رواية انا وزوج أختي الفصل الثاني بقلم جمانه السعيدي
مريم نجحت من الرابع للخامس
وهنا قررت اصارح زهراء بحبي الامجد
وبديت اشرحلها شلون هو وأهله معجبين بيه
واني كلش عاجبتني شخصيته وشكله
زهراء اكول ليش كل شويه اروح الإسراء طلعتي مو خاليه ابد
مريم لج بس شفته براغي كلبي وكعن وفوكاها كلما يشوفني يدزلي كلام غزل بيد اسراء
زهراء اثكلي شويه لا اضلين كل شويه رايحه راجعه
راح يغير نضرة عنج ويكول هاي خفيفه
مريم وهسه اني يمته رايحه الهم
اصلا بلمدرسه جان كل شهر ينزل مره هسه عطله
وهو بلعطله يشتغل
جمانه السعيدي
زهراء ولو البنيه الثقيله محبوبه الزلم ما يحبون الخفيفه
مريم اي انت مو مسيطره عليوان كاعد وساكت عدنا
زهراء اولا لاتكولين عليوان ثانيا علي زوجي وابن عمي
مو مثل امجد مهما يكون امجد غريب
وانت ما تعرفينه بعدج
اتوقعي اي شي منه
مريم احبه تعرفين شنو احبه وهو معجب بيه وأخواته وامه مقتنعات وطايرات بيه
بعد شنووو
زهراء ولو انتي ماتعرفين بس الضاهر
انتي ما عايشه وياهم ابد
مريم خل اكوم من يمج انتي كسرتي واهسي
اني ادري شلون متحمله عليوان شكد اكره ادور شي بي ينحب ماكوووو
لو اني بمكانها لو يبقى علي اخر رجل بلدنيا ما ازوجه
طلعت برا
اندكت الباب رحت فتحته ولد اسمر اطول مني بشويه
عيونه ناعسه شعره اجعد
لابسه دشداشه ابيض
شافني وضل ساكت
مريم نعم تفضل
عمار السلام عليكم
...عليكم السلام
عمار عمي مو جود
مريم منو عمك
عمار ابو يوسف
مريم دقيقه
عمار هاي المصيبه بت عمي ولله حلوووه
دخلت ورحت البابا اكو ولد بلباب يريدك
طلع ابوي ياهلا وسهلا هله بيك شلونك عمو اعذرنا مريم ماتعرفك
دخل جوه وامي راحت سلمت علي
مريم منو هذا
امي بسرعه جاي وماي هذا ابن عمج ابو وابوج ولد عم
جانو عايشين بلريف
ولان ضروف الزراعه صعبه انتقلو هنا يمنا
انريد اني وابوج انروح انزورهم
وهسه شيريد جاي
امي خل يكعد شويه ونعرف شيريد
عمار بس شفت مريم حسيت كهرباء ومشت بجسمي
عليها جاذبيه مو طبيعيه
ابو يوسف اهلا وسهلا وكل الهلا بعمار
هاي هي انتقلتو يمنا
عمار اي عمي انتقلنا والحمد لله وابوي اشترا سياره يشتغل عليها والفلوس الي بقت اشترينا بيت واجرنا
أمورنا ماشيه والحمد لله
اني بس جايك بخدمه
ابو يوسف تفصل بعيني
عمار سالمه عينك اريد احصل نقل للاعداديه الي انت اداوم بيها يكولون خوش مدرسه
ابو يوسف انت ياصف
عمار اني نجحت للسادس
ابو يوسف هااا انت اكبر من مريم بسنه
عمار ليش مريم بيا صف
ابو يوسف نجحت للخامس
عمار ما شاء الله
جمانه السعيدي
عمار طلعت واكو شي بداخلي تغير هاي البنيه حبيتها
ولازم اخليها تحبني
مريم عمار كل يوم والثاني مطلع حجه وجاينه للبيت
كام يعرف الوقت الي بابا ماموجود ويجي حتى اني اطلع
ويشوفني
كنت حاسه بي لان ياكلني بنظرات اكل
بس اني ابد مادايرلته بال
عقلي وكلبي ويه امجد
يعني الصراحه فرق هواي امجد وين وعمار وين
بدا الدوام
وبعد اسبوع واحد من الدوام من طلعنا للبيت
شفت عمار واكف بلركن مال الشارع
اني بلبداية ما اهتميت كلت يجوز منتضر صديقه
يعني مجرد صدفه وبس
بس وصلت يمه اني سويت نفسي ما شفته
