رواية مزيونة الشيخ الفصل العشرون بقلم شهناز العلالي
ياسر/نزلت اركض الطفل شبه منتهي بس بي نفس اني وداشيله لكيت صكر كبالي ...احس الوكت وكف صحر بس شافني عيونه غدت دم ...كبل شلت الطفل ...راح اتلاحك بي بالمستشفى...طلعت بسيارتي والطفل ويايه ...وصكر ورايه بالسيارة ....اتشنجت ايدي ترجف ماعرف شلون سقت ...دزيت مسج ل كحلاء كتلها "
_وين ابوي اني الي بالمستشفى الفلانيه........
_بابا طلع شبيك ...ياسر الووووو...
كحلاء/دكيت على بابا وجسمي كله يرجف ماكو رد بابا ناطيني صلاحيه ليست حجابي قفلت البيبان واني ادردم ....يربي مصدكت خلصت الامتحانات حتى ارتاح هاي شصاير المشكلة اخاف ياسر صاير عليه شيء ...
والله رجت على بيت جيرانه رجال كبير بعمر بابا كتله"
_عمو الله يخليك وصلني للمستشفى ياسر مسوي حادث واخبار على بابا ماكو ف دزيت اله رساله وكلت الحكه .....
_والله يابنتي ..مرت ابني جاي تطلك وراح نطلع بيها للقابله.....
*ضليت صافنه بهذا الزمن اغلب النسوان يلزكون بمستشفى وهاي تريد تجيب يم قابله ...كتله "
_الله يكومها بالسلامه
*مشيت وضليت ادردم هففف شنو هذوله بيا زمن قابله ..اسمعه من بعيد عود خل ابوج يطمني ...بداخلي كتله هستوني كتلك اذا اجه ابويه وكله هففف والله صدك كال ابو المثل مدري اني ...كلمن حاير بروحه ...وكفت بالشارع اباوع اريد اختار تكسي كبير بالعمر مر١٠دقايق واني صافنه.....شفت تكسي كلت ايي
..صعدت مبين من وجهه رجال ثكيل اشو هذا طول الطريق بس يباوع عليه ...
كلت اني قوية ....قوية ....اني رجال هههه
الحمد الله وصلت نزلت كبل للاستعلامات لكيت اخويه واكف مبين قلق وجهه اصفر كبل ركضت هو اجه عليه ....كانه لكاني لكيه كال"
_بابا وين ...
_شصاير وياك.....
كحلاء ضلت تتفحص ياسر عبالها هو المصدوم ...
هنا وصكر جاي يتصل ب اخوه وعمامه ... خلص مكالمه كبل اجه لزم ياسر من ياخته....
_لك نذل ابني جاي يموت ...لك عار ....
هنا وكحلاء"
_عوف اخويه....عوووفه ...
_ها لك ياسر جاي تتحامه بالنسوان .... امشي انتي منا لا ادفنج بمكانج....
_شنو ..شنو تدفني بمكاني داده على كوله نسوانكم الفك لف تره اني كحلاه عيب تحاجي مره بهالطريقه خوش والله زلم اخر وكت ...
_باعي اخوج داعم ابني ... يعني هسه اذا اخلي طلقه براسج محد يكولي ليش
ياسر"
_اشش كحلاء
_ياسر صدك الي صار وشجابه هذا هنا ....
شنو داعم ابنه عزااااا يانصيب المصيبه ...
صكر"
_اسمع لك ابني اذا صار بي شي عيونك ماتشوف الشمس
صكر/عفتهم ووكفت كبال الباب.....هنا كلبي ممرود اني رجال وعيوني ماتدمع مو..بس ضل كلبي ينمرد على ابني الشي الوحيد الي طلعت بي من الدنيا...واكف لازم راسي وتليفوني ابد مايسكت ... اسمع ابوهم اجه ...بين ما اني اريد انهد عليهم ...اجه الدكتور منزل راسه
_للاسف الطفل الضربه اجت براسه وتوفى ...
ياسر:موقصدي بابا والله قدر صار ماجنت منتبه جان التليفون ب ايدي ..مامنتبه صدكني...
صكر اجه شبع ياسر بوكسات ....
_بس خل اكمل إجراءات الطفل ...صدك اذبك وره الحديد ...عمامي بالطريق جايين....
