رواية انا وزوج أختي الفصل الثالث بقلم جمانه السعيدي
عمار طلعت واني الدنيا ما تسع فرحتي طلعت الورقه وقريتها ونصدمت
شنو ما نصير البعض شلون عرفت ما نصير البعض
هي ماتعرفني ولاتعرف مشاعري اتجاها
ما انطتني فرصه أقرب منها
حتى تعرف اني شكد احبها واموت عليها
ابد مراح اكطع الامل وراح ابقى وراها منا لمن تقتنع
مريم عمار مابطل يجينا ويحاول كل مره يثبتني حبه
الي ما يعرفه هو اني اعرف هو يحبني
احنا البنات نكدر نميز الانسان الي يحبنا ويخاف علينا
بس اني كلبي مو بيدي ما احبه
مو هو الانسان الي احلم بي يكون شريك حياتي
جمانه السعيدي
كل مره اكول هسه يمل مني ويعوفني بس هو مايترك فرصه يبينلي انه يحبني ابد
نجحت للسادس وزهراء بس خلصت امتحانات قبل لاتطلع النتيجه كان علي مجهز بيتهم ومحضر كلشي
خلال اسبوعين كملنا التجهيزات
وحددنا العرس اني اشتريت فستان بنفسجي ضيك وطويل
ورحت وياها للصالون
سويت تسريحه ومكياج
ورجعنا بس اجت الزفه اني طلعت وياها
شافني عمار واجه عليه
هلو مريم
مريم هلو عمار
...يوم النا واسويلج عرس احلى من هذا العرس
اني خنزرت علي ورحت صعدت بلسياره
تم العرس وكان كلش حلووو
زفيناهم على بيتهم كبل
ثاني يوم بابا دزلهم الريوك وكال كلنا انروح عليهم بليل
خليهم ياخذون راحتهم
وفعلا بليل كلنا رحنا عليهم
واني اخذت وياي كيكه سويته الهم
علي بس شاف الكيكه كال عيع كيكه ومسويتها مريم
اكيد تلعب النفس
مريم زهراء سكتي رجلج ولله اخذها وياي
مكابله الفرن ومسموطه من الحر وحضرته يعيب
زهراء هاي شبيج يتشاقه وياج
مريم ما احب شقا ابد خل يحل عني
زهراء علي فدوه عوفه هسه قابل انتم رويسيه
كلما تلتقون لازم تتعاركون
علي شنو اني وهاي الخبله ارويسيه غير اموت نفسي
انتي شلون متحملتها
اني لو مربم اختي غير اذب نفسي بلشط
مريم عيبت علي يييايي انت لو اخوي اهج من هاي الديره
زهراء هسه شلون خلاص مريم اسكتي
مريم شوف كالت مريم اسكتي لان تعرف اني العاقله
وانت ماكو فايده من الكلام وياك ابد
عفتها ورحت يم اهلي
شويه وندكت الباب فتحته عمار واهله جايين يباركون
عمار بس شافني ابتسم تلقائيا
مريم اوف ياربي منيين الكاها من علي لو عمار وين اشرد منهم
انوب هذا عمار اللزكه ممللني
كاعده على اعصابي اريد ارجع للبيت
جمانه السعيدي
بعد شهر واحد من زواج زهراء طلعت حامل وكانت فرحتنا ما تنوصف ابد
راح يجي حفيد للعائله
بابا كل شويه وكال شوفو زهراء شتريد
وامي تطبخ واني الاكل بايدي
وام علي محتاره شجيب وتخلي
مو تكول راح يجي حفيد مفعوص لا راح يجي ولي العهد
اكيد يطلع مكروه مثل ابووو
ولو هو ابن زهراء واني احبه لان احبها
بالسونار بين بنيه وكتلهم الله عليكم اني اسميها
مدري شعجب علي وافق
كتلهم نسميها نرجس
والي كمل فرحتنا زهراء نجحت الحمد لله كل الأخبار كانت حلوه
وبيو م اندكت الباب عمار وابو ثنيينهم جايين
احنا ما استغربنا ابد لان هم متعودين يزورنا دائما
لكن المفاجئه الجبيره
جايين يخطبوني
ابو عمار احنا جايين نطلب ايد بتنا مريم واحنا مستعدين الكل طلباتكم تريد بيت وحدها ماعدنا مانع
شتريد خل تطلب
احنا كم عمار عدنا
والمدرسة خل تكمل واذا هسه بس خطوبه ميخالف
والزواج يمته ما تحددونه
ابوي بقه متعجب ما متوقع يجون يخطبوني
طلب منهم وقت ويرجعلهم الرد
اني من سمعت تخبلت كتلهم لو يبقى بس عمار ما ازوجه
اني اريد اكمل دراسه
هو شدعوه هلكد يلح
ما اريده
جمانه السعيدي
