 |
رواية عشقي الابدي الفصل الثاني والعشرون بقلم ساره
عمر بص لهنا بنظره حزن وسكت وكان هيتخرك ناحيه مكتبه وقفته ايد هنا لما مسكته من دراعه
هنا بحب/ انا لو مبثقش فيك مش هقف معاك الوقفه دي أنا من يوم مشوفتك وانا عارفه ان انت مش ممكن تأذيني واتأكدت اكتر لما ساعدتني ساعه تعب والدي
لو كنت حابب تأذيني مكنتش هتستني الوقت ده كله
عمر بص لهنا وابتسامه حب ظهرت علي شفايفه
وهنا ضحكت وبصتله تاني
- انا اه عارفه انك نسونجي وعيونك دول رايحين ورا اي حاجه مؤنثه بس برضو بثق فيك
عمر ضحك علي كلام هنا وسكت وهنا بصتله بعند
- بس اضبط كلامك حفله اي ال اخضرها معاك دي ان شاء الله
عمر/ ياستي اتهدي بقه وسبيني اتكلم كلمتين ع بعض
هنا/ اتفضل اديني اتكتمت ارغي
عمر / ارغي ارتقي بأسلوبك شويع بقه يخربيت كده
عنا لعند/ ياالله ياعم اخلص
عمر/ بصراحه انا اتدبست في حفله فاكره البنت ال شوفناها في الكافيه
هنا بتفكير/ اله الا زعقتلي بسببها ؟!
عمر بضحك/ اه هي دي المهم أن هي عايزاني احضر حفله عيد ميلادها ومصممه اوي ولازم تكوني معايا
هنا / ولازم آكون معاك ليه
عمر / علشان مراتي مثلا
هنا بصت لعمر بصدمه ووشها احمر من الخجل وعمر لاحظ كسوفها ورجع بصلها بتنهيده
- قصدي علشان قولتلها انك مراتي وهي مصممه وجودك
هنا / طبعاً مش مصدقه وعايزه تتأكد صح ؟!
عمر / اه حاجه زي كده
هنا بتفكير/ تمام عرفني اي حكايه البنت دي وانا افكر اروح ولا لا
عمر / هنا انا مش جاهز للكلام داوقتي في الموضوع ده لأني مش عايز اتعصب
هنا بعند / خلاص براحتك وانا مش هروح معاك في مكان
عمر بجديه/ هنا انا مش هقدر اجبرك ع حاجه اكيد وليكي مطلق الحريه انا اول مره اطلب من حد طلب زي ده الحفله هتكون الساعه ٧ بليل هعدي عليكي تحت البيت الساعه ٧ هستناكي لغايط ٧ وربع لو منزلتيش همشي عادي
هنا لعند/ مش هنزل ومش هروح معاك في حته
عمر بإستفزاز/ مهو أصلا انتي مش وش حفلات بمنظرك ده ده انا مجبر تروحي معايا والله مش عارف عودي وشي من الناس ازاي وانا ماشي جنب عم بدوي كده بقولهم مراتي
هنا بصتله بصدمه وشهقت من أسلوبه .. شوفلك بقه شاكيرا تروح معاك انسي اني اروح معاك دي خاالص أنسي ياعمر
هنا خرجت وعمر ضحك علي عند هنا معاه وقعد يكمل شغله
هنا مشيت مع ليان وهي سرحانه ومش عارفه اعمل اي مع عمر
ليان/ مالك يانونه في حاجه ولا اي
هنا بتوهان/ لا مفيش
هنا بصت لليان تأني وقالت بحيره/ لا في بصراحه
ليان/ طيب احكي يمكن نلاقي حل سوا
هنا بصو لليان وحكتلها كل حاجه خصلت مع عمر وطلب عمر منها ان يروحوا حفله سوا
هنا/ بس ياستي ومش عارفه اعمل اي بصراحه
لا انا مستحيل اروح معاه في حته يشوف شاكيرا بقه ولا اي مزه تروح معاه غيري بقه
ليان/ لا انتي غلطانه طبعاً
هنا/ اومال اعمل اي ياعنب ياليان
ليان/ تروحي تجهزي وتلبسي دريس شيك جدااا وتثبتيله انك قمر وبتبقي مزه الوقت ال انتي عيزاه
هنا بصت لليان وضحكت/ يابنت الايه مانتي دماغك شغاله اهو أومال مالك كده مش عارفه تعملي حاجه في حياتك انتي وحازم ليه
ليان بضحك/ سيبك مننا دلوقتي انتي ترجعي البيبت وتجهزي وتبقي صاروخ كده وتروحي مع عمر وتندميه ع عم بدوي ال قالها دي
هنا / بس خايفه ياليان خايفه اوي
ليان بصت لهنا بهدوء/ انتي حبتيه ياهنا؟!
