رواية صدفة عشاق الفصل العشرون
فات اسبوع و ليلي مكنتش بترد علي حازم . و راحلها البيت مرتين . بس كانت رافضه تشوفه . لحد ما جيهان اقنعتها انها تروح لـ سليم و حازم مش هنا .
حازم كان قاعد مع ندي . بعد ما اقنعته ينزل يفطر معاها .
ندي ابتسمت بهدوء ./ايه يا حازم انت هتفضل سرحان .
حازم اتنهد بهدوء ./معلش يا ندي . معاكي اهو .
ندي اتنهدت بهدوء ./ في حاجه مضيقاك .
حازم هز رأسه بضيق . ندي ابتسمت بهدوء ./طب ما تحكيلي مش احنا صحاب .
حازم اتنهد بهدوء ./ مشكله كده بيني انا و ليلي .
ندي هزت راسها بخبث ./هي مش ليلي المفروض عند سليم انهارده .
حازم اتعدل باستغراب ./عند سليم .
ندي هزت راسها بهدوء ./ايوه سليم مكلمني و قالي أن ليلي جايه انهارده .
حازم ابتسم بفرحه و سحب مفاتيحه ./شكرا يا ندي شكرا اوي .
و مشي بسرعه . ندي اتنهدت بضيق هي كانت فاكره أن كلامها هيقلب معاه نتيجة عكسية .
__________________________________________
ليلي كانت قاعده مع جيهان . جيهان ابتسمت بهدوء ./ بس انتي جدعه انك ثابته علي موقفك .
ليلي اتنهدت بهدوء ./ هو وحشني . بس اللي عمله يا طنط فعلا كان صعب .
جيهان ابتسمت بهدوء ./ما عشان كده بقولك أنه يستاهل .
سليم قرب منهم ببراءة و كلم جيهان ./تيته سالي عايزاكي .
جيهان هزت راسها و ابتسمت بهدوء . / هسيبك مع سليم شويه . عشان مبقاش خدتك منه .
ليلي ضحكت بهدوء . و ابتسمت لـ سليم ./مش كفايه لعب و يلا نبدأ .
سليم هز رأسه ببراءة ./يلا .
حازم ركن عربيته و نزل بسرعه . و ابتسم بسرعه لما شاف سالي خارجه ./ازيك يا طنط . هي ليلي جوه .
سالي هزت راسها و ابتسمت بهدوء . /اه يا حبيبي مع سليم .
حازم هز رأسه و دخل عندهم . سليم ابتسم بفرحه ./حازم رجع بسرعه .
و جري عليه بسرعه . ليلي اتنهدت بتوتر . و هي فاهمه أن حازم اكيد رجع لما عرف انها هنا .
حازم باس راس سليم بهدوء . و همسله ./في حد فوق .
سليم هز رأسه ببراءة ./مفيش غير تيته جيهان .
حازم نزله و ابتسم بهدوء ./طب روح العب مع تيته شويه .
سليم هز رأسه بهدوء و مشي . ليلي اتنهدت بضيق و قامت عشان تمشي . حازم وقف قدامها و اتنهد بهدوء ./انتي فاكره أن هخليكي تمشي كده .
ليلي اتنهدت بضيق ./حازم لو سمحت انا عايزه امشي . انا كنت جايه عشان سليم . لو كنت اعرف انك هنا مكنتش جيت .
حازم اتنهد بهدوء و مسك ايديها بضيق ./تعالي .
ليلي حاولت تسحب ايديها برفض ./اوعي يا حازم . هنروح فين .
حازم اتنهد بضيق ./امشي و انتي ساكته .
ليلي اتنهدت بضيق و مشيت معاه . حازم سحبها من ايديها بهدوء و طلع اوضته . ليلي اتنهدت بتوتر و هي واقفه قدام باب الاوضه ./حازم احنا..
حازم اتنهد بضيق و سحبها من ايديها و قفل باب الاوضه بهدوء . ليلي اتنهدت بغضب ./مش كفايه تحكمات بقي . انا ليا رأي علي فكره . مش واخدني بالعافيه زي الحيوانه كده .
حازم اتنهد بضيق ./ما هو لو كنتي بتردي عليا . و لما كنت بجيلك كنتي رضيتي تقابليني مكنتش ده حصل .
ليلي بغضب ./لو مكنتش مديت ايدك عليا و عاملتني كأني حيوانه عندك . مكنتش هخاف من وجودك يا حازم .
حازم سحبها من ايديها بهدوء . /انتي فعلا خايفه مني يا ليلي .
ليلي هزت راسها و بصتله بدموع . حازم اتنهد بهدوء و مسك وشها بين ايديه ./والله ما كنت اقصد اخوفك مني . ليلي انا بحبك و بغير عليكي اوي . اتجننت لما عرفت انك روحتي معاها عشان عارف أنه هيستغل كل فرصه عشان يكلمك . و لما شوفتك معاه اتجننت اكتر .
