 |
رواية في قبضة الفهد ج 3 الفصل الاول بقلم جنات
فى احدى ليالى الصيف الجميله فى محافظه الاسكندريه عروس البحر المتوسط .
وتحديدا فى قصر الفهد .
كانت عيله الفهد متجمعين كلهم سوا فى الجانب الخلفى من القصر بعد يوم طويل قضوه مع بعض فى جو عائلى جميل زى ما اتعودو دايما انهم يتجمعو فى يوم اجازتهم فى قصر الفهد .
كان الشباب كلهم قاعدين سوا فى مكان بعيد شويا عن الماميز والبنات .
زين:اهم حاجه تركزو فى اجتماع بكرة ده اهم صفقه فى تاريخ الشركه .
فهد:متقلقيش يا ولدى كل حاجه هتكون تمام .
ايان:حضرتك معندكش ثقه فينا ولا ايه يا عمى ؟!
اسر:لو مش عندنا ثقه فيكو عمرنا ماكنا هنسلمكو ادارة الشركات .
ريان:ولا كنا هنعتمد عليكو فى اهم صفقه لشركه الام .
ادهم بص لمراد وادم:وانتو مهمتكو الجديده امته ؟!
مراد:كمان اسبوع يا حاج .
ادم:المهم جايه القائد قال هتكون مهمه وصعبه .
ادهم:انتو قدها وقدود كمان يا شباب .
كنان عينه على الفهد اللى مركز اوى معاهم:انتو دخلتو فى منعطف خطر .
راكان:انا بحاول اخليكو تبطلو كلام وانتو ماشاء الله مستمرين ولا هاممكو حاجه .
الكل بصو للفهد .
زين ضحك:احنا اسفين يا ولدى ... الشغل تقريبا واخد كل وقتنا .
الفهد:انا نبهت عليكو قبل كدا الشغل بنسيبه على باب القصر ولو حبينا نتكلم بيكون فى المكتب صح .
الشباب:صح .
فهد:والله يا جدو احنا اتعودنا وبقينا نسخه منك وبقا الشغل اهم حاجه فى حياتنا .
الفهد:الشغل مهم اه .... بس العيله اهم يا فهد مش لازم تنسي الكلام ده .
ريان:حضرتك علمتنا من صغرنا ان العيله اهم واول اولوياتنا يا عمى .
حسن اللى شايل حور حفيدته وبيلاعبها:متقلقش يا فهد خلى عندك ثقه كبيرة فيهم لانهم تربيه الفهد بذات نفسه .
الفهد بصلهم بفخر:عارف وعندى ثقه كبيرة فيكو كلكو .
بقلم الكاتبة جنات
ــــــــــــــــ★ـــــــــــــــ
اما بقا الماميز والبنات كانو بيتكلمو فى مواضيع كتير ومختلفه وبيهزرو وبيضحكو من قلبهم .
سيلا:والله العظيم زى ما بقولكو كدا كل يوم والتانى مشكله شكل فى الشركه من يوم ما جت تشتغل معانا .
حنين:الله ماهما اللى ناس مش بتفهم يا جدعان وبيعصبونى .
تمارا بصت لحنين:يا بنتى كفايه مشاكل جدك هيطردك من الشركه .
زينه:انتى مش قد الفهد يا حنين .
جنه:سبوها لما تاخد قرصه ودن محترمه من عمو فهد و زين تبقي تقول حقى برقبتى .
حنين همست لتمارا:يرضيك اللى مرات ابنك بتقوله يا توتا !
تمارا ضحكت عل جنان حفيدتها .
ديما:هى مرات ابنى لوحدى ماهى مامتك يا حلوة .... وبعدين ما انتى اللى بتاعه مشاكل يا حنين .
حنين:والله دانا غلبانه .
تمارا:اوى .
حياه ضحكت:بس الناس اللى مش بتفهمها يا توتاا .
سيلا:سبحان الله الاتنين اصحاب اوى بس عكس بعض خالص .
مروة:المهم انهم يكونو بيشتغلو حلو .
شروق ضحكت:ده الفهد احتمال يعلقهم على باب الشركه لو غلطو .
مريم:بس زين واسر مبسوطين من شغلهم وعشان كدا سيبنهم معاهم فى الشركه .
حنين:والله يا مريومه يا قمر انتى ... الشركه دى ما تنفع من غيرنا اصلا .
كلهم ضحكو على جنان حنين اللى دايما بتملى اى مكان تتواجد فيه بفرحه والسعاده .
جت عليهم واحده من الخدم وهى شايله يزن الصغير ابن سيلا ومراد .
اسيل اخدته منه:يا روحى ... صحيت يا قمرى انت .
سيلا:والله يا ماما مش عارفه من غيرك كنت هعمل ايه وهسيب يزن فين وانا فى الشغل .
