رواية مزيونة الشيخ الفصل السابع عشر بقلم شهناز العلالي
كتلهم بنات بابا صاحني ....عفتهم ورحت يم ابوية . .
_ها كحلاء متونسه هنا..
_شتونست بابا شطوله شعرضه جنه لوح انصدمت بي جتفي نخلع هههه...
_شوفي هاي الوردة الحمرة ..؟
_اي😍
_هاي انتي ....
قدمها الي بابا....اخذتها منه نشكيت ..اه
_انتبهي ل اشواكها ....
_مادري بابا ماشفت...
_الشوك الي نغز ايدج انتي لازم تسوين منه طوق يحميج بالدنيا اريد كلمن يشوفج مايكدر ينولج اريدج تصيرين بنيه حوك...
*اخذت الورده وضليت امشي بالف
بالبستان ...ابوي مشغول يجهز العرس
...كعدت على جذع نخله واني احس بملل قوي...ياربي لو باقيه بيت خالتي هناك يم كوثر مو احسن شجابني .... داباوع من بعيد سيارت مسطرة وحدة ورة الثانية هنا واخويه جان ديخابر حبيبته اكيد هههه ملتهي ....جان تجي سيارة هو مامنتبه دعمته ...او الاصح دفعته...دفرته المهم وكع بالكاع ...وانشمر تليفونه نكسر....شفته من بعيد اخويه كام...ابو السيارة نزل ....اخويه صار عصبي وصوتهم ارتفع تضاربوا كمت من مكاني كمت اكمز يمه يااااااااسر......
جان هذا الي دفعني عرفته من لون دشداشته كبل راح هناك والله بظرف ٣دقايق بس .....بس ٣دقايق التموا الزلم ...
لا موهيج بيهم المعكل هم ....يمه شسوي ايدي جمدت كل الي شفته تفازعوا للرجال ول اخوي لزموا دك....كتل
صكر /كبت عركه......ويه اخوي مازن لمحتها من بعيد...عفت كلشي وركض رحت لعنده شاب غريب يتعدى الحدود ،....منين هذا صار رمي .....
كحلاء/الناس اجتمعوا من بعيد ماشوف اخوي صار رمي طلق...ركض رحت اله الرجال من شافوني وكفوا على صفحة دخلت بنصهم ....لزمت اخوي كومته زحت التراب عنه...
صكر/دخلت بنيه بنص زلمنا ...راحوا يحجون اشرتلهم وكفتهم ...اشو هاي لزمت الشاب وتريد تمشي بي اني تخبلت ...
كتلها"
_شنو مو بعينج الزلم الكدامج ...
رفعت حاجب كالت"
_الزلم؟
درت وجهي خزرتها كتلها"
_اي الزلم ؟ الظاهر ما عاجبج؟
ردت كالت "
_الزلم مايتكاثرون على واحد....وبعدين هو شصار بعيوني شفت هالمكصوف العمر دعم اخويه.
مازن هنا فتح عينه تخبل وين اكو مره تتطاول هيج
مازن:احنه مانحجي ويه نسوان ....بس مو عتب عليج..عتب على الكرن الي موكفج بنص الزلم وانتي توج طالعه من البيضه ...
_حدودك لاتتعداها ...وانتو المذنبين ..
ياسر همس بصوت ناصي "
_شنبصج بالوسط اني ساكت علمودج لج هذول مومثل اهل بغداد ...امشي خل نروح ...
اخذني اخويه كادني ونريد نطلع من وسط كل هاي الروجه مال زلم ...سدو الطريق ....
صكر/هالبنيت تطاولت ف اني صحت كلت"
_وين وين وين أوقفوا........
مازن:ها يالزلمه تتحامى بمرة ...الله اعلم هاي شتقربلك اذا مو وحدة جايبها تبياته.....
بممممممم...
كحلاء/ياسر سمع هيج وتخبل طفر على الزلمه ضربه بوكس بوجهه وكبت العيطه ...يمه اخوي راح يروح من بين أيدي...عفته ركضت مثل المخبله ....شفت ابويه وابن عمه من بعيد ركضت...
_بابا الحك تضاربوا اخوي ومجموعه همج...
ابويه وابن عمه اجوي .....
_السلام عليكم شصاير ؟هذا ابني
*صكر/ابنك تعدى حدوده
ابو ياسر:اكلك وليدي تره اقصر الشر والعن الشيطان ...
تره احنه ضيوفكم وجايين عرس هنا .. ترى احنه من بغداد احنه ضيوفكم...
