رواية مزيونة الشيخ الفصل الثاني عشر بقلم شهناز العلالي
_شنو شاريد غير الطفله بنتك؟
_بنتي ...شلون بنتي ها يعني تعمليها نمت وياج مرة وحبلتي؟بطلي ...
_مداشاقة بنتك والله بنتك ...لان حسبت زين البنيه منك ومن صلبك حتى تشبهك ...
وبعد صمت لمدة دقيقة كال ببرود "
_ها ...،جبتي الي كتلج عليه؟
_لا. ١٥٠الف ...
باوع على ايدي سوار نازك ذهب ......لمح بحاجبه وعيونه كال"
_هذا ...
لزمت ايدي بهدوء كتله"
_قبل اسبوع زوجي جابه الي....اخذ ال ١٥٠الف
_لا اشو هذا ....يلاا....
نزعته من ايدي نطيته اله ....
كتله"
_وبنتنا ...
_اروح هسه بالرسائل احاجيج
_بس شلون؟ شلون؟ يعني
هنا وصارت طقطقة ...التفتت لكيت ابن اختي الصغير يبجي
هنا وفؤاد طفر فلت....اني رحت على الطفل يبجي
كتله"
_شبيك؟
_ننا عطشان ....
التفتت لكيت اختي فوك راسي ...جنها لمحت شي وجهها مايتفسر ....ابد مايكصه الطبر ...بيني وبين نفسي كلت اتصرف طبيعي جايز كاعدة من النوم وجهها هيج يصفر ..
كتلها"
_ابنج يبجي
عفتها ودخلت وره نصف ساعه لكيت رساله من فؤاد. .
_بالنسبه لبنتنا كملي حياتج على هالشي اقلها تتربى عزيزة وغاليه واحسن تربيه اني لكمه كوه جاي ادبرها هنا تنرفزت ...صحت حقيرررر
اختي واكفه متخصرة ...
_حقير اوي منو حقير ؟
_ها ماكوشي... هاي صديقتي زوجها ضاربها....خل انام
*نامت ايمان اني لعب كلبي لعب شسالفتها وامي تكول اكثر من مره شافتها برة هيج واكفه وحدها ....هاي وراها شي....جايز دتخابر صكر ....وتستحي كدامي اخاف اسمع ..بس تليفونها هنا؟جايز تخبلت الفرخه ههههه خل انام ...والله كريم
مرت الايام....ومرت الاشهر ومها تقريبا عمرها ٤سنوات
وايمان تتواصل وتجي وتدخل فؤاد للبيت بغياب صكر
الحظ لعب وياها هواي ...هواي لعب وياها الحظ ....
الى ان بيوم من الايام ابني تعب والعلاج ببغداد صدف
صكر طالع للعمارة ف اني بقيت يم اختي اني وجهالي...
ضليت ببيتها ....بيت خال زوجها مسوين ثواب على. روح كراييهم...
لازم تادي الواجب وياهم ..
اني ضليت يم الجهال...صدفت دنيا ظهر ...نومت الجهال ونمت
تغيطت الله على هوى السبلت الله بين نومتي اسمعت فتحه الباب غلست لان هاي اكيد ايمان.واءا صكر رجع من العمارة ف عندة علم بوجودي ولو هو مايرجع الزلمه معدل ومشغول ...
ماكو ٥دقايق....٥دقايق وبس اشوف احد طبك عليه جوه اللحاف وبدة يتلمس بخصري وصدري ويشمشم ...
هنا اني كمزت ....ههههههه واشوفلكم فؤاد يبوووووووو...
كمت غطيت نفسي بشرشف......وصيح يبوووووووووووووووووو الحكوني لك ابن الزنا شجابك هنا ....
هذا حاول يسكتني ماكدر طفر طفرة وراها بدقيقتين اجوي ايمان والنسوان والزلم برة
_ شكو شصار شبيج اخيتي ...
_احجي وصوتي يرجف يمه ..يمه يمه مسستحيل اختي(ك..ح....)لالالالالا.....هالحجي واني كوه مسيطرة واحجي بيني وبين نفسي تهسترت كتلهم"
_شفت عكرب ...عكرب كبير وطفر ...طفر
ايمان جابتلي ماي كالت:
_هههههههه وين اكو عكرب هنا دتحلمين ....
راحو النسوان ......وكمت ذبيت الشرشف... تاكدت من الجهال ملتهين وسديت باب الغرفه...لزمت ايمان شبعتها راشديات ...
_لج ساقطة....لج حقيرة ....لج انتي لو مو بنت اني وابوي جان......جان كلت انتي بنت حرام ...
_شكو؟ شكو صاير فهميني ...؟
_لا فوكاها تردين اني افهمج ها سكط .....دايحه
_احجي شكو بطيتي كلبي بط ...
_فؤاد
_يا فؤاد؟
_لاتغبين نفسج...فؤاد شجابه هنا؟ احجييييي
_شبيج انتي حلمانه؟
_لاحبيبتي طفر عليه ضل يحسس العار....دخل جوه الفراش ولج اله شويه ويحبلني...احجيي شبيج تسمرتي،،،،؟ لج شجابه هنا شوصله الج يامصخمه عار انتي احجي ....
هنا ودك فؤاد.....كمزت سحبت التليفون ...منها
فتحت الاتصال "
_لك ساقط شعندك ويه اختي عار خنثه شرايد منها ...عوفها لبنيه متزوجه ولك دهر صابك ياخيخه الزلم شجابك ...
