رواية انا وزوج أختي الفصل السابع بقلم جمانه السعيدي
علي صحيح اني فكرت الزواج شايلها من بالي نهائيا
بس كلام امي معقول
نرجس وين اوديها اذا خالتها ازوجت
وما اكدر ازوج وحده غريبه
لان ما اضمن اخلي بنتي عدها
بس فكرت الزواج من بعد زهراء صعبه
ولو المنطق يكول زهراء راح تكون سعيده اذا بتها سعيده ومرتاحه
ما اعرف ليش محتار يمكن لان بعمري ما فكرت مريم تكون زوجه اليه
يمكن مراح تقبل تزوجني
اي هي بنيه وشابه وحلوه الف واحد يتمناها
ليش ترتبط بيه
ولله امي خلتني محتار اكثر من قبل
المشكله كلامها صحيح واختيارها جدا موفق
محد راح تعتني بنرجس واكون مامنه عليها يمها
غير مريم
اني ليش محتار خل امي تروح تعرض عليهم هاي الفكره
يجوز مريم ترفض
وينتهي كلشي
ما يصير غير الي الله كاتبه علينا
جمانه السعيدي
فات اسبوع وام علي منتضره الرد
طبعا علي من وفاة زهراء والحد هاي اللحضه ينام بيت اهله
ابد ماداخل بيته
ام علي يمه علي هااا ما رجعتلي خبر
...علي يمه من يكول راح تقبل ترا مريم بنيه ما ناقصها شي
ليش ترتبط بواحد مثلي
ام علي وانت شبيك ولد شاب وحلو ومثقف وخريج
وابن عمها اكيد راح تصونها وتحافظ عليها
علي يمه الي تردي سوي اني مراح اناقشج ابد
انتن النسوان اذا خليتن شي ابعقلجن لازم تسونه
ام علي اي هذا ابني الي احبه اليوم اروح تحجي ويه زوجة عمك واشوف شتكول
مريم العصر اندكت الباب كنت متوقعه علي اجا علمود نرجس لان هو متعود يجي يوميه العصر يشوفها
راحت نرجس تركض للباب وتصيح بابا بابا ماتعرف تفتح الباب رحت اني فتحته
طلعت خاله ام علي
صار هواي مجايتنا حضنت نرجس وبقت تبوس بيها
٠انطتها علاكه حلويات
نرجس بس لزمت الحلويات اجتني ماما حلويات
اخذتها للغرفه وكعدت تاكل
واني دخلت خاله ام علي للصاله
رحت صحت ماما دخلت
خاله ام علي اشرت الامي اريد نبقى سوا
اني قدمت الجاي وطلعت
ام علي عيني ام يوسف احنا اهل وانتم صح أهلنا ولله موبس كلام وماشفنا منكم بس الطيب
...رحمله والديج انتم الاحسن
...اني ما اريد اطول عليج اني ما عاجبني حال علي
ابد من يوم توفت زوجته لليوم
هو بمكان وبته بمكان وبيته مقفول
...والمطلوب
...جايتج بلكلام اني جايه اطلب مريم العلي
..بس
...من رخصتج خل اكمل لاتقاطعيني
نرجس متعلمه على خالتها وهي الي ربتها
بس مريم مراح تبقى طول العمر دايمه الها اكيد راح تزوج بيوم من الايام
واني اريد ازوج ابني إلى متى يبقى هيج زهراء راحت الدار حقها
واحنا كلنا انموت وهاي سنة الحياة
واني اشوف مريم انسب وحده الهذا الزواج
حتى تحافظ على نرجس وبيت اختها ينفتح مره ثانيه
هااا شكلتي
جمانه السعيدي
ام يوسف ولله اني لو ادور العالم كله ماالكه واحد مثل علي الله شاهد عليه معزته من معزت يوسف
واني اول وحده افرح بهذا الزواج
على الاقل اضمن نرجس مراح تتعذب ويه زوجت الاب
واني مره مريضه ومراح اكدر أدير بالي عليها
ام علي يعني موافقه
ام يوسف اذا عليه هسه اخذيها بس القرار مو اليه وحدي
