رواية إخفاء فضيحة الفصل الثاني عشر بقلم جمانه السعيدي
رهف نمت مثل الموته هلكد ما تعبت من الطريق والهوسه
حسيت على صوت برا حركه ونسوان تسولف وطكطكت جدور فتحت عيني الدنيا صبح
فتحت عيني ورجعت غمضتها تعبانه رجعت فتحت عيني لكيت نفسي نايمه هااا فتحت عيوني حيل
هذا منو نايم يمي
هاااا هذا سيف ماكو غير خمس سانتيمات بينا
راسا كعدت مفزوعه وسحبت الشال وخليته على راسي
هذا شجابه يمي شلون نام بصفي
معقوله اني ما حسيت بي
راسا كمت من يمه ابتعدت
رهف سيف سيف انت ليش نايم هنا
سيف ولله كاعد احلم بيها عبالك جايبه وتكول هذا ابنك
واني حاضنه هي والطفل
سمعته تصيح باسمي
فتحت عيوني لكيته واكفه بعيد عني وتكول انت ليش نايم هنا
سيف شبيج شكوووو
رهف انت ليش نايم بصفي
سيف خالتي كالت لازم تنام يم عروستك احجي واني مغمض عيوني وبعدني انعس
لان اليل كله ما كدرت انام اباوع عليها ومآ مصدك
رهف وانت ما صدكت بس كالت خالتك اجيت نمت يمي
سيف ولله لو بيدي ابقه بيت خالتي حتى نبقى بنفس الغرفه سويه
رهف يله كوم الناس تشتغل وانت نايم جاي حتى تنام عدهم
سيف اي هسه خل انام بعد شويه
رهف شني تنام بعد شويه
سيف البارحه ما نمت من واج تشخرين اليل كله
رهف الله عليك تحجي صدك
سيف قابل اكذب عليج
رهف لا اني ما اشخر ابد
سيف هو انتي تدرين بنفسج لو تدرين بنفسج جان
حسيتي من اجيت نمت يمج
اليل كله حاضنتني وتلهوسين سيف حبيبي لا تعوفني احبك
جمانه السعيدي
رهف سحبت المخده وضربته ولله اكبر كذاب يله كوم
كافي نوم
سيف كمت اضحك وهي تضحك
طلعنا برا غسلنا وجان يجيبونها احلى ريوك كيمر عرب وخبز حار ودبس والجاي خادر على الجمر
اويلي الطعم خرافي
بدينا نشتغل وياهم ونجهز واني كلما اجي والكه رهف تشتغل ااشرلها لا تشتغلين اخاف على ابنج
وهي ما تقبل
تكول عيب كاعده وساكته
للعصر بدلنا وحضرنا للزفه ورحنا وياهم اني ورهف بسيارتي
الزفه تخبل واني حركت الجووو بلهورنات
من رجعنا وزفينا العريس ردنا نرجع للبيت بس خالتي ما قبلت كالت الدنيا ليل وخاف تعطل السياره بلطريق
ابقو اليله عدنا وباجر ارجعو البيتكم
رهف دخلت للغرفه ولكيتهم خالين اثنيين فراشات واحد بصف اللاخ
سحبت فراشي وبعدته
اجا سيف هااا ليش ازعالنا شني خلي فراشي بصف فراشج
رهف لو تموت
سيف زين راح اصيح خالتي واكله تعاي شوفي شلون تنام بعيد عني
جمانه السعيدي
رهف لو تصيح العشيره كلها ما انام بصفك
سيف بديت انزع بلبدي
رهف شجاي تسوي يمعود
سيف اريد ابدل يعني شراح اسوي لو اطلع كدامهم كلهم ابدل اكلهم زوجتي ما تقبل ابدل كدامها
رهف درت وجهي على الحايط وغمضت عيوني باديه
سيف هي مغمضه واني شفت بعيرصي جبير نزل يمها
اكو حشره على الحايط يريد ياكلها
قربت عليها وصحت هاي شنو بعيرصي
رهف اتوقعت يريد يخوفني فتحت عيوني وجان اشوف البعيرصي والنوب شكبرا عبالك داينصور
جمانه السعيدي
رهف عطت وصحت يمه ورحت وكفت يم سيف
سيف هذا البعيرصي بس تنامين ينزل على رجليج
رهف الله عليك لاتخوفني ولله ما انام من الخوف
سيف اني شعليه هو بس يشوف واحد نايم ينزل يلحس رجله وانت شلون عليج رجلين
رهف التفتت علي وين شفتهن رجليه
سيف باع هاي البطرانه اكله البارحه الغطا طايح وحاضنتني
وشفت كلشي احجي وارفع بحواجبي واغامز
جمانه السعيدي
رهف انت اكبر حيال وتريد تخوفني
سحبت فراشي وخليته بنص الغرفه يعني بعيد على الحايط خاف ينزل البعيرصي من الحايط عليه
