رواية انا وزوج أختي الفصل الخامس بقلم جمانه السعيدي
مريم ايام الفاتحه كانن ايام سود وصعبات علينا كلنا
اني بس حاضنه نرجس وابجي
لا اكدر اروح يم النسوان ولا اكدر اكل بس اشرب مي
كاعده وكل شويه اكول بلكت يطلع حلم لو كابوس
بلكت يخلصن ذني الايام وترجع زهراء
خوات امجد وامه كاعدين عدنا بلفاتحه كعده
ويواسن بيه على هاي المصيبه الي حلت علينا
عمار راح جاب خواته يخدمن بلفاتحه شالن البيت شيل
علي بس بليل يجي يشوف نرجس
راد ياخذها ويااا بس هي ما قبلت لازمتني من ركبتي وتبجي
هنا عمر نرجس كان سبع اشهر ونص وصاير تخبل
خلصت الفاتحه وطلع كلشي حقيقه مو حلم
كلمن رجع البيته
بس زهراء ما رجعت ابد
عمار اجا اخذ خواته ثنيينهن وعاف الزغيره عدنا تساعدنا
تعبت من التفكير بلكشي صار مثل الحلم ومر بسرعه
وين الفرحه من جابت زهراء
ووين الحزن من ماتت
جمانه السعيدي
اني تمرضت حيل حزن وتفكير وقلة اكل الحد يوم السابع ما خلص
كمت بيومها اسوي مميه النرجس ورجليه احسهن ما يشبلني
اندكت الباب عمار جاي ياخذ اخته
هو دخل واني رحت للمطبخ وراسا وكعت بدون ما ادري
امي عاطت بصوت عالي يمه بنتي
اجا يوسف وبابا وعمار يركضون
يحركوني ما اتحرك
يوسف شالني وعمار طلع يركض للشارع اجر تكسي
اخذوني للمستشفى
امي تصيح يمه امس دفنت وحده والثانيه هم تروح مني
الدكتور دقيقه خل نفحصها اصبري شويه
جسمي يابس وفاقده الوعي
الدكتور مابيها شي سكرها هابط
امي اي دكتور ما تقبل تاكل من يوم ماتت اختها لليوم
سجلي محلول حلو
وعمار نزل جاب عصير وجكليت حتى يرتفع السكر شوبه واطلع من الغيبوبه
نص ساعه ورجعلي الوعي
بس احس جسمي ثكيل وما اكدر اتحرك ابد
بقينا ساعتين بلمستشفى يله كدرت استرجع طاقتي
محلولين خلصت
وشربت عصير
عمار قرب عليه وكال الحمد لله على السلامه
مريم الله يسلمك
عمار ليش هيج تسوين بنفسج ولله حرام عليج
مافكرت بامج بابوج
بعد ما يتحملون صدمه ثانيه
مريم ماكدرت ارد علي لان كلامه صحيح
رجعنا للبيت وعمار عاف اخته عدنا وكال خليها تساعدكم الحد ما تتحسن حالة مربم
جمانه السعيدي
امي كامت توكلني غصب عني
شويه استعاديت صحتي
امي يمه ليش ما ترجعين للمدرسه هاي كعدت البيت والتفكير مو زين عليج
مريم لاتفتحين هذا الموضوع اني بعد للمدرسه ما ارجع
منيين اجيب واهس للدراسه
مااكدر عوفيني
علي حاله مايسر عدو ولا صديق
اللحيه شطولها وعيونه حمر وشكله كلش تعبان
كلما يشوف نرجس ويحضنه ينزلن دموعه
الصبح يجيبها عدنا ومن يرجع من الدوام ياخذها
بس هي ما تقبل تروح ويااا
تبقى تبجي
مرات العصر ياخذها ويرجعها بليل لان ماعدهم احد ينتبه عليها
امه مره جبيره
وزوجت اخو موضفه وعدها اطفال ثنببن
يعني ماعندها وقت الها ابد
جمانه السعيدي
بس هو شيسوي بنته ومايكدر يعوفها ابد
مرت الايام صعبه وحزينه واني حالتي النفسيه بلنازل
عمار كلما ينزل الاهله يجينا وشكد حاول يطلعني من حالتي
حتى جابلي كتب
بس اني مااكدر انسا ابد
بعد سبع اشهر من وفاة زهراء اجا علي وكال اريد احجي وياج بموضوع كلش مهم
مريم خير شكووو
علي عمار وسطني يكول اني بعدني احبها وما اكدر انساها ابد اريد فرصه وحده منها
نخطب بس خطوبه واذا ما اقتنعت نفسخ الخطوبه راسا
والخطوبه بعد دورت السنه مال زهراء
مريم هذا ولله بطران ياخطوبه ياعرس كله خل ينساني
اني ويااا ما نصير البعض
تعبت واني اكله اني ما اصير الك شكد يلح
خل يشوف نفسه ولا يحلم اني ويا نزوج ابد
علي ترا يحبج ليش ما تنطيني مجال يجوز تغيرين رائيج
مريم افففففف ياربي هو غصب ما اريده
علي على كيفج لاتصيربن عصبيه اني راح اكله
هو صوجه يحب وحده خبله
مريم اني خبله خل يبتعد عني
حضرنا كلشي الدورة السنه ورحنا كوستر للنجف حتى عمار واهله راحو ويانه
شلفايده بعد فات الوكت وزهراء ماترجع ابد
رجعنا للبيت وراها بشهر واحد اتصلت بيه إسراء وكالت احنا كنا منتضرين السنه ادور حتى نجي نتقدملج
جان صبرنا اكثر بس تعرفين احنا مجهزين كلشي
وهو بس هالولد عدنا
ونريد نفرح بي
مريم ولله ما ادري ما احس نفسي مستعده اريد اسبوع افكر واشوف نفسي وارجعلكم خبر
إسراء خوما غيرتي رائيج ولله ازعل عليج
مريم لا ما غيرت رائي بس الضروف الي جاي نمر بيها صعبه
وهاي بت اختي حيل متعلقه بيه
وبليل تنام بحضني اذا ابوها اجا ياخذها تكوم تبجي عليه
إسراء بس انتي اول وتالي راح تزوجين شلون قابل تاخذينها وياج
مريم هو هذا الشي الي قالقني ومحيرني
يله اني اتصل بيج بعدين
جمانه السعيدي
تمددت واني افكر بنرجس شلون امي مراح تكدر على البيت وعليها
واكيد ابوها مراح يقبل اخذها وياي
وحتى امجد مراح يقبل
ياربي هاي شلون حيره
فاتحت امي بلموضوع كالت عادي اني أدير بالي عليها
قابل اتعطلين قسمتج علمود نرجس
مريم يمه اني متعلقه بيها وما اكدر افاركها ابد
امي بس هاي سنت الحياة واذا مو اليوم باجر تزوجين
واحنا كلنا يمها
اني اريدج تزوجين حتى اطلعين من هاي الحاله النفسيه
الي دمرتج من يوم ماتت اختج لليوم
ولله اني خايفه عليج حيل
اخاف افقدج مثل زهراء
وساعته اموت ولله ولج يمه فدوه الخاطري لاتعذبني وياج
مريم قررت اخابر اسراء وانطيها الموافقه بس
لازم تعرف السر الي اني ضامته عليها قبل العرس
ولازم امجد يقرر يكمل وياي لو يعوفني
