رواية الفصلية الفصل الرابع والعشرون بقلم زينب نور
يوسف:كضت هل شهرين ونص بين ميار وبين الديوان ومشاكله وبين مشاكل حياتي الي اريد انهيهه وبين العائله مالتي والمشكله الاكبر بحياتي هس انو شلون اخلي ميار تسامحني ..من علمونه رامي وحرمته انهه حامل فرحت وبنفس الوجت تحسرت لون لو انه ماصار الي صار جا انه هس ماخذ ميار وهم حامل بطفل مني بس كلشي بيد ربي هوة عندة علم التدبير ..تزوجت مﻻك بعد ما طلعت رواحنه شكد رزلت مافاد اخر مرة كمشتهه بوضع يخزي وية فارس حته خجلت منه صح انه مالي شغل وهوة زوجهه بس هس يكول جاتله نفسهه عل زواج وما مصكده انه راح تتزوج والله طاحت وصله من لساني وانه اتكلم وما فاد اخر شي كتلهم عجلو بلزواج خفت ﻻ تروح تسويلنه مصيبه وهيه عمرهه مال مراهقين ففضلت انو يستعجلون وهيه طبعاً مصكدت كبل قبلت وراحت تجهز مع انه يعز علي فراكهه بس شسوي هاي سنه الحياة زفيتهه بيدي لايد رجلهه ووصينا عليهه وخذاها وراح وانه هم بعد ما راحو خذيت سيارتي ورحت افتر شوي ..أمل نخطبت لنفس الدكتور الي عالج ميار اسمه حمزة دكتور حباب صراحهه من علمت أمل انو خطبهه اشو صفر وجهه وداخت ووكعت من رحنه للمستشفى كالو هبوط وصدمه صراحه استغربت بس هي كالت انه من التعب وتفاجئت بسالفه الخطوبله لهذه تخربطت انه ما دخلت بعكلي بس مشيتهه الهه الي محيرني بلموضوع كلو انه من ساعه ما عقدو دخل لبسهه الذهب وراح بعد ما شفنا حته ما اجه سئل عليهه وﻻ شافهه ومن اسئلهه دا تحجين ويا دكول اي شكيت بموضوعهه عبن من تتكلم بس تتوتر بسرعه وتئته بلحجي هلشي خﻻني اشك كلت احتمال متعاركين..هس البعض يكول وانت شعليك تدخل بهيج امور او تحجيلنه عنهه ..انه من دخلت بحياتهم مو لغرض شي بس انه مربيهن مثل بنواتي من جانن صغار فأمرهن كلش يهمني من هنه وصغار احاول ماخليهن يخافن مني واصير صديك الهن حته كلشي يصير يحجونه الي ونحله ماحب فد شي ينظم حته باجر عكبه لون صارت مشكله نكدر نحلهه ......المهم اليوم الشيخه راجعه من العمرة والببت مخبوص خبص من للصبح جبنه ذبايح وحضرنه الطباخ الي راح يطبخ عبن كميه الاجل جبيرة هواي والحريم ما يكدرن يطبخن وحيدهن لكل هلفيلق ميار من البارحه مشفتهه طبعاً رجعت تمشي وفكينه الجبس عن ايدهه ورجلهه وجروحهه طابت بس بعده صوتهه ماكو وان شاء الله عن قريب يرجع ..الكل اجو للعزيمه من الضحى (الي ميعرف شنو الضحى معناها من الساعه تقريباً 7لحد اذان الضهر هذه يصيحوله ضحى)الزلم وكفو يمي يساعدونه والحريم داخل انه خلصت ودخلت اسبح عبني تعبت وهدمي نترست تراب من الشغل والتحضير دخلت شفت أمل كتله تسويلي طريج اريد ادخل وخل ميار تصعدلي
أمل:حاضر شيخ
أمل:ميمي ميار مورة
ميار:اشرتلهه شكو شبيج
أمل:حبيب الكلب وداني عليج اندهج يكولن خلهه تصعد وراي هوة هس فوك ناطرج بلغرفه
ميار(بستغراب):اشرتلهه ليش شكو؟؟
أمل:وانه شعلامي ماتروحين شعندي مسطكه هين يله ولي لو عله كولت المصرين(ماتغوري يبت من وشي احسن ماضربك)ههه
