 |
رواية في قبضة الفهد ج 3 الفصل الرابع عشر بقلم جنات
تانى يوم .
فى شركه الفهد وتحديدا فى مكتب فهد اللى قاعد وهو متعصب جداااا .
الباب خبط .
فهد:ادخل .
دخل شاب ووقف قدامه:صباح الخير يا فهد باشا .
فهد:انجز يا معتز قول اللى عندك لاحظت حاجه جديده على الواد اللى مراقبه ؟!!
معتز:والله يا باشا الواد من بيته لشغله ومن شغله لبيته ومافيش اى جديد ولا حتى بيخرج مع اصحاب ولا ليه اى حد .... مافيش غير من يومين راح محل ورد قعد جوا المحل يجى عشر دقايق وخرج .
فهد بصله بصدمه:ورد .... عرفت كان بيعمل ايه هناك ؟!
معتز:دخلت المحل بعد ما خرج وعرفت من صاحب المحل انه كان جاى يوصي على بوكيه ورد لبنت هو بيحبها وساب كارت ووصي المحل يبعته وراجل صاحب المحل مرضاش يقولى اكتر من كدا يا باشا .
فهد بعصبيه:وازاى تمشي من غير ما تعرف !!
معتز:يا باشا الراجل ماكنش راضي ينطق بخير وعرضت عليه مبلغ كبير وهو بردو يقولى دى اسرار شغل كأنها اسرار دوليه مثلا .... ومانطقش غير لما طلعت سلاحى وهددته يا فهد باشا .
فهد:طب كنت على الاقل اقف واعرف البوكيه رايح فين .
معتز:يا باشا المحل بيخرج منه كل يوم على الاقل ١٠٠ بوكيه همشي ورا كل واحد يا باشا .
فهد اتنهد:تمام يا معتز روح انت وخلى عينك عليه وعدى على الحسابات تحت خد باقى فلوسك ..... وابعتلى عنوان المحل فى مسدج .
معتز:تمام .... تسلم يا فهد باشا .
معتز خرج وفهد كان هيتجنن ورن على ادم بس عرف انه فى المطار بيستنى الطيارة اللى هتنقل جثمان اسامه صاحبه المتوفى .... وفهد اخد مفاتيحه وفونه وخرج من المكتب والشركه كلها وراح على المسجد اللى هيكون فيها صلاه الجنازة .
بقلم الكاتبة جنات
ــــــــــــــــ★ــــــــــــــ
فى المطار .
كان مراد وادم فى انتظار الطيارة وجواهم حزن كبير على صديقهم اسامه اللى كان قريب منهم رغم سفره لايطاليا لكنه كان على تواصل دايم معاهم وعمره ما اتأخر عليهم ..... وحزنهم كبير لانهم للاسف مقدروش يوصلو للقاتل لانه مش سايب اى دليل ولسه التحقيقات شغاله .
مراد وادم اللى كل واحد فيهم شارد وبيفتكر مواقفه مع اسامه وفاقو على صوت اعلان وصول الطيارة.
الشباب اتحركو عشان يستقبلو صديقهم .
وبعد شويا وقت كانو راكبين العربيه وفى اتجاهم للمسجد اللى هيصلو فيه صلاه الجنازة .
ولما وصلو المسجد كان الفهد وكل عيله من الرجاله والشباب فى انتظارهم .
وصلو كلهم سوا صلاه الجنازة وبعدها اتحركو على المقابر وتم دفن اسامه وسط حزن كبير من الفهد وعيلته لان اسامه كان على علاقه صداقه بالكل .
وبعدها رجعو على القصر .
بقلم الكاتبة جنات
ــــــــــــــــ★ــــــــــــــ
فى المستشفى .
ديما خرجت من اوضه العمليات بعد وقت كبير .
كانت مى وهنا واقفين قدام باب اوضه العمليات .
مى اللى بتعيط خوفااا على والده على عكس هنا اللى واقفه بتلعب فى فونها .
مى اول ما شافت ديما خرجت قربت منها:طمنينى يا دكتورة ديما بابا كويس ؟!!
ديما ابتسمت:الحمدلله العمليه نجحت بفضل ربنا .... بس حاليا هيتنقل على العنايه لانها عمليه كبيرة انتى عارفه ولازم يكون تحت المتابعه .
مى عيطت اكتر:الف حمد وشكر ليك يارب ..... بجد مش عارفه اقولك ايه يا دكتورة بابا هيبقي كويس ويرجع زى الاول بفضل ربنا وبفضل تعبك .
ديما:ده واجبي يا مى .... وبعدين عمو مدحت بقى كويس الحمدلله وجدااا كمان وانتى كمان بطلى عياط اضحكى بقاااا .
