 |
رواية في قبضة الفهد ج 3 الفصل الثالث بقلم جنات
الرجاله والشباب كلهم متجمعين فى المكتب .
فهد:والله يا جدو زى ما بقولك جاد شاب محترم .... انا مستحيل كنت اوافق ان حياه تشتغل او حتى تتكلم معاه لو شوفت منه اى نظرة مش تمام .
حسن:فهد مش عارف انت قلقان ليه من ناحيته .... الولد محترم وكمان ممتاز فى مجاله واسمه مسمع مش بس فى ايطاليا لا فى العالم كله .
اسر:بظبط يا بابا .... وكمان من وقت وصوله مصر والكل بيتمنو انهم يشتغلو معاه وهو اختار شركتنا بالاسم .
زين بص لابوه اوى:حضرتك تحب اننا ندور وراه مثلا عشان تكون مطمن .
ريان:ممكن نوكل المهمه دى لادهم لانه ليه معارف كتير فى الشرطه .
ايان:وادم ومراد موجودين واكيد المهمه دى سهله جدا ليهم .
كنان:مش لدرجه دى يا شباب ..... روحو انتو نامو اليوم كان طويل النهارده .
الكل بصو لفهد اوى اللى بصلهم:روحو نامو وبلاش تفكرو كتير يلا ... ركزو فى شغلكو انتو .
الشباب كلهم خرجو .
راكان:فهد فهمنا انت قلقان اوى كدا ليه ؟!
الفهد ....
حسن:فهد انت قلقك ده كله بسبب انه كان عايش فى ايطاليا مثلا .
كنان:معقول يا فهد بعد السنين دى كلها لسه خايف من الماضي .
الفهد:مش خوف ..... بس نزوله مصر فجأه وكمان اختياره لشركتنا بتحديد ... مع انه شركاته ممكن تنفذ المشروع ده بكل سهوله .
حسن:هو لو عارف حاجه بالنسبه لماضيكو اكيد مش هيشتغل معاكو يا فهد .
راكان:صح هو ليه اسمه ومعروف فى كل العالم تقريبا اكيد مش هيغامر ولا ايه ؟
الفهد:صح .... والاكيد ان الموضوع ده من سنين واكيد اتنسي .
كنان بص لفهد اوى .
حسن:صح .... خلينا ننام بقا .
حسن وراكان خرجو وكنان لسه باصص لفهد اوى .
الفهد:مالك ؟
كنان:ما صدقتش كلامك الاخير ومتاكد انك هتدور وراه .
الفهد ابتسم على رفيقه اللى بيفهمه من نظرة:انا مش بثق فى حد بسهوله يا كنان وانت عارف .... مش اى حد ادخله بينا كدا من غير ما اعرف كل حاجه عنه من اول ما اتولد .
كنان:انت هتقولى صاحبي وانا حافظه وفهمه كويس .
الفهد:يلا روح انت نام .... وبلاش حد يعرف بكلامنا دا .
كنان قام وقف:اكيد يا صاحبي ... تصبح على خير .
الفهد:وانت من اهله .
كنان خرج وفهد مسك فونه ورن على حد وكان مستنى الرد .
بقلم الكاتبة جنات
ــــــــــــــــ★ــــــــــــــ
تمارا كانت فى اوضتهم بتستنى فهد وكانت مستغربه انه اتاخر جداا وخصوصا لما سمعت الشباب كلهم طلعو .
تمارا لبست اسدالها ونزلت تشوفه .
تمارا دخلت المكتب كان فهد بيتكلم فى الفون .
فهد اول ما شافها:تمام هابقاا اكلمك بعدين .... سلام .
فهد:مالك يا تماارا ؟
تمارا:انا اللى مالى بردو .... انت قاعد هنا لحد الوقت ليه مع ان الكل طلعو !
فهد:كان عندى مكالمه مهمه يا حبيبتى ... خلينا نطلع ننام .
فهد قام وقف ومسك ايد تمارا ومشي بس هى واقفه متحركش من مكانها .
