 |
رواية في قبضة الفهد ج 3 الفصل الخامس عشر بقلم جنات
فهد وصل عند عمارة وطلع على الشقه اللى جاد قاله عليها .
وكان الباب مفتوح .
فهد دخل بهدوء بس اتصدم لما شاف رياض واقع فى الارض حوليه بركه دم .
فهد قرب منه وشاف السكينه اللى فى بطنه .
فهد حط ايده على مكان نبضه وكان لسه فى نبض بسيط ... مد ايده سحب السكينه ورماها على الارض وحط ايده مكان الجرح بيحاول يكتم الدم .
وطلع بايده التانيه فونه واتصل على رقم الاسعاف اللى ردو عليه وقالهم على العنوان وحط الفون تانى فى جيبه .
فهد:رياض انت سامعنى .
رياض فتح عينيه بتعب وبص لفهد .
فهد:مين اللى عمل فيك كدا .... رد عليا ..... رياض .
فهد سمع صوت عربيات شرطه واتفاجأ لما شاف عناصر من الشرطه داخلين الشقه .
فهد استغرب وبعد عن رياض وقام وقف .
محمود الضابط اللى كان جاى مع العساكر اتفاجأ بفهد قدامه:فهد .... انت بتعمل ايه هنا ؟!!
فهد:انا كلمت الاسعاف وزمانهم على وصول لسه فيه نبض .
محمود:انت تعرفه !!
فهد:ايوا ... رياض مهندس فى شركتنا .
محمود:انا اسف يا فهد بس البلاغ اللى وصلنا ان فى واحد اتهجم على شقه الباشمهندس رياض وقـtـله .... للاسف انت لازم تيجى معانا .
فهد اتصدم:قـtـل ايه .... انا لما وصلت كان بنفس المنظر ده يا محمود .
محمود:لازم تيجى معانا يا فهد اتفضل .
فهد:انا هكلم ادم ومراد .
محمود:مش هنا لازم تيجى معانا الاول اتفضل .
فهد بص على رياض اللى الاسعاف وصل واخده وخرج من الشقه مع الشرطه وركب البوكس معاهم واتحركو على القسم .
فهد طلع فونه وبعت مسدج لادم وقاله يجيله بسرعه على القسم .
بقلم الكاتبة جنات
ــــــــــــــــ★ــــــــــــــ
فى القصر الفهد .
ادم نزل السلم بسرعه وقرب من الكل اللى كانو قاعدين سوا .
ادم بص للفهد:عمى .
الفهد بصله وحس ان فى حاجه كبيرة:فى حاجه يا ادم ؟!!
ادم بص للكل ورجع بص للفهد:فهد كلمنى من شويا وقالى اروحله القسم .
جنه قامت بخوف:قسم ايه يا ادم !!
ادم:انا كلمت القسم وعرفت ان فى بلاغ جالهم ان فى جريمه قـtـل وهما راحو على العنوان وكان فهد اللى هناك .
الكل قامو وقفو بصدمه .
حياه بصدمه:قtل !!
الفهد:وفهد ايه علاقته بالموضوع كله !
ادم:فهد كان تقريبا رايح للمهندس رياض شقته ولما وصل كان مقـtـول والشرطه وصلت وقبضو على فهد بتهمه القـtـل وهو حاليا فى القسم .
حياه سمعت كلامه واغمى عليها .
تمارا وزينه جرو عليها واسر قرب وشالها وطلعها اوضتها والبنات والماميز كانو معاها .
الفهد:خلينا نروح القسم .
مراد:انا هاجى معاكو .
الفهد:ادم ومراد وحسن وزين تعالو معانا والباقى خليكو هنا معاهم .
كنان:تمام روح انت يا فهد متقلقش وابقا طمنا .
الفهد:تمام .... ادم كلم المحامى اللى تابعنا يقابلنا فى القسم .
ادم:انا عملت كدا يا عمى .
الفهد والشباب خرجو وراحو على القسم .
بقلم الكاتبة جنات
ــــــــــــــــ★ــــــــــــــ
فى القسم .
فهد قاعد قدام محمود اللى بيحقق معاه .