ميار:هههعععع ضحكت عله كلامهه وهزيت ايدي وذبيت الوصله جنت امسح المواعين ورحت مانكر انو خايفه اصعد ﻻ خايفه وبشدهه ماريدن ادخل الغرفه واذكرن الي صار وياي اخر مرة من طكني...باخر فترة صارت عﻻقتي بي كولش سطحيه ﻻبعدد حد كمت اتصرف تصرف اي فصليه مثلي (الفصليه والسيد)ههه كمت هيج اتكلم ..مكدرت انسه حبي اله بس داحاول اتناساه شي اكيد راح يجي يوم ويمل مني ويروحن يتزوج وانه ماريدن اعلك نفسي بهيج آمال ماله اي صحه وﻻ اروحن بتفكيري زايد عبنه الشيخ وانه هين بس مجرد(ف ص ل ي ه)ﻻ أكثر...واجفه جدام غرفت الشيخ محتارة ادكهه يو ﻻ اخر شي سميت بسم الله ودكيت الباب اجاني صوتهه الخشن وهو يكول
يوسف:دخلي بوية ميار
ميار:فتحت الباب مال جناح وعاينت باب الغرفه مفتوح رحت ودخلت عاينت واكف جدام الباب مال كنتور ماعرفن شكاعد يدور اندار علي وابتسم وكال
يوسف:تعاي بوية طلعلي هدمي علما اسبح واطلع الكيهن جاهزات وهاا ﻻ تطلعين عندي جﻻم(كﻻم)وياج
ميار:هزيت راسي ب اي ورحت صوب الكنتور كعدت اكلب بلدشاديش عجبتني وحدة لونهه نحاسي وتطريز اسود بلياخه ونازل كلش حلو وطلعت غترة سودة وبيهه تطريز نحاسي قريب للون مال الدشداشه بدرجه او ثنين واختاريت عصى كلش حلوة لونهه اسود والراس مالتهه حيه وطلعت تكرمون شحاطه سودة ورحت عل ميز التواليت اختاريت عطر وساعه وخاتم وسبحه حطيتهن عله السرير (او الجربايه مثل ما احنه نكول) وكعدت عل قنفه الملحقه بلغرفه الشيخ معلك فوك جربايتهه صورة اله جبيرة وكولش حلوة ضليت اتمعن بيهه وانه محاسه انو الشيخ طلع من الحام وصافن علي...صحاني صوت الشيخ وهو يكول
يوسف:ان عجبتج انطيجايها ما عندي مانع ويبتسم بخبث
ميار:خجلت كولش واشرت براسي ﻻ
يوسف:صعدت للغرفه بعد ما وديت أمل تندهه الي طلعت وره عشر دكايك اندكت باب الجناح عرفتهه بنيتي كلتله دخلي دخلت انه جنت واكف جدام الكنتور اكلب بلهدوم اشوف شلبس فنداريت عليهه وكتلهه تطلعلي مﻻبس علما اكمل حمام وكتلهه ﻻ تطلع اﻻيدن اتكلم وياها هي هزت راسهه ب اي وراحت صوب الكنتور وانه تحركت صوب الحمام طلعت من الغرفه عبن الحمام صاير بلصاله مال جناح دخلت اسبح علسريع وخلصت لفيت المنشفه عل خصري والمنشفه الثانيه انشف ببهه شعري و طلعت رحت للغرفه عاينتهه كاعدهه عل قنفه وصارفنه بصورتي الي عل حايط ابتسمت واجت فكرة بالي وصراحه محبيت احرم روحي منهه فكتلهه ...ان عجبتج انطيجياها ماعندي مانع وابتسمتلهه بخبث عجبني خجلهه وهيه تهز راسهه بﻻ بعدين عاينت صوبي بصدمه ودنكت وغمضت عيونهه بيدهه بسرعه عاينت مستغرب بعدين فهمت هيه خجلت علمود انه انه مﻻبس هدمي وبس ﻻف نفسي بلمنشفه ضحكت من كل كلبي وانه اعاين ليهه خجﻻنه وراح تطك من الخجل تكربت من الجربايه اخذت الداخلي الجوة (عفواً)لبسته ولبست الدشداشه عجبني ذوكهه (ذوقهه) لبست ودكمت الدكم مال ياخه وانه اعاين عليهه لساعهه مغمضهه عينهه جليت صوتي وتحمحمت وكتله
يوسف:خلصت بوية تكدرين تفتحين عويناتج الحلوات
