 |
رواية في قبضة الفهد ج 3 الفصل الثالث عشر بقلم جنات
فى موقع الشركه الخاصه بجاد اللى بتتبنى جديد .
وصلت عربيه فهد اللى حياه راكبه معاه وعربيه جاد اللى جمبه ديالا بعد ما اصر عليها تركب معاه وركبت عشان متحرجوش قدام حياه وفهد .
جاد بصلها وشايفها متعصبه:كل العصبيه دى عشان ركبتى معايا !!!
ديالا:اول واخر مرة تعمل كدا انت فاهم واياك تانى مرة تقرب منى .... يأما هقول لعمو ووقتها هو يتصرف معاك .
جاد:المفروض اخاف مثلاا !
ديالا بصتله:مستفز .
وفتحت باب العربيه ونزلت وراحت لحياه وفهد اللى نزلو من عربيتهم وجاد قرب منهم ودخلو الشركه سوااا .
حياه:ايه رايك يا باشمهندس ؟
جاد:بصراحه الشركه زى ما كنت متخيلها بظبط يا باشمهندسه تسلم ايدك .
حياه:تسلم .
وبداو جوله فى الشركه وبيشوفو كل الادوار .
فهد:جاد المهندسين كلهم مستنين عشان تقولهم ايه الحاجات اللى عايزيها فى كل دور عشان يبداو شغل .
جاد:اكيد ... يلا .
وقربو من المهندسين وبدأ جاد يشرح على المخطط الخاص بالدور الاول كل اللى هو عايزه .
حياه:احنا ممكن نشتغل على كل دور لوحده عشان نخلص الشغل بسرعه بحيث بدل ما نوزع المهندسين على ٣ ادوار يبقو كلهم فى نفس الدور وبكدا ننجز الشغل وبعده نتنقل لدور اللى بعده .
جاد:فكرة هايله جداا ..... بس المهم عندى الشركه تكون جاهزة خلال شهر او شهر ونص بكتير اوى .
فهد بص للمهندسين:يبقي ابداو شغل يا رجاله .
حياه:المهندسين هيشتغلو وان شاء الله الشركه هتكون جاهزة فى اسرع وقت .
جاد:اذا كدا تمام جداااا ... انا الفترة الجايه هكون مشغول فى تجهيز لحفله افتتاح المنتجع وهسيب امور الشركه للباشمهندسه حياه .
حياه:اكيد طبعااا وكل حاجه هتكون زى ما حضرتك عايز .... واكيد ديالا هتكون معايا صح .
ديالا:اكيد يا حياه .
فهد قام وقف:كدا خلصنا الاجتماع نستأذن احنا بقاااا عشان هنرجع على الشركه .
جاد:انا هوصل ديالا على الڤيلا وهروح على الشركه .
فهد مسك ايد حياه اللى قامت ومشت معاه بعد ما ودعت ديالا وجاد .
والمهندسين كلهم راحو يشوفو شغلهم.
جاد بص لديالا اللى طلعت فونها وبترن على حد .
جاد:مش يلا ولا ايه ؟!!
ديالا:روح انت انا هكلم السواق يجيلى .
جاد اضايق منها وقام ومسك ايدها وجرها وراه لحد العربيه وهى بتحاول تشد ايدها منه بس كانت قبضته من حديد وفتح باب العربيه ودفعها بقوة جوا العربيه ولف ركب مكانه .
ديالا:انت بتستعبط ايه اللى عملته ده !!!!
جاد اتحرك بالعربيه ورد عليها من غير ما يبصلها:مش عايز اسمع نفسك لحد ما نوصل الڤيلا .
ديالا:بس....
ديالا قطعت كلامها لما جاد بصلها بغضب وبصت على الطريق من شباك العربيه لحد ما وصلو الڤيلا .
فتحت باب العربيه ونزلت ودخلت الڤيلا وطلعت على اوضتها بسرعه .
وجاد اتحرك وراح على الشركه .
بقلم الكاتبة جنات
ــــــــــــــــ★ــــــــــــــ
بعد وقت طويل فى شركه الفهد .
حياه دخلت مكتب الفهد:فاضي يا جدو ؟!!
الفهد:ايوا يا حياه تعالى .
حياه مدت ايدها بملف للفهد اللى اخده منها وبدأ يشوفه .