اسيل باست يزن:ده حبيب تيتا مش كدا .
يزن ضحك:حور .
ديما:حور مع جدو حسن روح العب معاها يا يزن .
يزن نزل من على رجل اسيل ومشي لحد ما وصل عند الشباب وبدأ يلعب مع حور .
وقضو باقى اليوم سوا وبعدها .
ادهم واسيل وادم وديما ومعاهم حور بنتهم راحو على الڤيلا .
ومراد و سيلا راحو على شقتهم .
بقلم الكاتبة جنات
ـــــــــــــــ★ـــــــــــــــ
فى اوضه الفهد اللى قاعد على سرير وعلى رجله اللاب توب الخاص بيه .
تمارا خرجت من الحمام وهى بتنشف شعرها وحطت الفوطه على الكرسي وراحت قعدت جمبه على السرير .
تمارا:شكلى كدا هشتكيك لزين .
فهد بصلها:وليه بقاا ؟!
تمارا:لانك محذرهم كلهم ان محدش فيهم يشتغل فى البيت وحضرتك قاعد مركز فى شغلك ومتجاهلنى ولا كأنى موجوده يا فهد .
فهد ابتسم وقفل اللاب وبصلها وشدها لحضنه:وانا بردو اقدر اتجاهل نبض الفهد .
تمارا نامت على صدره:فهد انت هتفضل تحبنى كدا .
فهد:لاخر نفس فيا يا نبض الفهد .
بقلم الكاتبة جنات
ـــــــــــــــ★ـــــــــــــــ
فى اوضه حسن ومروة .
حسن:اتكلم معاه فى ايه بس يا مروة ؟!
مروة:انا بخاف عليه اوى يا حسن ... انا ماصدقت ادهم ساب الشغل ده ... يقوم ادم يختار نفس شغله ابوه .
حسن:يا حبيبتي ادم حفيدك بطل وراجل زى ابوه ادهم بظبط .... وبعدين هو بيحب شغله وجدا كمان ... واللى مطمنى انه مش لوحده وان مراد معاه وانتى عارفه هما قريبين من بعض ازاى .
مروة:ربنا يحميهم والله لما بيروحو اى مهمه بفضل ادعيلهم فى كل صلاه ربنا يرجعهم بسلامه .
حسن:ربنا يتقبل منك يا حبيبتى ويخليكى ليا يارب .
مروة:ويخليك لينا يا حبيبي .
بقلم الكاتبة جنات
ـــــــــــــــ★ـــــــــــــــ
فى اوضه كنان ومريم .
كنان:مش عارف اعمل ايه مع البت دى هتجننى وهتجنن كل اللى فى الشركه وزين قرب يطردها من الشركه كلها .
مريم ضحكت:ماهى اللى مجنونه وبتعمل مشاكل يا كنان .
كنان:حنين بتفكرك بمين؟
مريم:بـ تمارا وجنانها ومشاكلها .
كنان:ده احلى حاجه هى مشاكلها وجنانها اللى خلاها تقع فى طريق الفهد عشان انا اشوفك واعشقك .
مريم:انت احلى حاجه حصلت فى حياتى يا كنان .
كنان:وانتى احلى نعمه انعم ربنا عليا بيها يا مريم .
بقلم الكاتبة جنات
ـــــــــــــــ★ـــــــــــــــ
فى اوضه راكان وشروق اللى نايمه وضهرها لراكان .
راكان:طب فهمينى انتى زعلانه منى ليه يا شوشو ؟!
شروق وهى نايمه:انت عارف كويس انت عملت ايه يا استاذ راكان .
راكان:استاذ راكان !! ... ده الموضوع كبير اوى بقااا .
راكان فكر شويا وافتكر لما كانت شروق قاعده مع حفيدها الوحيد ايان .
راكان:يبقى هو الحيوان ابن ابنك اللى قلبك عليا .
شروق قامت قعدت فجأه:انت كمان بتغلط فيه وفى ابنى يا راكان !
راكان:اكيد هو اللى قالك انى عاقبته امبارح وزودت الشغل عليه
شروق:وهو كان عمل ايه يعنى عشان تعاقبه كدا ؟!
راكان:هو حفيدك ده عيل يا شروق ده راجل كبير .
شروق:ولما هو راجل كبير بتعاقبه ليه بقاا !
راكان:عشان كنا فى اجتماع مهم جدا والبيه عمال يهزر ويضحك .
شروق:عادى يعنى بيفرفشكو .
راكان:بقولك اجتماع مهم يا شروق يفرفش مين يا حبيبتى .
شروق:انت عارف ان ايان نفس شخصيه باباه ريان .... بيحب الهزار والضحك بس وقت الشغل بيبقي جدا كمان ..... وده اللى مخلى الفهد عنده ثقه كبيرة فيهم .