_هه.. على كيفج عيني شريفه زمانج....
_ادبسز تاج اني منحط ...
_اي تاج وباج ام الفسفوري طمغه شحال اني حاسب كل الشام الي بجسم اختج...ها تريدين اجرب وياج
_اي بله زلمه وجربها حتى نوديك النجف بحجله مكسرة
عبالك ماكو زلم تردك هااا....
_اي لو اكو زلم جان نردت اختج العفيفه ..
_ها هيج بعد لاتوصل ولاتقرب افتهمت ..
_وبنتي ؟
_بنتك منو...منو بنتك احجي ...؟
هنا وفؤاد سد الاتصال...اعصابي نهارت لزمت ايمان عتيت شعرها عت ....لج عاررررر شيقصد بنته ....
_مها......مها بنته .....مها منه
_لج يبووووو......يبوووو انتي شمصخمه لج اخوي وابوي اذا يعرفون بسالفتج يكطموج تكطم ومايبرد كلبهم ...عاررررر...اه لالا طز بعلاج ابني عيني اني اخاف ابات يمج الي يسوي مره يسوي الف مره ....واذا انتي ملبسه صكر كرون ستيل ....ها اني زوجي اخاف منه .....اعوذ بالله منج الله واكبر لج حشى اني شحجيت لج صكر خوش ادمي و زلمه ااااااااااخخخخخ ماتستاهلينه ...
ضليت الم باغراضي وايمان تحوش بيه .....ماتريدني اطلع لزمت السكين هدددتني تضرب حالها باوعتلها كتلها"
_انتي غير اذا تموتين ...تريحينا من هم كبير لج الله يساعد كلب ابوي ...لج اني الي كاتلني شلون ترفعين عينج بعين ابوي ييييمه .....لا لا ابوي شعليه
شلون ترفعين عيني بعين هالمكرود صكر
_انتي تغارين ...تغارين
_هههههه من صخامج ياعار اغار ها ....احجي ادبسز ساقطه ...لج ماتشرف اكل وياج بنفس الماعون ....
_احبه ...لج احبببببه افهمي احبه وصكر مامهتم بيه ٢٤ساعه طالع ٢٤ساعه ويه أصدقائه مليت ...
_لج نذله طالع بالملهى ها ؟غير يوفر لكمه عيش الج واطفاله ...اقصد ابنه خالد ...
_اششش كافييي...
_هاج جاي يتصل الزلمه...جاوبي ياسكطه النسوان...
ايمان خابرت صكر بدم بارد واني ضليت صافنه هاي شكو ؟مستحيل ابويه هيج خلف ....هي تحجي ويه صكر وتباوع عليه...واني الم بغراضي ...اريد اطلع من البيت وضلت تتوسل ابقى ...طلعت كعدت بالحديقة ابجي ......خابرت زوجي كتله "
_هسه تجي هسه..
_شبيج؟لج دنيا ليل والدرب بعيد من الناصرية لبغداد
_ماعرف بس اريدك تجي تاخذني .....
_شبيج تخبلتي ...وين اجي الدنيا ليل ...
_باجر الفجر اطلع من الناصرية ....وتجي تاخذني
_وعلاج الطفل
_انسى ماريد اعالجه هناك ...هناك مو بيت جيرانه دلونا ع دكتور اي اروحله .....
_اهدئي ...وتدللين باجر اجي.....
سديت الاتصال وايمان واكفه فوك راسي ......
_لج ادخلي
_لج اييييع لج ادبسز حقيرة
_ادخلي نامي ..
_شنام وين انام ؟على فراش وحدة زانيه ورخيصه لج جهالج من يكبرون شتحجين شتكولين الهم ولزوجج الطيب .....
_وليش.......ليش اكول اله وليش يدرون اطفالي ماسويت شي ماسويت شي هو مهمل
_مهمل .......رجال تتعب نفسيته مهمل ......رجال ماثث كل هذا البيت مهمل ه....ه.لج مبين عليج عصبيه خربت عليج الليله الحمره ياعار ....
_اشش صوتج منا العالم ....ادخلي جوه وشتحجين احجي ...اني بالخدمه بسس ادخلي ....
_ضنيت منعتج.....تتذكرين من لكفتج واكفه وياه ...اخخخخخ لج من اجوي خطبوج فرحت كلت اي ...راح تتستت .....لج دباعي النسوان وين عايشين بغرفه جنها قفص دجاج وساكتين وحامدين الله،لج دباعي الزلم شجاي تسوي ......لج انتي شنو ...؟
_ماتفيد الملامه.....ماتفيد ادخلي ...
_لا خليني بالحديقه خليني روحي ....
ايمان/مستحيل يربي مستحيل تكول تهجم بيتي هاي اذا حجت ....
رجعت خابرت على فؤاد مايرد مغلق وين وله وووووين؟
دزيت رساله لصكر اروح بيت اهلي لان كال يتاخر كم يوم ..ف وافق
لازم اروح الحك على فؤاد مغلق ...مغلق وهنا ماضمن سكوت اختي ......
ثاني يوم الظهر وصل زوج اختي ....جاي ياخذها جلبت بيهم ...اختي عيونها طوككت ...
_خويه اخذني وياك للناصرية ________
