 |
رواية آروتا الفصل الرابع بقلم عمرو البليهي
"امنيه رأفت "
يلااااا ي امنيه هنتاخر ع الكليه!
امنيه : حاضر ي هنا نازله اهووو .
انا امنيه رأفت ٢١ سنه كليه فنون جميله.
انا الابنه الوحيدة ل بابا وماما،
معنديش أصحاب كتير يمكن أقرب واحده هنا عبد العزيز صاحبتي واختي وكل حاجة ليا اتعرفنا ع بعض ف سنه اولي وبقينا مع بعض في كل مكان حرفيا.
هنا: ايه كل ده بعد كدا هسيبك وامشي.
امنيه: متقدريش حد يسيب روحه!
هنا: والنبي انتي رايقه ع الصبح وانا مش طايقه نفسي ومش قادره اروح الكليه وجايه عشانك.
امنيه ب ابتسامه: طب يلا قدامي ع الاتوبيس.
هنا ب سخرية: حاضر ي رايقه.
- بحب هنا اوي مع اننا مش أصحاب بقالنا سنين بس بقينا زي الأخوات بسرعه بعتبرها كل حاجه بالنسبالي.
__________________
01:00 الظهر
"كليه فنون جميله "
- وبكدا تكون المحاضره خلصت ي شباب
ان شاء الله الامتحان العملي الاسبوع الجاي اي أسئلة ؟؟
شكرا لحضراتكم اللي عايز يتفضل، يتفضل.
امنيه: انا جعاااانه ي هنا تعالي نروح ناكل من الكافتيريا.
هنا: بلا كافتيريا بلا بتاع بينا ع البيت امي عامله بانيه تعالي هأكلك.
امنيه ب ضحك: لا ي بنتي هتكسفيني كدا.
هنا: اكسفك اه قاعده، نايمه ،واكله ف بيتنا
دلوقتي اكسفك دي امي بقت بتشوفك اكتر م بتشوفني!!
امنيه ب ضحك: خلاص طالما انتي مصره هاجي.
هنا: صبرني يارب وعدي اليوم ده عشان مموتهاش.
______________
03:00
هنا ب هزار : مش يلا بقي عشان نذاكر، اعتقد انتي اتغديتي واتعشيتي.
امنيه: قري عليا بقي ع اساس اني طخينه اوي.
باب الاوضه بيتفتح فجأه!
هنا بعصبيه: مش تخبط الاول ي جحشششش!!!
آدم: ايه ده لمؤخذة ي هنا معرفش ان حد معاكي ف الاوضه.
امنيه: خلاص ي هنا محصلش حاجه زي اخويا الصغير.
هنا: انجز ي آدم شوف هتجيب ايه من الاوضه واطلع.
- روحت البيت بالليل بعد م نزلنا ذاكرنا شويه ف الكافيه انا وهنا وحطيت التلفون علي الشاحن عشان كان فصل شحن.
- اخدت دش وعملتلي حاجة خفيفه اكلها
ومسكت التلفون شويه.
" طلب صداقه+ رساله من آدم عبدالعزيز"
مسكت التلفون واستغربت : آدم عبدالعزيز؟؟
مش ده اخو امنيه، غريبه
قبلت طلب الصداقه بحكم انه اخو صحبتي الصغير عادي ودخلت اشوف باعت ايه قلقت يمكن حصل حاجه ل هنا؟؟؟
آدم: ازيك عامله ايه؟
رديت وانا قلقانه ع هنا : الحمد لله تمام ي آدم انت اخبارك ايه؟
في حاجه ولا ايه ي آدم هي هنا كويسه؟؟؟
آدم: لالا هنا زي الفل.
- طلع معجب ب بنت وعايزني انصحه.
- ههه انت ملقتش غيري بجد؟؟
قدمتله شويه نصايح وقفلت كلام معاه وقفلت التلفون وقعدت ع السرير.
- ايه ي امنيه اللي فات مات مش هفتكره تاني لأ ومش عايزه افكر ف الارتباط تاني
ورايا امتحان يوم الخميس ولازم اركز.
سرحت ع السرير وغفلت وانا بفتكره ، بردوا عقلي مسبنيش لحد م صحيت فجأه مفزوعه.
________________________
صحيت وانا بردد اسمه.
يوسف يوسف!!!!!!!!
- ي تري مين يوسف؟
- وايه اللي حصل م بين امنيه ويوسف؟
- وهل آدم هيتشجع وهيغير نفسه عشان امنيه؟
