رواية عشق رغم القيود الفصل الثاني 2 بقلم بيري الصياد

يفزعون بشده وينظرون خلفهم سريعاً ويرون هذه السيده التي تضع يدها علي خصرها لتقول مهره بغضب شديد:في ايه يا وليه خضتيني طب اعملي اي صوت حتى

السيده بصوت عالي:لا سلامتك يا حبيبتي حقك عليا ما انا غلطانه وبت ستين كلب علشان قطعت عليكم مش كده

يذهب سالم إليها ويقول:متقوليش كده بس يا امال يا عسل محصلش حاجه احنا مسامحينك خلاص انتي مننا و علينا برضو

كانت امال ان تتحدث لكن تقول مهره بغضب متصنع:لا يا سالم انت عايز تسامح سامح انت إنما أنا مش مسامحه يا حبيبي دي قطعت خلفي يا عم 

يضع سالم يده علي كتفها ويقول:معلش يا حبيبتي استحمليها المره دي بس هي عمتك برضو ولو انتي ما استحملتهاش  مين هيستحملها بس 

كانت مهره أن تتحدث لكن تقول شقيقة والدها بغضب شديد:خشي في عبي انتي وهو ياختي بت انتوا كنتوا بتعملوا ايه دلوقتي قبل ما ادخل اوعي يكون خد منك حاجه كده ولا كده يا بت

انهت حديثها وهي تنظر الي مهره بتفحص شديد ويقول سالم بغيظ شديد:خدت ايه بس يا حجه بلا نيله ده احنا علي السلم والباب مفتوح ادوني فرصه اخد وانا مش هقصر والله بس ادوني فرصتي 

تضربه عمة مهره علي كتفه بقوه وتقول:بس يا مفضوح يخربيتك انت كمان واتلم البت لسه صغيره علي الكلام ده ايه ما يتصدق 

ينظر سالم الي مهره ويقول:صغيره ايه يا امال لامؤاخذه دي البت فارت مره واحده وطلعت زي موج البحر وبقيت فرس علي حق الصراح

انهي حديثه وهو يضغط علي شفتيه بوقاحه تلكمه مهره علي صدره بقوه وتقول وهي تذهب إلى الخارج:انا غلطانه اني وقفت لحد ما اسمع كلامك يا سافل يا منحرف ابقى بنت كلب لو اتكلمت معاك تاني

سالم بصوت عالي لكي تسمعه:طب و ايه الجديد يا فرس القلب ما انتي بنت كلب وكلنا عارفين ده 

تضربه امال علي كتفه وتقول:لاحظ ان الوسخ اللي بتتكلم عليه ده اخويا الصغير يا كلب انت التاني 

يضحك سالم بخفه ويقول:واديكي قولتي وسخ يبقي يستاهل اللي يحصله ياختي ولا لا 

تبتسم امال وتقول:هتقدري تسعد مهره يا سالم و تحطها في عينيك و تصونها وتحافظ عليها 

يبتسم سالم ويقول:لو طلبت مني عين اديها الاتنين يا امال مهره حته مني وروحي وانا عايزها مهما كانت الظروف انا قابل و علي قلبي زي العسل 

تبتسم امال وتقول:هتقدر تقف في وش ابوها وامها علشان تاخدها 

سالم ببرود وثقة شديده:لو اضطريت اقتلهم علشان اخدها هعملها يا امال اهم حاجه اخدها واللي يحصل يحصل

تشهق امال وتضرب علي صدرها بقوه وصدمه وتقول:لا بلاش كده انت مجنون يا سالم ولا ايه 

يبتسم سالم ويقول وهو يذهب الي الخارج: مجنون مهره يا امال 

تنظر خلفه امال وهي لم تستوعب ماذا يقول ويفعل سالم وتنظر أمامها وهي تفكر بهل سوف يأخذ سالم مهره ويفوز بها ام سوف يقف في طريقهم القدر (توقعتك بسرعه يا وليه قبل ما نكمل) 

كنتي فين يا مهره كل ده:كان هذا صوت جدة مهره وهي تنظر اليها باستغراب 

لتقول مهره وهي تمسك السكين: مفيش ياما كنت عند عمتي امال بشوفها عامله ايه و إذا كانت محتاجه حاجه ولا لا 

