رواية صدفة عشاق الفصل الثاني
نعمه فتحت الباب و بصت بضيق لـ ريماس . ريماس ابتسمت بتوتر ./صباح الخير . ليلي موجوده .
راشد وقف وره نعمه و ابتسم بهدوء ./ايوه موجوده اتفضلي .
ريماس دخلت بتوتر من نظرات نعمه ./انا كنت جايه اطمن عليها . و كمان الدكتور كلمني و قالي انه جاي يطمن عليها و اديته العنوان .
راشد هز رأسه بهدوء ./ادخليلها اوضتها اللي هناك .
ريماس هزت راسها بهدوء . و وقفت قدام باب اوضتها و خبطت بتوتر . ليلي بهدوء ./ادخل .
ريماس دخلت و ابتسمت بهدوء ./عامله ايه دلوقتي .
ليلي ابتسمت ./الحمدلله احسن شويه .
ريماس بهدوء ./الدكتور كلمني الصبح و انا قولتله العنوان . قولت اجيلك بدري .
ليلي هزت راسها بهدوء ./عادي مفيش مشكله . بس مش مستاهله دكتور انا حاسه اني بقيت احسن .
ريماس ابتسمت بهدوء ./عشان نطمن عليكي . ملحقناش نكمل كلامنا امبارح . انتي بتشتغلي ايه .
ليلي ابتسمت بهدوء ./انا لسه متخرجه من كام شهر من تربيه موسيقيه . و شغاله مدرسه في مدرسة لغات .
ريماس ابتسمت بهدوء ./كويس اوي . انا بقي لسه متخرجه من هندسه قسم ديزاينر .بس لسه ببتدي شغل واحده واحده كده .
ليلي هزت راسها بهدوء . ريماس ابتسمت بتوتر ./هو انتي مضايقه من اللي حصل .
ليلي هزت راسها برفض ./لا خالص والله انا كويسه اهو .
ريماس ابتسمت بهدوء ./اصل حساكي متحفظه علي كلامك شويه .
ليلي ابتسمت بتوتر ./انا بس عشان اول تعامل بينا . بس اكيد لو في بينا تعامل هيتغير مع الوقت .
ريماس ابتسمت بهدوء./لا اكيد هيتغير . انا حاسه اننا هنبقي صحاب اوي كمان .
ليلي ابتسمت بهدوء ./ اكيد .
نعمه دخلت بضيق ./ الدكتور بره و معاه واحد ادخلهم .
ليلي هزت راسها بهدوء .
حازم دخل و وراهم ايهم . ريماس قامت من جمب ليلي .
حازم اتنهد بهدوء و كشف علي ليلي . حازم بهدوء ./ مش مستاهله جبس . بس محتاجه راحه اسبوع كده . و لو احتجتي حاجه انتي عارفه مكان المستشفي و رقمي مع الانسه .
ريماس هزت راسها بهدوء . نعمه بقلق ./يعني هي كويسه مش محتاجه حاجه .
حازم ابتسم بهدوء ./ما هي قدامك لو حاسه بوجع قولي يا انسه .
ليلي هزت راسها بهدوء . حازم ابتسم بهدوء لـ ريماس ./ده الدواء اللي هتمشي عليه . و مش هوصيكي علي اكلها و الادويه في مواعيدها .
ريماس هزت راسها بتوتر . /اكيد حاضر شكرا يا دكتور .
نعمه بضيق ./ و هي مالها هي . انا اللي مامتها و هخلي بالي منها .
ايهم باستغراب ./ خلاص مفيش مشكله انتي و هي واحد .
حازم بهدوء ./بالضبط و بعدين انا فكرت أنها قاعده معاكم علي كلام الانسه أنهم قرايب . بس لو مش هتبقي موجوده يبقي حضرتك احسن عشان تهتمي بـ انسه ليلي .
نعمه رفعت حاجبها بضيق ./دي مش قريبتها و لا صحبتها حتي .
ليلي اتنهدت باحراج. /خلاص يا ماما بقي .
حازم باستغراب ./اومال مين .
نعمه بضيق ./دي اللي خبطتها بالعربيه .
ريماس بتوتر ./انا والله ما كنت اقصد .
نعمه اتنهدت بضيق ./تقصدي و لا متقصديش المهم أن بنتي كويسه .
