رواية سلسلة قضايا الجميع مشتبه بيهم القضية الثامنة الغراب الأسود الفصل الاول 1 بقلم اية السحماوي

الضحية الثامنة الغراب الأسود الفصل الاول بقلم اية السحماوي 

" المشكلة ان مفيش جثث للتشريح. مفيش غير هدوم الضحايا ؟!! "

قولت كده و نزلت من العربية أنا و رحمـة، قربنا من المنطقة الغريبة. 

اللي وصل لينا بلاغات كتير من أهالي كتير، بختفاء بناتهـم. 

و مفيش خطف، الموضوع أرعب من كده. 

البنت بتختفي بليل، تاني يوم الصبح بتكون هدومها قدام بيت الأهل.. هـدوم غرقانه زيت أسود!! 

وقفت أنا و رحمـة و اتقدمنا من الشارع، الساعة كانت خمسة المغـرب.. 

دي بلد ريفيـه، مليانة أراضي زراعيـه، و مواشـي. 

البيوت بالنـي و لازقيين في بعضـهم. 

بين البيت و البيت، مسافة بسيطـة.. 

وقفت قُدام شارع منهـم، حاولت ادخل بجسمـي لكن لو وصلت لنص الشارع مش هعرف اعدي للنحية التانية.. 

خّرجت تاني و انا بدقق في الشارع، يعني كده الخاطف مش بيعدي من أي شوارع، لأن مش هيعرف يهرب بالبنـت..

اتقدمنا اكتر للبلد عنيا على كل رُكـن، لفبت بسرعة على صرخة رحمة و كلبشت فيا، لما خرج كلب كبير من شارع و متسلسل بيهوهو علينا بطريقة مرعبـه.. 

مشيت إيدي على ضهر رحمة عشان تهدى من الخضه دي، و ضميت إيديها في إيدي، و كملت الطريق.. 

لقيت تجمع بعض الحريم وكام راجل.. 

الحريم بتبكـي، و واحـدة بتهـدي واحـده، و كل أم شايلة هـدوم في ايـديها و ضمها.. 

قربت منهـم الرجالة قبلتنـا سألتهم بهدوء:-

" ممكن تحكـولي البنات بتختفي ازاي؟ 

رد عليا راجل منهـم باين عليه الكسرة و الحزن و في إيده طرحـه أكيد دي لبنتـه:-

" زي ما يكون لعنة و صابت البلد كلها، عشر ايام

 اختفى سبع بنـات.. مش بيختفي غير البنات بس. 

و الصبح بدري نلاقي الهدوم قدام الباب.. مش عارفين في إيـه "

لفيت عنيا على صوت ست منهم، بتعيـط و ضامه الهـدوم و صوتها مخنوق:-

" دي بنتـي الوحيدة، بعد تعب سنين من غير الخلفة.. 

كنت رايحـة أحلب البقرة و هي في العادة بتيجي تقف معايا، لكن لقيتها بتقولي يا ماما في غُراب متعلق في الشجـرة مش عارف يطير، هفُكـه و أجي.. 

قولتلها متغبيش يا ياسمين.. راحت مرجعتش

رجعلي هـدومها بس.. "

لفيت لصوت راجل تاني قال بستغراب:-

" فعلاً، افتكرت.. و ساميه بنتي كانت قاعدة بتذاكر وقفت تبص من الشباك و قالت و هي بتجري لبرا، يا بابا هفك الغراب من الشجرة.. و مرجعتش "

بقى حال الكل، نفس الشىء، دا يحكي عن الغراب و دي تحكي عن الغـراب الأسـود.. 

بصينا أنا و رحمـة لبعض بستغراب، هل من الممكن يكون غراب هو سبب اختفائهـم؟ 

" هي فين الشجـرة دي! "

سألتهم الكل شاور في اتجاه مُعيـن. 

لفيت أنا و رحمـة، لقيت شجـرة كبيرة و عالية جدا، متعلق فيها خيوط رفيعه جداً شجـرة فعلاً عتيقـه. 

قربت منها أنا و رحمـة خطوات بسيطة.. هي كانت في الجزء المنعزل بتاع القرية، يعني مش وسط البيـوت.. و حواليها أراضـي كتيـر. 

وقفت قدامهـا رفعت عنيـا عليها، شجرة عاديـة. 

و الخيوط دي اللي الغراب بيتعلق فيها. 

لكن اشمعنى البنات بس اللي بتشوفه في الوقت دا؟ 

طب الصبيان الصغيرين محدش بيشوفه!! 

عدى خمستـاشر يوم على شهر العسل و الأوضاع استقرت نوعًا ما، لكن وصل ليا القضية دي " الغراب الأسود "

كنت هسلمها لضابط تاني، لكن عرفت ان في ترجي من اهالي البلد، عايزين الضابط أحمـــــد علّـوَنِـي.. 

نورت الكشاف و اخدته من رحمـة، و قربنا نمشي في الأراضي.. أي دليل. حتى لو بصمة جزمة، هتنفعنـي جداً. 