فهد:انت ليه مش عايز تفهم انا وصلت الشقه كان الباب مفتوح ودخلت لقيته واقع والسكينه فى بطنه .... ولما لقيت لسه فيه نبض شيلت السكينه وبدات اكتم الدم وكلمت الاسعاف .
محمود:وايه اللى خلاك تروح لمهندس شغال عندكو فى الشركه فى وقت متاخر زى ده .
فهد بصله وماكنش عارف يقول ايه وفى الوقت ده الباب اتفتح ودخل العسكرى:المحامى برا بيقول انه جاى لفهد .
محمود:خليه يدخل .
المحامى دخل ومد ايده سلم على محمود:ازيك يا محمود باشا انا حمدى المحامى الخاص بعيله الفهد .
محمود:غنى عن التعريف اكيد اتفضل .
حمدى قعد وبص لفهد ورجع بص لمحمود:ممكن افهم ليه موكلى موجود هنا ليه ؟!!
محمود:جريمه قـtـل .
حمدى ضحك:لا الكلمه دى كبيرة جداا يا باشا .... المفروض يكون فى دليل عشان تقول كدا .
محمود:بصامته اللى على السكينه ووجوده قريب من المجنى عليه .... ووجوده عموما فى شقه المهندس رياض فى وقت متاخر زى ده ... كل ده مش كافى يا متر !!
حمدى بص لفهد:احب اسمع من موكلى الاول .
فهد بدأ يقوله من اول ما دخل العمارة لحد ما وصلت الشرطه .
حمدى:اكيد فى كاميرات فى نطاق العمارة .... او جوا العمارة ذات نفسها .... انا بطلب بتفريغها .
محمود:الكاميرات اتفرغت بالفعل ومافيش اى حد طلع الدور اللى فيه الشقه غير فهد .
الباب خبط ودخل الفهد وادم ومراد وحسن وزين .
محمود وقف باحترام للفهد ومد ايده سلم عليه .
فهد قام وقف وبص لجده .
الفهد بص لحمدى:فهد هيمشى معانا اكيد .
محمود:للاسف يا فهد باشا مش هينفع .... كل الدلايل ضده ... وهيتحبس ٤ ايام على ذمه التحقيق .... وادعو ان رياض يفوق ويعترف مين اللى عمل فيه كدا .
زين بعصبيه:يعنى ايه ابنى هيتحبس .
حسن:اهدى يا زين .
مراد:محمود ..... بلاش تصعب الامور ..... انت مش غبي ولا عبيط ومتاكد ان فهد ميعملهاش .
محمود قعد وبص ببرود لمراد وادم:شغلنا مش بيعتمد على الاحساس يا مراد باشا ولا ايه .
ادم بص لمراد لانهم عارفين محمود كويس هو مش بيحبهم .
الفهد قرب من فهد اللى لسه مصدوم من كل اللى حصل ولسه بيحصل .
الفهد:انت بطل وهتخرج منها متقلقش انا فى ضهرك .
فهد:انا اسف يا جدو .
الفهد شده لحضنه:كلامنا بعدين .... عايزك تبقي جامد دى ازمه وهتعدى فاهم .
فهد بعد عنه:حاضر .
الفهد بص لمحمود اوى:انا هعدى طريقه كلامك معانا بمزاجى .... بس لو اتكررت مرة تانيه متلومش غير نفسك .
الفهد قال كدا وخرج من المكتب وخرج معاه المحامى وحسن وزين .
مراد قرب من فهد:متقلقش يا فهد احنا فى ضهرك ومعاك .
ادم وعينه على محمود:اعتبرهم ٤ ايام اجازة يا بطل وبعدها هنخرج واللى غلط اكيد هيتحاسب .
ادم ومراد خرجو من المكتب ومحمود كان مرعوب من تهديد الفهد ليه ونادى على العكسرى ياخد فهد على الزنزانه .
بقلم الكاتبة جنات
ــــــــــــــــ★ــــــــــــــ
الفهد وحسن وزين رجعو على القصر .
جنه جرت على زين وهى بتعيط:ابنى فين يا زين ؟!!
تمارا:اهدى يا جنه واحنا هنعرف منهم .