ايهم كتم ضحكته و اتكلم بهدوء ./طب يلا يا حازم عشان دي مسائل عائليه .
حازم ابتسم بهدوء ./طب عموماً حمدالله على سلامتك . و واضح أن ماما خايفه عليكي اوي . عن اذنكم .
ليلي هزت راسها باحراج . و حازم و ايهم مشيوا .
ليلي ابتسمت بتوتر ./انا اسفه والله علي اللي حصلك بس هي ماما بتقلق عليا شويه .
ريماس ابتسمت بهدوء ./لا عادي مفيش مشكله . هاتي رقمك عشان ابقي اطمن عليكي و اول ما تبقي كويسه لينا مقابله تاني .
ليلي هزت راسها بهدوء ./ماشي اتفضلي .
ريماس خدت منها الرقم و نزلت .
__________________________________________
في العربيه .
ايهم ابتسم بهدوء ./ده الواحد بيشوف حالات غريبه في الحياه فعلا .
حازم ابتسم بسخرية ./ انا كنت حاسس ان في حاجه غلط . البنت كانت قلقانه قلق غير طبيعي امبارح أحسن يحصلها حاجه . رغم أن كان كله كدمات .
ايهم ابتسم بهدوء ./بس مش عارف ليه حاسس اني شوفتها في حته قبل كده .
حازم بهدوء ./ ليلي .
ايهم هز راسه بهدوء ./لا التانيه .
حازم كمل بملل ./عادي يا ايهم انت دكتور و بيجيلك حالات اشكال و الوان .
ايهم هز رأسه بهدوء . و هو بيحاول يفتكر شافها فين .
__________________________________________
فات شهر . كانت علاقة ريماس و ليلي اتغيرت خالص . و كل واحدة كانت بتكمل حياتها بأسلوبها و مقابلتهم اللي مبتخلصش .
في فيلا العاصم ... كان كلهم متجمعين علي سفرة الفطار .
عاصم بتحذير ./مش عايز اي غلطه . و ياريت توصلوا الحفله في مواعيدكم .
محمد هز رأسه بهدوء ./متخفش يا بابا كل حاجه جاهزه زي ما انت عايز . و انا و احمد هنروح بعد الفطار ناكد علي الصحفيين .
جيهان اتنهدت بضيق./حازم متتاخرش علي ميعادنا . و متنساش نفسك في الشغل .
حازم اتنهد بضيق ./انا عارف يا ماما مفيش داعي تفكريني كل شويه .
سالي ابتسمت بهدوء ./خلصوا شغلكم و تعالو بس زي ما جيهان قالت متنسوش نفسكم . اليوم ده بتاعنا كلنا .
حازم ابتسم بهدوء و هز رأسه . ايهم بهدوء ./عمو احمد انا بس محتاج عربيتك اروح بيها النهارده عشان عربيتي في الصيانه .
احمد ابتسم بهدوء ./تحت امرك يا حبيبي خدها .
جيهان بصت عليهم بضيق و سكتت .
حازم قام بهدوء ./انا ماشي يا جده عن اذنكم .
ايهم قام وراه و سحب مفاتيحه ./خدني معاك.
و مشيو.
__________________________________________
عند فاروق .
فارق بهدوء ./انهارده عندنا ميعاد حفله لذكري السنويه بـ سلسلة مستشفيات العاصم . و كلنا لازم نبقي موجودين .
زين اتنهد بضيق ./حاضر يا بابا .
فيروز بهدوء ./و انتي يا ريماس .
ريماس اتنهدت بهدوء ./معرفش يا ماما علي حسب شغلي .
فاروق بضيق ./انا مش هكرر كلامي كتير . كلنا لازم نبقي موجودين .
ريماس اتنهدت بضيق و سكتت ..
زين همس لـ ريماس ./انا عايز اعرف مطلاما في بينهم عداوه و مشاكل قد كده . ليه كل سنه لازم نحضر الحفله دي .
ريماس ابتسمت بضيق . و قامت ./انا همشي باي .
زين قام وراها ./انا كمان ماشي .
فاروق بص عليهم بضيق و سكت .
________________________________________
في المستشفي .
حازم رد على التليفون بملل ./يا علي والله عارف هاجي الحفله في ميعا...
علي قاطعه بضحك ./اديني فرصه اتكلم الاول . انا مش عايزك عشان الحفله اصلا .