حياه:ده التصميم اللى الباشمهندس جاد عايزه فى الشركه ... انا وفهد روحنا موقع الشركه واجتمعنا مع المهندسين والباشمهندس كان موجود وكمان ديالا واتكلمنا فى كل التفاصيل وهو كمان عايز الشركه تخلص خلال شهر ونص بكتير .
الفهد:تمام يا حياه .... ممكن تزودى عدد المهندسين عشان الشركه تخلص فى الوقت اللى هو عايزه .
حياه:انا فكرت اننا نعمل كدا فعلاا .... بحيث المهندسين اللى موجودين حاليا هناك يشتغلو فى الدور الاول ونزود العدد ويشتغلو على باقى الادوار .... بس انا محبيتش اقول الاقتراح ده غير لما ارجع لحضرتك الاول .
الفهد:شوفى المهندسين اللى موجودين حاليا بدون شغل وابعتيهم على الشركه بس لازم مايحصلش اى تقصير فى باقى المواقع .
حياه:اكيد يا جدو .... هروح اشوف فهد عشان نرجع على البيت .
الفهد:روحى واحنا شويا هنخلص شغلنا ونرجع .
حياه:اوكى .
حياه خرجت من مكتب الفهد وراحت على مكتب فهد وخبطت ودخلت:فاضي يا باشمهندس .
فهد ابتسم:ولو مش فاضي افضي نفسي ليكى يا حياتى .
حياه ضحكت ودخلت:هااا خلصت عشان نرجع على البيت !
فهد:ايوا يا حبيبتى يلا بينا .
فهد اخد فونه وحاجاته ومسك ايد حياه وخرجو من الشركه .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل اتعشو سواا وبعدها قضو الوقت مع بعض .
حنين:اومال عمو راكان وريان مش بيتكلمو خالص ليه ؟!
كنان:الواطى نسانا اول ما سافر .
ايان ضحك:وحياتك ده نسانى انا شخصيااا .
تمارا:شروق بتكلمنا كل يوم وبتقول انهم طالع عينهم فى الشغل بيخرجو من بدرى ومش بيرجعو البيت غير متاخر جدااا .
مريم:وده نفس كلام جميله .
اسر:ريان بيكلمنا علطول وبيعرفنا التفاصيل ربنا يعينيهم ويقدرو يحلو المشاكل دى كلها يا اما هنضطر نوقف شغل فى الفرع ده .
زين:ان شاء الله هيتحل كل حاجه وبعدين عمى راكان وريان قدها .... هتعدى اكيد .
كلهم:يارب .
وبعد وقت كبير قضوه سوا كل واحد طلع على اوضته عشان ينامو .
بقلم الكاتبة جنات
ــــــــــــــــ★ــــــــــــــ
عدى اسبوع على الكل .
ادم اللى قال لفهد على معلومات اللى وصلته عن جاد عن طريق اسامه .
الفهد اللى كلم اسامه بنفسه وطلب منه يوصل بأى طريقه لام جاد وكل معلومه تخص جاد وتخصها .
ادم اللى كلف شخص من رجالته يراقب رياض زى ما فهد طلب منه .... بس فى الأسبوع ده مقدروش يمسكو عليه اى حاجه لانه تقريبا مش بيروح فى اى مكان وكمان مش بيختلط بأى حد من بيته لشغله فى الشركه والعكس .... ومالوش اصحاب ولا حتى قرايب وعايش لوحده .
وده طبعااا هيجنن فهد وبيحاول على قد ما يقدر يبعد حياه عنه .
بقلم الكاتبة جنات
ــــــــــــــــ★ــــــــــــــ
صباح يوم جديد فى شركه الفهد .
حياه وحنين وديالا وسيلا اللى بقو صحاب جدااا قاعدين سوا فى كافتيريا الشركه بيشربو قهوة وبيهزرو ويضحكو .
حنين:والله الفهد لو عرف ان احنا سايبين شغلنا وقاعدين هنا احتمال يدينا كلنا كارت احمر ويطردنا برا الشركه كلها .
سيلا:فى دى معاكى حق والله .
ديالا:هيطردكو ازاى وانتو احفاده ؟!
حياه:جدو فى الشغل معندوش ابنى ولا حفيدى .... الشغل شغل .
حنين:شكلك متعرفيش الفهد يا حلوة .
سيلا:الايام جايه كتير وهيجى يوم وتعرفى مين هو الفهد .
ديالا:انتو بتخوفونى منه على فكرة .
البنات ضحكوو .
