رواية ام للايجار الفصل الخامس بقلم جمانه السعيدي
سميه قررت ابيع البيت لان مااكدر اعوف امي اضيع مني ابد
رحت للدلال وبديت اوصف البيت
...اي شايفه بيتكم واندله
سميه اريد ابيعه مستعجله على بيعته
...اني هسه ماجوه ايدي فلوس انتضريني اسبوعين
وتجيني فلوس
سميه هواي اسبوعين اني اريد الفلوس اليوم لو باجر اكثر شي
...هسه ماعندي سيوله جوه ايدي ابد
سميه رحت الواحد ثاني حيل كسر سعره انطاني نص قيمته
لان عرف اني مستعجله على البيع
رجعت للببت كلش ضايجه ومهمومه
شنو الحل ووين اروح
بليل ماكدرت انام ابد كلما اتخيل امي ميته
اتخبل معقوله امي تموت وتعوفنه
تعرفون شنو العذاب الحقيقي
شخص تحبه يتالم كدامك وماتكدر تسوي شي
جمانه السعيدي
قصي طبعا اني غلطان امشي على كلامج
سودد ليش
...اكو بنيه فقيره تبيع جكاير عرضت عليه العرض الي
كلتي علي وماقبلت ابد
سودد وليش ماقبلت عيوني اذا فكر على شنو متعافيه
مثلا
قصي صدك هو عرض مجنون وين اكو وحده تبيع ابنه
سودد هسه نلكه وحده غيره اصبرلي واني راح الكه وحده تقبل ومبلغ قليل هم
قصي انتي جاي تحلمين هاي القصص بس بلافلام
سودد اكو صدك اكووو الناس علمود الفلوس كلشي تسوي
سميه بليل رجع اشتد الوجع على امي مره ثانيه
خطيه تتلوا والوجع اخذه
كل العلاج مجاي يجيب وياها نتيجه
اني بلبدايه جنت متوقعه الدكتور يغير العلاج وتصير زينه
حتلو شويه اغلى
لان هي من زمان ماشيه على العلاج
بس شغلة العمليه اجتني صفح
لا على البال ولا على الخاطر
للصبح يله نامت امي
وماكان كدامي غير حل
راح اروح القصي واقبل العرض اني لازم اضحي علمود امي
اذا فقدته مراح اسامح نفسي بيوم من الايام
طلعت الصبح من وصلت
ماطلعت البسطيه بقيت انتضر اباب الشركه
والرايح والجاي يباوع عليه
الساعه تسعه وربع يله اجا بس نزل من السياره
اني رحت علي
سميه صباح الخير استاذ قصي
.قصي كلش استغربت من وكفته ومبين عليه القلق والخوف
...صباح الخيرات شكووو
سميه اريد احجي وياك بموضوع مهم
قصي تعاي خل ندخل جووه
دخلنا وصعدنا فوك نزع سترته وكعد ورا المكتب
قصي متريكه اجيبلج جاي
سميه ماعندي وقت ابد اني موافقه على العرض الي عرضته عليه
قصي شعجب ماكان هذا رائيج قبل
سميه فدوه محتاجه الفلوس امي لازم تسوي عمليه بسرعه
قصي شكد المبلغ
سميه مااعرف المبلغ شكد بلضبط بس هواي
قصي اوكي اني راح اتكفل بكلشي يخص عملية امج
بس بلبدايه نكتب عقد ويشهد على المحامي
جمانه السعيدي
سميه عادي مستعده الاي عقد
قصي خل اتصل بلمحامي يجي بسرعه
فعلا اتصل بلمحامي وبقيت كاعده انتضره
وقصي يمشي شغله واني كاعده على نار
ساعه يله اجا المحامي
كانت شروط العقد
اولا زواج بس عقد شيخ ماكو عقد محكمه حتى مااكدر
اخذ اي حقوق بعد الطلاك
ثانيا الطفل الي يجي يتسجل باسم سودد
ثالثا السكن بنفس البيت اني وسودد حتى تنتبه الوضعي
وتراقبني خاف ارجع بكلامي
رابع اي حقوق ماليه بعد الطلاك
خامسا مجرد ماينولد البيبي اكتب تنازل عنه وماليه الحق
ادخل باي شي يخصه
وقعت وكتلهم مواففه مراح يكون ابني اعز من امي
قصي بقه شي اخير نروح للمستشفى نسوي كشف
اذا كنتي قادره على الإنجاب لولا
سميه موافقه
طلعنا على أقرب مستشفى اهلي وسويت الفحوصات الازمه وسونار
بعد ساعه انتضار طلع كلشي تمام ومستعده للانجاب
كل هذا الوقت واني امشي ويااا بنفس ملابس الشغل والنقاب وهو اخر كشخه والعطر بعد سبعه متر
وابد ماطلب يشوف وجهي
كان همه الاكبر يتمم هاي الصفقه بسرعه
بعدين طلع وحجزنا الامي يم دكتورها وحددنا موعد العمليه