سيف اتمددت وكتلها
واذا نمتي بنص الغرفه ترا هو يكدر يمشي على الكاع عادي
رهف فدوه لاتخوفني وين انام لعد
سيف اشرتلها تعاي بصفي واني هسه اكوم اكتله واشمره برا
رهف لا عيني خلي البعيرصي يلحس رجلي ومآ انام بصفك
سيف بكيفج مو انام شويه وتجين تعال خلصني من هذا البعيرصي اني قدمتلج عرض وانتي رفضتي
ولو ادري بيج راح تخلين البعيرصي حجه حتى تجين تنامين بصفي
جمانه السعيدي
رهف شلت المخده وشمرتها علي كتله انت طالعه عينك
سيف التفتت على البعيرصي وكتله
بشرف بغيرتك اذا عندك غيره انزل وروح الرهف اريد اشوف وين تروح بله
رهف هههه ما يفتهم
سيف راح اقرا علي سحر واخلي يهجم عليج
رهف هو حباب مايسويها
ضلينا نداهر وبعدين نمنا كل واحد بصفحه
رهف نمت يمكن ساعه وحسيت بألم بمحالبي ومثل التقلص يمكن لان وكفت هواي
واشيل واحط وياهم ما ادري
مدري لان ما متعوده على التعب ابد
كعدت طلعت برا كلهم نايمين رحت للتواليت ورجعت
نفس الوجع بقيت اتكلب
فتحت الباب اريد اطلع مره ثانيه حس سيف عليه
سيف ليش كاعده شكووو
جمانه السعيدي
رهف عندي وجع
سيف شنو وجع راح اجيبين
رهف لا اسم الله بعدني بلبدايه بس لان وكفت هواي اليوم
سيف كمت ورحت يمها
وين الوجع بلضبط
رهف تقلص هنا اسفل بطني
سيف اروح اكعد خالتي هي تعرف
رهف خالتك بس تقربني راح تعرف اني مخلصه الرابع
واحنا تونا مزوجين خلصني من الحجي الله عليك
سيف انروح البيتنا
رهف لا هسه السلعه ٣ خلي اياذن اذان الصبح ونطلع
ارجع نام اني هسه شويه واصير زبنه
سيف لا ما انام شلون انام وانتي تتوجعين
اجيت كعدت بصفها ولزمت ايدها وكمت افرك بيها على كيف
رهف اخ اخ اريد اتمدد بلكت اصير احسن
تمددت وسيف بقه كاعد يم راسي
شويه هدئة ونمت كعدت لكيته لازم ايدي ونايم بصفي
اليل كله نتعارك واني ما اقبل انام بصفه تاليتها نايم وياي على نفس المخده
باوعت الشمس طالعه الساعه بلسبعه الصبح
رهف سيف سيف يله اكعد خل نرجع البيتنا
سيف فتحت عيوني نايم وياها على نفس المخده
سيف صرتي احسن
رهف اي الحمد لله
سيف رجعت غمضت عيوني وراسي على المخده بصف راسها
سيف عبالي تخلين البعيرصي حجتج حتى تنامين يمي
النوب سويتي نفسج مريضه
خوب من البدايه كولي اريد انام بحضنك وفضيها
رهف كوم كوم احسلك ولله هسه ابتلي بيك اني لو انت ما صدكت كبل نمت بصفي
النوب اني ادور حجج حتى انام بصفه
سيف يله اني مجذب منو نايم بصفي
رهف كوم رجعني البيتي خل انام بغرفتي واقفلها عليه
حتى بعد ما تنام بصفي
رهف كعدت وطلعت لكيتهم كاعدين تريكنا وبدلنا وباركنا للعرسان
ورجعنا البيتنا
يمه افيش يا بيتنا صح زغير بس بعيني قصر
اكو مثل عد امهاتنا كبل يكولن رحت البيت الله واجيت ومثل بيتي ما لكيت
بس وصلت سبحت وبدلت وكبل الغرفتي قفلتها ونمت
جمانه السعيدي
وسيف هم نام
تعابنيين حيل من هاي السفره
بدت بطني تكبر وشكلي بتغير وكل شهر ياخذني سيف مراجعه يم الدكتوره
سويت سونار وطلع ولد
بس ولله تعذبت دائما تصير عندي تشنجات ومتعبتني حيل
رغم سيف ما يقبل اشتغل
بطني كبرت ومآ اكدر ادنك
مرات امي تطبخ ودزلي اكل ومرات خاله هناء
على فكره خاله هناء ابد ماتجي يمنا
ولا داخله بيتنا ولا مره وحده
سيف يوميه ينضف ويغسل الملابس ويغسل الفراش
ويجيب اكل جاهز يكول لاتعبين
من وصلت الشهري سيف كال اريد تعلميني اطبخ خاف اجيبين وبعد ما تكدرين اطبخين
اجيب كرسي واكعد بلمطبخ وهو يطبخ واني اعلم بي
لمن صار طبخه يخبل
