 |
رواية آروتا الفصل السادس بقلم عمرو البليهي
"ليتني لم أقع ف حبك"
_______________
بما اننا اول حصه ف السنه احب اعرفكم بنفسي انا مستر " يوسف إدريس"
مدرس ماده التاريخ ان شاء .
_ بصيتله بكل ذهول وكنت بحاول مبينش ملامح وشي .
_ شكلها هتبقي سنه مرار عليا.
_ خلصت الحصه وانا حرفيا طول الحصه كل م ابصله مكسوفة ابصله اصلا ، وقعدت ادعي ان الحصه تخلص بسرعه.
_ روحت البيت جري عشان مشوفهوش وكان شكلي زي العبيطه وانا بجري بجد .
_ ماماااااااااااااا !!!
_ ايه ي عيون ماما
_ انا عايزه اغير مدرس التاريخ مش عاجبني شرحه.
_ وانتي من امتي ي أمنيه مش بيعجبك المدرسين يعني م طول عمرك بتحضري وبتفهمي من اي حد؟؟
_ مهو ده مش مستوعبه شرحه ي ماما بجد .
_ ماما بصتلي باستغراب : مدرس التاريخ ده بقي بالذات حلو لان خالتك هي اللي قايلالي عليه وبعدين ده مستر يوسف اللي ساكن فوقنا، الراجل لسا صغير ومجتهد وشاطر وكل الناس بتشكر فيه.
_ حاولت ادخل عليها ب الحنين: امممم يعني مش هتغيري رأيك عشان خاطر بنتك حبيبتك اللي ملكيش غيرها.
_ لأ ي عيون ماما مفيش غيره انا ضامنه انه كويس ركزي انتي بس وهو هيخليكي تقفلي التاريخ.
_ استحلفكي بالله ي أمي مش مستوعبه منه كلمه.
_ ادخلي ي بت ع اوضتك وبلاش دلع عشان مكلمهوش اوصيه عليكي
_ لالالالا وعلي ايه خلاص الطيب احسن خلاص
_ دخلتي اوضتي عشان افكر ف حل.
_ شكلك مش هتجيبها البر ي يوسف ي إدريس.
_ نمت شويه عشان اعرف اصحي اذاكر،
وصحيت علي صوت ماما وهي بتندهلي.
_ قومي افتحي الباب ي امنيه.
_ يوووووو هو مفيش غير امنيه، اه صح مهو مفيش غيري فعلا انا لسا نايمه ولا ايه.
_ فتحت لقيت بنوته زي العسل شكلها حوالي ١٠ سنين، وبتبصلي بذهول.
_ ايه ي روحي انتي تايهه ولا ايه؟
_ ردت عليا وهي متعجبه: هو مش المفروض ده الدور الرابع ي طنط؟؟
_ طنط؟؟؟؟؟؟؟؟؟
ماشي هعديهالك عشان شكلك كيوت وعسوله، لأ ي قلبي ده الثالث، الرابع فوق تعالي اما اطلعك عشان متوهيش، اسمك ايه بقي ي قمر؟
_ دعاء.
_ تعالي ي دودو.
طلعتها ورنينا الجرس واستنينا حد يفتح لكن محدش فتح.
_ انتي متأكده ان حد جوا ي دودو ؟
_ المفروض اخويا يبقي جه دلوقتي.
لسا مخلصتش جملتها والاقي اللي جه ورانا.
_ معلش ي دودو لسا مخلص شغل وجيت بسرعه عشان افتكرت انك هتخلصي قبلي.
_ اتجمدت مكاني اول م شوفت يوسف، ده ايه اليوم التحفه ده اشوفك مرتين ف اليوم.
_ دعاء: م بدري ي سي يوسف
_ يوسف بيضحك: م تبطي لماضه بقي قدام امنيه عيب بقي احترميني.
_ دعاء بنظره خبيثه: وكمان عارف اسمها ده انا لسا معرفتهوش.
_ يوسف اتكسف هو كمان وبصلي وضحك: اتعرفت عليها ف اول يوم جينا فيه كنت نزلت اسألها علي حاجه وبطلي اسأله وخشي جوا يلا.
_ دخلت دعاء ويوسف شكرني واعتذرلي عشان كنت واقفه معاها لحد م هو جه
_ يارب تكوني فهمتي من حصه النهارده.
_ انا ؟؟؟ اه اه فهمت ايوا
_ ضحك وقالي هسمعلك اول واحده الحصه الجايه وهشوف فهمتي ولا لأ.
_ ابتسمت ابتسامه خفيفه واتسكفت ونزلت علي طول، دخلت اوضتي وحطيت راسي ف المخده وصرخت.
_ اية الي بيحصلك ي امنيه؟
ابتسمت وفكرت فيه شويه ومعرفتش اذاكر ونمت تاني لحد الفجر.
صحيت وكنت جعانه ف اكلت وقعدت اذاكر تاريخ وعربي لحد معاد اول حصه انجلش ف السنه.
_______________________
نزلت وكنت واخده بالي ل يوسف يقابلني كنت عامله زي اللي عليها طار ومستخبيه.
حضرت حصه الانجلش وخلصتها وقولت اروح اكل عشان عندي فاصل ساعه عن درس الجغرافيا.
. وقفتني بنت عند بوابه الدرس.
_ بقولك ي قمرايه معاكي صور حصه الانجلش صح؟
_ انا ؟ اه معايا
_ طب ينفع تاخدي رقمي تبعتيهولي بعد اذنك.
_ حاضر عيوني
_ سجليه هنا زيزو بقي.
_ مين ي اختي؟؟
_ هنا عبد العزيز دلعي زيزو.
_ اوكي ي زيزو.
- مش بحب اختلط ب الناس خالص ولا بفكر ان ف يوم دي تبقي صحبتي بجد،
المهم خلصت وبعتلها الصور ف طريقي و حضرت الحصه وخلص اليوم اخيرا.
روحت اخدت دش وروقت ع حالي وقعدت عشان اذاكر ،
دخلت ماما عليا فجأه.
_ بقولك ي نونه.
_ ايه ي قلب نونه ؤمري
_ انا رنيت علي السنتر عشان يغيرلك مستر التاريخ اللي مش عاجبك عشان متضايقيش اهو وهتروحي بكرا للمدرس الجديد.
_ نعمممممممممممم!!!!
__________
