رواية عشقي الابدي الفصل الثالث والعشرون
عمر وقف العربيه قدام فيلا ضخمه جدااا وهنا بصت للمكان وكانت خايفه وبصت لعمر بخوف وعمر حس بخوفها ده وبصلها بهدووء ومسك ايدها علشان يحاول يطمنها
عمر نزل من العربيه وهنا نزلت من العربيه ووقفت جنب عمر
عمر بصلها ومسك ايدها بتملك ودخل معاها الحفله تحت نظرات الموجودين ال كلهم عارفين عمر تقريباً ومستغربين من وجود هنا معااه
ياسمين/ مبسوطه انك جيت اوي ياعمر
عمر برسميه/ كل سنه وانتي طيبه
ياسمين/ وانت طيب ياعمر
ياسمين بصت لهنا ببرود/ أهلا
هنا بنفس البرود/ أهلا كل سنه وانتي طيبه
ياسمين بسخريه/ وانتي طيبه بس الحفلع يمكن متناسبكيش مفيش حد هنا هيتوافق معاكي
هنا بصتلها بسخريه/ والله كفايه جوزي متوافق معايا ولا انتي شايفه اي
عمر بص لهنا وضحك علي كلام هنا من غير ماياسمين تاخد بالها منه
ياسمين بصتلها بغيظ/ تمام عندك حق اتفضلوا الحفله بتاعتكم
هنا دخلت مع عمر وعيونها بتلف في الحفله كلها والعالم المختلف ال بتشوفه في التليفزيون بسس وعلامه الصدمه والخوف باينين علي وشعا
عمر قرب من هنا وهمس بصوت واطي
- اقفلي بوقك ده متفضحينااااش
هنا / اي ده اي الناس دي واي الاشكال دي ده كل شئ مباح كده
عمر ضحك بمراره/ كل ال انتي شيفاه ده ياهنا كدب وخداع كل ال هنا دول بيكرهوا بعض وبيجمعهم مصالح بس وتلاقي كل واحد فيهم بيشتم التاني اول ميلفت ضهره
هنا/ صح فعلاً كله نفاق
قطع كلام عمر مع هنا دخول شاب في بدايه التلاتينات
- عمر باشا اي الاخبار
عمر ابتسم برسميه/ طارق باشا مش معقول
طارق/ هو ال مش معقول ان انت ال تيجي حفله ياسمين السنهوري
عمر ضحك/ عادي ياعني كانت معرفه برضو وبعدين إحنا اصدقاء
طارق ضحك وبص ع هنا بإعجاب وعمر بصله بغيظ
- مش تعرفنا ياعمر
عمر مسك ايد هنا بتملك وبص لطارق.. مدام هنا السويدي مراتي
طارق بص لهنا بإعجاب/ أهلا مدام هنا طارق الشناوي مالك الشناوي جروب اكيد سمعتي عني قبل كده
هنا بصت لطارق بقرف من نظراته/ بصراحه لا مسمعتش عنك قبل كده
طارق ضحك بكل صوته/ ازاي ياعني عمر باشا يعرفك بقه
هنا/ لا عادي مش لازم ياعني مش شرط اهرف الشناوي جروب ياعني كفايه عليا ان عمر عرفك
طارق بص لهنا
- تسمحيلي بالرقصه دي يامدام هنا
هنا/ أكيد لأ طبعاً مبرقصش مع حد أنا
عمر بحده/, هنا مش بترقص غير معايا انا شوفلك حد تاني شوف ياسمين مثلاً
طارق ضحك بسخريه/ رقصت معاها كتير فزهقت
عمر بص لطارق بنرفزه ومسكه من لياقه قميصه/ هنا خط احمررر ياطااارق فاهم كلامي كويس ولا تحب افهمهولك
طارق ضحك بإستفزاز/ براحه علي نفسك ياعمر وبعدين سيبها هي تقرر ترقص مع مين فينا
عمر بزعيق/ انت اتجننت دي مراتي انت اتهبلت ولا اي أقسم بالله كلمه كمان وهفصل رقبتك عن جسمك وانت عارف اني اقدر اعمل كده كويس ال سكتني زمان مبقاش موجود دلوقتي