حسن:اهدو يا جماعه .... خلونا نقعد ونتكلم .
الفهد:حياه كويسه ؟
تمارا:من وقت ما فاقت وهى عماله تعيط وحالتها صعبه يا فهد وده غلط عليها .
الفهد:انا هطلع اشوفها واتكلم معاها .
الفهد طلع وجنه بصت لزين:فهد مجاش معاكو ليه يا زين ؟!!
زين:فهد هيتحبس ٤ ايام على ذمه التحقيق يا جنه .
جنه اتصدمت كأنها مش قادرة تستوعب الكلام وبصت لتمارا:ازاى !!
تمارا قربت منها:اهدى يا جنه .
حسن:جنه ... للاسف فهد لما وصل الشقه كان رياض فى بطنه سكينه وفهد مسكها وخرجها من جسمه عشان يكتم الدم ... وبصماته على السكينه ولسه التحقيقات شغاله متقلقيش .
مروة:ان شاء الله هيخرج منها وربنا هيقف معاه يا جنه .
جنه عيطت وتمارا حضنتها:يا حبيبتى اهدى عشان خاطرنا كلنا .
زين قرب منها:جنه تعالى ارتاحى فوق فى اوضتك احسن .
جنه طلعت من زين وهى منهارة .
بقلم الكاتبة جنات
ــــــــــــــــ★ــــــــــــــ
فى اوضه حياه اللى قاعده على السرير فى حضن زينه ومنهارة ومعاها ديما وحنين وسيلا .
زينه:يا حبيبتى اهدى و بطلى عياط .
ديما:حياه اللى بتعمليه ده غلط عليكى وعلى البيبي .
حنين:عشان خاطرنا بطلى عياط يا حياه .
سيلا:يا بنتى انتى خايفه ليه كدا .... فهد اكيد مظلوم وربنا هيقف معاه وهيخرج منها وهيرجع وسط عيلته ان شاء الله .
زينه:يا حبيبه قلبي فكرى فى فهد وفى ابنك .... فهد لو خرج وشاف حالتك دى هيزعل وهيضايق منك جدا يا حياه .... اهدى يا روحى .
حياه وهى بتعيط:مش قادرة والله يا ماما مش قادرة .
الباب خبط ودخل الفهد وقرب من حياه والبنات قامو من على السرير وفهد قعد جمبها .
زينه:مش بتبطل عياط يا بابا وانا خايفه عليها اوى .
الفهد:سبونى مع حياه شويا يا بنات .... روحى يا زينه ومتخافيش عليها .
زينه:حاضر .
زينه والبنات خرجو وفهد قرب وقعد جمب حياه وفتح ايدها وحياه ماصدقت ودخلت جوا حضنه وعيطت بزياده .
الفهد:وبعدين يا حياه ينفع اللى بتعمليه ده !!
حياه:انا عايزه فهد يا جدو هو مجاش معاكو ليه ؟!!
الفهد:انا مش هضحك عليكى .... وانتى مش عيله واكيد عارفه ان الموضوع كبير ومش سهل .... وفى تحقيقات كتير لازم تتعمل وللاسف فهد هيفضل فى القسم لحد التحقيقات ما تخلص .
حياه بعدت عن الفهد وبصتله بصدمه:يعنى فهد هيفضل محبوس يا جدو !!
الفهد:يا حبيبه قلب جدو انتى ..... فهد كويس وبعدين جوزك بطل ومش هيفرق معاه كام يوم حبس يعنى ..... وحفيدى هيخرج منها قبل الـ ٤ ايام ما يخلصو وده وعد منى انا ليكى .... انتى واثقه فيا مش كدا ؟
حياه:اكيد يا جدو طبعاااا .
الفهد باس راسها ومسح دموعها:يبقي تبطلى عياط عشان خاطر الصغنن اللى ملوش ذنب تنكدى عليه كدا .
حياه ابتسمت من وسط دموعها:حاضر يا جدو .
الفهد:يلا نامى شويا وبلاش تفكرى فى اى حاجه يا حبيبتى وانا هفضل جمبك لحد ما تنامى .
حياه نامت والفهد غطاها كويس وبقاا يطبطب على راسها لحد ما نامت .
