رواية صدفة عشاق الفصل التاسع عشر
فات ايام لحد ما جه .
يوم خطوبة ايهم و ريماس .
عند ايهم و حازم .
حازم اتنهد بهدوء ./مش عارف اي إصرارك علي أن الخطوبه تبقي في الفيلا عندهم .
ايهم ابتسم بهدوء ./عشان كده هنجبر جده و عبدالله النشار يتعاملوا مع بعض . ما هو مش معقول بردك مش هيستقبلوا في بيته قدام كل الصحفيين و المصوريين اللي موجودين .
علي قرب منهم و ابتسم بهدوء ./ ايه يا حازم مجهزتش ليه .
ايهم ابتسم بخبث ./ شكله مش ناوي يروح .
حازم ابتسم بضيق مصتنع ./لا يا حبيبي . بس برن علي ليلي من الصبح مش بترد .
ايهم كمل بهدوء ./ليلي عند ريماس .
حازم وقف باستغراب ./عند ريماس ازاي .
ايهم هز رأسه بهدوء. /ايوه ريماس كلمتني الصبح و قالتلي أن ليلي عندها .
حازم اتنهد بضيق . و هو بيحاول يكتم غضبه . علي اتنهد بضيق ./انا بحاول أوصل لـ ندي بردك مش عارف .
ايهم ابتسم باستغراب ./سليم فين انا بدور عليه من الصبح .
علي ابتسم بهدوء ./ ندي خدته امبارح و قالت إنه هيفضل معاهم . و المفروض كانت تجيبوا انهارده انا مأكد عليها .
ايهم ابتسم بهدوء ./عادي يمكن شويه و تجيبه .
علي هز رأسه بهدوء . و حازم سبهم و مشي . و هو بيحاول يهدي نفسه .
__________________________________________
ليلي ابتسمت بهدوء و فرحه ./ انا فعلا مش مصدقه ان كل حاجه معانا حصلت بسرعه كده .
ريماس ابتسمت بهدوء ./و انا كمان فعلا . كأن هنفضل طول حياتنا نفتكر أن الحادثه اللي حصلت بيني و بينك . هي السبب في كل حاجه حلوه بتحصل .
ليلي ابتسمت بهدوء و هزت راسها ./عندك حق .
ليلي بصت علي تليفونها و اتنهدت بهدوء ./حازم مكلمني فوق الخمسين مره .
ريماس ابتسمت بهدوء ./اطلعي كلميه في البلكونه . علي بال ما اخلص الميكب .
ليلي هزت راسها بهدوء و مشت . ليلي ابتسمت بهدوء . لما حازم رد . / مردتش اقلقك الصبح . و لسه شايفه مكالماتك .
حازم اتنهد بضيق ./انتي فين .
ليلي ابتسمت باستغراب ./عند ريماس ليه .
حازم اتكلم بغضب. /عشان انا قولتلك متروحيش . قولتلك اعتذري و قولي لا يا ليلي . و قولتلك متكونيش مع زين في مكان واحد . و انتي عملتي اللي في دماغك و روحتي .
ليلي اتنهدت بضيق. /مينفعش اسيبها عشان شويه اوهام في دماغك يا حازم . موضوع و خلص خلاص مش هفضل موقفه تحركاتي عليه . و زين مش معانا اصلا .
حازم بعصبيه ./لا يا ليلي انتي توقفي تحركاتك علي راي انا . لما اقولك ده لا يبقي لا يا ليلي .
ليلي اتنهدت بضيق. /حازم ريماس عايزاني نبقي نتكلم بعدين .
حازم قفل معاها و اتنهد بضيق .
و ليلي اتنهدت بهدوء و ضيق من اللي حصل . و دخلت و هي بتضحك عشان متتحسش ريماس بـ حاجه .
_________________________________________
بليل كانوا كلهم وصلوا تحت . و ريماس كانت جهزت . و ليلي نزلت و هي بتدور علي حازم .
فيروز ابتسمت بهدوء لـ ريماس ./ ايه يا ريماس خلصتي يا حبيبتي .
ريماس هزت راسها بهدوء و ابتسمت بهدوء ./هما تحت .