هنا بخوف/ خلاص ياعمر سيبك منه وابعد عنه ده انسان مختل باين
طارق بضحك/ لا مش مختل بس تحبي ترقصي مع مين فينا
هنا بصت لطارق بحده/ انت مجنون ده جوزي هسيبه هو ورقص معاك انت تبقي مين انت ان شاء الله
طارق/ ابقي طارق الشناوي
طارق بعد عن عمر وعمر كان متعصب جدااا من طارق
وهنا حاولت تهدي عمر وعمر بص لطارق بعند ومسك ايد هنا وخدها ورقص معاها تحت نظرات طارق آل هتامل هنا بعيونها
عمر قري من هنا وحط ايده بتملك علي خصرها وقربها منه ومسك أيدها بهدووء حطها علي رقيته وبص في عيونها ال كانت بتحاول تهرب منه وعمر رفع وشها بهدووء بعد مقربها منه اكترر وهو حاسس بضربات قلبها ال هتخرج من صدرها من كتر الدق
-مالك
هنا بصتله بخجل / اصلل قربك ده موترني انا مش متعوده اقرب من حد بالمنظر ده .. انا شبه في حضنك والناس كلها شيفاها
عمر بهمس/ كل الناس هنا فكراكي مراتي اي رأيك لو تتصرفي وكأنك مراتي الخمس دقايق دول بسس
هنا بصت لعمر ومن غير اي تفكير حطت راسها علي صدره وغمضت عيونها بهدوووء
عمر ضمها اكتر لحضنه وغمض عيونه اول محس بقربها وشد لي خصرها اكتر لدرجه ان كان عايز يدخلها بين ضلوعه وهي بتتناميل في حضنه علي نغمات الرقصه
هنا كانت ناسيه الناس كلها وهي في حضن عمر مش حاسه بحاجه غير عمر وحضن عمر ال بالنسبالها أوسع من الدنيا دي كلها وريحه عمر ال ملت صدرها ومبقتش شامه حاجه غيرها لدرجه ان هي ضمته بشكل اكبر
وفي خيالها كل الروايات ال قرتها صورت ان عمر هو بطلها وهي بقت البطله ال بترقص مع بطلها علي نغمات الاغنيه ال دايما تسمعها ومجاش في بالها غير ..
صوت ماجده الرومي في اغنيه كلمات..
(( يأخذني من تحـتِ ذراعي
يزرعني في إحدى الغيمات))
هنا رفعت راسها بصت لعيون عمر وكلماتت الاغنيه بتتردد في ودنها وقربت حضنته تاني وغمضت عيونها لخيالها يتلاعب بيها مع كلمات اغنيه من خيالها
((وأنا كالطفلـةِ في يـدهِ
كالريشةِ تحملها النسمـات))
هنا رفعت عيونها لعمر وهنست بعيونها ال الدموع لمعت فيها
- انا مش عارفه ليه قربك بيوترني وبيفقدني صوابي بالمنظر ده
عمر همس لهنا بحب/ يمكن علشان قربك انتي كمان بيخليني ناسي الدنيا وما فيها بيخليني احس ان مالك الدنيا دي كلها البصه في عيونك بتوهني ياهنااا
هنا بصتله بصدمه من كلماته ال اول مره تسمعها في حياتها وعيونها جواها كلام كتير
وسرحت بخيالها لنفس الاغنيه
((يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات))
عمر من غير تفكير قرب من هنا وغمض عيونه وقبل عيونها بحب وهنا غمضت عيونها وضربات قلبها بدأت تعلي اكترر وعمر حس بضربات قلبها دي وبص في عيونها وهي لسه في حضنه وابتسم علي برائتها وخجلها ال بتحاول تداريهم مش قادره
عمر ابتسم وحاول يخرج عنا من كسوفها
عمر بص لهنا وضحك/ نص بنات البلد هيحسدوكي ان انتي بترقصي معايا لعلمك
