تبجي حظنتهه وضلت متكئبه لحد ثاني يوم ومن عرفت خاطبهه راسا اغمي عليهه واخذوهه للمستشفى كالو صاير عدهه صدمه قويه وهبوط بلضغط بس ماكالتلهم ليش كالتهلم من التعب وهمه صدكو المهم اجاها اكثر من تهديد من حمزة اذا متوافق راح يخطفهه ويتزوجهه غصب فنجبرت تقبل وترضخ للامر الواقع وقبل فترة جانت حفله المهر مالتهم بس هيه متحجي ويا وﻻ هوة وﻻ عبالك مخطوبين بوجهه نضري انو ﻻزم يحجون حته يتفاهمون وينتهي هذه الخﻻف عبنهه هيه تحبه وهوة هم ...افنان حامل بشهر الثاني يوم الي عرفنه البيت نخبص وصارت عزيمهه شكبرهه بعتبار اول حفيد للعائله ...مﻻك تزوجت قبل تلث اسابيع وهس بشهر العسل بتركيه طبعاً انه محضرت العرس بعتبار مريضه ...الشيخه راحت للحج والباجر ترجع ومسوين عزيمه جبيرة ...اما انه فالبارحه رحت فتحت الجبيرة مال رجلي وايدي عبن طاب الكسر و التئم والجروح راحت ووجهي هم طاب بس بقه التثر بكليبي يحز وصوتي لحد هس مرجع بعده ودا اخذ عﻻج والله كريم ...اما يوسف:الغز الاكبر بحياتي الي ماعرفت احله ايداريني وماكو اطيب منه واهناك ينكلب وحش طول فترة مرضي وهوة نايم يمي بلغرفه طلب مني اصعد اشاركه الغرفه بس انه رفضت بلبدايه تعصب وماعرفن ليش بس بعدين كال براحتج يجي يوم وتصعدين
يوسف:............
▪▪▪▪▪▪▪▪▪▪▪▪▪▪▪▪▪