مى مسحت دموعها وابتسمت:الحمدلله .
ديما بصت لهنا ومستغربه ازاى مش فارق معاها والدها وواقفه كلها برود .
ديما بصت لمى:انا هروح مكتبي يامى ..... حمدلله على سلامه والدك .
مى:الله يسلمك يا دكتورة .
ديما مشت وهنا قربت من مى:انا همشي انا بقاااا .
مى:هتروحى فين وتسيبنى واحنا لسه مشوفناش بابا اصلا .
هنا بلامبالاه:ما هى الدكتورة طمنتنا خلاص بقاااا وبعدين هو كدا كدا فى العنايه واكيد مش هيبقي فى زياده .... انا هخرج مع اصحابي وهروح على البيت وبكرة هابقي اجى اشوفه يبقا فاق .
مى:روحى يا هنا وربنا يهديكى وتغيرى من نفسك بقااا .
هنا:انا حلوة اوى كدا مش ناويه اتغير باى .
هنا مشت ومى هزت راسها بحزن على اختها اللى مش بيهمها غير نفسها .
بقلم الكاتبة جنات
ــــــــــــــــ★ــــــــــــــ
بليل فى قصر الفهد .
الكل متجمعين سوا فى ريسبشن القصر وبيتكلمو .
الفهد:ادم وديما فين ... كمان مأكلوش معانا ؟!!
اسيل:ادم من وقت ما رجع من الجنازة وهو مش بينطق وحزنه باين فى عنيه ورفض ياكل معانا وديما اخدت الاكل عشان ياكلو فوق سوا .
ادهم:اسامه كان قريب جداا منه .... ربنا يرحمه .
الكل:يارب .
مراد:اسامه كان قريب مننا كلنا وكان اقرب لادم رغم سفره السنين دى كلها بس كان على تواصل دايما معاه .
زين:اسامه الله يرحمه كان جدع وصاحب صاحبه .
اسر:عمرنا ما احتاجنا منه حاجه غير لما قدر وعملها .
الفهد فكر شويا واتكلم مع نفسه:معقول اسامه اتقتل لانه كان بيدور على معلومات عن ام جاد .
الفهد فاق على صوت تمارا:هااا بتقولى ايه يا تمارا ؟!!
تمارا:احنا عمالين نكلمك انت مش معانا خالص .
الفهد:اليوم كان متعب مش اكتر .... خلونا نطلع نرتاح ..... تصبحو على خير .
الكل:وانت من اهل الخير .
كل واحد طلع اوضته .
بقلم الكاتبة جنات
ــــــــــــــــ★ــــــــــــــ
فى اوضه ادم وديما .
ادم اللى قاعد والحزن مسيطر عليه وبيفتكر كله مواقفه وكلامه مع اسامه .
وفاق على صوت ديما .
ديما:ادم عشان خاطرى بلاش تفضل كدا مش بحب اشوفك زعلان .
ادم:غصبن عنى يا حبيبتى .... اسامه كان قريب اوى منى .
ديما:ادعيله يا ادم .... مافيش فى ايدينا غير اننا ندعيله .
ادم:ربنا يرحمه .
ديما:يارب يا حبيبي ..... ممكن بقااا حبيبي يقبل ياكل معايا .
ادم:ماليش نفس والله يا ديما .
ديما:حتى لو قولتلك انى ميته من الجوع ومأكلتش اى حاجه مش الصبح ولو انت مأكلش مش هأكل .
ادم ابتسم وعارف انها بتعمل كدا عشانه:طب يلا نأكل .
واكلو سوا وبعدها ديما نامت فى حضن ادم .
ادم حب يتكلم معاها لانه شايفها زعلانه عشانه .
ادم:النهارده كان عندك عمليه مهمه .
ديما:ايوا والحمدلله العمليه نجحت .
ادم باسها من راسها:طبعا عشان حبيبتى احلى دكتورة .
ديما:انت مش متخيل يا ادم بنته كانت زعلانه عليه ازاى وفرحتها لما عرفت ان العمليه نجحت .
ادم:ربنا يقومه ليها بالف سلامه .
ديما:يارب يا حبيبي .... بس اللى انا مستغرباه بنته الصغيرة يا ادم .
ادم:مالها ؟!!
ديما:مش فارق معاها تعب باباها ولا ان العمليه كانت صعبه وخطيرة .... وواقفه تلعب فى فونها ولا على بالها حتى مسالتش على باباها بعد خرجت من العمليه ولا كانت ملهوفه عليه زى اختها الكبيرة .... بجد طبعها صعب اوى .