وقفنا في نص الأرض لما لقينا راجل جنب مكنة رّي و بيقرأ في المصحف بالكشـاف.. أول ما شافنا وقف يبتسم لينا و قال:-

" حمدلله بسلامتك يا حضرة الظابط، أنا اللي قولت للقرية عليك.. قولتلهم الظابط احمد علوني، شاطر جداً و بيتقي الله في شغله، و هيحل القضية دي في اسبوع.. "

ابتسمت له على ثقتـه، راجل عادي في التسعة و الأربعين كده، لابس شال أسود حوالين راسـه أكيد من البرد.. 

" بتعمل إيه هنا في الوقت ده! "

لف عينه حواليه و قال:-

"بّروي الأرض يا بني، أنا الحج خالد.." 

قّربت منه و قعدت جنبـه على الصخرة و عنيا على الميـه اللي بتنزل الأرض:-

" قولي يا حج خالـد، تعرف إيـه عن اختفاء البنات! "

رمش بعيـنه كتيـر كده و بعدين قال و هو بيدي المصحف رحمة، و بعدين بدأ يقلل المايه و يقفل عن الأرض:-

" والله يا بنـي، معلوماتِ زي الكل هنا، بيقولو غراب أسود بيقف على الشجـرة و من بعدها محدش بيشوف البنات، غير هدومهم تاني يوم الصبـح.. و لما اختفت البنات انا قربت من الشجرة دي، و لقيت ريشة من ريش الغراب محتفظ بيها، يمكن تنفعـك "

كشرت وشي بستغراب و مديت إيدي اخدت منه قماشه بيضا صغيرة، فتحتـها و رحمة وقفت جنبي. 

لقيت فعلاً ريشـه كبيره سـودا.. 

لكن أشمعنـى الحج خالد الوحيـد الي عثر على ريشة الغراب؟ بما إنـه غراب محدش شافه، محدش يعرفه، محدش لمحـه، و محدش اصلًا بيشوفه غير البنات اللي بتختفـي، على حسب كلامهـم.. 

يعني كـده حتى ريشتـه محدش هيلاقيـها؟؟ 

هزيت رأسي للحج خالد، و لفيت أنا و رحمـة نرجع تاني للبلـد.. و ألف سؤال و سؤال في دماغـي.. 

ازاي غراب يكون سبب اختفاء البنات! 

طب لو البنت طلعت عشان تفكه فعلاً، مكنش في أي مقاومة منهـم، صريـخ، أي حاجة تلفت ليهم انتبـاه؟ 

رفعت عنيـا أنا و رحمـة لما شوفنا الغراب فعلاً، و وقف على نفس الشجـرة لدقائق معـدودة. 

" أحمد مِد نشوفه بسرعة، اكيد جاي عشان يختفي بنت جديدة ". 

شديت إيديها وقفتها جنبي تاني، و عنيا على الغراب اللي بدأ يطير تاني و يعمل نفس الصوت.. 

ضحكت بهدوء و شديت ايديها و أنا بقولها:-

" شكلي كده هبقى اعلمك بعض طرق خبث المجرمين عشان محدش يكشفهـم.. يعني مثلًا المجرم اللي سبب اختفاء البنات، بعت الغراب يقف و يعمل كده عشان احنا نقول دا غراب عادي خالص، و أهـو جه من غير ما يختفي حد؟ معنى كده مش هو السبب!. عرفتي المجرم عايز يفهمنا إيـه؟ بس على مين؟ أحمـد علوني! دا بيحلـم "

مشينا وسط البلد تاني، رايحيـن للبيت اللي هنقعد فيه فتـرة القضيـة.. كان بيت هادي، و جميـل و بسيط، بيدل على بساطة أهل البلـد.. 

لكن البيت كان منعزل شوية عن البيت التانية، مفيش حواليه بيوت، قدامـه بس.. 

لكن قبل ما ندخل لفينا و شوفنا زي ما بيقولو عند الفلاحيـن " عِشـه ".. بعيده أوي عن البلد و في قدامها لمبة جاز.. 

عكست الطريق تاني أنا و رحمـة و قربنا من العشـة دي، مشينا وسط الأراضي، الطيـن، الميـه.. 

دقايق و كنا واقفين قدام العشـه. 

تبدو من بعيـد صغيرة، لكن دي كبيـرة، مصنوعه من البوص و الحطب و القـش.. 

و في قطـعة ارض بحجم مربع صغير قدام العشـة، مليان ورد بنفسجـي، شكـله جميـل.. 

رحمـة قربت من الـورد، و أنا عنيا على كل حاجة حوالين العشة الغريبة دي.. و لما محدش ساكن هنا، ليه في لمبة جاز مولعه قدام العشـة.. 

لفيت تاني لرحمـة اللي عايزه تقطف وردة.. 

لكن لحـظة، أنا افتكرت الوردة دي، انا درستـها فعلاً.. 

برّقت عنيا بفزع و أنا بصرخ في رحمـة:-

" لا لا... رحمــــــــة أوعـي تقـربي ولا تقطفــي! "

القضية الثامنة الفصل الثاني من هنا