هنا بصت لليان بصدمه ونفت بسرعه .. لا طبعا احب اي عمر بيتسلي وانا بالنسباله ولا شي أصلا
ليان/ متقوليش كده ياهنا عمر غير مانتي متخيله خالص
هنا بحزن/ عمر بتاع بنات اوي ياليان ولو حبيته هبقي بظلم نفسي لان هو مش شايفني أصلا
ليان/ ياعني انتي مبتحبهوش!!
هنا / ارجوكي ياليان مش عايزه اتكلم في الموضوع ده وعلي الاقل دلوقتي مش جاهزه للكلام ماشب
ليان بتفهم/ تمام يانونو بس لو عوزتي تتكلمي انا موجوده
ماشي؟!
هنا بحب/ وانا ليا غيرك ياقلبي انتييي ربنا يخليكي ليا ياحبي يااارب
ليان/ ويخليكي ليا يانونو ياااارب
ليان رجعت بيتها وفضلت تفكر في كلام هنا كتير وطلعت كل اللبس ال جابته هي وهنا وبصت في مرايتها
- وليه لأ مهو جوزي برضوو
ليان ضحكت بخجل وخدت شنطه ولبست ال فيها وطلعت حطت ميك اب بسيط وفردت شعرها الطويل من غير اي قيود وحطت بيرفيوم خفيف وحازم كان وصل البيت وليان نزلت تستقبله بنفسها
حازم اوا ما شاف ليان اتصدم من جمالها ليان كانت لابسه روب وربطاه كويس وفارده شعرها البني الطويل
وبصت لحازم بحب وقالت بهدوء .. حمد الله علي السلامه
حازم بصلها بتوهان/ الله يسلمك يالولو بس هو في أي النهارده ياعني
ليان مسكت ايد حازم وخدته معاها لؤضه نومهم ووقفت قدامه بحب
- في أي ياعني مفيش حاجه
حازم بص لليان وضحك
ليان بعبوس/ شكلي وحش ولا اي
حازم بغمز/ لا هو شكلك احلي من القمر بس انا ال مش ضامن نفسي وأحنا لوحدنا كده
ليان بصت لحازم بعدم فهم/ باعني اي مش فاهمه
حازم بضحك/ مش لازم تفهمي يالولو
ليان/ يبقي شكلي وحش انا كنت حاسه أصلا وقولت أن مش هعرف اكون حلوه زيهم بس هنا مصدقتش
حازم بص لليان بإستغراب/, هنا انا مش فاهم حاجه
ليان/ هنا قالتلي أن لازم اكون حلوه في عيونك دايما علشان متبصش بره علشان انت في ستات كتير اوب حلوين حواليك ولازم اكون حلوه زيهم علشان متبصش بره
حازم/ ليان سيبك من كلام هنا ده خالص انتي اجمل ست في عيوني انا عمري مافكر اني ابص لواحده غيرك
ليان بطفوله/ بجد ياحازم
حازم
قرب من ليان بحب/ بجد ياروح حازم وقلب حازم من جوه
ليان قربت حضنت حازم وحازم محسش بنفسه غير وهو بيقبل ليان بكل حب ورغبه في نفس الوقت ومكنش قادر يبعد عن ليان خالص وبعد مده بعد عنها وليان بصتله بإستغراب
حازم/ ليان انا مش عايز اعمل حاجه ترجعي تندمي عليها بعدين
ليان/ اندم
حازم بحب/ ليان انا نفسي اقرب منك اكتر منك مليون مره وصدقيني انا ماسك نفسي عنك بالعافيه بس انا خايف تندمي من قربنا ده
ليان/ حازم انا عمري مهندم ان انت تبقب جوزي
حازم بحب/ انا مش هكمل جوازنا غير اما ارجعلك كل حقوقك وفلوسك من أهلك واعلن جوازنا قدام الناس كلها
علشان يبقي قرارك ناحيتي مش عليه اي ضغوط
ليان بصت لحازم بحب ومسكت ايد حازم وباستها بحب
وبصت في عيونه بحب ... بحبببك والله بحبككك وعمري مهندم علي اي لاحظه معاك انا بالفعل بندم بس علي كل لاحظه عشتها بعيد عنك ربنا يخليك ليا ياحبيبي يااارب
حازم حضن ريحان وباس راسها وتتكلم بهمس
- عارفه ياليان انا حياتي كلها عمري محسيت الإحساس ان حاسه دلوقتي يمكن حاسس ان مالك كل حاجه في الدنيا دي وانا حاضنك انا بشوف الحياه في عيونك ياليان ضحكتك بتحرك قلبي بتخليه يدق من الفرحه ودمعه من عيونك بتخلي قلبي هيطلع من مكانه بسبب دموع عيونك