بمستشفى اهلي وقصي دفع كل الرسومات
واشترا كل الشغلات الي تخص العمليه
جمانه السعيدي
رجعت للببت بعد اذان اامغرب واني ماماكله اي شي من الصبح الحد مارجعت
سميه هااا ماما شلونج اليوم
...نفس وضعي ليش اتاخرتي
...حجزتلج للعمليه وجنت امشي للاجرائات
..منيبن جبتي الفلوس
...لاتخافين ربج دبرهن
...منيبن كولي منيبن الفلوس
...اخذت قرض واتفقت اسدد من البسطيه كل شهر قسم
...ليش تحملين نفسج فوك طاقتج اذا اليه عمر اعيش
واذا الله يريد ياخذ امانته الدكاتره مااطول عمري
سميه ...تعيشين وانتي تتعذبين انطيج كليتي وعيوني
وكلبي ولا اشوفج تتعذبين ابد
....يايمه الحمل عليج هواي
...الله ماينساني ابد
جمانه السعيدي
قصي تعاي سودد عندي الج خبر بمليون دولار
سودد فرحني بسرعه لان نسيت طعم الفرح
قصي لكيت بنيه تقبل بهذا العرض
سودد تحجي صدك
...اي نفس البنيه الي رفضت خطيه محتاجه تسوي عمليه الامه واجتني اساعده
سودد سكتت
قصي ليش سكتي اني كلت هسه تفرح
سودد خاف تغيرك عليه
قصي كل نسوان الأرض ماتغيرني عليج ابد
سودد اتفقت وياها على كلشي
قصي لا تخافين كلشي تمام وهذا العقد اقري وشوفي توقيعه حتى تتاكدبن
سودد اؤوووو ولله اخيرا راح اصير ام
بس خاف ماتحبل
قصي مانسيت هيج شي سويتله فحوصات طلعت تمام
سودد حضنته وبسته شكرا حبيبي راح اصير ام بفضلك
راح يتحقق حلمي اخيرا
اذا ولد شراح نسمي واذا بنيه
قصي بكيفج حبيبتي انتي امه وانتي اختاري الاسم الي يعجبج
سودد الله شكد حلوه هاي الكلمه انتي امه
اني امه اني امه
جمانه السعيدي
سميه ثاني يوم لكيت قصي منتضرنا باب المستشفى خاف نحتاج شي
امي منو هذا الي خلص اوراقنا
سميه هذا صاحب الشركه الي كتلج علي هو انطاني القرض وكال اروح وياج خاف امج تحتاج شي
امي وشطلب منج بلمقابل
سميه ماطلب شي يريد يساعدنا وبس
فعلا كمل كلشي وامي دخلت للعمليات
قصي نسيت البارحه اخذ رقم تليفونج
سميه ماعندي تليفون
قصي ليش
سميه الوضع مايسمح بتليفون ورصيد
قصي اني باجر اشتريلج تليفون وخط
سميه بقينا كاعدين على نار وماخليت لا ايه ولا دعاء مادعيت
واروح وارجع بلمررر
قصي اكول لكلبي ياربي هاي شنو من بنيه
شكد قويه لا رفعت البوشيه لا شربت ماي
شلون محتاره بامه احسن من عشر ولد
لو وحده غيره جان كالت اني مراح اكدر اساعده امي
ولي كاتبه رب العالمين يصير
ساعتين اله ثلث يله طلعت امي من العمليات
والدكتور سجل علاج وابر
راح قصي اشتراهن من صيدلية المستشفى
بعدين كال اني راح ارجع للشركه واخر النهار اجي اطمن
على الحجيه
ورا نص ساعه يله كعدت امي بس تون
الساعه وحده جابولنا غده دازه قصي من المطعم خدمة توصيل
طبعا امي ممنوع عليه هيج اكل
اكلت اني شويه والباقي انطيته للعمال بلمستشفى
انطيت للعامل فلوس حتى تنتبه الامي اروح اغير ملابسي واجيب اكل واجي
طلعت رحت للبيت غيرت ملابسي وجبت اكل خاص الامي الدكتور وصا بي ورجعت بسرعه
البنات كالن انروح وياج اشوف امي
اخذتهن ورحنا للمستشفى
لكيت امي كاعده والعامله تسولف عليه
سلمن البنات عليه ووكلته
جمانه السعيدي
للمغرب رجع اجا قصي بس شفته نزلت البوشيه على عيوني
قصي السلام عليكم شلونه الحجيه
امي الله يسلمك رحمله والديك ماقصرت
سميه اهلا وسهلا قربت علي وكتله اريد احجي وياك
طلعنا برا الغرفه وكتله لتحجي بموضوعنا كدام امي لان ماتعرف ابد
قصي تمام جبتلكم عشى وراح اسئل الدكتور عن صحة امج
اذا محتاجين شي كولي
جبتلج تليفون هاج اذا احتاجيتي شي اتصلي عليه
هذا رقمي سجلته