ميار:خجلت ونصدمت من شفته بس بطرك المنشفهه ومﻻبس اي شي بيني وبينكم الحجي جسمهه حلو معضل بس راسا نزلت راسي خجلت اضل اعاين علي هوة ستغرب بلبدايه بعدين سمعت صوت الضحكه مالتهه بصوت عالي فز كلبي علي ..انتظرت فترة بعدين سمعته يصيح علي ويكلي خلصت فتحي عيونج الحلوات انه لو جانت اكو ذرة دم بوجهي فهس اختفت من الخجل وكمت احس وجهي كام يطلع نار وخرت ايديني وفتحت عيني بس ما عاينت علي ضليت اعاين صوب الكاع لحد ما نجهني مرة ثانيه
يوسف:تعاي بوية سويلي زرار الردانات مكاعد تصير
ميار:هزيت راسي اي وكمت اسويهه اله وصلت يمه وخذيت الزرار من ايدينه وبديت اشكلهن خلصت الاولى خذيت الثانيه سويتهه وخلصت رفعت عيني عاينته يعاين علي بطريقه مكدرت افسرهه وعله وجهه ابتسامهه خفيفهه نزلت راسي ورجعت ليورة وهو جن حس عله نفسه تنحنح ورجع يكمل.. شوي وكمل راح صوب الكنتور فتحه وطلع منه علاكات جن مال مول واجه صوبي عاين علي وكال
يوسف:ندهت عليهه تسويلي الزرارات مال ردان جت تسويهه خذت الزرار مني وانه صفنت عليهه اشوفن شلون تتحرك وي كل حركه تاخذ عكلي مني لحد ما خلصت ورفعت راسهه وريتهه ما رفعتهه بوياااي العيون تخبل الي يكول خضار صافي وعسل مصفى جمال عيونهه كارثي بشكل هيه نزلت راسهه ورجعت ليورة انه حسيت عله نفسي ورجعت اكمل اسوي بلغترة وعيوني صوبهه اريدن اروحن اضمهه بضلوعي وما خلي احد يشوفنهه ..قبل فترة رحت افتر وفتت للمول شفت مﻻبس عجبتني خذيت عله قياس ميار حذاء (تكرمون)وفستان وشال ورحت لمحل مال ذهب هم اخذتله سيت كﻻده وتراجي ومحبس وسوار واخذتلهه بتوت ثمانيه وحجول اربعه ومحابس سته وتراجيات ثنين وحدة منهن ناعمه كلش عجبتني ومﻻوي ثنين جبتهن وضميتهن كلت بلوكت المناسب انطهيا ..خلصت تجهيز ورحت صوب الكنتور طلعت العلاليك عبن اجه وكتهه وانه ماريدهه تطلع اكل(اقل) من الباكين رحت صوبهه وحطيت العلاليك يمهه عاينت عليهه تعاين بستغراب
يوسف:شوفي بوية انتي بعتيارج مرت الشيخ يوسف وحرمته ﻻزم تطلعين احله وحدة و ﻻ تنسين انتي جنت الشيخه وما ﻻزم تطلعين بهذني هدمج اريدنج تطلعين احله وحدة بيهن وهسه كومي اخذ هاي المﻻبس الج دخلي بلحمام لبسيهه وتعالي اشوفه عليج وماريد اعتراض..سحبتهه من ايدهه ومشيت صوب الحمام انطيتهه الفستان وسديت الباب وكعدت عل قنفه الي بالصاله صاير باب الحمام بضهري ضليت انتظر لحد ما سمعت صوت الحمام انداريت صوبهه ونصدمت
ميار:حجه الحجي الفوك وخذاني وكضني من أيدي وخذا الفستان بيد الثانيه وسحبني صوب الحمام دخلت سحبت الفستان اشوفه جان لونه اسود وبي نقش ذهبي ورداناته بف ومن النهايه اكو بزمه (مكان الدكم تصير)ومخصر وجاي كلوش من جوة ومن يم الصدر اكو كسرات كلش مرتب اخذت دوش سريع وغسلت بس جسمي ونشفت لبستهه ونزعت الشال وطلعت الضفيره برة الفستان وخذيت نفس وطلعت هوة جان كاعد وناطيني ضهرة اول ماطلعت ندار صوبي وعاين علي بنضرة الدهشه والصدمه ونضراته الباقيه مكدرت افسر شنو معناها كام تكدم صوبي واجه خذا ايدي وسحبني للغرفه وكفني جدام المرايه ووكف وراي وراح للكنتور طلع علب ماعرف شني بيهن جابهن مبينات علب مجوهرات قرب اول وحدة وفتحهه سحب كﻻده طويله راد يلبسني بس انه وخرت عنه ونفيت براسي انه ماريد البس بس هو رجع سحبني وكال