ليلي دموعها نزلت بضيق . كل ما تفتكر اللي حصل ./بس ده مش مبرر . يخليك تمسكني و تكلمني كده يا حازم .انت مسمعتنيش حتي . و لا ادتني فرصه اتكلم .
حازم مسح دموعها بـ ايديه بحب ./حقك عليا انا اسف . والله ما هيحصل تاني . بس متجربيش تبعدي عني تاني يا ليلي . انا مبعرفش اركز في اي حاجه و انتي مش معايا .
ليلي هزت راسها بهدوء . حازم سحبها لحضنه و ابتسم بحب ./خلاص بقي . قولتلك اخر مره .
ليلي هزت راسها و ابتسمت بهدوء ./سماح المره دي .
حازم ابتسم بحب و هو بيدخلها في حضنه اكتر . حازم دفن راسه في رقبتها بتلذذ . /وحشتيني اوي يا ليلي .
ليلي اتنهدت بضعف و لفت ايديها حوالين رقبته ./و انت كمان يا حازم .
حازم ابتسم بهدوء و خرجها من حضنه . و ميل لمس شفايفها بحب . ليلي حركت ايديها علي كتفه بتوتر . و بادلته بكسوف . ليلي مسكت ايد حازم بضعف . حازم بعد عنها و هو بياخد نفسه بصعوبه . و اتنهد بضيق لما لقي ليلي مغمضه عينيها بكسوف . /ليلي فتحي عينك .
ليلي فتحت عينيها بتوتر . و اتنهدت بكسوف ./يلا ننزل . ممكن حد يدخل .
حازم اتنهد بضيق ./ احنا هنخرج . انهارده يومنا لوحدنا انتي فاهمه .
ليلي هزت راسها و ابتسمت بهدوء . و مشيوا .
__________________________________________
فات اربع شهور من غير اي احداث جديده .
عند ايهم و ريماس .
ريماس اتنهدت بهدوء ./ صدقني مكنتش ليها لازمه . انا حابه اعيش معاكم عادي.
ايهم اتنهد بضيق ./انا مش حابب يا ريماس . حابب يكون لينا بيت لوحدنا . و نبقي نروح نزورهم في اي وقت . بس في النهايه لينا بيتنا الخاص بينا .
ريماس ابتسمت بهدوء ./خلاص يا ايهم اللي يريحك .
ايهم ابتسم بهدوء . /هنروح نشوف الفيلا بكره . و عايزين نختار كل حاجه بسرعه .
ريماس اتنهدت بهدوء ./يا ايهم ليه التسرع . ما حازم و ليلي مخطوبين قبلنا و واخدين وقتهم في موضوع الفرح .
ايهم اتنهد بهدوء ./ انا مليش دعوه بحد يا ريماس . انا بحبك و انتي بتحبيني يبقي ليه منخليش الفرح بدري . و من غير سرعه و لا اي حاجه . اول ما الفيلا تبقي جاهزه نحدد ميعاد الفرح .
ريماس ابتسمت بهدوء ./طب يلا بينا عشان منتاخرش عليهم .
ايهم ابتسم بحب ./يلا .
و مشيوا .
__________________________________________
عند ليلي و حازم . كان حازم واقف بعربيته قدام المدرسه . مستني ليلي .
ليلي قربت منه و ابتسمت بحب ./ معلش اتاخرت عليك .
حازم اتنهد بتقييم ./لا يلا اركبي .
ليلي ركبت باستغراب من طريقته . و حازم كمل سواقه بضيق .
ليلي اتنهدت بتوتر ./حازم في حاجه مضيقاك .
حازم بص عليها بطرف عينه و اتنهد بضيق ./مش ملاحظه انه ضيق شويه .
ليلي اتنهدت باستغراب ./ايه اللي ضيق دي جيبه يا حازم .
حازم اتنهد بضيق ./التوب يا ليلي ضيق . و باين اوي كمان .
ليلي اتنهدت بضيق و هي بتبص علي لبسها ./لا مش ضيق يا حازم . عادي جدا .
حازم اتنهد بضيق ./اتمني ميتلبسش تاني .
ليلي اتكلمت بعصبية ./لا بقي كده كتير يا حازم . كل حاجه لا لا لا . كل حاجه لازم تكون بـ تحكمات خروجي و شغلي و لبسي . انا ليا شخصيتي يا حازم و ليا الحريه اني اشوف اللي يناسبني . انت الوحيد اللي بتشوف أن لبسي ضيق رغم أنه عادي جدا .
حازم اتنهد بضيق و متكلمش . ليلي اتعدلت و اتنهدت بتعب ./دي مش مجرد غيره يا حازم . ده مرض .
ليلي سكتت و هي بتاخد نفسها بضيق . و بتفتكر تحكماته و خناقتهم طول الفترة اللي فاتت اللي بسبب الغيره .
__________________________________________
في الفيلا عند عاصم .
ريماس ابتسمت بهدوء لـ سالي ./والله يا طنط انا بحاول اقنعه أننا نعيش هنا . بس هو اللي رافض .