فهد بصلها:فى ايه يا تمارا !
تمارا:انت كويس يا فهد .
فهد ابتسم:بخير يا نبض الفهد .
تمارا:حساك مخبي عنى حاجه ... اول مرة تبقي بتتكلم واول ما شوفتنى قفلت ... هو فى حاجه ؟!
فهد شهدها لحضنه:لا يا حبيبتى كانت مكالمه شغل عاديه وانا اصلا كنت بنهى المكالمه عشان اطلع وانتى دخلتى .
تمارا:هحاول اصدقك يا فهد .
فهد:يلا يا حبيبتى نطلع ننام وبلاش تفكرى كتير .
تمارا:يلا
بقلم الكاتبة جنات
ــــــــــــــــ★ــــــــــــــ
تانى يوم الكل متجمعين على السفرة .
زين:بابا .... لسه اسبوعين على الحفل السنوى للشركه ... حضرتك ناوى تعملها فى القصر ولا الشركه ؟!
الفهد:انا كنت ناسيها خالص .
حسن:خلينا نعملها فى حديقه الشركه زى السنه اللى فاتت يا فهد .
الفهد:تمام .... ومهمه تجهيز الحفله هتكون على حياه وحنين زى السنه اللى فاتت .
حنين:هنشرفك يا جدو لا تقلق .
ايان:بعد الجمله دى انا بذات نفسي بقولك اسحب منها المهمه دى بسرعه يا بوص .
كلهم ضحكو .
جنه ضحكت:مش هى بنتى بس انا مع ايان والله .
حنين:شايفه يا توتا بيقولو عليا ايه ؟!
تمارا:بس يا ايان انت وجنه دى نونا حبيبه قلبى .
حنين بعتتلها بوسه فى الهوا:قلبى يا قلبي .
الفهد:حياه .... باشمهندس جاد كان عايز يضيف حاجات على تصميم المنتجع .... خلصتيه ولا لسه .
حياه:هسلمه لحضرتك النهارده يا جدو باذن الله.
فهد:دى طول الليل سهرانه عليه يا جدو .
اسر:حياه بتحب شغلها وممتازة فيه .
الفهد بص لحنين:وحضرتك يا باشمهندسه حنين .... مش ناويه تبهرينا زى حياه كدا .
حنين وهى بتاكل:والله خايفه ابهرك يا جدو خوفا على مشاعر المهندسين اللى معانا فى الشركه .
زين:اللى هو ازاى يعنى ؟!
حنين سابت الاكل:ما هو انا لو ابدعت فى تصاميمى كدا هقطع عيشهم وانا ميرضنيش الصراحه .
كنان:لا يبقي وفرى ابداعك يا حبيبتى لتتحسدى .
حنين:وانا بقول كدا والله يا جدو ومحدش مصدقنى .
الفهد بجديه:حنين انتى هتشتغلى مع حياه على تصميم الشركه للباشمهندس جاد .
حنين:حاضر يا جدو .... مع ان متاكده ان حياه هتخلصه بمهارة ومش هتحتاج رايي اصلا .
راكان:قولى بقا انتى بتهربي من الموضوع بشياكه .
حنين:ده انا مرات حفيدك يا ريكو خليك فى صفى .
راكان:ده انتى حبيبتى يا نونااا .
الفهد:لو خلصتو كلام يلا على الشغل مش عايز تاخير .... وكلامى يتسمع يا حنين .... انا مش بحب الهزار فى الشغل .
حنين:حاضر يا جدو .
الكل خرجو على الشركه بعد ما كل واحد باس راس مراته كالعاده زى الفهد .
بقلم الكاتبة جنات
ــــــــــــــــ★ــــــــــــــ
فى ڤيلا ادهم .
نازله ديما مستعجله وهى شايله حور .
اسيل:يلا يا حبيبتى عشان تفطرى .
ديما:انا اسفه يا سولا كلمونى فى المستشفى فى حاله مستعجله ولازم امشي .