الباب اتفتح ودخلت تمارا واتكلمت بهمس:نامت !!
الفهد هز راسه باه وباس راس حياه وقام من على السرير وخرج مع تمارا وقفلو عليها الباب وراحو على اوضتهم .
بقلم الكاتبة جنات
ــــــــــــــــ★ــــــــــــــ
كنان كان قاعد فى بلكونه اوضته وبيكلم راكان وريان .
راكان:وازاى ده يحصل ومحدش يعرفنى يا كنان ؟!!
كنان:كنت هتعمل ايه يعنى يا راكان ؟!!
راكان:كنت هاجى وابقا مع الفهد وزين فى الظروف دى .
كنان:كفايه الهم اللى انت فيه والمشاكل بتاعه الشركه اللى مش بتنتهى دى .... وبعدين احنا كلنا هنا سوا وان شاء الله فهد هيخرج منها .
ريان:ومين ممكن يقـtـل المهندس ده ؟!!
كنان:لسه التحقيقات شغاله اهو والفهد مش هيسكت متقلقش .
ريان:انا هكلم زين لو محتاجنى هنزل وابقا معاه .
كنان:خليك انت مع ابوك يا ريان وحاولو تخلصو من المشاكل دى عشان ترجعو بقااا .
راكان:ان شاء الله يا صاحبي .... بكرة هابقا اكلم الفهد .
كنان:تمام يا راكان .
كنان قفل معاهم ومريم جت قعدت جمبه:انا خايفه على فهد اوى يا كنان .
كنان:وانا زيك ويمكن اكتر ده حفيدى يا مريم ومش متخيل انه ممكن يقع فى مصيبه زى دى .
مريم:بس اكيد الفهد مش هيسكت .
كنان:يمكن ده اللى مطمنى شويا .... الفهد مش هيسيبه انا عارف .
مريم:ربنا يرجعه لينا بسلامه عشان خاطرنا كلنا .
كنان:يارب يا حبيبتى يارب .
بقلم الكاتبة جنات
ــــــــــــــــ★ــــــــــــــ
عدى يومين وادم ومراد اللى راحو شقه رياض ولاقو صور كتير لحياه بس لما قال لفهد رفض ان سيرة مراته تيجى فى القضيه كلها .
والكل منتظرين وبيدعو من قلوبهم ان رياض يفوق عشان الشرطه تاخد اقواله ويعرفو مين اللى عمل فيه كدا .
بقلم الكاتبة جنات
ــــــــــــــــ★ــــــــــــــ
فى المستشفى العسكريه اللى فيها رياض اللى فاق والدكتور استعدى الشرطه .
وصل رفعت ضابط تبع محمود
الدكتور:التقارير مش احسن حاجه الحاله حرجه جداا فلو سمحت يا حضره الضابط بلاش ضغط عليه .
رفعت هز راسه وقرب من رياض:رياض انت سامعنى .
رياض بصله بتعب وهز راسه باه .
رفعت:حمدلله على سلامتك يا رياض .
رياض هز راسه بدون كلام .
رفعت:مين اللى عمل فيك كدا يا رياض .... المهندس فهد اللى انت شغال فى شركه جده الفهد ؟!!
رياض بصله كتير ومش بيعطى اى رده فعل .
رفعت:انت لازم تساعدنا عشان نجيبلك حقك من اللى عمل فيك كدا يا رياض .... فهد كان موجود فى شقتك لما الشرطه وصلت .... والحكم واقف على اقوالك انت ...... فهد هو اللى ضربك بالسكينه .
رياض افتكر لما فهد دخل عنده وحاول يساعده وكلم الاسعاف وبص لرفعت وهز راسه بلا .
رفعت:بما انه مش فهد اللى عمل فيك كدا .... مين انت شوفته ؟!
رياض هز راسه باه بتعب .
رفعت:مين يا رياض ؟!!
رياض بيحاول يتكلم مش قادر وكان بيحاول ياخد نفسه وفجأه جهاز القلب صفر .
الدكتور جرى عليه وبص لرفعت:البقاء لله يا حضرة الضابط .
رفعت بصله اوى وخرج من الاوضه .......