فيروز هزت راسها ..و ضحكت بهدوء ./و جدك و عاصم واقفين بيضحكوا مع بعض كمان .
ريماس ضحكت باستغراب ./ده باين ايهم كان عنده حق .
فيروز هزت راسها بهدوء ./ و ايهم واقف بره . بس انا قولت اعمل عليه حماه شويه .
ريماس ضحكت بهدوء ./طب يلا يا ماما مش هتبقي انتي و زين عليه .
فيروز هزت راسها بهدوء و طلعت بره . /يلا انا هنزل و متتاخروش .
ايهم هز رأسه بفرحه . و دخل . ايهم ابتسم بحب و هو بيقرب من ريماس . و باس ايديها بحب ./مبروك لينا يا حبيبتي .
ريماس ابتسمت بحب ./الله يبارك فيك .
ايهم ابتسم بخبث ./مش كنا عملنا كتب كتاب زي حازم و ليلي .
ريماس هزت راسها بهدوء ./لا احنا كده احسن .
ايهم ضحك بخبث ./و مالو اهو كلها كام شهر و نعمل كتب كتاب و فرح و...
ريماس قاطعته بتحذير ./ايهم يلا عشان الناس .
ايهم ابتسم بهدوء . و هو بيمسك ايديها ./يلا يا حبيبتي .
و نزلوا .
ليلي فضلت واقفه عينيها بتدور علي حازم . و اتنهدت بضيق و هي بتحاول تكلمه مبيردش . جيهان قربت منها و ابتسمت بهدوء ./ايه يا ليلي واقفه بعيد ليه .
ليلي اتنهدت بهدوء ./ انا بدور علي حازم . و برن عليه مش بيرد .
جيهان ابتسمت بهدوء ./تلاقيه هنا و لا هنا .
ليلي هزت راسها بهدوء و اتنهدت بهدوء . بس جيهان بصت بضيق لما لقت ندي و سليم بيقربوا منهم . سليم قرب من ليلي و حضنها بفرحه ./ليلي وحشتيني .
ليلي ابتسمت بحب ./و انت كمان يا سولي . عامل ايه بقي.
جيهان بصت لـ ندي بضيق . ندي ابتسمت ببرود ./معلش خدت منكم سولي . بس انا قولت لازم اجيبه لغاية هنا . و اهو ابارك لـ ايهم .
و بصت لـ ليلي و ابتسمت بخبث ./عقبال فرحك انتي و حازم يا ليلي .
ليلي ابتسمت بهدوء ./إن شاء الله .
جيهان اتنهدت بضيق ./يلا يا ليلي نشوف كنا هنعمل ايه .
ليلي هزت راسها بهدوء و مشت معاها . و في ايديها سليم .
جيهان اتنهدت بضيق ./ حاولي متتكلميش معاها كتير . و متسمحيلهاش تقرب منك .
ليلي هزت راسها باستغراب ./هو كان في حاجه .
جيهان اتنهدت بهدوء ./ندي مش سهله . الاحسن اننا نبعد عنها . و بتحاول تعمل حجتها سليم كل شويه .
ليلي هزت راسها بهدوء و سكتت .جيهان ابتسمت بهدوء ./يلا نبارك لـ ريماس و ايهم بقي .
ليلي ابتسمت بهدوء و مشت معاها .
عاصم اتنهد بهدوء ./الظاهر اللي فضلنا نهرب منه طول السنين اللي فاتوا . العيال جم و غيروا كل ده في لحظه .
عبدلله هز رأسه و ابتسم بهدوء ./المهم انهم مبسوطين . و احنا كمان لازم نبقي مبسوطين عشانهم .
عاصم هز راسه و ابتسم بهدوء ./ زي ما بيقولوا اعز الولد ولد الولد . و انا معنديش اغلي من احفادي يا عبدالله .
عبدالله اتنهد بهدوء ./يبقي يستاهلوا أن كل حاجه تتغير عشان سعادتهم .
ريماس و ايهم من بعيد كانوا بيرقصوا . و بيبصوا عليهم بفرحه . ايهم ابتسم بهدوء ./ حبنا هو اجمل حاجه . هيفضل طول عمره بصمه في حياتنا . أننا حبنا كان اقوي من كل حاجه .
