رواية مزيونة الشيخ الفصل الحادي عشر بقلم شهناز العلالي
يعني حملها من فؤاد....هي وبالمختبر ضربت روحها
راشدي....كعدت على الكرسي بالمختبر والمحلله مصدومه .....
_بيج شي حبيبتي ؟
_لا مابيه شي...
كمت من مكاني ورجعت للبيت ...جنت خاله الطفل يم خال زوجي...اخذته ل خالد منهم ودخلت للبيت ولغرفتي ...ضليت افتر بالغرفه ...
لا اني حامل من زوجي ....مو من فؤاد هيج الي لازم يصير بس شلون؟ شلوووون؟زين شلون يربي اني شبيه جابز صدك هالجنين ابن صكر ؟،لالا اني وضعي خرب بعد ماتقرب مني فؤاد ...هذا ابنه ....
بين ما اني افكر ...وافكر وافكر ....وراسي مليان علامه استفهام....
اجه صكر للبيت واني مامسوية اكل ..استغرب ماحجيت شي نطيته ورقة التحليل فتحها لحظه صمت ساد في المكان وراها كال"
_الف مبروك حبيبتي الف الحمدلله ،الله راح يرزقنا بطفل ثاني اخ او اخت ل خالد ....كون اخت حليوه وبنوته تشبه امها عسل كيمر حبيبتي احبج ام بيتي ....
باسني من راسي وطلع كعد بالصاله....يدخن ويسولف وي اصحابه ....
باوعت على التليفون مر يومين وفؤاد ماكو ؟شو مامتصل عليه وين صار...اليومين جرت اشهر طويله...
مر على هالموضوع اشهر ك حد ادنى ٩اشهر ولدت بنيه
سميتها (مها)...بنيه جنها كمرة ...
فؤاد مختفي ...مر على غياب فؤاد سنه كامله ..ويه ولاده مها٣اشهر....
قربت انساه ....قربت اتعايش ويه وضعي ويه زوجي ....وخلص مها بنت صكر تتحسب..صكر مامقصر عليها بشي وكلش يحبها بس المشكله مها ابد ماتشبه صكر ولاتشبهني...تشبه فؤاد ...حتى صكر مركز بهذا النقطة ..دوم يكرر"
_ هاي عليمن طالعه ...
....ارد بهدوء
_على الجد الخامس اعتقد شمدريني ياحبيبي غير بنتك
مر الوقت مثل السيف وبيوم اجه اتصال من فؤاد بعد غياب سنه وشوية....
_جنت متشوقة اسمع اخبارة ....اخبار حبيبي فؤاد واريد اكوله صارت عندنا بنت ...
دك الاتصال وجاوبتهه:
_حبيبي مشتاقتلك وينك ؟
_اني اكثر مشتاقلج بعدين احجيلج جنت وين ؟هسه اني بالناصرية اريد اشوفج ضروري شلون؟
_حبيبي واني هم اريد اشوفك والله
_اجيج لبغداد ...
_شنو؟ لالا شيجيبك ....زوجي موجود ببغداد والساعه خاله رايح راد واصدقاء عندة ...باوع الي ٣اشهر مازرت اهلي ف اكيد اجي ....اني عمري وحبيبي عندي موضوع وياك ....
_ماشي حياتي...احبج ...
وفعلا بقيت اسبوع افكر ب فؤاد شلون راح اكوله ان اجته طفله....بقيت عصبيه ومتوتره وشمايحجي وياي انترة لصكر ....
اخر شي كال باجر اوديج لهلج حتى ترتاحين اسبوع وارجع...هنا كلبي صار طبل فرحت ....كبل رحت دزيت مسج ل فؤاد بشرته بالموضوع.جيتي للناصريه باجر...كال"
_ اريد منج فد ٣٠٠الف .
_منين اجيب شبيك فؤاد؟
_مادري ...سد التليفون...
*كعدت بقلق افكر ....الف فكرة خليت التليفون على صفحه وكعدت كعده القرفصاء ....اهز بروحي هز ....
منين اجيب ل٣٠٠ واني صكر يعطيني ١٥٠الف ....بس
تعبت من التفكير ونمت ...ثاني يوم طلعنا للناصرية ويه العثر وصلنا ....شي اكيد صكر ضل يمي لمدة يوم ....وثاني يوم راح الظهر اني هم دكيت على فؤاد ماجاوب...ضليت افكر وراسي يشطح يربي هذا فوك السنه مختفي وين جان؟؟؟ ...العصر رجع اتصل بيه ....