الطفل يجي رزقه وياه وخالد جان فرحتي هو صح مسؤلية بس وليدي من صلبي شلون راح انطي خبر ل ايمان مهما كانت هي ام ...
هذا يااااارب...رحت بكل سرعه بنصف المستشفى لزمت ياسر ضربته بوكسيات اجو فاككوني حرك كلبي ....حرك
ابو ياسر:شجابه هذا هنا وشلون صار هيج شنو هاي الصدفه شجابه لبغداد ....
ياسر:والله يابوي مالي ذنب مالي ذنب...
كحلاء:انت شبيك جاي تتهجم بمكان عام مو كلنا قدر ..
صكر بكل تنرفز "
_النسوان مايحجون...
_لا اختف انتو يمكم (حشى الزينين) ماتحترمون المرة ولاتنطوها قدرها احنه هنا المره تحجي وماتسكنتي انت
ب اي حق ....
_باعي لازم نفسي ...لازمها كوه روحي لا اسويج وصله مسح ادبسز ...
اكيد صار بلاغ للشرطه هذا بحث اخر ياسر راح بالرجلين دخل سجن ...
الاب شبع قهر البيت عبارة عن غيمه سودة حطت عليه...
شكد توسل بصكر بس ماكو فايده ...
صكر دفن ابنه خالد بالنجف وبلشت الفاتحه...
صكر اتصل ب اخو ايمان وبلغه بالي صار...واول يوم الفاتحه اجت ايمان تلطم وتدط وتنوح على ابنها .. صكر كبل طردها من الفاتحه ....
ايمان كالت"
_ابني راح...ابني راح وانت تطردني من الفاتحه ؟؟
_الي راح ابني هم بس عتبه هذا البيت ماتخطيها انتي وصخه ورخيصه
_اني وصخه ورخيصه بس اني ام اريد اشم هدومه اريد ابني حرمتني منه حسبي الله ونعم الوكيل ربك على كل ظالم ...
صكر "هنا عيوني صارت براسي ....كتلها "
_لج دايحه ...لاتخليني ارفع صوتي بوسط الوادم انتي ظلمتي نفسج انتي هجمتي بيتج لج حلال بيج الكتل انتي زانيه ...زين مني عفيت عنج واكدر انفذ بيج الحك ...دشوفي اخوج .....شوفي عينه مايرفعها بعيني....
نزلتي راس اهلج...فأحسن الج بطلي دموع التماسيح وماريد اشوفج الي يربطني بيج راح .....راح وارتاح لج جنت شايل هم بكد الجبل لو كبر خالد شلون راح يرفع راسه بنص الوادم وامه ال...ك...ح...ه اشرف من عندها....روحي وبعد اسمع شي عنج....
ايمان/طلعت من يم صكر وكلبي ينزف حزن قهر الم كلشي ممكن تحسون بي بهذاك اليوم عشته ....
ضليت حايرة بروحي منا خالد الي فقدته...ومنا فؤاد متبري ....ومنا اهوي بدة يسمعني حجي ....ومنا مها ....
قررت اذب مها بدار الايتام وهذا قرار صعب بس اي وحدة بمكاني ممكن تتصرف هيج..لازم اخفف من حملي ...طلعت اخذت مها ورحت سلمتها ب ايدي لدار الايتام كامت تبجي تصيح ماما سديت اذاني ومشيت ضلت تركض وراي تصيح ماما لاتعوفيني ماما ....
كمت امشي اسرع رحت...رحت وما التفتت وراي ابد .........
رجعت لبيت اخوي مرت اخوي شبعانه لجي عليها....عطت بيها كتلها:
_اسسس ماريد تجيبون اسمها بعد واني هم من باجر ادور شغل بعد
_انتي مو بطبيعتج انتي مصدومه بخالد وامشي خل نروح نرجعها.....هاي من دمج ولحمج شلون تعوفيها اخخخخخ ...
_معليج مني انتي عليج ب جهالج.....
صكر/بعد ماخلصت الفاتحه...كعدت وي اخوي مازن ورجال العشيرة واتفقنا على اقامه فصل عشائري ويه بيت ابو ياسر والفصل العشائر مقرر٣٠٠مليون..... بممممممممممم
طلعت اني والزلم لبغداد وصلنا لبيت ابو