يوسف:طلعت من الحمام صدمتني من كميه الحﻻ الي عندهه رحت صوبهه سحبتهه ووكفتهه جدام المرايه ورحت للكنتور خذت الذهب و رحت يمه ردت البسهه بس مرادت كتله..احنه مو كلنه ما نريد عناد خليني اشوفن شغلي رجعت درتهه وكربت الكﻻدة منهه لبستيالهه وطلعت التراجي الناعمه عله شكل فراشه لبستهه الهه وطلعت السوار الي وية الكلادة هم لبستيالهه بيد والايد الثانيه حطيت بيه البتوت وطلعت المحابس لبستهه تﻻثه والحلقه هم لبستهه وطلعت حجول ودنكت داريد البسهه الهه بس هي سحبت رجلهه رفعت راسي وخزرتهه ورجعت سحبت رجلهه ولبستهه الحجول وكمت اباوع عليهه طلعت تخبل جن حوريه ونازله من الجنه والله هنيالك يالشيخ عندك هيج حرمه رحت للعلاكه الثانيه طلعت الشال ورحت انطيتهه الهه وخليتهه تلفه وطول ما هيه تلفه انه اعاين عليهه سبحان الي خلق وابدع يخلقه ايه من الجمال طلعت وبدون مبالغه جد احجي ..خلصت واندارت علي اعاين وجهه احمر شوي وينفجر جان لون الشال بلون الفستان مالتهه رحت سحبتهه من ايدهه كعدتهه عل جربايه طلعت الحذاء تكرمون جان كعب وسط لون اسود وبي سير ذهبي ونازله منه فراشه موديله يجنن قربت اريد البسه الهه بس مقبلت خذته مني و ولبسته هس دكولون شلون شيخ وشلون ينزل يم رجلين حرمه اول شي هيه حرمتي وحبيبتي وام اطفالي مستقبلاً وثاني شي هلشغله ماراح تنقص من قدري شي ابدا انه من جاي اسوي هيج معتبرهه بنيتي كبل ﻻ تكون مرتي وحبيبتي كبل فصليتي وثالث شي انه ممسوي شي غلط او حرام ..المهم لبست وكامت وكفت طلعت تحفه كامله مكمله اتمنى مصاير وﻻ يرجع ذاك اليوم المشؤم جان هس انه وياها عايشين مرتاحين حالنه حال اي ثنين بس الله ينتكم من الي كان السبب ...خذيت ايدهه وطلعت من الجناح ونزلنه من الدرج جانت الشيخه عل وصول فنزلنه هي راحت للمطبخ وانه طلعت يم الزلم اشوفنهم ..
ميار: لبسني الشيخ الذهب وراها نطاني شال لون اسود شيفون كلش حلو لبست الكب وراها لبسته للشال وهو عينه علي ارتبكت وراها جاب الحذاء بعدما كعدني عل جربايه راد يلبسني الحذاء بس انه ما كبلت و خذيته من ايدينه ولبسته ضل يعاين علي بعدين خذا ايدي وطلعنه نزلني جوة وراح ليم الزلم وانه رحت يم البنات اول ما دخلت فتحو حلكهم بعديم ام محمد بدت تصلي على محمد وال محمد وأمل نفس الشي وافنان كذالك اما الباقيات بس يعاينن اجت أمل سحبتني من ايديني وصعدتني لغرفتهه طلعت مكياج رفضت تحطلي جان دكول
أمل:دنجبي انتي الثانيه خل احط تدرين طالعه تخبلين والله بس منيلج الفستان والشال والحذاء والذهب ..اوكفي ماكو داعي تحجين اكيد يوسفج هو الي جابهن صح
ميار:هزيت راسي اي بدت تحطلي مكياج بس مكثرت بس كحل ومسكارا وايلاينر وحمرة لون بيج حلو طلعتني لعابه عله كولتهه من شافتني هيج راحت طلعت سبع عيون كﻻدة ولبستيالي وخذتني ونزلنه جانت الشيخه توهه واصله رحنه سلمنه انه انتضرت لحد ما النسوان خلصن سﻻم انه سلمت عليهه اول ما شافتني استلمتني بوس كدام النسوان وعاينت علي نضرة رضى عن الي ﻻبسته رحت يم البنوات بلمطبخ ساعدتهن بلصب واجو الولد ينكلون الاجل للديوان عبن كوم ناس جايه ورة مخلصو اخذنه الصواني للنسوان ومن كملنه كعدنه ناجل الشيخه سحبتني اجعد يمهه وتجيب وتحط كدامي من الاجل لحد ما خلصنه كمت انه اول وحدة رحتسويت الجاي حته يتخدر دخل رامي كال