تنظر إليها جدتها سعاد بشك لتتوتر مهره بشده وتنظر بعيد عنها وترى سعاد سالم يأتي من مكان ما أتت مهره لتفهم علي الفور ما حدث 

تنظر الي مهره التي تقطع من هذا العجل المذبوح وتنظر الي سالم الذي كاد ان يذهب لكن تنهض سعاد وتقول:خد يا سالم عايزاك 

ينظر اليها سالم باستغراب وتذهب اليه سعاد وتقول:كنت بتعمل ايه مع مهره يا سالم

سالم بغيظ شديد: هو في ايه كل اللي يشوفني يقولي كنت بتعمل مع مهره ايه حد قالكم اني هاكلها ياما ولا ايه

سعاد بخبث شديد:مش هتاكلها بس عيب لما تكون معاها في مكان واحد لوحدكم بشكل ده يا سالم وعمها لو عرف باللي انت بتعمله ده مش بعيد يقتلك

ينظر سالم الي مهره وينظر الي سعد شقيق والدها وينظر الي سعاد ويقول: عايزها في الحلال ياما وانا مستعد اتجوزها من بكره لو عايزين بس مهره تكون ليا و بتاعتي انا 

تبتسم سعاد وتقول: توعدني الاول انك هتعوض بنتي عن كل اللي عاشته وشافته يا سالم وانا اوعدك أنها ليك ومش لغيرك

يمسك سالم يدها ويقبلها فهذه السيده قامت بتربيته مع احفادها وهو يعتبرها والدتها أيضا ويقول: اوعدك هعوض فرس القلب علي كل اعمال اهلها واللي عاشته كله ياما متشليش همها انتي بس وجوزهالي 

تضربه سعاد علي كتفه وتقول:البت لسه صغيره يا حبيبي انا مش ناويه اجوزها دلوقتي خالص ولحد ما اقرار اجوزها انت ملكش دعوه بيها فاهم

سالم بغضب:لا مش فاهم ياما قولتلك بنتك بتاعتي وعايز اتجوزها وانتي وهي وامة محمد كلها موافقين يبقى تخلوني معاها لحد ما اتجوزها ولا اخرب عليكم كلكم

سعاد بغضب:تخرب علي مين يا تربيه وسخه انت مش واخد بالك انت بتتكلم مع مين ولا ايه

يلوح سالم إليها بلامبلاء ويذهب إلى مهره بعد ان راه عامر يتحدث مع مهره ويضربه علي كتفه بقوه ليفزع عامر وينظر إليه ويقول بغضب شديد:ايه يا عجل انت ايه الغباء ده يا عم خلعت كتفي 

يقف سالم بينه وبين مهره ويقول:قولت مليون مره تبعد عن البت يا مفضوح يا وسخ بدل ما اولع فيك

عامر بصوت عالي:دي اختتتتتتتتي وانا اللي مربيها والله يا ناااااااااااس البت مهره بنت الحربايه انا اللي مربيها انتوا شاهدين ولا لا

يصيحون الناس بالفعل بأنه محق وبأنه هو من تولى تربية مهره 

يقول سالم بصوت اعلي:ما تخررررررررس يا مفضوح يا ابن الكلب شويه في ايه ياض عجل وما صدق ينطلق في الزربيه 

عامر بحزن شديد:تشكر ياخويا يا ابن الناس المحترمه وانا اللي كنت عايز مصلحتك وفكرتلك في كذا فكره لفرحك طلعت واطي ومتسهلهاش

 سالم بغضب شديد:اتصدق انك عيل وسخ وزباله صحيح يا حيوان وهتجوزها غصب عنكم كلكم ومحدش هيقف في وشي يا ولاد الكلاب يلا أما اشوف بقى يا انا يا انتم 

انهي حديثه ويذهب من امامهم وتضحك مهره وتقول:منك لله يا مفضوح الواد جاب اخره منك يا عم ارحم شويه مش كده 

يذهب عامر ويضع يده علي كتفها ويضمها إلى أحضانه ويقول:ما لازم يجيب اخره يا بت ده انا لو مطلعتش ميتين اللي جابوه كلهم مش هياخدك لازم اعلمه الادب علشان لما ياخدك يتوب ويحس ان معاه نجمه من السما وحته مني يا فرس 

