رواية صدفة عشاق الفصل التاسع
تاني يوم .
في الكافيه . كانت ليلي و ريماس اتقابلوا هناك .
ريماس ابتسمت بهدوء ./يعني عايزه تقنعيني انك مش شايفه أن حازم بيحبك .
ليلي اتنهدت بهدوء ./انا اول مره شوفت في عينيه كل حاجه . يوم ما جاني تحت البيت . انا شوفت في عينيه كل حاجه كنا بنعيشها قبل كده و مكنتش فاهمه تفسيرها . شوفت نظراته اللي من بعيد . اللي كان بيعكسها بـ طريقة كلامه . شوفت نظراته لما كان بيشوفني نازله من عربية زين . شوفت كل نظره منه مكنتش بفهم معناها . بس انا...
ليلي سكتت بضيق . و هي حاسه انها ممكن تخسر حب حازم ليها
ريماس اتنهدت بهدوء ./كلام زين مأثر فيكي يا ليلي . انا مش عايزاكي تاخدي بـ راي واحد زي ده . زين كلامه ده ملوش اي معني و انتي لازم تفهمي كده كويس .
ليلي اتنهدت بتعب ./ يمكن كلام زين خلاني اشوف حاجات كتير . بس فعلا هو عنده حق . حازم و لا هو هيشوفه أن كفايه حبهم ليا . و اني ما هصدق ارتبط بـ اي واحد في مستواهم حتي لو مش بحبه . و انا مش كده يا ريماس . انا مش عايزه حد يشوفني كده .
ريماس بهدوء ./ده اكبر دليل أن كلام زين مأثر فيكي . حازم بيحبك يا ليلي . انما زين مكنتش بيحبك . و هو اللي فكر فيكي كده . إنما حازم بيحبك بجد .
ليلي اتنهدت بهدوء و ابتسمت ./احنا هنفضل طول اليوم نحكي عن حازم و لا ايه . المهم انتي عايشه حياتك ازاي بعد ما جدك جه .
ريماس ضحكت بهدوء ./بكلم ايهم من الجنينه . و اوضة جده جمب اوضتي . انا ابتديت احس اني بعمل جريمه والله .
ليلي ضحكت بهدوء ./للدرجادي .
ريماس هزت راسها بهدوء ./اه والله . لدرجة اني لما بنتقابل بقابله في ميعاد شغلي . عشان جده ميفتحليش تحقيق قد كده . لو قولتله اني رايحه مع حد من صحابي .
ليلي هزت راسها بضيق مصتنع و هي بتضحك ./ده انتي حالتك بقت صعبه اوي .
ريماس ابتسمت بضيق ./شوفتي حالي بقي ازاي . ده انا مكنتش بروح بيتنا يا ليلي . ده بابا مكنتش بيسأل حتي كنتي فين و مع مين .
ليلي ضحكت بهدوء ./معلش يا ريماس . ما انتي عارفه الاجداد دول بيبقو في كوكب لوحدهم كده .
ريماس اتنهدت بتعب و هي بتهز راسها .
__________________________________________
فات اسبوع . و ليلي مبتروحش لـ سليم رغم مكالمات علي و سليم ليها . و زين اللي مصمم يفضل وره حازم مش ليلي . و ايهم كل يوم بيتاكد أن في حاجه اكبر من الصداقه بينه و بين ريماس .
ليلي كانت قاعده مع سليم و هي بتحاول تصالحه .
ليلي ابتسمت ببراءة ./والله كنت تعبانه شويه . و بعدين ما أنا جيت اهو .
سليم بصلها بطرف عينيه ./انتي قولتيلي مش هتاخر عليك تاني . و مكنتيش بتردي عليا .
ليلي ابتسمت بهدوء ./ما هو عشان كنت تعبانه . مكنتش عارفه اتكلم . و بعدين رنيت علي بابا و قولتله أن سليم وحشني اوي و لازم اجي بسرعه .