ابوي ورا يومين رجعلهم الخبر وكال البنيه تريد تكمل دراسه
انتم ليش مستعجلين خل عمار يكمل كليه ويصير خير
ثاني يوم رحت ادز اكل الزهراء
وصلت الراس الشارع جان اشوف عمار منتضرني
اني سويت نفسي ما شفته
عمار بس دقيقه احجي وياج
مريم انت ما تفهم بلكلام مو انت فاتحتني بهذا الموضوع سابقا واني رفضت شنو هو الزواج غصب
عمار ابد مو غصب بس انتي مجاي تنطيني فرصه
مريم اي فرصه اني وياك ما نصير البعض اكتبها الك
بلانكليزي بلويناني بلاغريقي بلسريالي
ابتعد عني لان ولله اوصل خبر البابا واليوسف
وتصير مو زينه بعدين
وصلت الزهراء طالعه روحي
زهراء شبيج ليش ضايجه لان يدزون الاكل بايدج
مريم هذا عمار مللني ما جاي يفتهم شسويله
زهراء ولله خطيه عليج لج يحبج
مريم ولله لو احبه ما ركض وراي هيج
زهراء بكيفج اني شعليه
كملي دراسه يله تزوجين خاف بس تعرسين مثلي تحبلين
وبعد مالج خلك للمدرسه
كعدت شويه وبعدين كتلهم اريد اروح البيتنا
زهراء علي وصل مريم فدوه الدنيا مغرب واخاف عليها تطلع وحدها
مريم اني اروح وحدي ماعليه شي ابد
علي هي اختج تخوف جيش لاتخافين عليها
مريم فدوه لاتوصلني خل كل الولد يتحرشون بيه
ولا امشي وياك
علي الله يعني اذا اوصلج اغثج يله امشي اوصلج للبيت
مريم اجا علي وصلني ورجع
بدا دوام المدرسه وحجيت الإسراء خطبتي من عمار
ردت اشوف ردت فعلها هي واهلها بخصوص هذا الموضوع
إسراء تحجين صدك غير اموتج انتي النا ومحد ياخذج غيرنا
هاي اخر سنه الامجد بس يتخرج نجي كبل نخطبج
امي داخله بسلفه بس تستلمها تبدي اجهز
امجد
مريم انشاء الله
إسراء تردين نجي هسه نخطبج
مريم لا خليها آخر السنه هسه بس اوافق اهلي يشكون
بيه
وخصوصا توني رافضه عمار
إسراء زين بس نخلص سادس راح تكونيين عروستنا
مريم الصراحه كلامها طمني حيل
يعني اني اختياري صح
بس محتاجين وقت حتى يكون كلشي على اصوله
خلال أيام المدرسه رحت مرتين البيت امجد مره بحجت خياط
ومره محتاجه كتاب ادرس بي
والمرتين شفته بيهن وسلم عليه
وسئلني عن مدرستي وشلون مستواي الدراسي
واهله كانو مشترين غرفة نوم تخبل وامه صممت اشوف الغرفه
كنت طايره من السعاده ومحد مثلي بلدنيا ابد
كان بوقتها اكبر حلم عندي ازوج امجد وبس
وصلت زهراء للولاده وجابت والحمد لله بنيه تخبل
كلش تشبهني
شعرها مثل شعري اندومي مومثل شعر زهراء سرح
وعيونها يشبهن عيوني
وعلي كل شويه وكال زهراء انت ما لكيتي وحدها تباوعين عليها غير مريم طلعتي بنتي تشبها
اني مريم وحده بحياتي وما متحملها شلون راح يصيرن ثنيين
زهراء بقت عدنا ورا الولاده حتى نعتني بيها
ورا الأربعين بدت تشكي من ألم بطنها
امي تكللها يمه لان توج جايبه
بس الألم يوم عن يوم كام يزيد عليها
قرر علي ياخذ عينة دم ويروح يسوي تحليل
حتى يعرف شنو الي جاي ياذيها
جمانه السعيدي
رجع بيومها حيل ضايج وكلما نسئله شكووو شبيك
يكول مابيه شي ابد
وين التحليل كال طلع ما بيها شي ابد
احنا بوكتها ما دققنا ابد البيت كله جان طاير ب نرجس
حتى بابا بس يدخل من برا كبل يكول وين حبيبت جدو
جاب علاج شويه يهدي االالم
ورجع اخذ عينه دم وراح وسوا تحليل جديد
لمن سئلنا كان هيج احتياط خاف التحليل القديم غلط
رجع وكال مابيها شي وتحليلها نضيف
ثاني يوم كال اني اريد اروح البغداد عندي شغله مهمه
وارجع بنفس اليوم انشاء الله
الألم بي وما يزيد على زهراء والمسكن الي تأخذه يخليها تنام فترات طويله
وما تدري بنفسها ابد