تنظر اليه مهره وتلاحظ حزنه الشديد لتبتسم وهي تعلم بأنه لا يريدها ان تتزوج وتتركه وتذهب الي احضانه مهره وتقول:وانا عمري ما هسيبك يا عمورتي يالا ده انت ابويا ومقدرش ابعد عنك 

يضمها عامر بقوه كبيره الي احضانه ويقبل راسها ويقول:يا رب تكوني قد كلامك يا قطتي ومتسبنيش علشان الوسخ ده في الاخر

كانت مهره ان تتحدث لكن تسمع الذي يقول:بت يا مهره امك عايزاكي في البيت و بتقولك تعالي عايزاكي بسرعه 

تبتعد مهره عن عامر وتنظر إلى شقيقها الأصغر الذي قال هذا الحديث وتقول باستغراب شديد:وامك عاوزاني في ايه يا وليد

يرفع وليد اكتافه بعدم علم ويقول: والله ما اعرف بس هي قاعده منشكحه للدنيا وكأنها كسبت كأس العالم ومبتسمه زي الهبله معرفش ليه

تضحك مهره بقوه كبيره عليه وتقول وهي تضع يدها علي كتفه:لو سمعتك هتاكلك يا قلب اختك

وليد بغيظ شديد:يا شيخه اللهي تولع ده الواحد كره البيت بسببها وانا قرارت هاجي  اعيش معاكي انتي احسن يا ستي مش ناقص هم اكتر من كده هموت قريب بدل ما اتهنى بزهرة شبابي من وارها 

تصفعه مهره بخفه علي وجهه وتقول:بس يا كلب متقولش كده

عامر بغيظ شديد:هي كده كلمت الحق بتزعلي صح  تعالى يالا يا وليد تعالى يا عم هما عيله ظالمه كلهم اصلا عاوزه الحرق 

وليد وهو يذهب مع عامر:متنسيش تروحي للحربايه يا مهره احسن تاكلني ياختي اللهي تنستري و انا مفيش فيا حيل ليها 

تنظر مهره الي جدتها التي تجلس التي تنظر اليها وهي تريد ان تعلم ماذا تريد ان تفعل الآن وتبتسم سعاد بعد ان ادركت ان ابنتها لم تستطيع ان تاخد القرار الان

لتنهض وتذهب اليها وتقول:روحي يا بنتي شوفيها عايزه ايه وتعالي يلا متتاخريش

تتنهد مهره بقوه كبيره وتميل برأسها وبالفعل تذهب مهره الي منزل والدها وتقف في الأسفل وتنظر الي هذا المنزل الذي اتحرمت أن تعيش به وتربت في منزل جدتها وتشعر بالحزن علي حالها بشده

 كادت ان تنزل دمعه منها لكن تغلق مهره عينيها وتحاول التماسك وتنفخ بقوه كبيره وتذهب الى الداخل وتدخل وترى والدتها تجلس وهي تضع قدم علي الاخري بغرور شديد 

تنظر اليها سحر من الأسفل للأعلى وتقول باستفزاز شديد:تؤ تؤ عيشتك مع جدتك خلتك بيئه اوي 

ترفع مهره رأسها وتقول: والله اعيش مع جدتي واكون بيئه احسن ما اعيش معاكي واكون حربايه لونها بيتغير علي حسب المواقف 

تغضب منها سحر بشده وتنهض وتقول:انا قولت برضو عايزين تربية سعاد والمفضوح تطلع ايه اكيد هتطلع زيك كده

تنفخ مهره وتقول:وانا مبسوطه اني اتربيت علي أيدهم هما يا ام سامر احسن مليون مره ما اتربي علي ايدك انتي كنت هطلع نسخه منك و اليعوذ بالله حرام عليكي كنتي هتظلميني اوي يا شيخه

سحر بغضب شديد:لسانك طويل اوي يا مهره وانا اللي هقطعوا قريب اوي 

تبتسم مهره بسخريه وتقول: عايزه مني ايه يا سحر 

سحر وهي تنزل عليها بصاقعه قويه بشده: حسام ابن خالتك طالب ايدك وانا وابوكي وافقنا وقرارنا هنقرا الفاتحه اخر الاسبوع ده 

تصدم مهره بشده وتنزل عليها صاقعة قويه بشده وهي تسمع حديثها هذا و

الفصل الثالث من هنا