سليم بصلها بطرف عينيه و متكلمش . ليلي سحبته لـ حضنها بضحك ./خلاص يا سولي انا اسفه .
سليم ابتسم ببراءة و حضنها . و خرج من حضنها ببراءة ./جده عايزك .
ليلي رجعت شعرها وره ودنها باستغراب ./عايزني .
سليم هز رأسه بهدوء ./ايوه قالي لما ليلي تخلص معاك . خليها تجيلي جوه . يلا عشان نروحله .
ليلي هزت كتفها بقلة حيلة . و مشت معاه .
سليم سحب ليلي من ايديها بسرعه و دخل المكتب علي عاصم بفرحه ./ليلي يا جده .
ليلي ابتسمت بهدوء . عاصم ابتسم بحب ./اقعدي يا ليلي . و انت يا سليم قول لـ عمو حازم ييجي عشان عايزه .
ليلي اتنهدت بتوتر . هي كانت فاكره أن حازم مش موجود .
سليم هز رأسه ببراءة و مشي .
عاصم ابتسم بهدوء ./ ليلي انا من ساعة ما شوفتك . و انا مرتحلك و شايفك واحده زي أحفادي . و انتي كل يوم كنتي بتثبتيلي ده بـ ادبك و اخلاقك . و حب سليم ليكي . بس انا مكنتش متوقع انك هتوقعي حب ناس تانيه غير سليم .
ليلي ابتسمت بتوتر ./والله شكرا لـ حضرتك علي كلامك ده كله . و الحمدلله اني قدرت اكون عند ظن حضرتك .
عاصم ابتسم بخبث ./ليلي انتي فاهمه قصدي . انا مش مخليكي تيجي عشان اتكلم و اقول كلام مش مباشر . انا بقولهالك مباشر انا طالب ايدك لـ حازم حفيدي .
ليلي اتنهدت بتوتر . و هي بتحاول تجمع كلامها .
عاصم ابتسم بهدوء ./ليلي انتي واحده محترمه و جميله . و انا كان اهم حاجه عندي اخلاقك اللي شوفتها من اول يوم . يعني بني ادمه جميله جدا اي حد يتمناها في حياته . و انا كفايه عندي أن حازم بيحبك . و انتي عارفه كده كويس .
ليلي اتنهدت بهدوء ./ انا شايفه أن حب حازم ده حاجه . و حياتنا مع بعض حاجه تانيه . حضرتك مش شايف أن صعب علينا احنا الاتنين . احنا مش شبه بعض .
عاصم هز رأسه بهدوء ./ انا مش شايف غير حب حازم ليكي . و انتي المفروض متحكميش علي اي حاجه في الدنيا . غير من خلال الحب و بس . انتي مش شايفه أن حازم بيحبك . و لو هو مش بيحبك فعلا . تفتكري كنت انا ممكن اتكلم معاكي في موضوع زي ده .
ليلي هزت راسها . و ابتسمت بتوتر ./بابا موجود لو حازم حابب يتكلم معاه .
عاصم ابتسم بهدوء ./افهم من كده انك موافقه .
حازم قاطعهم لما دخل عليهم . و ابتسم بهدوء لما شاف ليلي . و هو عارف ايه اللي حصل .
ليلي قامت بتوتر ./ انا همشي عشان متاخرش .
عاصم ابتسم بهدوء لـ حازم ./وصل ليلي يا حازم . و خد ميعاد من باباها عشان نروح نتقدملها.
حازم اتنهد براحه . و ابتسم بفرحه ./حاضر يا جده . يلا يا ليلي .
ليلي اتنهدت بضيق و هي بتبصله بطرف عينيها و مشت قدامه . حازم كان بيبص عليها بحب و هو شايفها بتمشي بسرعه . عشان متتكلمش معاه . حازم قرب منها بسرعه و سحبها من ايديها قبل ما تركب العربيه . ليلي اتنهدت بخضه ./حازم في ايه .
