رواية ام للايجار الفصل الثالث بقلم جمانه السعيدي
سميه اليوم هذا صاحب الشركه الكبالي
اشترا مني جكاير وانطاني عشره وماقبل ياخذ الباقي
امي ليش يمه ديري بالج ترا هاي بدايته ينطيج فلوس وبعدين يستغلج
سميه لا ماما اني بنتج لاتخافين عليه رحت رجعتهن
علي هو استغرب يتوقع لان فقيره اخذهن وافرح بيهن
امي عفيه بنيتي صيري قويه ولاتخوفيني عليج
( بيت قصي )
قصي هلو حبي
سودد هلو ياعمري منتضرتك اريد احجي وياك بموضوع مهم
قصي اي اسمعج
سودد يكولون اكو دكتور تعالج حالتي جانت تدرس بلخارج
قصي اخاف عليج حبيبتي
سودد لاتخاف ترا اني حياتي بدون طعم اريد طفل يونسني ويرد عليه الوحشه
قصي بكيفج شوفي الحجز واني اروح وياج
سودد انشاء الله
جمانه السعيدي
وفعلا حجزنا ورحنا للدكتور وبدت سودد العلاج
ونزرع الأمل بنفسه مره ثانيه
من ضمن العلاج اكو ابره لازم تنضرب داخل الرحم
هاي الابره غاليه ولازم واحد يحجز من الخارج
ومو اي واحد يكدر يشتريه
وبعد كلمن وحده ونصيبه
فات ست اشهر وهي تاخذ علاج بس بدون فايده
يمكن هاي الدكتوره نصابه
ذبينا كومه فلوس وكلشي ماكو
من البدايه الدكتور ماكالت ماكو امل لا خلتنا نجرب
واحنا ونصيبنا
قصي حبيبتي وقفي العلاج اخاف عليج هيج علاجات خطره
سودد وشلون نبقى هيج
قصي الله كريم
سودد شنو رائيك نتبنا طفل يمله علينا حياتنا
قصي اني مااربي طفل اله ابني ويكون من صلبي
او ابقى هيج طول عمري فهمتي
سودد زين ازوج حتى يصير عندك اطفال
قصي اني مزوج حبيبتي واريد منه اطفال
سودد لكيت فكره ازوج وحده بس تحبل تنطيني الطفل
اني اربي ويكون باسمي
قصي وين نلكه وحده هيج بس بالاحلام
وين اكو وحده تحمل وتجيب وتنطيج ابنه
حتى البزونه ماتقبل واحد يقرب على اطفاله
سودد انت ليش ماتنطيني امل معقوله ماكو وحده تقبل تزوجك وتحمل وتنطيني الطفل
يعني نشتري منه مشترا
شكد ماتريد ننطيه ويكون من صلبك وابنك واكون اني امه
جمانه السعيدي
قصي عوفي هاي السالفه يمعوده
اكيد انتي جاي تختبريني
تشوفين احبج لو لا
اطمني احبج واموت عليج وماابدلج بكل نسوان الدنيا
حتئ لو ازوج وحده وجيب بيوم واحد عشر ولد
هم ماابدلج انتي حبيبتي ومآ استغني عنج ابد
سودد ولله اني شفت مسلسل يزوج وياخذ الطفل هو وزوجته ويسجلو باسمهم
قصي انتي كلتي مسلسل يعني مو حقيقه احنا مجتمع شرقي والأم تكون ام حقيقه ومستحيل تعوف ابنه
سودد ولله طيرت واهسي حتى احلامي طيرتهن
قصي اذا مقسوم النا اطفال اكيد رب العالمين مراح ينسانا ابد
سودد فدوه الرب العالمين ولله صبري خلص
قصي نسافر نتونس اي مكان تردي
سودد لا مااريد فدوه فكر بهاي الغكره معقوله ماكو وحده فقيره تقبل بهيج عرض
قصي لا انتي تخبلتي رسمي سدي هذا الموضوع رجاء
سودد انت لاتقبل نتبنا طفل ولا واحد من اخو انك اتبرعلنا بطفل
واني كل هذا الخير مامالي عيني اريد طفل اريد اعيش احساس الامومه
جمانه السعيدي
قصي ثاني يوم من شفت سميه رجعت فكرت سودد
ابالي صحيح ليش ماازوج واشرط عليه ليكدام
بس تحمل وجيب ناخذ الطفل منه
مقابل اي طلب تطلبه وهيج يكون الولد ابني من صلبي
ونربي اني وسودد
وهي تروح تزوج وتعيش حياته
ويصير عدها اطفال
يمكن اني جاي احلم حلم اكبر مني صحيح اني من حقي ازوج ويصير عندي اطفال بس سودد شلون
اني احبه ومااكدر استغني عنه ابد
واحتمال اذا ازوجت راح تنقهر ويجوز تصير مشاكل
ايجوز لا اكيد راح تصير مشاكل
وادخل بمعمعه ماله اخر
بس فكرت سودد خوش فكره ناخذ الطفل ونعيش اني
وسودد بسلام واسجله باسمي واسمه
الله حلوه الفكره بس مامعقوله اكو وحده تبيع طفله
هسه سودد منين جابت هاي الفكره
كله من ورا المسلسلات ولافلام خربت عقول النسوان
سميه تعودت على الشغل وهواي ناس كامت تعرفني وتشتري مني
بس شكد محتشمه ماخلصانه من المضايقات ابد
شحالي او ملفله وعباتي ملحه وماخلصانه
لو محمره شسوي بيه
بس ميخالف مااخاف منهم رب العالمين يحميني منهم
المشكله كل الي احصله رايح مسواك وعلاج الامي
ومصاريف الخواتي
يعني مجاي يصير عندي زياده ابد
اهم شي رب العالمين ساترنا بستره
جمانه السعيدي
قصي صار اسبوع وفكرة سودد ماتروح من بالي ابد
هسه هي فكره مو معقوله
ولا يمكن يقبله عقل
بس ليش ماتروح من بالي ابد
مااعرف شلون وازاني الشيطان وقررت أعرض هاي الفكره
على سميه بياعت الجكاير
رغم هي لا مستواي ولا نفس تربيتي ومن بيئه غير بيئتي
واكيد مراح توافق
يمكن حتى ماتعرف تقرأ وتكتب
ويمكن اني تخبلت خبلتني سودد بافكاره الغريبه
وين اكو وحده
تقبل تبيع ابنه تحت اي ضرف مستحيل تقبل
بس قررت اجرب واني ماخسران شي
على الاقل سميه كبال عيني واعرفه واعرف اخلاقه زين
وبنيه محتشمه
ايجوز اذا أعرض عليه مبلغ مالي محترم
ابدال كعدته بلشارع توافق
حتلو تريد راتب شهري يعني بدال ماكاعده بلشارع
تجيه الفلوس وهي كاعده بلبيت
مو ارحمله من هاي الذله
بيقت انتضره منا لمن بدت تجمع غراضه تريد ترجع للبيت
ودزيت العامل عليه
....استادي يريدج
...منو استادك
...استاذ قصي
...وشيريد استاذ قصي
...مااعرف شيريد تعاي وشوفي شيريد
...روح كله اني مااشتغل عنده اذا يريدني هو يجيني
...هاي شبيج يجوز يريد ينطيج فلوس
...مامحتاجه فلوسه
...هسه ماتجين
...مااجي اذا عنده شغله كلش مهمه يجي ويحجي وياي
اله خمس دقايق اذا مااجه راح اصعد بلخط وارجع للبيت