حازم اتنهد بهدوء ./خير يا حبيبي قول.
علي بهدوء ./عايزك تروح تجيب سولي من المدرسه . جدك سايب كل حاجه علي دماغي . و انا مش فاضي اروح اجيبه .
حازم ابتسم بهدوء ./كلنا تحت امر الحفيد الصغير . خليك في شغلك و انا هروح اجيبه .
علي قفل معاه .و حازم اتنهد بهدوء و سحب مفاتيحه و نزل .
_________________________________________
حازم كان ماشي في المدرسه و بيضحك مع سليم ببراءة ./عجبك اللي البهدله اللي احنا فيها بسببك .
سليم ببراءة ./هو بابا فين .
حازم ابتسم بهدوء ./عنده شغل ي...
حازم بص بخضه علي سليم اللي جري منه . و جري وراه لحد ما شافه بيحضن واحده .
سليم ابتسم ببراءة ./انا فضلت ادور عليكي النهارده ملقتكيش .
ليلي ابتسمت بهدوء و هي ماسكه ايده ببراءة ./انا اسفه كتير اوي . انت ايه اللي مروحك بدري .
سليم ابتسم بهدوء ../حازم جه يخدني .
حازم قرب منها بهدوء ./كده يا سولي تسبني و تطلع تجري .
ليلي وقفت قصاد حازم بهدوء ./دكتور حازم صح .
حازم ابتسم بهدوء ./انتي بتعملي ايه هنا .
سليم ابتسم ببراءة ./ليلي ميس البيانو يا حازم .
ليلي ابتسمت بهدوء ./اومال استاذ علي مجاش ليه .
حازم بهدوء ./كان عنده كام حاجه . فـ قولت اجي اخده انا .
ليلي اتنهدت بضيق ./يعني ياريت تخلي استاذ علي يكلمني . او ييجي المدرسه ضروري .
حازم اتنهد بقلق ./هو في حاجه . انا عم سليم و لو في حاجه اقدر احلها .
ليلي نزلت لـ مستوي سليم و ابتسمت ببراءة ./سليم حبيبي هتروح تقعد هناك في مكتبي عشر دقايق و هاجيلك تاني اتفقنا .
سليم هز راسه ببراءة و مشي .
حازم بص علي سليم بتوتر ./ خير يا انسه ليلي .
ليلي بهدوء ./ اكيد سليم في فرق في العلاقات بين أطراف الاسره مش كده .
حازم هز رأسه بهدوء ./هو اكيد اه يعني هو متعلق بـ علي اوي . و بعده انا و جده . و بعد اللي شوفته انهارده اقدر اقول انه متعلق بحضرتك اوي .
ليلي بهدوء ./انا خدت وقت كبير علي بال ما قدرت اخليه يتعامل معايا كده . بس هو لسه لوحده و مش بيتكلم مع حد . حتي مع كل المدرسين . انا عارفه أن الحادثه اللي حصلت لـ مامته ماثره عليه . بس انا اقترحت علي استاذ علي يوديه لـ دكتور نفسي . لان لو كبر و هو بالشكل ده في حواجز كتير هتحصل بعد كده .
حازم هز رأسه بهدوء ./انا فاهم كل ده . بس وفاة جنه مامته فات عليه اكتر من سنتين . يعني مش ممكن يكون ده سبب بعيد شويه لـ سبب حالة سليم .
ليلي هزت راسها بهدوء ./ ده طفل يا دكتور لا يمكن يأثر في حاجه قد فقدانه لـ مامته . و سبب تعلقه الزياده بـ باباه . عشان كده انا عايزه حضرتك تحاول مع استاذ علي تاني . لاني حاولت معاه بس هو تقريبا مخدش اي خطوه .
حازم هز رأسه بهدوء ../حاضر .
ليلي ابتسمت بهدوء ./عن اذنك .
حازم ابتسم بهدوء و بص علي أثرها بشرود .
__________________________________________
ريماس كانت بتتمشي مع ليلي في المول .
ليلي اتنهدت بضيق ./ريماس انسي انا لا يمكن احضر حاجه معرفهاش .
ريماس برجاء ./و مين قال انك متعرفيهاش . يا ليلي انتي هتروحي معايا ساعه واحده . و هتحجج بيكي و نمشي بدري .
ليلي هزت راسها برفض .