سالي ابتسمت بهدوء ./يا حبيبتي اختاره راحتكم انتو . بردك انتو محتاجين حياتكم الخاصه بيكم . و البيت مفتوح هنا في اي وقت .
ريماس هزت راسها و ابتسمت بهدوء ./ و كمان هو عايز يسرع الفرح و يسرع كل حاجه . ده موترني بـ زياده .
سالي ابتسمت بهدوء. / مش هقولك اني مش عايزه افرح بـ ابني بسرعه و كده . بس انا عايزه اشوفكم مبسوطين . فـ انتو تقدره تشوفه حل وسط . و مطلاما بتحبوا بعض يبقي كل حاجه هتتحل مش كده .
ريماس هزت راسها و ابتسمت . سالي هزت راسها بهدوء ./يلا نروح نشوفهم .
جيهان اتنهدت بضيق./كلمت حازم يا علي .
علي هز رأسه بهدوء ./اه كان قرب علينا .
احمد ابتسم بهدوء ./ جدك صمم انهارده أن محدش يروح الشغل . عشان العزومه دي .
محمد ضحك بهدوء ./والله كده احسن . مره من نفسنا ناخد يوم اجازه . احنا من يوم خطوبة ايهم و ريماس مخدناش اجازه .
حازم اتنهد بهدوء و دخل و هو ماسك ايد ليلي . و ضحك بهدوء ./اتاخرت عليكم .
جيهان قربت منه بهدوء و هي بتحضن ليلي . و ابتسمت بهدوء ./ مستنيينك من بدري .
حازم ابتسم بهدوء ./ اومال جده فين .
محمد ابتسم بهدوء ./في مكتبه .
جيهان ابتسمت بهدوء لـ ليلي ./ايه اللي اخركم .
ليلي ابتسمت بهدوء ./الطريق .
جيهان ابتسمت بشك ./انتي كويسه .
ليلي هزت راسها بضيق ./مش سيبني في حالي يا طنط والله .
جيهان اتنهدت بضيق ./بعد الغداء نطلع الجنينه و ابقي احكيلي ايه اللي حصل .
ليلي هزت راسها بهدوء . عاصم خرج من مكتبه و ابتسم بهدوء ./حمدالله على السلامه يا ولاد . يلا حضروا الغداء .
ريماس ابتسمت و هي بتقرب من ليلي ./وحشتيني علي فكره .
ليلي ابتسمت بحب ./و انتي كمان اوي . كنت فعلا عايزه اكلمك عشان ننزل يوم بعيد عنهم .
ريماس غمزت بضحك ./هكلمك لما نروح و نتفق .
سالي ابتسمت بهدوء ./يلا يا بنات عشان نحضر الغداء .
ليلي و ريماس ضحكوا لبعض و مشيوا معاهم .
__________________________________________
جيهان اتنهدت بضيق من تصرفات حازم . بعد ما ليلي حكيتلها كل اللي بيحصل منه .
جيهان ابتسمت بهدوء لـ ليلي ./انا عارفه أن غيرته صعبه . بس انتي عارفه ان كل ده من حبه ليكي يا ليلي .
ليلي اتنهدت بهدوء ./ يا طنط عارفه والله . بس اللي بيعمله ده مش غيره يا طنط . انا اوقات بخاف و انا معاه .
جيهان اتنهدت بهدوء ./ انا هتكلم معاه تاني . بس انتي من ناحيتك حاولي تتجنبي كل حاجه هو مبيحبهاش . علي الاقل الفترة دي .
ليلي هزت راسها بهدوء . و ابتسمت باستغراب ./ والله يا طنط انا نفسي مستغربه اللي بيحصل . انا بقيت بتكلم و احكي معاكي . حاجات مش بقولها لـ ماما .
جيهان ابتسمت بهدوء. / عشان عرفنا بعد كويس . و انا عرفت اني كنت غلطانه لما اتسرعت في حكمي عليكي .
ليلي ابتسمت بهدوء . جيهان غمزتلها بسرعه ./بس خلاص متضحكيش حازم داخل علينا .
ليلي اتنهدت بهدوء . و ملامح وشها اتغيرت . حازم قرب منهم و اتنهد بهدوء ./يعني سبتونا و طلعتوا الجنينه .
جيهان ابتسمت بضيق ./كنت عايزه اتكلم مع ليلي لوحدنا .
حازم بص علي ليلي بهدوء . /معلش يا ماما . هاخد ليلي و نمشي . و ابقي اعتذريلهم جوه .
ليلي و جيهان بصو لبعض باستغراب . جيهان اتنهدت بهدوء ./بس ليلي مقلتش انها عايزه تمشي .
حازم ابتسم بتصنع ./انا عندي كام حاجه و همشي . و هوصلها في طريقي .
ليلي اتنهدت بضيق و قامت ./يلا يا حازم يلا .
جيهان اتنهدت بضيق من تصرفات حازم .
حازم اتكلم بهدوء ./سلام يا ماما .
ووووو....