ادم:ربنا يهديها .
ديما:يارب ..... حبيبي انت اكيد تعبان اليوم كان صعب .... تعالى ننام .
ادم:يلا يا حبيبتى .
بقلم الكاتبة جنات
ــــــــــــــــ★ــــــــــــــ
فى اوضه فهد وحياه اللى قاعدين فى البلكونه .
فهد:طب والله كويس انكو اتأقلمتو سوا .
حياه:ديالا طيبه اوى يا فهد وبصراحه انا والبنات حبيناها اوى ..... والشغل كمان معاها حلو جدا جدا جدا .
فهد ضربها بخفه على مناخيرها:انا كدا هغير منها وجدا كمان .
حياه ضحكت اوى:وليه بقاااا ؟!!
فهد:عشان اخدت مكان فى قلب حياتى ..... وقلبك ده بيتى ومكانى انا لوحدى ومش مسموح لاى حد يدخله .
حياه سندت راسها على كتفه:انا عقلى وقلبي وروحى وحياتى كلها ملكك انت لوحدك يا فهد .
فهد:يا بوى على الكلام الحلو ده .
حياه قامت وقعدت قدامه:فهد بجد انا بحبك فوق ما تتخيل ... عمرى ما اقدر اعيش دقيقه واحده وانت مش معايا ... ربنا يخليك ويحميك ليا يا فهدى .
فهد:فهدك !!
حياه:طبعاا فهدى انا وبس ولا انت عندك اعتراض .
فهد:هو انا اقدر بردو .
حياه:ممكن بقااا نقوم ننام لاننا هنصحى من بدرى عشان الاجتماع .
فهد:يلا يا حياتى .
فهد نام على السرير وضم حياه لحضنه وبيتأملها بحب وعشق كبير وفاق على صوت مسدج وصلت على فون حياه .
فهد اخد الفون وفتح المسدج وكانت من رقم مش متسجل .
"فرحانه اوى وانتى فى حضنه ..... بس الفرحه مش هتطول ..... لو خايفه على حبيب القلب اطلقى منه وتعالى فى حضنى ووقتها مش هأذيه "
فهد اتعصب وكانت هيجنن مين ده اللى قريب منهم وشايف مراته وهى فى حضنه وهما فى بيتهم .
فهد قام من جمب حياه وخرج البلكونه وكلم جاد .
فهد بعصبيه:جاد وصلنى مسدج من رقم غريب هبعتلك الرقم وتعرفلى مين الحيوان ده .
جاد:تمام اهدى وابعتلى الرقم .
فهد:تمام .
فهد قفل وبعت الرقم لجاد ومسح المسدج من على فون حياه .
وفضل قاعد فى البلكونه مش قادر ينام من عصبيته لحد ما اشرقت شمس يوم جديد .
بقلم الكاتبة جنات
ــــــــــــــــ★ــــــــــــــ
فهد جهز و خرج من اوضته وقابل جنه وزين
فهد:صباح الخير .
جنه وزين:صباح النور .
جنه قربت منه:مالك يا حبيبى انت كويس ؟!!
فهد:كويس يا حبيبتى متخافيش .
جنه:كويس ازاى يا فهد انت شكلك مانمتش طول الليل يا حبيبى .
فهد:كان عندى شويا شغل بس عشان كدا كنت سهران .
جنه:وانت هتروح الشغل من غير ما تنام اكيد هتتعب يابنى .
فهد باسها راسها:متخافيش عليا يا حبيبتى وبعدين هى اول مرة يعنى .
جنه:ربنا يحميك يا حبيبي يارب .... هنزل احضر الفطار معاهم .
جنه نزلت وزين بص لابنه:فى حاجه حصلت يا فهد ؟!!
فهد:لا مافيش .
زين:انت مفكر انك هتقدر تضحك عليا بكلمتين زى ما عملت مع والدتك .
فهد:متقلقش يا بابا انا كويس .... هنزل عشان عندى مشوار مهم قبل ما اروح الشركه .
زين:وحياه مش هتروح معاك ؟!!
فهد:لا هى هتروح مع حنين وسيلا .
زين:تمام .
بقلم الكاتبة جنات
ــــــــــــــــ★ــــــــــــــ
الكل متجمعين على السفره بيفطرو .
حياه:جدو النهارده انا وحنين هنروح موقع الشركه الخاصه بالباسمهندش جاد عشان نشرف على المهندسين .
الفهد:تمام بس معاكو السواق والحرس يا حياه .
حنين:والله عيب فى حقى يا جدو حرس وانا موجوده .