ادهم:طيب على مهلك يا حبيبتى .... وصلها يا ادم .
ادم:اكيد يلا يا حبيبتى .
ديما:يلا يا حورى روحى لسولا .
اسيل اخدتها من ديما وباستها من خدها:صباح الخير يا حوريتى الجميله .
ديما:عن اذنكو يا جماعه .
اسيل:روحى يا حبيبتى ربنا يوفقك .
ديما خرجت مع ادم .
ادهم:حوريتى القمرايه تعالى لجدو قبل يا يخرج .
حور نزلت من على ايد اسيل وراحت لادهم اللى شالها بحب:حبيبتى احلى حوريه .
ادهم فضل يلاعبها شويا ورجعها لاسيل وباسهم الاتنين من راسهم وخرج عشان يروح الشركه .
بقلم الكاتبة جنات
ــــــــــــــــ★ــــــــــــــ
فى شقه مراد وسيلا اللى كانت بتفطر يزن وهو بيلعب بالالعاب .
جرس الباب رن وسيلا قامت تفتح .
كانت بنت واقفه على الباب:دى شقه الرائد مراد .
سيلا:انتى فاطمه .
فاطمه:ايوا .
سيلا:اتفضلى يا فطوم .
فاطمه دخلت وشافت يزن قاعد يلعب .
سيلا:ده يزن يا فاطمه .... زيزو سلم على فطوم بسرعه .
يزن قام من مكانه ومشي ناحيته ومد ايده عشان يسلم عليها بس فاطمه رفعته من على الارض وباسته من خده:اهلا زيزو القمر .
سيلا:يزن فاطمه هتفضل معاك وتلعبو سوا لحد ما ماما وبابا يرجعو من الشغل .
يزن هز راسها باه .
سيلا:مش هوصيكى عليه يا فاطمه .
فاطمه:فى عينيا والله متقلقيش من اى حاجه .
سيلا:تسلملى عيونك يا قمرايه .
مراد خرج من الاوضه:جيتى يا انسه فاطمه ... اهلا وسهلا .
فاطمه:اهلا بحضرتك .
مراد:يلا عشان اتاخرنا يا سيلا .
سيلا:دقيقه بس هعرف فاطمه على اماكن حاجات يزن .... تعالى يا فطوم .
سيلا بدات تعرفها اماكن الهدوم والاكل وكل حاجه تخص يزن وبعد كدا خرجت مع مراد
بقلم الكاتبة جنات
ــــــــــــــــ★ــــــــــــــ
فى عربيه مراد اللى راكب وجمبه سيلا .
سيلا:انت واثق من البنت دى يا مراد ؟
مراد:ايوا يا حبيبتى .... وبعدين كانت شغاله عند شريف صاحبي انا وادم ...... انتى عارفه ان مراته اتوفت وهى بتولد وهى كانت النانى لبنته لحد ما راحت الحضانه .... وقالى انها محل ثقه متقلقيش اكيد انا مش هدخل اى حد بيتى ومع ابنى كمان .
سيلا:واهتمت بيها الفترة دى كلها مع انها شكلها صغير .
مراد:اللى متعرفوش ان فاطمه باباها اتوفى وكانت مامتها حامل فى اختها الصغيرة وللاسف هى كمان اتوفت بعد ما ولدت بشهر ..... وفاطمه سابت مدرستها ووقتها كانت فى ثانويه عامه وهى اللى اهتمت باختها اللى بقا عندها الوقت ٦ سنين .... وعشان تقدر تصرف عليها وعلى مدرسه اختها بدات تشتغل نانى .
سيلا:يا حبيبتى مرت بحاجات كتير وهى صغيرة اوى .... وبعدين انا اصلا ارتاحت ليها شكلها طيبه جداا .
مراد:انا مش مصدق انك وافقتى تجيبى نانى ليزن .