رامي:ها مرت اخوي اشلونج أن شاء الله بخير
ميار:هزيت راسي اي وابتسمتله
رامي:دومج ان شاء الله اكلج خويه الجاي جاهز
ميار:هزيت راسي اي واشرت عل نار واشرت بمعنى شوي ويجهز
●•●•●•●•
حمزة:طبعاً ورة مرجعت أمل لبيتهم شكد حاولت اتصل بيهه وادز رسايل ماكو ضليت يومين تﻻثه اتصل وماكو صار يوم الجمعه خذيت رواء ورحنه بحجه زوجه الشيخ وحته رواء تشوف أمل علمود تعرف لويش صارله فترة مختفيه صكد رحنه انه كعدت بلحديقه عبن الشيخ واخو مجانو موجودين ورواء دخلت جوة بعد ربع ساعه تقريباً طلعت أمل انه رحت وسحبته
حمزة:انتي ليش من اتصل عليج ما تردين يعني هيه شغله عناد لو شنهي
أمل:انته شجاي توسي هين روح منا لا احد يشوفنه
حمزة:سئلتج سؤال جاوبي
أمل:انه ماريد اجاوب عندك مانع
حمزة:لج بابه بس فهميني شبيج
أمل:بعصبيه داكول مابيه شي عوفني وحيدي وروح اصﻻ من جنه بلمستشفى كلشي انتهى بيناتنه
حمزة:مو انتي بكيفج تنهين وبكيفج تبدين هوة انتي منهي وهوة اصﻻ مو صوجج صوجي انه اركض ورة زعطوطه
أمل:هااا هس صرت زعطوطه مو اي ليش ﻻاا انه بعد مافيدنك اكيد تريدلك بنون ام العلوجه والتمضحك بشارع تريدلك وحدة بعمرك شسوي بزعطوطه
حمزة:ﻻخر مرة اكلج ﻻ تحجين عل بنيه وخلني افهمج منهي هاي
أمل:اووووييي عيني يخاف عله حبييت الكلب ﻻ تنهان كرامتهه اسمع عيني ﻻ اريدن اسمع شي وﻻ اريدن اشوفنك كريب مني ليهنا وكلشي نتهه اصﻻ اني الغبيه الي صدكت بيك يا خاين
حمزة:سطرتهه بطراك وكتلهه احترمي نفسج انه ﻻ خنتج وﻻ شي وهس انلصمي وولي من وجهي وصيحيلي رواء
أمل:شكراً عل هل طراك وروح مني بعد ماريد اشوفك حته لو جان اكو أمل انو اسمعك او اسامحك فهسه كلشي نتهه صكد
حمزة:من سمعت الكﻻم مالتهه عكل ما ضل براسي حاولت اوكفهه بس عافتني وراحت انه صوجي دست بلحجي وانه اعرف انه هيه وحدة حساسه بسرعه تزعل وتتئثر بس المطي الي براسي مراضي يبطل غباء وهس هاي شلون نراضيهه طلعت رواء اخذتهه وطلعنه والطريق كله تحجي اخر شي حجت عن أمل كالت دخلت مادري شبيهه خدهه احمر وتريد تبجي عصرني كلبي ولعنت روحي الف مرة وصلنه للبيت وراسا صعدت لغرفتي ودخلت للحمام شغلت المي البارد ووكفت جوا احس روحي مصخن هديت شوي وطلعت برة اتمددت وخصمت الشغله انو هاي هيه ﻻزم انهي كلشي نزلت يم الوالده وكتله يوم اريدنج تخطبيلي
الام:بصدمه اخطب المن..الك؟؟
حمزة:ﻻ لابوي اي غير الي
الام يوم السعد عندي بس مني تريد
حمزة:اريدن أمل صديكه رواء
الام:ماشي خلني احاجي ابوك وباجر بعون الله نروح عندهم
تسريع الاحداث•••
حمزة:راحو خطبو أمل وبتهديدات يله قبلت انه نتزوج صارت الخطبه بس هذه كله احنه محاجين سوة وعود يعني زعﻻن منهه•••
البارحه عزمونه عل رجعت الشيخه من العمرة وجهزنه روحنه وطلعنه وصلنه لبيت الشيخ ساعه 10الصبح صراحه تمنيت انو اشوفنه واشبع عيني شوف بس كلت خلهه هس بعدين
أمل:طول هل فترة وانه وحمزة منتحاجه ابد الغلط منه هوة بس الاستاذ المغرور ميرضه يعترف ....