صكر:ههه الضيف يحترم الارض الدايس عليها
مازن:ب الله ...ب الله ابنك مايرجع وياك سالم
شنو انت من بغداد جايب هذا وك...ح...ه وياه...
ابويه هنا تخبل
ياسر رجع ضرب الرجال نفسه...
ف هذا الطويل الي انصدمت بي ....حسب ماسمعت من الهوسه اسمه صكط مدري صكر شكد مكروة لزم اخويه دفعه قوي على الكاع ابوي غدة نار صار ...كتله"
كحلاء:كسر ب ايدك ...
اشو هذا باوع عليه نظرة جسمي كام يرجف منها احس صار بيه شلل
صكر:ها وبنتك هاي اذا ماعرفت تربيها احنه نربيها الك ...
ابويه اخذنا وحتى العرس ماحضرناه ...طلعنا بنفس الليله لبغداد شجاي يصير يربي شلون طلعه هاي ....هفففف ابد ما انسى نظرة صكر الي كل ما اذكرها جسمي يرجف ...يمه .يخوف ...بس شكله حلو ههههه هاي رايي بي ....ابويه كلش انقهر ....
نمت متكسرة وثاني يوم عندي مدرسه مامحضرة شي قررت أغيب هيج هيج جنت مارح اروح عبالي احضر العرس ..
صكر/
كلنا نميل للصبح...بس هذاك الصبح جان كلش مختلف بالنسبه الي ....مو مثل كل يوم .....كعدت ....غسلت....فرشت اسناني ونزلت جوه اشرب جاي واكل هالجبنه والخبيزة ....أجت على بالي هذيج البنيه وصلافتها ...
جان يوم كلش مستفز......وكلشي بي عكر ....صعدت سيارتي ...طول الطريق تجي على بالي هالبنيه.............بين ما اني اسوق وسارح بالي....الهورنات شتغلو وواحد طبك .يمي هففف ضربت الدعاميه ومامنتبه عليه .....او الاصح هو الي ضرب دعاميه سيارتي ....تخبلت والناس لتموا داير مادايرنا.....
الي ضرب سيارتي شاب مراهق ابن ل١٨سنه.....وياه٢نسوان ...الولد مسطور ويحجي بتوتر
_اسف...اسف اني ماقصد بس عندنا حاله وفاه وماقصدت وصارت بعد...
_جيب فلوس الدعاميه ...
_اي ....اي بس خل نعبر السيطرة وانطيك...
_ماشي...
*رجعت صعدت للسيارة وروحي طافرة لك ابن ال______ ...اشرت اله بعصبيه ....
بمعنى "
*اطلع كدامي ...اني هم صعدت بالسيارة وكلي عصبيه غادي نار...اي والله وطلعنا السيطرة ويفلت من ايدي ابن ال....
اني ماهمني الفلوس خير من الله بس اني جنت زهكان واريد شي افش ضيجه خلكي بي...كملت طريقي بوجهي للشغل ...وراها خابرت صاحبي يعرف واحد يصلح سيارات ضليت طول اليوم متنرفز
اجه اخويه وكال/مبروك انت مرشح تكون شيخ والمل موافق...
_شيخ شنو؟
_شيخ العشيرة مالتنا ...رايك ..
_والله ماعرف ..
_شنو ماتعرف الكل شايفك مناسب يلا امشينا نروح الزلم كلها جاي تنتظرك ....
فعلا رحت للديوان واتفاهمت ويه الزلم على كلشي ....
كحلاء/كعدت بالبيت كضيته تنظيف ماداومت ملل ...ملل
مشى الوقت اعتيادي ......
بعد مرور١٠ايام ابن عم ابويه زوجته توفت مسكين ابنه عريس توه خطيه....لهذا السبب ابويه خلاني يم بيت خالتي يم اختي كوثر واخذ ياسر وطلعوا للعمارة...لان جانت عندي امتحانات ..
بارق:هلا بالعفريته ...منورتنا ...
كحلاء:ههه هلا بثكيل الدم ...شسوي اجيت مجبورة ههههه
_صدك كذب انتي تنورين البيت
_قصدك اهجم البيت قصدك....
ياسر/وصلنا للعمارة لازم نبقى طول فترة الفاتحه هناك نادي الواجب وصكر اجه المل وكف وحياة وسلم عليه ....مديت ايدي تعداني....غلست....ورة ما خلصت الفاتحه _____