تعرفي ياليان انتي بقيتي نقطه ضعفي الوحيده ال خايف ان اي حد يستغلها بقيت اخاف عليكي وكانك جزء مني بفضل اسال نفسي كل يوم هو لو مكنتش قابلتك كان هيبقي شكل حياتي اي دلوقتي
ليان بحب/ كان هيبقي شكل حياتي انا اي انا من غيرك ولا شئ ياحازم انت كل حظي الحلو في الخياااه
حازم حضن ليان بحب وليان كمان حضنته وهي مبسوطه وقلبها بيدق من كتر الفرح
في بيت هناااا
هنا كانت واقفه قدام دولابها ومحتاره تلبس اي ولا تعمل اي
هنا/ والله لوريك ياعمر انا هوريك اني اقدر اكون احلي من كل البنات ال تعرفهم كلهم
هنا طلعت فستان نبيتي بسيط جدااا ولفت حجاب ؤوف وايت وخطت ميك اب خفيف وروج احمر يظهر شفايفها
ورشت بيرفيوم ظاهر وبصت في المرايا
ايوا كده زي القمر ياهنون خليه يشوف اني اقدر ابقي حلوه وقت مكون عايزه
عمر كان وصل تحت عماره هنا وبص في ساعته
- ياتارا هتنزل ولا مش هتنزل بقه انا ساعات مش بفهم عندها معايا ده
عمر فضل واقف شويه بعربيته وكل شويه يبص ع ساعته وكان فقد الامل أن هنا تنزل اصلا وكان لسه هيتحرك بالعربيه لمح هنا خارجه من عمارتها
وهي لابسه فستان شيك جداا
هنا كانت خارجه بخطواتها وبتهز قلب عمر من جوا ال نزل من عربيته وهو مبهور من جمال هنااا ال كان واضح جدااا
عمر/ اي ده حضرتك مين
هنا بضحك/ انا هنا هكون مين ياعني
عمر بضحك/ ماخنا عندنا إمكانيات أهو اومال في أي بقه
هنا بصت لعمر بجرئه واتكلمت بهمس .. مقولتلك كله متشال للشخص المناسب بس انا بس بوريك أن اقدر اكون جميله
عمر بص لهنا بهمس / انتي جميله في كل حالاتك ياهنااا
تصوري أن مش عايزك تروحي الحفله دي
هنا بصت لعمر وضحكت . ليه يعني
عمر / مش واثق في حد هناك هتصدقيني لو قولتلك خايف عليكي من عيونهم هناك
هنا بصت لعمر بحب/ تعرف انا مش خايفه علشان انت هتكون موجود معايا انا مش بخاف علي نفسي وانا معاك أصلا
عمر بص لهنا وضحك/ طب يلا بقه علشان انتي زي القمر كده والشيطان بيرفرف حوالينا وانا ضعيف اوي قدام الشيطان بصراحه
هنا بضحك/ لا يلا ياوحش بقه بينا ع الحفله علشان سياده المستشار لو شافنا هينزل يدفنا هناااا
عمر فتح لهنا باب العربيه وقعد جنبها وكان سايق وهو مبسوط وشغل كاسيت العربيه وكانت اغنيه شرين
هنا ضحكت وبصت لعمر وغنت مع الاغنيه
- بيعاملني بطيبه واحساس ويدلعني قدام الناااس
بيعرف اني رومانسيه بيلعب ع الوتر الحساس
عمر بص لهنا وضحك وقال / رومانسيه اوي بصراحه
هنا ضحكت ورجعت تغني مع الاغنيه وعمر غني معاها هو كمان
الرايه البيضه برفعها واوامر حبه بتبعها ماكر عارف نقطه ضعفي من بين العالم والنااااس
عمر بص لهنا / رفعتي الرايه البيضه
هنا بصتلع وضحكت/ تؤتؤ
عمر/ أومال
هنا بصت لعمر وهمست براحه ... انا مبرفعش رايات
انت ال هترفع الرايه البيضه ياعمر
عمر بص لهنا بضحك/ عمر السويدي يرفع رايات بيضه ده بعدك ياهنون
هنا بضحك/ بكره نشوف يامرمر
عمر ضحك وكمل سواقه
في بيت الحديدي
وليد بصدمه/ اي حازم الالفي اتجوز واتجوز مين
- انتي لازم تعرفي كل التفاصيل دي يااعني اي اتجوز دي شوفيلك همه كده انا عايز كل التفاصيل تبقي عندي وتعرفي مين دي ال اتجوزها
- وكمان تفاصيل الصفقه الجديده انا عايز الصفقه دي
وليد قفل التليفون
- يومك قرب اوي ياحااازم خلاص عصر الحديدي راجع تاني هرجعك للصفر تاني ياحازم ياالفي