_الو
_الو وينك حبيبي دانتظرك
_اي اي.مشغول جنت
_عزاا اخاف متزوج ؟
_لامامتزوج ....
_اي زين ..
_هسه شنو كلي؟
_اريد اشوفج ؟
_واني هم حبيبي اريد اشوفك؟
_تعالي بالمنتزه ساعه ٥العصر
_اوكي .....سديت التليفون دخلت سبحت اني بالحمام وافكر شاكول ل اهلي يربي وين طالعه ؟وويامن ....
اعوف خالد ...خالد كبر وصار يفطن وكلشي يحجي ل ابوه ...اخذ مها ..مها بنته .......
هالحجي والتفكير كله واني جوه الدوش
.....قطعت سلسله تفكيري امي بصوتها هي وتكول "
_اجت اختج...
زاد همي هفففف شجابها هاي ....
طلعت من الحمام سلمت على اختي ...بكل هدوء .. سويت جاي ...كعدنا نشرب سوة ......ونسولف واني بالي شارد افكر بروحي شلون اخترعت من فكرت هو متزوج ؟زين يمه شلون اذا تزوج ؟وبنتي مها بنته شلون بيه ربي ...شلون ؟
قطعت تفكيري اختي ....
_الصفنه مو الج حبيبتي ام خلودي .....
ابتسمت بوجها ....
من بين الكعدة والسوالف امي كالت"
_يااا دوة السكر خلص ....... شلون بيه لازم اشربه...
اني هنا انتهزتها فرصه ..كتلها "
_يمه اني اروح اخذ مهاوي اريد اجيبلها منه من الصيدليه هم بالطريق لان نسيتها ببغداد وجبت بس وحدة واحتاج اكثر من مره...
_ها يمه يلا اختج تجي ...
_لاماحاجه خطيه توها جايه ...
_هذا هو بنتي روحي ....اذا زوجج يقبل
_اي يمه صكر واثق بيه ومامن وناطيني مطلق الحرية
اختي نبت"
_يهنيالج بي والله استغفرالله...لاتحسب ذنب ربي تمنيت صكر زوجي.....اخخخخخ ولقسمه....
_ها شبيج؟؟
_شنو تغارين عليه
_اي
_يحبيبه الله يهنيج شاريد بعد تخيلي وين انتي وووين صرتي لو ماخذه فؤاد جان تشتغلين فراشه بالمدرسه ههههههه
*هنا اني اختنكت باللكمه .....عفتها وكمت ...بدلت
واخذت مهاوي وطلعت ...للصيدلية ومناك المنتزة ضليت كاعدة ساعه تقريبا هو ماكو .......رجعت للبيت امي متخبله لان تأخرت.......واني راسي راح ينفجر من التفكير......
بيومها عفت كلشي... حتى جهالي عفتهم على اختي ونمت .........بالليل التليفون هزاز دك عليه ....غطيت راسي وحجيت وياه ...
_الو
_الو
_وينك أليوم؟
_صارت ضروف ؟
_فؤاد احجيلي ...اخاف متزوج ؟
_لا
_لعد شنو؟
_اطلعي برة
_شعندي برة ؟
_اني بالباب
_لاماكدر
_امشي لج اطلعي احسلج....
_الله اليستر...طالعه ...
تسحبت مثل كل مرة وطلعت هو جان طافر بالحديقة من طلعت خرعني ....عطت عيطه الا سويه يكعدون ...
كبل حضني ...واخذ مصه من شفايفي ...
_مشتاقلج حبيبتي ...
_حياتي احبك مشتاقتلك هواي ...
_ههههه اعشق الي يشتاقلي
_وين جنت هالمدة كلها
_بتركيا
_اه شتسوي بتركيا...؟
_والله ردت اطلع ل اوربا مناك واستقر بس ماحالفني الحظ وكتيت كل الي عندي ورجعت ..
_هاي كلها واني ماادري فؤاد ...؟ تريد تروح جنت
وتعوفني...
_اششش اشبيج لاتتخبلين هاي اني كدامج ...
_ماعرف بعد ...
_اريد منج ليله حمره دامج هنا
_ماكدر ....فؤاد خل اكلك شي
_كولي عمري
_الي يربطنا اني وياك اعمق من الحب....الي يربطنا طفله صارت ؟
_هههههه طفله شبيج تخربطين...
_حبلت من بعد ما صار الصار بهذاك اليوم وكلبت الدنيا عليك وانت ماكو....
_وشتريدين هسه؟؟
فتحت عيوني ...كتله"
_شنو شاريد غير الطفله بنتك؟
__________