هنا بصت لعمر وضحكت بكل صوتها .. يادي النرجسيه ال انت فيها دي
عمر ضحك علي كلام هنا ... مش عارف بس بحس براحه لما بعصبك واسمع كلمه ننرجسي منك بجدد
هنا / اممم
هنا بصت نايحه طارق وبصت لعمر تاني بخوف
عمر / مالك
هنا / مش عارفه ياعمر بس البني ادم ده نظرته مخيفه انا خايفه اوي
عمر قرب من هنا اكتر وبص في عيونها بحب .. طول منا جنبك اوعي تخافي من حد ياهنا
هنا بصت لعمر بحب/ اقولك حاجه بس متغلسش
عمر ضحك بخفه / قولي
هنا بصت في عيون عمر وقالت بحب .. عيونك بريئه اوي ياعمر
عمر بصلها بإستغراب / بريئه ازاي
هنا بحب/ مش عارفه بس بريئه وفيها كميه طفوله كأني باصه في عيون طفل صغير ذائد أن عيونك جميله اويييي
عمر همس بصوت واطي/ وانتي عيونك اجمل ياهناااا
هنا بخجل/ بجد
عمر/ جداااا جدااااا عارفه ياهنا انتي اجمل من كل الموجودين دول جمالك الداخلي وبرائتك ظاهرين يخلي اي حد ينجذب ليكي
هنا ابتسمت بخجل وسكتت ونزلت عيونها من عيون عمر
عمر بصلها بمشاكسه/ قولي انك مش قادره تقاومي جمالي
هنا بصت لعمر,/ يخربيت ذاتك بجد نرجسيه إڤري تاااايم بجد
عمر بص لهنا وسرح في عيونها ونسي الحفله والناس وطارق وياسمين نسي كل الناس ومحسش بوجود اي حد غير هنااا
انتهت الرقصه وعمر وهنا راحوا قعدوا علي الترابيزه
في بيت الحديدي
عبد الله/ ليان لازم تظهر
وليد/ فلتت من ايدي مره بس مش هتفلت تأني
عبد الله/ ليان دي بإسمها ٤٠ في الميه من اسهم الشركات
انت متخيل انا لازم اخد اسهمها دي انا ال تعبت مش ابوها
وليد/ متقلقش هتروح مني فين هجبها ياعني هجبها
عبد الله/ كفايه عليا أسهم جيهان ال مش عارف ليها طريق دي
وليد/ إحنا ال تعبناا وأحنا ال شقيناااا في الشركه دي الاسهم دي حقوقناااا إحنا مش حق حد تاني محدش تعب غيرنااا
عبد الله/ هو جدك السبب معرفش مين لعب في عقله في اخر ايامه وقرر يكتب نصيبهم ويسجله كمان في الشهر العقاري وانا الأحق بكل ده انا ال عملت كل ده محدش شال معايا
في بيت حازم
ليان/ هو انت رايح فين يا حازم
حازم بص لليان بإستغراب من سؤالها.. اي السؤال الغريب ده
ليان/ غريب ليه يعني
حازم/ أصل اول مره تسألي رايح منين وجاي منين وانا مش متعود حد يسألني أصلا
ليان/ من هنا ورايح بقه تتعود ان اسألك رايح فين وجاي منين ياعني شيفاك متشيك كده ونازل دلوقتي ومسالش رايح فين
حازم بص لليان وضحك/ عندي عشا عمل مع وفد روسي علشان صفقه مهمه جدااا
ليام/ طيب ولازم تروح متأنق كده وريحه البرفيوم بتاعتك تدوخ كده
حازم قرب من ليان وضحك/ دي غيره دي ولا اي
ليان / اعتبرها زي متعتبرها أصل انا محبش حد يشاركني في حجاتي
حازم قرب من ليان/ وانا بقه حاجه من حجاتك
ليان بصت لحازم بحب/ انت كل حجاتي ياحاازم واهم حاجه في حياتي
حازم/ مابلاش الكلام ال يخلي الواحد يعمل حاجات هيموت ويعملها
ليان/, حاجات اي
حازم بضحك/ انتي لسه صغيره ع الحاجات دي يالولو