سيلا:طب يلا يا حلوة منك ليها عشان الاجتماع .
البنات قامو طلعو على اوضه الاجتماعات ودخلو .
الفهد بصلهم بحده .
حياه:اسفين على التأخير .
الفهد:ياريت ماتتكررش مرة تانيه .
سيلا:اكيد .
الفهد:اتفضلو .
البنات دخلو وكل واحده قعدت مكانها وبدأ الاجتماع .
بقلم الكاتبة جنات
ــــــــــــــــ★ــــــــــــــ
فى مكتب حياه اللى كانت بتابع تصميم جديد لرياض .
حياه:التصميم حلو جدا يا باشمهندس ... بس الكلمه الاولى والاخير للفهد مش ليا .... بس انا بقولك انه اكيد هيعجبه .
رياض:طب الحمدلله .
الباب اتفتح ودخل فهد اللى اتفاجأ بوجود رياض مع حياه
رياض قام وقف:ازى حضرتك يا باشمهندس ؟
فهد:بخير .
فهد بص لحياه:خلصتى شغلك يا حياه !!
حياه:ايوا يا فهد .
رياض:عن اذنكو .
حياه:اتفضل .
رياض خرج وفهد عينه عليه .
حياه قربت منه:مالك يا فهد ؟!
فهد ابتسم:مافيش يا حبيبتى يلا نمشي .
حياه:يلا .
فهد مسك ايدها ونزلو سوا .
قابلهم واحد من الحرس الخاص بالشركه:باشمهندسه حياة الورد ده وصل باسم حضرتك .
حياه بصت لفهد اللى بص للحارس:ومين اللى سابه ؟!
الحارس:هو شاب اللى بيشتغل فى المحل جابه وقالى اوصله للباشمهندسه بنفسها .
فهد اخد البوكيه وبعدو على الحارس وفتح العربيه وركب هو وحياه .
فهد مسك الكارت اللى مع البوكيه وقرأ الكلام "كنتى وحشانى يا حياتى .... انتى بتوحشينى وانتى قصاد عينى وحبيت ابعتلك الورد اعرفك انى مش ناسيكى ... انتى فى بالى وفى قلبي يا حياتى حتى لو كنتى قصاد عينى ... RH"
حياه كانت شايفه الكارت وقرات الكلام وبصت لفهد اللى بدأ يتعصب جدااا وطبق الكارت جوا كف ايده ورماه من شباك العربيه ورمى البوكيه اللى كان ورده بلون الاحمر وشكله مميز على الارض واتحرك بالعربيه باقصي سرعه .
حياه كانت مرعوبه من سرعته:فهد هدى السرعه شويا ..... فهد .
فهد بصلها وشاف الخوف فى عينيها وهدى السرعه ووقف على جنب الطريق وضمها لحضنه وهى عيطت .
فهد:اهدى يا حبيبتى انا اسف ومتخافيش من اى حاجه انا معاكى .
فهد بعدها عنه ومسح دموعها وابتسمها وباس راسها:يلا اضحكى بقاا .
حياه ابتسمت وفهد مسك كفه ايدها وباسها بحب وبدأ يتحرك بالعربيه وراحو على القصر .
بقلم الكاتبة جنات
ــــــــــــــــ★ــــــــــــــ
فى المستشفى .
ديما دخلت اوضه مدحت:اخبارك ايه يا عمو ؟!
مدحت ابتسم:بخير الحمدلله يا بنتى فى نعمه .
ديما:دايما يارب .... اخبارك ايه يا مى ؟
مى:الحمدلله يا دكتورة ديما .
ديما بصت لمدحت:خلاص هنعمل العمليه وهترجع احسن من الاول باذن الله يا عمو .
مدحت:يارب يا بنتى .
ديما:انا بس هاخد منك عينه دم عشان نعمل تحليل مهم قبل العمليه .
مى:هو فى حاجه يا دكتورة ؟!
ديما وهى بتاخد العينه من مدحت:لا خالص يا حبيبتى احنا بس لازم نطمن اكتر من مرة قبل ما يدخل اوضه العمليات.
ديما اخدت العينه:وان شاء الله خير مش عايزاكو تقلقو خالص .
مدحت ومى:باذن الله .
ديما:عن اذنكو .
مدحت:اتفضلى يا بنتى.
ديما خرجت وراحت على المعمل عشان تديهم العينه وبعدها ادم رن عليها لما وصل عند المستشفى عشان يرجعو سوا على القصر .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل متجمعين سوا فى الجانب الخلفى للقصر .