سيلا:وافقت عشان متقلش على ماما يا مراد .... انت ناسي ان ديما بتسيب حور معاها .... هى طبعا مشتكيتش والله .... بس يزن شقى ولما بيبقي مع حور الاتنين بيعملو بعمايلهم سوا .
مراد:عارف يا حبيبتى .... يلا وصلنا انزلى وانا هركن العربيه واحصلك .
سيلا:اوكى .
بقلم الكاتبة جنات
ــــــــــــــــ★ــــــــــــــ
فى شركه الفهد وتحديدا فى مكتب فهد حفيد الفهد وحياه قاعده معاه .
حياه:كدا التصميم بقا تمام اوى .... لسه تصميم الشركه .
فهد:هو جاد قالك على الاساسيات اللى عايزها فى التصميم .
حياه:لا لسه .... انا هروح اسلم لجدو التصميم واساله يمكن قاله هو .
فهد:تمام يا حبيبى ... واحنا كدا كدا فى اجتماع النهارده وهيحضره جاد ووقتها ممكن تعرفى منه .
حياه:انا عارفه ان حنين هطلع عينى فى التصميم ده .
فهد ضحك:اختى وانا عارفها ... بس متقلقيش بعد الكلمتين اللى قالهم ليها الفهد الصبح اكيد هتمشي مظبوط .
حياه قامت وقفت واخدت التصميم:يارب ... هروح انا لجدو .
فهد:حاضر .
حياه خرجت من مكتب وراحت مكتب الفهد وكان جاد واقف:صباح الخير يا باشمهندسه حياه .
حياه:صباح النور ... حضرتك داخل لجدو .
جاد:ايوا .
خرجت السكرتيرة من عند الفهد:اتفضل يا باشمهندس .
حياه:انا كنت عايزة ادخل هعطى حاجه لجدو وهخرج .
السكرتيرة:اكيد اتفضلى .
بقلم الكاتبة جنات
ــــــــــــــــ★ــــــــــــــ
فى مكتب الفهد .
جاد دخل:صباح الخير فهد باشا .
فهد:صباح النور يا جاد اتفضل .
جاد قعد مكانه .
الباب خبط ودخلت حياه:جدو انا خلصت التصميم ومحتاجه توقيع حضرتك عليه .
الفهد:اكيد يا حياه تعالى .
حياه قربت من الفهد اللى اخد منها التصميم وبدأ يبص عليه بتركيز .
وحياه كانت متوترة لان الفهد طول وهو بيشوف التصميم .
الفهد بص لحياه وابتسم:تسلم ايدك يا حياه التصميم فوق الرائع .
حياه ابتسمت:شكرا يا جدو ... كله بفضل حضرتك طبعاا .
الفهد مد ايده بالتصميم لجاد:اتفضل يا جاد اتفرج على التصميم لو حابب تضيف حاجه .
جاد اخد التصميم وبص فيه اوى:بالعكس التصميم ممتاز .... لو اى حد شاف تصميم زى ده اكيد هيقول انه طالع من تحت ايد مهندس كبير وخبرة فى مجاله .... تسلم ايدك يا باشمهندسه .
حياه:شكرا .
الفهد:حياه وحنين اصغر مهندسين عندى فى الشركه وماشاء الله عليهم ... وهما اللى هيشتغلو على تصميم شركتك يا جاد .
جاد:والله انا شرف كبير ليا ان احفاد الفهد بذات نفسه هما اللى بيشتغلو على تصاميمى .... وانا كنت جاى لحضرتك عشان اعرفك اساسيات تصميم الشركه ... لانى حابب انها تخلص فى اسرع وقت حتى لو قبل المنتجع كمان .... لانى بصراحه متحمس لشغل هنا فى مصر .
الفهد:اكيد ... حياه معاك اهى تقدر تعرفها وهى وحنين هيبداو شغل فيه .... وكمان سيلا مديرة الحسابات هتكون معاكو عشان تحسب ميزانيه المشروع كله .
جاد:طب تمام جداا .... تحبي نبدا هنا يا باشمهندسه ولا فى مكتبك او مكتبي .
