رواية مزيونة الشيخ الفصل الثامن عشر بقلم شهناز العلالي
ياسر/مديت ايدي تعداني....غلست....ورة ما خلصت الفاتحه ...طلعنا اني وابويه وابن عمه ...ابويه ضل يواسي ابن عمه واني طلعت جكارة اريد ادخن ابويه خزرني ذبيتها ودست عليها بحذائي ....
بعد ماتحملت كلت:
_شفتوا هذا المعكل صكر شلون تعداني ....هههه شكد اصيل .
_ياسر انت وابوك اجيت تادون واجب بس ابعدو كل البعد عن بيت ابو مازن هذوله خوش عالم بس عبارة عن مجموعه من يقفلون يهججون الواحد من الديرة ...وهذا الي ماعاجبك شيخ عشيرة ترشح وعندة زلم وراه توديك ورة الشمس وانت الممنون ...
ابوية"
_تكمل الفاتحة ونرجع وانت يا ياسر تهدى ...
ياسر/سبقت ابوي ورحت انتجيت على السيارة طلعت التليفون وكعدت اخابر صاحبتي واسولف ...هناك ارض زراعيه طين الكاع جانت ماطرة اعتقد قبل ايام ...هنا وحركت سيارة صكر مشى سريع من يمي وطين وماي تكشر عليه اني هنا بدون تفكير بردة فعل كلت بصوت عالي "
_لك ابن الكلب ....وصخ غير تنتبه ....
هنا وصكر وكف السيارة ونزلوا وراه ٤زلم
صكر لزمني من ياخه قميصي كال:
_منو ...شنو ابن الكلب عليمن ؟
_عليك لك انت شنو ماتعرف اداب الطريق عيب اخجل من روحك عود شيخ شيخ على روحك احنه هم ببغددا عندنا شيوخ جان صاروا مثلك هه
_كملت حجيك ...كيكي ابن بغداد جاي تعلمنا الاصول؟
_شبينا اهل بغداد كاسرين عينك
صكر لزم ياسر ركعه بوكس بعينه ....
والاب تخبل كال ل ابن عمه"
_على بختك فاككهم....
_صار.....
_اكلك شيخنا وليدي العزيز يعني انتو ان شاءالله اخوان وهاي المواقف تصير وهمه جايين يادون واجب وضيوفنا
_شوف هذول ماشوفهم هنا بعد واذا شفتهم انت مالك كعده هما بالمنطقة خلص الكلام....
صكر/عفتهم وصعدت بسيارتي وكلمن بسيارته ...صعدت عدلت ملابسي شغلت السيارة فتحت الجكمجه ...طلعت المسدس ...رجعت...رجعته بمكانه ...
رجعت لبيتي ...خالد اجه "
_بابا مشتاق ل امي اريد اشوفها .....
_ميخالف اكمل الشغل الي عندي واوديك، للناصرية
_لابابا امي راح تروح لبغداد ...
_بغداد شعندها هناك ومنو الها؟؟
_والله خالو انقل لبغداد فراحت تعاونهم وراح تضل هناك ...
_الله كريم كوم ادرس كمل امتحاناتك واوديك ...
افففف هاي اكيد سوالفها راحت لبغداد وتريد تشوف خالد .....اعتقد مها هالسنه مدرسة
ياترى راح تسجلها .....بس ب اسم مها ايمان ...هالبنت تحطم مستقبلها.....روحه ايمان لبغداد بيها ان ...اكيد صاير شيء ....اكيد....
_________
في جانب مقلق من الأرض هناك وحدة اسمها كحلاء هههه ببيت اختها وماخلصانين منها ..
_بارق بما ان باجر بعد ابويه يرجع ف احب اقدملك مفاجأة
_اي بله شنو هيه
_هااا لاتستعجل على فكرة تره اني حماتك....
_اي وشنو يعني....اكف .....
وكف ضرب تحيه ..
_تستهزء حضرتك مو...
_انتي ابوج شلون متحملج شو ماتنجرعين....
_اي اوكف بله ...
_اوك
_كووووووووثر ....لج كوثر ...
_ها كحلاء شبيج ..
_زوجج يخابر وحدة يكوللها بس تنام البومه ارجع اتصل بيج ..
_جذابه ...
_اني اختج الوحيدة اكذب ها.....باعي وجهه شلون كام يضرب الوان
_يمعوده حماتي الجميلة لاتشاقين هيج ...
_ها بارق تصادق عليه ....
*ايمان "