ريماس هزت راسها و ابتسمت بفرحه .
ليلي فضلت واقفه علي جمب بضيق . زين قرب منها و اتنهد بهدوء ./انا اسف .
ليلي بصتله باستغراب و سكتت . زين اتنهد بهدوء ./ انا عارف اني غلطت و كنت بغلط كتير . بس انا عرفت كل ده بجد . و اتمني لو اسفي يغفرلي اللي عملته . و الحمدلله انك مبسوطه دلوقتي .
ليلي اتنهدت بهدوء . و هزت راسها ./ ممكن اطلب منك طلب .
زين هز رأسه بهدوء . ليلي اتكلمت بهدوء ./ممكن متسفرش . لو مسافر عشان تهرب متسفرش . ريماس محتاجالك و حالتها مكنتش احسن حاجه من ساعة ما عرفت انك هتسافر . ممكن تراجع حساباتك تاني . و تفكر فيها .
زين هز رأسه و ابتسم بهدوء ./حاضر .
ليلي ابتسمت بهدوء ./ انا عن نفسي هعتبر محصلش اي حاجه منك . و مش زعل....
قاطعهم دخول حازم عليهم بغضب . و هو بيسحب ليلي من ايديها بغضب ./ايه موقفك هنا .
ليلي حطت ايديها علي أيده بوجع ./حازم سيب اي..
حازم اتكلم بغضب اكبر ./بقولك ايه اللي موقفك معاه .
زين ادخل بتوتر ./حازم محصلش حاجه . انا كنت..
حازم اتكلم بعصبيه ./انت اللي لازم تفهم ان ليلي بقت مراتي . و عينك متجيش عليها حتي بالغلط .
و سحب ليلي من ايديها بغضب و طلع . زين فضل واقف بضيق من الموقف اللي حطها فيه . ليلي سحبت ايديها من أيده بغضب ./انت ايه اللي بتعمله ده . ليه عايز تبوظ شكلنا قدام الناس .
حازم مسح على وشه و اتكلم بغضب ./ و انتي مش مخليه بالك من شكلك ليه . واقفه مع واحد كان متقدملك قبل كده . و انتي المفروض واحده متجوزه .
ليلي بعصبيه ./انت مش مدي لحد فرصه أنه يفهمك . زين كان..
حازم قاطعها بغضب . و هو بيسحبها من دراعها بعصبيه ./انتي اللي لازم تفهمي انك مراتي . و ان مش من حق اي حد يبصلك حتي يا ليلي . مسمعتيش كلامي و روحتي عندها رغم أن قايلك لا . و دلوقتي اجي الاقيكي واقفه معاه . عايزاني افكر وقتها في شكلنا قدام الناس .
خلص كلامه بغضب و عصبيه اكبر . لدرجة أن ليلي غمضت عينيها بخوف . جيهان قربت منهم بتوتر و هي بتبص علي منظر ليلي بين أيد حازم . و زعقت بغضب ./ايه اللي بتعمله ده يا حازم . سيب دراعها .
حازم اتنهد بضيق ./ماما معلش ...
جيهان قربت منه بغضب و سحبت ليلي من أيده ./بقولك سيبها . ايه اللي حصل عشان كل ده . ازاي تسمح لنفسك انك تمسكها كده . هتمد ايدك عليها يا حازم . دي تربيتي فيك .
حازم مسح على وشه بضيق ./ماما سبيني انا و ليلي نتكلم لوحدنا .
جيهان هزت راسها بضيق ./لا مش هسيبها . لما اجي الاقيك مسكها بالشكل ده يبقي مستحيل اسيبها معاك و انت بالحاله دي .
حازم سحب ليلي من ايديها بغضب تاني ./ عشان لقيتها واقفه مع زين . و بيضحكوا و الله اعلم واقفين مع بعض بقالهم قد ايه .
حازم صرخ في وش ليلي بغضب ./ما تتكلمي .
ليلي اترعشت و هي بين أيديه بخوف من صوته . و بصتله بدموع ./ انا بقيت اخاف من غيرتك يا حازم .