الفهد عينه على كل اللى قاعدين بيهزرو وبيضحكو من قلبهم وبيتمنى تفضل عيلته دايما سوا وبيتمنى ان راكان وريان يقدرو يحلو المشاكل عشان يرجعو وسطهم من تانى .
عينه جت على فهد اللى قاعد وشكله مضايق جدااا وحياه اللى عينها على فهد وشكلها متوترة جداا .
الفهد قام وقف:فهد تعالى معايا على المكتب .
تمارا بصتله:ده وقت شغل يا فهد خلينا قاعدين سوا .
الفهد:مش هنطول يا تمارا ... يلا يا فهد .
الفهد مشي وفهد راح وراه .
بقلم الكاتبة جنات
ــــــــــــــــ★ــــــــــــــ
فى المكتب .
الفهد قاعد على الكرسي الخاص بيه وفهد واقف قدامه .
فهد:خير يا جدو فى حاجه ؟!!
الفهد:اتفضل اتكلم انا سامعك .
فهد باستغراب:مش فاهم حضرتك يا جدى !!
الفهد:ايه اللى حصل خلاك متعصب بشكل ده وحياه شكلها متوترة وخايفه .
فهد:مافيش حاجه يا جدو صدقنى .
الفهد بحده:انا لو عايز اعرف ايه اللى حصل ...هعرف وبطريقتى بس انا بسالك انت عشان لو عرفت من برا انت اللى هتزعل منى يا فهد .
فهد اتنهد لانه عارف جده كويس:النهارده وصل بوكيه ورد لحياه على الشركه يا جدو .
الفهد:مانا عارف يا فهد .... انت مفكرنى كبرت وخرفت مثلا ومش هعرف كل اللى بيحصل مع افراد عيلتى .
فهد:لا العفو يا جدو انت وجودك مهم جدا بالنسبه لينا .
الفهد:انا حبيت اشوف هتقولى اللى حصل ولا لأ .... انت زعلت حياه بسبب اللى حصل ؟
فهد:لا يا جدو والله ... حضرتك عارف مقدرش ازعلها .
الفهد:تمام يا فهد روح لمراتك وبلاش اللى حصل يأثر على علاقتكو سوا .
فهد:اكيد يا جدو .
فهد خرج من المكتب والفهد خرج وراه وشاف ادم الل كان بيتكلم فى الفون بعيد عن العيله وشكله مضايق جداا .
الفهد قرب منه:ادم انت بتكلم مين ؟!
ادم قفل المكالمه وبص للفهد:دى مكالمه من ايطاليا يا عمى .
الفهد:اسامه وصل لحاجه ؟!
ادم:للاسف ده صديق اسامه وبيقول انه كان بيرن عليه ماكنش بيرد بس لما راحله شقته لقاه مقـtـول والتحقيقات شغاله عشان يعرفو مين اللى عمل كدا .
الفهد:لا حول ولا قوة الا بالله .... ومين ممكن يعمل كدا !!
مراد قرب منهم لما شافهم واقفين سوا:خير يا جماعه فى حاجه حصلت !
ادم:اسامه لقوه مقـtـول فى شقته .
مراد بصدمه:اسامه صاحبنا ده كان لسه بيكلمنا امبارح يا ادم .
الفهد:اسامه بقاله فترة فى ايطاليا معقول يكون ليه اعداء !!
ادم:هو كان قالى انه هيمسك قضيه مهمه وخطيرة .
مراد:بس ده لسه مش هيستلمها غير بعد شهر هو قالنا كدا .
ادم:مش عارف انا هتجنن .... الجثمان هيوصل مصر بكرة .
الفهد:اعمل كل اللازم يا ادم واحنا كلنا معاك .
ادم:اكيد يا عمى اسامه ماكنش ليه اى حد غيرنا حضرتك عارف .
الفهد:عارف ربنا يرحمه .... روحو ارتاحو بكرة هيبقى يوم طويل .
الفهد سابهم ومشي ومراد حط ايده على كتفه ادم:ادعيله يا صاحبي .
ادم:اسامه كان صاحب جدع اوى يا مراد عمره ما اتاخر علينا .
مراد:عارف انت هتقولى عليه يا ادم ورغم بعده وسفره عمره ما اتاخر علينا ابدااا ... ربنا يرحمه .
ادم:يارب ......