حازم ابتسم بهدوء و هو محاوطها بين ايديه . و العربيه ./ ليه قولتيلي لا يا ليلي .
ليلي اتنهدت بتوتر ./انا مقولتش لا .
حازم ابتسم و اتنهد بهدوء ./اومال ليه كنتي بتهربي مني يا ليلي .
ليلي اتنهدت بهدوء ./انا مفيش حاجه المفروض اقولها . غير اللي قالها دكتور عاصم . لو انت غيرت رأيك يبق..
حازم قاطعها بضيق ./اسكتي يا ليلي . و اركبي يلا .
ليلي ركبت بهدوء . و هي مبتسمه أنها قدرت تستفزه . حازم ركب و ساق و هو مبسوط . هو مكنتش مصدق أنها ممكن توافق بسبب طريقته معاها . حازم كمل سواقه و هو بيحاول يسوق بـ اسرع ما يمكن . بعد شويه . حازم ركن عربيته و ابتسم بهدوء ./يلا بينا .
ليلي اتنهدت بتوتر ./هو ممكن انا اطلع و انت تطلع بعد شويه .
حازم هز رأسه بعد فهم ./لو ده اللي هيريحك . يبقي حاضر .
ليلي هزت راسها بهدوء و نزلت .
نعمه فتحت الباب بهدوء . و ابتسمت بحب ./ ابوكي شكله هيعمل معاكي خناقه انهارده .
ليلي دخلت و ابتسمت بتوتر ./دول هما نص ساعه تأخير .
راشد ابتسم بهدوء و هو بيقرب منهم ./نص ساعه مره واحده . ده انا متفق معاكي يا ليلي .
ليلي ابتسمت بهدوء ./ والله معلش يا بابا اخر مره .
راشد اتنهد بحب ./ما انتي عارفه مقدرش علي زعلك .
نعمه ابتسمت بضيق مصتنع ./اومال عمال تزعق معايا انا بس .
قاطعهم صوت خبط الباب . راشد باستغراب ./مين اللي جاي فجاه كده .
ليلي مشت بتوتر ./طب انا داخلة اوضتي .
راشد راح فتح الباب و ابتسم باستغراب ./دكتور حازم .
حازم ابتسم بهدوء ./كويس أن حضرتك فكرني .
راشد هز راسه بهدوء ./طب اتفضل .
حازم دخل بهدوء . و نعمه بصت باستغراب . راشد ابتسم بهدوء ./اعمليلنا قهوه .
نعمه هزت راسها بهدوء . و دخلت .
راشد قعد بهدوء . و هو بيبص علي حازم باستغراب . حازم ابتسم بهدوء ./ انا عارف ان حضرتك اكيد مستغرب انا هنا ليه . و انا هتكلم معاك بصراحه و ادخل في الموضوع علي طول . انا طالب ايد ليلي من حضرتك .
راشد ابتسم باستغراب ./ليلي بنتي .
حازم هز رأسه بهدوء . /ايوه ليلي بنت حضرتك .
راشد اتنهد بضيق ./ ايوه بس انت مشوفتهاش غير مره او مرتين . يعني معتقدش انكم تعرفوا بعض لدرجة أنك تتقدملها .
حازم ابتسم بهدوء ./لا انا حصل بيني و بينها كام صدفه . و بعدين انا مش هلاقي احسن من ليلي . و لو حضرتك موافق هجيب اهلي و نيجي نقرأ الفاتحه اخر الاسبوع .
راشد اتنهد بهدوء ./ طب انا هشوف ليلي و هبقي اكلم حضرتك .
حازم ابتسم برفض ./حضرتك تقدر تشوفها دلوقتي . و انا مستني حضرتك هنا .
راشد رفع حاجبه باستغراب . و اتنهد بضيق و قام .
ووووو....