و سحبت ايديها و مشت بدموع . جيهان اتنهدت بضيق ./ليلي كانت معايا طول الفرح و مع سليم . و كانت بتدور عليك و بتحاول تكلمك و انت مش بترد . و اللي حصل ده مش سبب يخليك تمسكها كده و تزعقلها بالشكل ده يا حازم .
و سبته و مشت . جيهان مشت وره ليلي . لحد ما شافتها واقفه علي جمب . جيهان اتنهدت بهدوء و قربت منها . /متزعليش حقك عليا انا .
ليلي دموعها نزلت بوجع كل ما تفتكر شكله قدامها . جيهان ابتسمت بهدوء ./حازم بيحبك والله . هو مش عارف يتحكم في غيرته بس . انا عارفه أن طريقته معاكي كانت صعبه . بس انا نفسي اول مره اشوفه كده . دلوقتي لما يهدي هيفهم أنه مكنتش لازم يتعصب كده .
ليلي اتكلمت بدموع ./دي مش غيره يا طنط . ده تملك و مرض . اللي شوفته من حازم انهارده غير حازم اللي حبيته .
جيهان فتحت دراعها بهدوء ./ممكن تحضنيني و تعيطي . اعتبريني زي مامتك .
ليلي بصت عليها بدموع . و دخلت في حضنها و هي بتعيط .
جيهان اتنهدت بضيق عليها ./ انا هشوف الموضوع ده معاه لما اروح .
ليلي خرجت من حضنها و مسحت دموعها . جيهان ابتسمت بهدوء ./ عارفه يا ليلي . انا يمكن كنت بحب جنه مرات علي اوي . بس عمري ما كنت بحضنها . رغم أن كان نفسي يبقي عندي بنت . هي بتبقي حاجه فينا كده . كل واحدة بيبقي نفسها تخلف بنت .
ليلي ابتسمت بهدوء وسط دموعها . جيهان اتنهدت بهدوء ./بس انا حبيتك اوي فعلا . حبيتك من حب حازم و سليم . و لما قربت منك حبيتك اكتر . عشان كده انا مش هسمح لـ حازم يضايقك تاني . و هتكلم معاه اول ما نروح .
ليلي هزت راسها بهدوء و ابتسمت بدموع ./انا بحبه والله . و بحترمه في وجوده و غيابه . بس الموضوع مش زي ما هو فهم .
جيهان هزت راسها بهدوء ./انا فاهمه والله . و مهما كان مكنتش ينفع يمسكك و يزعقلك بالشكل ده . انا هتكلم معاه والله وعد .
________________________________________
حازم اتنهد بضيق لما دخل يدور علي ليلي و ملقهاش . مسح على وشه بضيق . علي قرب منه باستغراب ./ايه يا حازم انت كنت فين .
حازم اتنهد بضيق ./ايه يا علي في حاجه .
علي هز رأسه بهدوء ./لا بس استغربت لما ملقيتكش .
حازم اتنهد بضيق ./مشوفتش ليلي .
علي بهدوء ./كنت شايفها واقفه مع ندي و ماما من شويه .
حازم بضيق ./و ندي ايه اللي يجيبها هنا .
علي اتنهد بضيق منها./معرفش لقيتها جابت سليم و جت .
حازم هز رأسه بهدوء . و طلع يدور علي ليلي بره . حازم اتنهد بهدوء لما قابل جيهان ./ماما مشوفتيش ليلي .
جيهان اتكلمت بهدوء ./روحت .
حازم باستغراب ./روحت يعني ايه . و ازاي اصلا .
جيهان بضيق ./ خليت السواق يروحها . ايه مش كفايه اللي عملته . عايز تكمل عليها تاني .
حازم اتنهد بضيق ./ماما كفايه بقي ل..
جيهان قاطعته بضيق ./لا مش كفايه . عيب عليك يا دكتور . لما دلوقتي بتعمل معاها كده اومال بعد كده هتعمل معاها ايه . هي معملتش حاجه لكل ده . و لو عملت مش من حقك تمد ايدك عليها و تكلمها بعنف كده . مهما كان غيرتك لازم تبقي عاقل اكتر من كده يا دكتور .
و سبته و مشت . حازم اتنهد بضيق و طلع تليفونه . و رن علي ليلي بس مردتش عليه . اتنهد بضيق من نفسه و مشي .
ووووو....