ايان ضحك:لو حصل حاجه هتحامى عليها !!
حنين:عيب عليك دانا هسيبها واخلع .
مراد:ده ايه القوة دى كلها يا حنين .
حنين:العمر مش بعزقه يا اخ .
سيلا:البت دى بتقول كلام ميا ميا والله .
الفهد:حنين انتو رايحين الموقع لشغل مش عايز اى مشاكل .
حنين:من عيونى يا جدو ..... وبعدين ده حضرتك لازم تفرح لانى راحه معاهم وكدا تكون حضرتك ضامن ١٠٠٪ ان الشركه هتكون فل الفل .
كنان:بعد فل الفل دى لازم كلنا نقلق على مستقبل الشركه والله .
كلهم ضحكو .
حنين:ماشي يا جدو مقبوله منك .
تمارا:نونا احلى باشمهندسه اياكو حد يزعلها .
حنين:والله يا توتا انتى اللى ليا فى القصر الطويل العريض ده حبيبتى والله .
سيلا:طب يلا يا ختى عشان هنتاخر على الشغل .
حنين:مش احنا رايحين الموقع مالك انتى بينا .
سيلا:صح انا مالى خلينا نمشي يا مراد .
الفهد:اومال فهد فين ؟!!
زين:قال عنده مشوار مهم وهيروح على الشركه .
الفهد:تمام .
كلهم خلصو اكل وكل واحد ركب عربيته واتحركو على شغلهم .
بقلم الكاتبة جنات
ــــــــــــــــ★ــــــــــــــ
حياه وحنين وصلو الموقع وكانت ديالا هناك .
حياه:صباح الخير يا ديالا .
ديالا:صباح القمر يا بنات .
حنين:دودو انتى هنا مش بدرى ؟!
ديالا:بقالى ربع ساعه بس .
حياه:ماشاء الله المهندسين شغالين بسرعه والشركه خلال شهر هتكون جاهزة .
حنين:طب احنا هنعمل ايه الوقت ؟!
حياه:المفروض اننا هنمر على الموقع كله وبعدها هنجتمع مع المهندسين عشان باقى التفاصيل .
ديالا:طب يلا بينا .
حنين شافت عربيه بتقرب منهم:مش ده الباشمهندس جاد ؟
ديالا بصت على العربيه ولفت وشها تانى لما شافته نازل من العربيه .
جاد قرب منهم:صباح الخير يا بنات .
حنين وحياه:صباح النور .
جاد:بتعملو ايه هنا ؟!!
حياه:جاين نمر على الموقع وكمان فى اجتماع مع المهندسين .
جاد:ايوا فهد قالى وعشان كدا جيت .... انا فكرت الشباب هما اللى هيكونو موجودين فى الاجتماع ده .
حنين:حياه هى الباشمهندسه المسؤله عن الشركه ولازم تكون موجوده .
جاد:تمام .
حياه:طب يلا نبدأ جولتنا عشان وقت الاجتماع قرب .
كل ده وديالا متجاهله جاد وهو ملاحظ ده واتحركو سوا بجولتهم فى الشركه .
وبعدها بشويا وقت اجتمعو مع المهندسين .
بقلم الكاتبة جنات
ــــــــــــــــ★ــــــــــــــ
بليل .
جاد كان لسه فى الموقع بعد ما كلم فهد عشان يجيله .
جاد واقف ساند على العربيه بتاعته وشاف عربيه فهد وهى بتقرب منه
فهد نزل من عربيته وقرب من جاد:هااا يا جاد عرفت مين صاحب الرقم ؟!!
جاد:طب استريح شويا وانا هقولك .
فهد:قول يا جاد عرفت ولا لأ ؟؟
جاد:ايوا عرفت .
فهد:مين ؟؟
جاد:الرقم ده متسجل باسم واحد اسمه رياض المحمدى وخليت حد تبعى يعرفلى عنوانه .
فهد:كنت متاكد انه هو .
جاد:انت تعرفه يا فهد ؟!
فهد وهو ماشي ناحيه عربيته:هشوفك بعدين يا جاد ومتشكر بجدد .... ابعتلى عنوانه فى مسدج يا جاد .
جاد:طب استنى هاجى معاك .
فهد ركب عربيته واتحرك بسرعه ومردش عليه وجاد بعتله العنوان وفهد شاف العنوان وساق باقصي سرعه .
فهد وصل عند عمارة وطلع على الشقه اللى جاد قاله عليها .
وكان الباب مفتوح .
فهد دخل بهدوء بس اتصدم لما شاف رياض واقع فى الارض وفى حوليه بركه دم ........
الفصل الخامس عشر من هنا