راكان:عارف يا حبيبتى بس ده كان اجتماع مهم .... وبعدين هو انا عملت ايه يعنى دانا اديته ملف الصفقه الجديده يخلصها بس كدا عادى يعنى ما حصلش حاجه .... بطلى انتى بس تدلعى فيه .
شروق:يا راكان ده حفيدى الوحيد ابن ابنى الوحيد يعنى لو مدلعتوش وخوفت عليه قولى كدا هخاف وادلع مين .... دول نور عينى يا راكان .
راكان:لما هما نور عينك انا فين من كل الحب ده بقا يا شوشو ؟!
شروق حضنته:انت قلبي وروحى يا راكان .
راكان باس راسها:اهم حاجه متزعليش منى يا روح قلب راكان .
بقلم الكاتبة جنات
ـــــــــــــــ★ـــــــــــــــ
فى اوضه اسر وزينه .
زينه:تعرف كان ايه اكتر حاجه نفسي فيها يا اسر؟!
اسر:ايه يا عيون اسر .
زينه:ان ديما وحياه يتجوزو عن حب وان ربنا يرزق كل واحده فيهم بالراجل اللى يقدرها ويعيشها زى الاميرة .... زى مانا كنت عايشه معاك .
اسر:وربنا استجاب لدعواتك يا حبيبتى .... ادم وفهد رجاله وكفايه انهم تربيه الفهد .
زينة:فرحانه اوى عشانهم يا اسر .
اسر:ربنا يسعدهم العمر كله يا حبيبتى .
زينه:يارب يا حبيبى .
بقلم الكاتبة جنات
ـــــــــــــــ★ـــــــــــــــ
فى اوضه زين وجنه .
زين:يا حبيبتى انا قولتلك لو حبيتى ترجعى لشغلك تانى فى المستشفى انا معنديش اى مانع .
جنه:ليه بتقول كدا يا زين ؟!
زين:لانى النهارده كنت شايفك وانتى بتتكلمى بحماس مع ديما عن المستشفى والحالات ... عشان كدا بقولك لو حبيتى ترجعى تانى تشتغلى انا مش هعارض .
جنه حضنته بحب:ربنا يخليك ليا يا زين ... بس صدقنى انا كنت بتكلم معاها عادى جداا .... وبعدين ماهى توتا وماما كانو بيتكلمو معنى كدا انهم بعد السنين دى كلها هيرجعو يشتغلو اكيد لا .... وبعدين انا مبسوطه وانا موجوده فى البيت وبهتم بكل حاجه مع توتا وماما .
زين باس راسها:ربنا يباركلى فيكى يا جنتى .
بقلم الكاتبة جنات
ـــــــــــــــ★ـــــــــــــــ
فى اوضه ريان وجميله .
جميله:ممكن افهم وحضرتك رفضت الاجازة اللى طلبها ايان ليه ؟!
ريان:هو لحق يشتكيلك يا جوجو .
جميله:متهزرش يا ريان .... من يوم ما ايان اتجوز سافر كام اسبوع ورجعو تانى ومن وقتها وهو مطحون فى شغله وكمان حنين فى شغلها ومش بيشوفو بعض تقريبااا .
ريان:مين دول اللى مش بيشوفو بعض ... ده حاطط المكتب بتاعها جوا مكتبه عشان تبقي قدام عينه ٢٤ ساعه .
جميله:وفيها ايه مش مراته مانا كنت ببقي معاك فى مكتبك علطول فاكر ولا ناسي .
ريان:لا طبعا مش ناسي يا حبيبتى .... وموضوع الاجازة اللى رفضه الفهد ابقي روحى اتكلمى معاه زى الشاطرة بقااا .... تصبحى على خير يا جوجو .
جميله بصتله بغيظ وراحت عشان تنام .
بقلم الكاتبة جنات
ـــــــــــــــ★ـــــــــــــــ
فى اوضه ايان وحنين .
ايان:يا حنين ابوس ايدك فوقى وركزى فى التصميم اللى بترسميه .
حنين:يوووه مانا هموت وانام يا ايان .
ايان:يا بنتى احنا عايزين التصميم ده فى اجتماع بكرة بلاش تهرجى يا حبيبتى ونبي .
حنين:اليوم كان متعب وقضيناه كلنا سوا كنت هطلع ارسمه امته بقااا !
ايان:كان قدامك امبارح واوله واسبوع كامل قبله يا حنين .... قولتلك قبل كدا الفهد مش بيحب الهزار فى الشغل .
حنين:مانا كنت مشغوله معاك فى الصفقه الاخيرة يا ايان اعمل ايه يعنى .
ايان ضمها ليه:ايه رايه حبيب قلبي اعملك احلى فنجان قهوة ونجهز التصميم سوا .
حنين:موافقه جدا جدا .
