 |
رواية آروتا الفصل الخامس بقلم عمرو البليهي
" هذا ما حدث معي"
____________________
شوفي من اللي بيخبط ع الباب ي امنيه.
_ حاضر ي ماما
_فتحت الباب عشان الاقي شاب اول مره اشوفه قدامي، شكله مش من العماره
طويل و ابيضاني.
_ ايوه حضرتك عايز حاجه؟
_ انا يوسف جاركم ساكنين النهارده جداد هنا اتشرفت بمعرفتك.
_ مردتش عليه لاني مش بتعامل مع ولاد كتير وهزيت رأسي عشان محرجهوش.
_ كنت عايز اعرف بس هي الكهرباء قاطعه عندكوا ولا احنا بس
_ رديت باستغراب: لأ شغاله عادي
_ لا يبقي المشكله عندنا احنا بس تقريبا العداد عايز يتصلح، ماشي شكرا ي اسمك ايه بقي عشان معرفتش ؟
_ بكسوف: امنيه
_ ماشي ي امنيه شكرا.
_ قفلت الباب وانا مكسوفه لاني نادرا م بتعامل مع ولاد في حياتي كلها،
وكمان قالي اسمك ايه ف كنت ف قمه الخجل.
_ نزلت عشان احجز دروسي قبل بداية الثانويه العامه، وطبعا كنت بنزل مع ماما عشان معنديش أصحاب غير حبه صغيرين وتعامل سطحي.
_ بيقولوا فيه مدرسين جداد جم السنتر السنه دي حظكوا حلو ي امنيه.
_ اكتبي اللي انتي شايفاه حلو ي ماما.
_ ماما كتبتلي اسامي المدرسين وخلصنا لاني معرفش حد فيهم.
_ نزلت كورس الرسم بالليل لاني بحب الرسم اوي ونفسي ادخل كليه ليها علاقه بالرسم بس بابا عايزني ادخل كليه كويسه.
_ وانا طالعه من بابا الشقه لقيت يوسف قدامي هو كمان كان نازل وشافني وانا طالعه.
_ امنيه ازيك عامله ايه؟
_ وقفت زي الصنم ف مكاني ومعرفتش ارد ، نزلت جري مكسوفه وكنت ف نص هدومي بجد.
_ فضلت ف كورس الرسم بفكر ف الموقف، مش عارفه هشوفه تاني ازاي بعد اللي حصل.
_ حاولت مطلعش من البيت قبل الدراسه عشان مقابلهوش بالصدفه.
_بس كان لازم اطلع عشان اجيب طلبات البيت بس الغربيه اني مقبلتوش طول الاسبوع ده !!؟
_ بدأت الدراسة وصراحه كنت عايزه اشوفه قبل م انزل دروسي.
_ بس نزلت وفضلت المحه ب عيني ف اي مكان قدام العماره مشوفتهوش.
_ روحت الدرس كان أول حصه ليا تاريخ واخدت الجدول واسامي الاساتذه.
_ اممم اول مدرس ورايا بتاع التاريخ اسمه" يوسف إدريس"
دخل علينا المدرس وانا بقراء ورقه الجدول.
- هو انت!!؟!؟!