لازم مريم تقبل
وابوها ويوسف ياخذ خبر
ام علي انشاء الله خير انتضرج تردين عليه
ام يوسف بعيني بس توافق مريم ارجعلكم خبر
طلعت ام علي
ام يوسف فكرت اذا كلت المريم كبل ام علي جايه تخطبج
العلي اكيد راح ترفض
لازم اجيها بغير طريقه حتى توافق
مريم ماما خاله ام علي شتريد شو اتاشرلج نبقى بس وحدنا شكو صاير شي
ام يوسف ولله ما ادري شلون راح افتح وياج الموضوع
مريم يمه خوفتني شكو شصاير
...ام علي تريد ازوج علي وتأخذ نرجس
...شلون عيدي ما سمعت زين
...لا سمعتي من حقها راح تكمل سنتين وابنه بيت
وبنته بيت
إلى متى من حقه يزوج وينجمع هو وبنته بيت واحد
مريم نرجس ينساها نرجس ما تعيش ويااا هو وزوجته
نرجس بنتي وما انطيها ابد
...شنو بكيفج ما تنطيها لا تتصورين عايفه عدنا علمود سواد عيونه
ترا هو عايفها لان ما عندا احد يعتني بيها ابد
اذا ازوج ورجع فتح بيته زوجته تتكفل بلموضوع
وياخذها ويااا
مريم لعد وين الحب شنو يزوج
...انت تحجين صدك شنو علاقه الحب بلموضوع
ولد شاب ويريد يعيش حياته واختج ما قصر وياها ابد
وهذا يومها
شنو يعيش طول عمرا لاجى بلبيوت
لو هو الي ميت هم جان زوجنا اختج
هم نكول بعدها شابه وزغيره ومن حقها تعيش حياتها
مريم ولله اذا اخذ نرجس مني اموت
ام يوسف زين عندي حل
.. شنو الحل
....الحل انتي تزوجين علي وتحافظين على بت اختج وتفتحين بيتها من جديد
وهيج نرجس تبقى وياج للابد
...ماما انتي تحجين صدك لو تشاقين
...لا ولله احجي صدك شنو قابل راح تاخذين واحد
احسن من علي
هسه لو تفرين العالم كله ماكو مثل علي
طيب وانسان خلوق وصاحب غيره
زين منه وصابر الهسه بدون زواج لو واحد غيره
قبل السنه يزوج ولد شاب شنو عايش بيت اخو
وصابر كل هذا الوقت
مريم لا مستحيل طبعا اني وعلي شلون رهمتيها
...اذا تحبين اختج صدك وافقي احسن ما نرجس تتعذب
ويه زوجت الاب
وساعته مانكدر نسوي اي شي لان ابوها يريدها بيته
فكري زين وذكري وصية اختج وشلون امنت بتها عندج
واذا تحبينها صدك وافقي
لان علي اول وتالي لازم يزوج
هاي فرصه اجتج حتى تريحين اختج بكبرها
جمانه السعيدي
مريم يمه اني وعلي شلون رهمتيها
...ترهم بس فكري زين
مريم دخلت غرفتي وكمت ابجي شلون راح اكون مكان زهراء
شلون اكون زوجت علي حبيب اختي وزوجها
بعمري ما متوقعه هاي السالف
واذا رفضت شلون بنرجس
ياخذها مني ولله اموت وما اكدر افاركها ابد
اصلا اني احلا شي صار بحياتي نرجس
هي الي معوضتني
وجوده بحياتي مصبرني على الحزن
شلون ياخذونها مني بس فعلا اذا ابوها ازوج ورجع فتح بيته اكيد راح ياخذها
ياربي ليش هيج لو باقيه زهراء ما جان صار كل هذا بينا
بليلتها ماكدرت انام ولاغمضت عيني
كلما اتخيل اني وعلي مزوجين
عقلي يطير مني
شلون اني وعلي هاي الفكره ما اجت ابالي ابد
ولا فكرت بيها
يارب اذا كان هذا الزواج بي مصلحه للكل اهدي كلبي ونفسي علي
واذا راح اعيش ما مرتاحه ابد
اريدك تبعده عني وتهديني الطريق الصحيح
شكرا لزيارتكم عالم روايات سكيرهوم