ليان بصت لحازم ولوت وشها/ انت صغننه
حازم / ايوااا
ليان/ طيب هاتلي شيكولاته وانت جاي بقه علشان نفسي فيها اوي اوي
حازم/, من عيوني حاضر همشي بقه علشان متأخرش
ليان/ طيب خد بالك علي نفسك ومتتأخرش مش هنام غير اما تيجي
حازم/, ماشي ياحبيبتي مش هتأخر
هنا/ هروح التواليت وجايه
عمر بضحك/ اجي اوصلك ياعني ولا اي
هنا/ يخربيت رخامتك اوعي كده
هنا راحه ناحيه التواليت ودخلت تضبط طرحتها ودخلت ياسمين وكانت واقفه جنبها
ياسمين/ وانتي عمر متجوزين بقالكم قد اي
هنا بصتلعا وضحكت بإستفزاز/ بقالنا سنه
ياسمين/ ومأعلنتوش جوازكم ليه في السوشيال
هنا بصتلها/ عادي احنا متجوزين علشان بنحب بعض مش علشان نعلن علاقتنا ع السوشيال ميديا
ياسمين ضحكت بإستفزاز/ بتحبوا بعض انتي متعرفيش عمر ولا اي عمر مستحيل يحب واحده بعدي ع فكره هو متجوزك علشان ينساني وبصراحع انتي متخليش محلي خاالص انتي مجرد تسليه لعمر شويه وهيزهق منك
عمر عرف بتات كتير علشان ينساني مبتشوفيش بيبقي عامل ازاي لما يشوفني
هنا بصت لياسمين وضحكت علي كلامها/ ياسمين ياحبيبتي ال بيتسلي بواحده دي عمره ميشيلها اسمه
خلي دي في بالك كويس لو عمر بيتسلي بحد يبقي كان بيتسلي بيكي انتي اوكي ياحبيبتي
هنا سابت ياسمين هتولع من الغيظ وخرجت لترابيزه عمر
هنا/ انت اتاخرت وعايزه أمشي
عمر/ استني شويه بس احنا مكملناش ساعه حتي
هنا بنرفزه/, لا ياعمر عايزه امشي يلا لو سمحت لو مش عايز تمشي خليك وهمشي انا
عمر / يلا يااخره صبري اتفضلي قدامي ملكيش في الطيب نصيب
عمر خد هنا وركبوا العربيه علشان يروحها
هنا طول الطريق كانت ساكته وكلام ياسمين بيتردد في ودنها
عمر/ مالك ياهنا في حاجه ضايقتك
هنا بصت لعمر وسكتت ومردتش عليه
عمر / انا ضايقتك في حاجه طيب مالك
هنا برضو مردتش علي عمر خالص
عمر وقف العربيه وبص لهنا بإستغراب سيادتك مالك
هنا بصت لعمر بنرفزه/ وانت يهمك في ايه مالي مانت خلاص ال كنت عايزه مني خلص وعملنا المسلسل سوا وانتهي خلاص بقه
عمر بص لهنا ورفع حاجبه/ انتي شايفه كده يعني
هنا بصت لعمر وسكتت وعمر صرب دركسيون العربيه بنرفزه من اسلوب هنا
هنا بصتله بنرفزه وفتخت العربيه ونزلت علشان تمشي عمر نزل وراها بسرعه
عمر/ ممكن حضرتك تفهميني رايخه فيه
هنا/ سيبني في حالي
عمر قرب من هنا ومسك دراعها قبل متمشي
- استني هنا مالك
هنا بصت لعنر بعصبيه/ سيبني ياعمر ملكشششش دعوه بيا لو سمحت سيبني بقه
عمر من غير اي تفكير شد هنا عليه وخدها في حضنه
وهنا عيطت جامد في حضن عمر
عمر بحب/ اهدي ياهنا اهدي خالص انتي معاياا اهدييييي
هنا فضلت تعيط في حضن عمر وعمر حاضنها بكل قوته ومغمض عيونه وبيطبطب عليها بهدووء
فجأه هنا بعدت عن عمر وبصتله وعيونها كلها دموع
- عمر انا مش عايزه اشوفك تاني أنسي انك تعرف
واحده اسمها هنا دي