ريماس برجاء ./عشان خاطري عشان خاطري . اعتبريها خروجه لينا . هتبقي معايا و هروحك بعدها كمان .
ليلي اتنهدت بضيق ./خلاص صعبتي عليا .
ريماس حضنتها بفرحه ./والله انتي احلي ليلي .
ليلي ابتسمت بهدوء ./طب هنفضل نلف كتير .
ريماس ابتسمت بهدوء ./لا خلاص اهو لقيت الفستان اللي عايزاه هندخل عشن اقيسه . و نخرج علي طول .
ليلي دخلت معاها .
ريماس أدت الفستان لـ ليلي ./يلا .
ليلي باستغراب ./يلا ايه .
ريماس ابتسمت بهدوء ./يلا قيسي الفستان .
ليلي هزت راسها برفض ./فستان ايه لا مستحيل .
ريماس برجاء ./عشان خاطري يا ليلي . ده انا اول مره اختارلك حاجه علي ذوقي .
ليلي خدته منها بهدوء ./حاضر هدخل اقيسه .
ريماس بفرحه ./ايوه يلا علي بال ما اقيس بتاعي .
ليلي دخلت . و بعد شويه خرجت و هي مش مقتنعه بالفستان .
ريماس ابتسمت بفرحه ./حلو اوي عليكي .
ليلي بتوتر ./بس مش شايفه أنه مفتوح من الضهر شويه .
ريماس هزت راسها برفض ./لا والله هو مظبوط عليكي بالضبط . و كمان شعرك هيبقي مفرود .
ليلي هزت راسها بهدوء . و دخلت تغيره . و خلصوا و مشيو .
ريماس ابتسمت بهدوء ./هعدي عليكي متتاخريش ماشي .
ليلي ابتسمت بهدوء ./اديني فرصتي بقي . عشان انا لسه هقنع بابا .
ريماس ابتسمت بهدوء ./حاضر يا انسه ليلي اقنعيه و طمنيني أنه وافق .
_________________________________________
حازم كان واقف في الحفله بضيق .
ايهم ابتسم بهدوء ./اعدل وشك يا ابني مش كل سنه .
حازم ابتسم بضيق ./ما انت عارفني مليش في الحفلات و الأجواء دي .
احمد قرب منهم بهدوء ./ايه يا ولاد واقفين كده ليه .
حازم ابتسم بهدوء ./جايين يا بابا حاضر .
احمد بهدوء ./طب يلا عشان جدكم عايزكم .
حازم اتنهد بهدوء و مشي معاهم .
ريماس قربت من فيروز و فاروق و هي معاها ليلي .
فيروز ابتسمت بهدوء ./كنت فكراكي مش جايه .
ريماس ابتسمت بهدوء ./عايزه اعرفكم بـ ليلي صحبتي .
فاروق ابتسم بهدوء ./ ده انا بقالي شهر نفسي اشوفك يا ليلي . من كتر ما ريماس بتتكلم عنك .
ليلي ابتسمت بتوتر ./ شكرا يا عمو .
فيروز ابتسمت بهدوء ./ بلاش كسوف بقي . دي ريماس اعتبرتك من العيله خلاص .
ليلي ابتسمت بهدوء . ريماس ابتسمت بهدوء ./ليلي بس عشان لسه مخدتش عليكو .
زين همس لـ ريماس ./البنت دي مش شبه صحابك . عرفتيها ازاي .
ريماس همستله بضيق ./بعدين .
ريماس كملت بهدوء ./طب انا هاخد ليلي و ناخد لفه في المكان كده .
فاروق هز رأسه بهدوء ./ماشي بس ابقي تعالي تاني ..
ريماس هزت راسها بهدوء و مشيو .
ليلي اتنهدت بضيق ./انا مش عارفه مالي . انا حاسه ان في حاجه غلط من ساعة ما جيت .
ريماس ابتسمت بهدوء ./ليلي حبيبتي اهدي و شويه و هنمشي . و هقولهم اني هروحك .
ليلي هزت راسها بهدوء .
عاصم قرب من فاروق و هو باقي أفراد العيله .
فاروق ابتسم بهدوء ./مبروك يا دكتور .
عاصم ابتسم بهدوء ./الله يبارك فيك .اومال عبدالله فين .
فاروق بهدوء ./بابا بيعتذر لـ حضرتك عشان مسافر .