ايان:هروح اعمل القهوة .
حنين:اوكى .
بقلم الكاتبة جنات
ـــــــــــــــ★ـــــــــــــــ
فى اوضه فهد وحياه اللى قاعده على مكتب فهد وبترسم التصميم الخاص بالمنتجع الجديد اللى هتصممه شركه الفهد .
فهد خرج من الحمام بعد ما اخد شاور وبص على حياه بحب وقرب منها وحاوط الكرسي اللى قاعده عليه .
فهد:حبيبي مشغول فى ايه ؟
حياه:زى مانت شايف ... جدو الفهد طلب منى انا وحنين ومجموعه من المهندسين اننا نجهز تصميم للمنتجع بتاع المشروع الجديد .. وصاحب المنتجع هو اللى هيختار تصميم اللى يناسبه .
فهد بص على التصميم:انتى تقريبا خلصتيه يا حياه .
حياه:صح انا بحط اخر اللمسات مش اكتر ... انا بجهز فيه من وقت ما جدو قالى انا وحنين .
فهد:طب يلا عشان ننام يا حبيبتى اليوم كان طويل علينا كلنا .
حياه:٥ دقايق بس وهخلص .
فهد:هستناكى يا حياتى .
بقلم الكاتبة جنات
ـــــــــــــــ★ـــــــــــــــ
فى ڤيلا ادهم اللى وصل الڤيلا مع اسيل اللى شايله حور وادم وديما .
ديما:يلا ياحورى عشان ننام .
حور مسكت فى اسيل اكتر :لا .
اسيل ضحكت:سبيها يا حبيبتى تنام معايا النهارده .
ادم:دى بتنام معاكى اكتر ما بتنام معانا يا سولا .
اسيل:على قلبي زى العسل .
ادم:انا خايف بس يكون ادهم باشا بيضايق ولا حاجه .
ادهم:اطلع منها انت ... خد مراتك واطلعو نامو عشان عندها شغل بدرى وسيب حور معانا .
ديما:ربنا يخليكو ليا بجد .
اسيل:حبيبتى يا دمدومه .... يلا اطلعى نامى .
ادم مسك ايد ديما وطلعو جناحهم .
وادهم اخد حور من اسيل وطلعو عشان ينامو هما كمان .
بقلم الكاتبة جنات
ـــــــــــــــ★ـــــــــــــــ
فى شقه مراد وسيلا .
ويزن اللى عمال يلعب ورافض ينام .
مراد:وبعدين معاك يا شقى مش هتبطل لعب بقاا عايزين ننام .
يزن بيلعب وبيجرى فى الشقه كلها وبيضحك .
سيلا:زيزو حبيبى ماما وبابا تعبانين وعندهم شغل ولازم نصحى بدرى
يزن:لا .
سيلا:عشان بكرة الصبح هوديك عند اسيل .
يزن:سولا .
مراد رفعه من على الارض:ايوا لو نمت زى الشاطر هوديك من النجمه عند سولا ايه رايك؟
يزن نام على كتف مراد بسرعه ومثل انه نام ومراد وسيلا ضحكو عليه .
ودخلو عشان ينامو .
بقلم الكاتبة جنات
ـــــــــــــــ★ـــــــــــــــ
فى المطار .
هبطت الطيارة الخاصه برجل الاعمال المعروف عالميااا ( جاد ) القادمه من ايطاليا .
استقبله مدير اعماله اللى سبقه على الاسكندريه عشان يظبط كل الامور قبل ما يوصل جاد .
حازم:حمدلله على السلامه يا جاد باشا .
جاد:كل حاجه جاهزة ؟
حازم:طبعا يا باشا زى ما حضرتك امرت .... انا جهزت لحضرتك الڤيلا الخاص بيك .
جاد:هنزل فى اوتيل .
حازم:بس يا باشا .
جاد بحده:كلمتى مش بحب اكررها يا حازم اظن مش اول مرة تتعامل معايا .
حازم:امرك يا باشا .
خرجو من المطار وكانت عربيه الحراسه فى انتظارهم .
جاد ركب عربيته وحازم ركب جمب السواق واتحركو على افخم فندق فى الاسكندريه .
( جاد )
٣٥ سنه .
اتولد وعاش فى ايطاليا من ام واب مصريين .
عايش مع ابوه .
رجل اعمال فى مجال الهندسه ومعروف عالمياا .
وجاى اسكندريه عشان يفتتح منتجع كبير وده طبعا هيكون من تصميم شركه الفهد .
وصل جاد الفندق وكان حازم حاجزله جناح كبير بيطل على بحر اسكندريه .
جاد اخد شاور وغير هدومه للبس مريح عشان يقدر ينام ويقوم من بدرى عشان الاجتماع الاهم اللى منتظره من شهور كتير مع شركه الفهد .