هو قرب عليه وكال شلونج مريم
مريم اهلا وسهلا واني امشي ما وكفت ابد
عمار ممكن دقيقه اريد احجي وياج
مريم اعتقد عيب هاي وكفت الشارع
عمار ولله حقج اني اعتذر
مريم عفته ورحت وصلت للبيت كلش ضايجه
همزين إسراء ما جانت مداومه بهذا اليوم
لان شراح تكول عني
ثاني يوم طلعنا اني واسراء جان انفاجئ واكف بنفس المكان
ياربي هذا ما يفهم
بسلا يحجي وياي شلون شراح اكل الاسراء
وصلنا وهو سلم عليه واسراء تفاجئت
مريم اهلا اهلا وسهلا ابن عمي عمار
إسراء اهلا وسهلا
مريم بس دقيقه خل اشوفه شيريد
انت ماتفهم عيب عليك هاي اني عود عرضك والبارحة نبهتك ما يصير هيج
عمار ما اريد منج شي بس تقرين هاي الورقه
واني بعد ما اوكف بلشارع ابد
اجيكم باجر للبيت حتى اعرف الرد
اخذتها وضميتها بلكتب
إسراء هاي شنو الورقه الي اخذتيها منه
مريم هاي ورقه نقل بابا طلبه منا لان همه كانو بلريف
ونتقلو واوراقه ناقصه
وهسه بس شافني كال انطيها الابوج
اسراء هااا وليش هو ما ينطيها اله
مريم ابوي اليوم ما مداوم وعمار شافني بلصدفه
وكال اخذيها وياج شكو بيه انتي ليش فتحتي وياي تحقيق
اسراء لا هيج لان اول مره اشوفج تحجين ويه ولد من يوم عرفتج لليوم
رجعت للبيت تغديت ونمت نسيت الورقه العصر اريد احضر دروسي
فتحت الكتاب ووكعت الورقه
السلام عليكم
ايجوز انتي بعدج ماتعرفين زين اني عمار اكبر منج بسنه وحده وعندي ٣ خوات وامي وابوي
اني الولد الوحيد بلعائله والحمد لله متفوق جدا بلمدرسه
بعمري ما حبيت ولا متوقع راح احب بيوم من الايام
لان تفكيري كله بلمدرسه
بس من يوم شفتج لليوم ما اطلعين من راسي
اول مره احس هيج احساس
اذا كان هذا هو الحب اني اعتذر من كل الشعراء
ابد ما يعرفون يوصفونه وصف صحيح
من شفتج لليوم تملكني احساس السعاده
كل لحضه اتمنى اشوفج واكحل عيني بهذا الوجه الحلو
اني ما واصل هيج احساس قبل ابد
مجموعة أحاسيس هجمت عليه وخربطت كياني
اريد اعترفلج اني احبج
واريدج تفكرين جديات بهذا الموضوع
ومستعد انتضرج طول العمر
بس انطيني فرصه ابينلج اني شكد احبج
تحياتي عمار
مريم ما اكذب عليكم وصلني احساس الحب وحسيت بصدق مشاعره
بس اني مو بيدي ما احبه
ولا راح احبه ابد
اني كلبي وعقلي وكياني كله يم امجد
وعمار ابد ما موجود بقاموس حياتي
اخذت الرساله وشوفتها الزهراء
زهراء الله الله شنو هلحب هذا
مريم اي بس اني ما احبه
زهراء زين فهمي انتي تردين وقت لمن تكملين اعداديه وبعدين تقررين
مريم اكلج ما احبه يعني ينتضر بعد سنتين وهو متامل
خير
وبعدين اكله اسفه ما احبك
زهراء يجوز تغيرين رائيج
مريم لا ما اغير رائي اني اعرف شنو اريد ومراح اضحك علي واعلقه بيه
زهراء ولله خطيه عليج
مريم خطيه اذا اخلي ينتضر وبعدين اعوفه
زهراء بكيفج انتي حره
ثاني يوم اجانا للبيت وهو كاشخ اخر شي
والعطر يسطر
والابتسامه من الأذن للاذن وكاعد ويسولف ويه امي
اني كتبت ورقه زغيره لان ما اكدر احجي كدام امي
....اسفه اني وياك ما نصير البعض ....
خليتها جوا الاستكان هو شافها وابتسم لان المسكين مايعرف شنو مكتوب بيها
اخذها خلاها بجيبه وطلع