عاصم هز رأسه بهدوء .
ريماس بهدوء ./ليلي بابا و زين بيشورولي هروح اشوفهم و اجيلك متتحركيش من هنا .
ليلي هزت راسها بهدوء و ضيق .
حازم كان واقف من بعيد بيبص علي ليلي بتقييم . و هو مستغرب وجودها هنا . حازم فضل واقف وراها شويه . و خبط علي كتفها بهدوء . ليلي لفتله بضيق . بس نظراتها اتحولت لـ استغراب ./دكتور حازم .
حازم هز رأسه بهدوء ./بتعملي ايه هنا .
ليلي بهدوء ./انا جايه مع صحبتي . و انت بتعمل ايه هنا .
حازم بص عليها بتقييم ./انت اللي المفروض أسأل مش انتي ..انا حفيد صاحب الحفله دي .
ليلي اتنهدت بضيق ./طيب .
و فضلت تبص حواليها علي ريماس . حازم اتنهد بضيق ./اومال فين صحبتك .
ليلي بضيق ./معرفش مشت و قالتلي جايه .
حازم اتنهد بضيق و فضل واقف معاها من غير كلام .
ايهم همس لـ علي ./مين اللي واقفه جمب فاروق دي .
علي بهدوء ./دي بنته حفيدة عبدالله النشار .
ايهم ابتسم لـ نفسه ./ايوه يبقي اكيد شوفتها في مره في الحفلات اللي فاتو .
علي بضيق ./روح شوف حازم فين و خليه ييجي .
ايهم هز رأسه بهدوء و مشي .
ريماس همست لـ زين ./انا لازم امشي سايبه ليلي لوحدها و ممكن تزعل .
زين بهدوء ./طب يلا همشي معاكي كأننا رايحين نعمل حاجه .
ايهم اتنهد باستغراب لما شاف حازم مع ليلي . قاطع استغرابهم ريماس اللي قربت من ليلي ./انا اسفه والله اسفه . بس بابا كان عايزني .
ريماس بصت علي ايهم و حازم بعدم فهم ./ايه ده انتو بتعملوا ايه هنا .
حازم بسخرية ./ اعجب صدفه فعلا .
زين بهدوء ./دول احفاد دكتور عاصم .
ريماس هزت راسها بعدم اهتمام . ليلي اتنهدت بضيق ./انا عايزه امشي يا ريماس . الوقت هيتاخر و انا قايله لـ بابا ساعتين بس .
ريماس بتوتر ./ انتي شايفه بابا متابعني ازاي . استني حتي نص ساعه .
ليلي بضيق ./خلاص يا ريماس انا هروح لوحدي .
زين ابتسم بهدوء ./خلاص يا ريماس .. امشي انتي و انا هروحها .
حازم اتنهد برفض ./لا انا هوصلها .
ايهم بصله باستغراب . و همس./و احنا مالنا احنا .
ليلي اتنهدت بضيق ./انا مش صغيره علي فكره و اعرف اروح لوحدي سلام يا ريماس .
ريماس بهدوء ./استني يا ليلي مينفعش تمشي كده . خلي زين يوصلك . او استني نص ساعه و هوصلك .
ليلي اتنهدت بضيق . حازم اتننهد بهدوء ./يلا يا ليلي انا هوصلك .
ليلي بصتله بتوتر . حازم بجمود./يلا يا ليلي .
ليلي هزت راسها بهدوء ./انا همشي مع دكتور حازم يا ريماس .
ريماس ابتسمت بهدوء ./ماشي و لما تروحي طمنيني .
زين بص عليهم بضيق و مشي . و حازم و ليلي مشيو .
ايهم قرب من ريماس بمرح ./خلينا نفكر في فكره عشان انا مش هلبسها لوحدي .
ريماس ابتسمت بهدوء ./ افضل قولهم شويه و جاي لحد ما ييجي .
ايهم هز راسه بهدوء ./ لا فكره حلوه . قولتيلي بتدرسي ايه .
ريماس ابتسمت بهدوء ./لا انا متخرجه من هندسه ديزاينر .
ايهم هز رأسه بهدوء ./لا برافو شطوره .
ريماس اتنهدت بهدوء./طب عن اذنك .
ايهم هز رأسه بهدوء . و اتنهد بضيق ./منك لله يا حازم .
ووووو