حياه بصت لفهد ومش عارفه تقول ايه .
الفهد:تقدر تروح مكتبك يا جاد .... وحياه هتجيب حنين وسيلا وتشتغلو فى مكتبك .
جاد:تمام ... انا فى انتظاركو .
حياه:حاضر .
جاد خرج والفهد قرب من حياه وضمها لحضنه:حبيبه قلبي اللى رافعه راسي .
حياه:حبيبي يا احلى جدو .
الفهد:يلا روحى شوفى شغلك ... وقولى لحنين تركز كويس وتشتغل على التصميم بضمير ياما هتشوف منى وش من هيعجبها .
حياه:من عيونى هوصلها الرساله .
الفهد:يلا روحى وكلمى سيلا تجيلكو .
حياه:حاضر يا جدو .
الفهد:مش ناوين تبطلو كلمه جدو دى فى الشركه
حياه:ماهو بصراحه يعنى مستر فهد دى مش مبلوعه انت جدو حبيبنا وبس .
الفهد ابتسم:وانا سايبكو على راحتكو عشان بحب اسمعها منكو ... يلا على شغلك .
حياه:باى يا احلى جدو .
حياه بتفتح الباب عشان تخرج وكان فهد جاى لجده واتخبطت فيه .
فهد:ايه يا حياه بتجرى كدا ليه ؟!
حياه:كنت راحه لحنين وسيلا عشان نروح لباشمهندس جاد فى مكتبه .
فهد:طيب تمام بس براحه بلاش تجرى يا حبيبتى.
حياه:حاضر .
حياه مشت وفهد عينه عليها وبيبصلها بحب
وبعد كدا دخل للفهد .
الفهد:خلصت العقود يا فهد .
فهد:ايوا يا بوص كله تمام ... اتفضل .
الفهد اخد منه الورق وبص فيه:تمام يا فهد ... كدا ناقص جاد يوقع عليهم .
فهد:فى الاجتماع النهارده يوقعهم .
الفهد:اكيد .
فهد قعد على الكرسي:جدو كنت عايز اطلب من حضرتك طلب ممكن ؟
الفهد:اكيد اتفضل .
فهد:المنتجع اللى هيتصمم فى شرم الشيخ انا حابب انا اللى اسافر اتمم عليه .
الفهد ابتسم لانه فاهم دماغ احفاده كلهم:وماله سافر .... وياترى هتسافر لوحدك ؟!
فهد:لا بصراحه هاخد حياه معايا .... نخلص شغلنا ونغير جو يا بوص .
الفهد:بس كدا ايان وادم ومراد كلهم يقولو عايزين يطلعو .
فهد:والله لولا الشغل كنا طلعنا كلنا ... احنا بقالنا كتير معملنهاش مع بعض .
الفهد فكر شويا:خلاص سافر انت وحياه وانا والعيله هنحصلكو على هناك نقضي اسبوع فى الشاليه .
فهد:اهو ده التفكير ولا بلاش يا بوص .
الفهد:بس متعرفش حد الوقت اظبط الدنيا وبعد كدا هعرفهم .
فهد:تمام يا كبير ... هروح انا اكمل شغلى .
الفهد:روح .
فهد خرج والفهد ابتسم على حب احفاده واتمنى ليهم ان ربنا يديم عليهم لمتهم .
بقلم الكاتبة جنات
ــــــــــــــــ★ــــــــــــــ
حياه وحنين وسيلا راحو مكتب جاد اللى بدأ يشرحلهم اساسيات الشركه اللى هيفتتحها فى اسكندريه .
حياه وحنين كانو بيكتبو كل كلمه هو بيقولها وسيلا كانت بتحسب الميزانيه بشكل تقريبى .
وبعد وقت طويل خلصو شغل .
والكل راحو على اوضه الاجتماعات وكان الاجتماع اللى جاد هيوقع فيه العقود مع شركه الفهد .......
